O IBRANI 10
10
1O agama Yahudi matita duga-duga ihidöaka o dulada ihohanänere mangale o hali-o hali maoa aha iböböa-böa, deʼ koigoungua o hali-o hali gënanga o dulada madiai. Idadiua o tita gënanga yakunu yahitotomo o nyawa yaino iwihuba-huba ma Jou Madutu de yoao o huhuba ngarokä o taongo higëtongo igila-gila ihihuba o huhuba-o huhuba imakoketero. 2O demo maade hagala o nyawa iwihöhuba-huba ma Jou Madutu duru itiai manga baradoha itebinoka, toönanga manga mamäo yobaradoha aha kowalioka, deʼ o huhuba aha ihihubaokaua. 3Mä manyonyata o huhuba-huhuba ihihöhuba-huba o taongo ihigetongo gënanga duru yakokorona kaihidöaka o hohininga mangale toönanga manga baradoha, 4hababu itiai o hapi maawunu deʼ o kabingi manauru maawunu yakunua yaehe o baradoha.
5 #
Mzm. 40:7-9
Mahababu gënanga maöraha o Kristus wowohama o duniaino, Unanga wotemo ma Jou Madutuika,
”Ngona nomaua o huhuba deʼ o ngongike ihihuba-huba;
i idulu yaino Ngona nasadiaka o röehe mangale Ngohi.
6Ngona anihininga yadäenua mangale o huhuba iharo-harongo
ekola o huhuba mangale o baradoha maapongo.
7De ino ngohi totemo, ’Ngohi nënanga, ya Jou Madutu!
Ngohi toböa la tadiai Animau, hokä ihitulihoka mangale Ahidiri Ma Jou Ai Demo ma Buku magoronaka.’ ”
8Madodihiraka o Kristus wotemo, ”Ngona nömaua o huhuba deʼ o ngongike ihihuba-huba; Ngona nömaua mangale o huhuba o aiwani iharo-harongo hokä o ngongike ihihuba-huba deʼ o huhuba mangale o baradoha maapongo.” O Kristus wotemo hokogënanga, ngarokö hagala o huhuba gënanga ihihuba imoteke o agama Yahudi matita. 9Gënanga de iböto o Kristus wotemo, ”Ngohi nënanga, ya Jou Madutu! Ngohi toböa la tadiai Animau.” Hoʼ ma Jou Madutu waehe hagala o huhuba ihöhira-hira gënanga, deʼ wohitururu de o Kristus aihuhuba. 10O Yesus Kristus wadiaioka okia ma Jou Madutu wömau-mau deʼ wohihubaka Ai diri hokä o huhuba. De o ngongike ihihuba-huba gënanga, idiai duga-duga kamamoi dika de kahiado-adonika, ngone mata-mata itebini nanga baradoha.
11 #
Kel. 29:38
Moi-moi o Yahudioka manga imam ihidagi manga manarama hokä o imam o wange ihigëto-gëtongo deʼ wögogilio ünanga wohihuba o huhuba-huhuba imakoketero. Mä o huhuba-huhuba gënanga duruë yakunua yaehe o baradoha. 12#Mzm. 110:1 Iidulu yaino, o Kristus wohidöaka o huhuba duga-duga o huhuba moi dika, mangale o baradoha maapongo, deʼ o huhuba gënanga idadi ilaku kahiado-adonika. De iböto wohihuba o huhuba gënanga, o Kristus wogogeruku ma Jou Madutu ainirakoka deʼ wopareta dede Una. 13Deʼ oraha nanga o Kristus wotamä hiädono ma Jou Madutu wadiai Ai haturü-haturü imahi döaka Unangika. 14Hoʼ de o huhuba moi, o Kristus wahitotomo hagala o nyawa manga baradoha itebi-tebinoka.
15Yakorona o hali gënanga ma Jou Madutu ai Womaha ihidöakoli mahakihi ngoneino. Ma Jou Madutu ai Womaha itemo,
16 #
Yer. 31:33
” ’Nënanga doka majaji aha Tadiai dede önanga
mawange aha i böböa-böa,’ ma Jou wato,
’Ngohi aha takelenga hagala Ahi tita to önanga manga hininga magoronaka,
deʼ Tatulihi to önanga manga hininga magoronaka.’ ”
17 #
Yer. 31:34
Ma Jou Madutuö wotemo, ”Ngohi aha tawöhanga hagala manga baradoha deʼ hagala toönanga manga dorou.” 18Hoʼ, hagala o baradoha deʼ hagala o dorou gënanga iapongoka, ho iparaluokaua ihihuba o huhuba mangale o baradoha maapongo.
Niaino ngone homahi tigika ma Jou Madutuika
19Aa, Roriadodoto, mangale ma Jou Yesus aihonenge gënanga ngone örahananga hobarani höngohama o Ngï Duru i Tebi-tebini. 20O Yesus wahelengaka o ngëkomo moi mahungi mangale ngone, enagënanga o ngëkomo inahidöa-döaka o wowango. O ngëkomo gënanga hatilakuru o guba, enagënanga o Yesus airöehe mahirete. 21Deʼ ngone örahananga de nanga imam womomulia womatëngo, womahi tago-tagongo mabobaluhu ma Jou Madutu ai tauoka. 22#Im. 8:30; Yeh. 36:25 Hababu gënanga, niaino ngone homahitigika ma Jou Madutuika de nanga hininga madebi-debini deʼ nanga ngongaku ibitu-bitumu; de nanga hininga ihitebinoka de o mamäo ihöhowo-howono deʼ de o röehe ihitebi-tebinoka de o akere madödodono. 23Kokiani ngone homahijojö habitu-bitumu o ngonganonika ngone homomangakuoka, hababu ma Jou Madutu yakunu hïngaku deʼ Unanga aha wohiganapu Ai jaji. 24Deʼ kokiani ngone homateke tailako, hupaya ngone yakunu homahikodöaka o hititila la hädora nanga dodiawo deʼ hodiai hagala o hali maoa-oa. 25Kokiani ngone itatapu homatoomu homa kokomoteke, deʼ uhali hoalipä hokä o nyawa mahomoa. Ngone igoungu kokiani iholoi hosetia homa hikukuata, hababu ngone hohiöriki itedekanokaua ma Jou aha woböa.
26Hababu nako o abari madiai ma Jou Madutuino ihiadonoka ngoneino, mä ngone kagila-gila dika hohangaja o baradoha hodiai, done koiwaka naga o huhuba la yaehe tongone nanga baradoha. 27#Yes. 26:11 Imatötëngo-tëngo nanga naga mangale ngone enagenangala höhimanga ma Jou Madutu aiadili de Ai dohata mauku deʼ aha yatuhuku yamata-mata hagala o nyawa iwilawa-lawani Unanga! 28#Ul. 17:6, 19:15 O nyawa ihingou-ngounua o tita o Musa wohidöa-döaka, yähukumu yähohonenge maapongo koiwa, nako de o hakihi yahinoto ekola yaruange, ünanga inyata igoungu wahowono. 29#Kel. 24:8 Hokokia iholoi madubuho mahukumanga yägogelenga o nyawauku iwidö doko-doko ma Jou Madutu ai Ngohaka. O nyawa gënanga yapulono okiauayadäene ma Jou Madutu aijaji maawunu, enagënanga o Kristus ai honenge yatö tebi-tebini manga baradoha. Unanga wohikauku o Womaha ihidödöa-döaka o hayanga de o dora. 30#Ul. 32:35, 36 Ngone hohi öriki o naguna geünanga wotö temo-temo, ”Ngohi aha tabalahi! Ngohi aha tähukumu!” deʼ yotötemo-temo, ”Ma Jou aha wahihakimi Ai umati.” 31Hokokia duru maborohono nako hotifa ma Jou Madutu Wo Wango-wango aigiamika!
32Niohohininga sarakia ngini naga Roriadodoto maöraha ipöpaha-paha. Orahagënanga, ipaha de ma Jou Madutu ailetongo inidararono, ngini kania ngöe niatagongo o huha de o hangihara; mä ngini itatapu niparangi niakaigoungu. 33Naga mamoiani inihikauku deʼ inihidapara itorou o kawaha manga himangoka. Nagali mamoiani ngini niatagongo o huha de o hangihara dede önanga yahidapara hoko gënanga, 34deʼ nginiö niamäo mahuha de o nyawa yäböbui-bui. Deʼ maöraha mata-mata niakiahonanga tingini yaora, ngini niatarima gënanga de niahininga isosanangi, hababu ngini nianako kanagahi niakianaga moi iholoi yaoa, aha itongohono kahiado-adonika. 35Mangale karana gënanga, uha niangonganono itoaka, hababu nako ngini itatapu ningaku, done naga niahewa iholoi ilamoko o hidoku gënanga! 36Ngini iparalu nisabari, hupaya ngini yakunu niadiai ma Jou Madutu aimau deʼ dehokogënanga niatarima okia inihijöjäjajioka. 37#Hab. 2:3-4 Hababu Ma Jou Ai Demo ma Buku magoronaka itulihi,
”Duga-duga mahutuohi dika,
done Unanga woböböa-böa gënanga, aha itaiti woböa;
Unanga aha watuda-tudaokaua Ai böa.
38Deʼ Ahi umati yototiai aha yongaku deʼ yowango;
mä nako naga to önanga manga higoronaka imadohuku,
done Ngohi tosanangiua onangika.”
39Ngone nënanga koigoungua o umati hodohu-dohuku de hohïhihanga. Iidulu yaino, ngone ganga o umati hongaku-ngaku ma Jou Madutuika deʼ inahi hohalamati.
Currently Selected:
O IBRANI 10: TLB
Highlight
Copy
Compare
Share
Want to have your highlights saved across all your devices? Sign up or sign in
O IBRANI 10
10
1O agama Yahudi matita duga-duga ihidöaka o dulada ihohanänere mangale o hali-o hali maoa aha iböböa-böa, deʼ koigoungua o hali-o hali gënanga o dulada madiai. Idadiua o tita gënanga yakunu yahitotomo o nyawa yaino iwihuba-huba ma Jou Madutu de yoao o huhuba ngarokä o taongo higëtongo igila-gila ihihuba o huhuba-o huhuba imakoketero. 2O demo maade hagala o nyawa iwihöhuba-huba ma Jou Madutu duru itiai manga baradoha itebinoka, toönanga manga mamäo yobaradoha aha kowalioka, deʼ o huhuba aha ihihubaokaua. 3Mä manyonyata o huhuba-huhuba ihihöhuba-huba o taongo ihigetongo gënanga duru yakokorona kaihidöaka o hohininga mangale toönanga manga baradoha, 4hababu itiai o hapi maawunu deʼ o kabingi manauru maawunu yakunua yaehe o baradoha.
5 #
Mzm. 40:7-9
Mahababu gënanga maöraha o Kristus wowohama o duniaino, Unanga wotemo ma Jou Madutuika,
”Ngona nomaua o huhuba deʼ o ngongike ihihuba-huba;
i idulu yaino Ngona nasadiaka o röehe mangale Ngohi.
6Ngona anihininga yadäenua mangale o huhuba iharo-harongo
ekola o huhuba mangale o baradoha maapongo.
7De ino ngohi totemo, ’Ngohi nënanga, ya Jou Madutu!
Ngohi toböa la tadiai Animau, hokä ihitulihoka mangale Ahidiri Ma Jou Ai Demo ma Buku magoronaka.’ ”
8Madodihiraka o Kristus wotemo, ”Ngona nömaua o huhuba deʼ o ngongike ihihuba-huba; Ngona nömaua mangale o huhuba o aiwani iharo-harongo hokä o ngongike ihihuba-huba deʼ o huhuba mangale o baradoha maapongo.” O Kristus wotemo hokogënanga, ngarokö hagala o huhuba gënanga ihihuba imoteke o agama Yahudi matita. 9Gënanga de iböto o Kristus wotemo, ”Ngohi nënanga, ya Jou Madutu! Ngohi toböa la tadiai Animau.” Hoʼ ma Jou Madutu waehe hagala o huhuba ihöhira-hira gënanga, deʼ wohitururu de o Kristus aihuhuba. 10O Yesus Kristus wadiaioka okia ma Jou Madutu wömau-mau deʼ wohihubaka Ai diri hokä o huhuba. De o ngongike ihihuba-huba gënanga, idiai duga-duga kamamoi dika de kahiado-adonika, ngone mata-mata itebini nanga baradoha.
11 #
Kel. 29:38
Moi-moi o Yahudioka manga imam ihidagi manga manarama hokä o imam o wange ihigëto-gëtongo deʼ wögogilio ünanga wohihuba o huhuba-huhuba imakoketero. Mä o huhuba-huhuba gënanga duruë yakunua yaehe o baradoha. 12#Mzm. 110:1 Iidulu yaino, o Kristus wohidöaka o huhuba duga-duga o huhuba moi dika, mangale o baradoha maapongo, deʼ o huhuba gënanga idadi ilaku kahiado-adonika. De iböto wohihuba o huhuba gënanga, o Kristus wogogeruku ma Jou Madutu ainirakoka deʼ wopareta dede Una. 13Deʼ oraha nanga o Kristus wotamä hiädono ma Jou Madutu wadiai Ai haturü-haturü imahi döaka Unangika. 14Hoʼ de o huhuba moi, o Kristus wahitotomo hagala o nyawa manga baradoha itebi-tebinoka.
15Yakorona o hali gënanga ma Jou Madutu ai Womaha ihidöakoli mahakihi ngoneino. Ma Jou Madutu ai Womaha itemo,
16 #
Yer. 31:33
” ’Nënanga doka majaji aha Tadiai dede önanga
mawange aha i böböa-böa,’ ma Jou wato,
’Ngohi aha takelenga hagala Ahi tita to önanga manga hininga magoronaka,
deʼ Tatulihi to önanga manga hininga magoronaka.’ ”
17 #
Yer. 31:34
Ma Jou Madutuö wotemo, ”Ngohi aha tawöhanga hagala manga baradoha deʼ hagala toönanga manga dorou.” 18Hoʼ, hagala o baradoha deʼ hagala o dorou gënanga iapongoka, ho iparaluokaua ihihuba o huhuba mangale o baradoha maapongo.
Niaino ngone homahi tigika ma Jou Madutuika
19Aa, Roriadodoto, mangale ma Jou Yesus aihonenge gënanga ngone örahananga hobarani höngohama o Ngï Duru i Tebi-tebini. 20O Yesus wahelengaka o ngëkomo moi mahungi mangale ngone, enagënanga o ngëkomo inahidöa-döaka o wowango. O ngëkomo gënanga hatilakuru o guba, enagënanga o Yesus airöehe mahirete. 21Deʼ ngone örahananga de nanga imam womomulia womatëngo, womahi tago-tagongo mabobaluhu ma Jou Madutu ai tauoka. 22#Im. 8:30; Yeh. 36:25 Hababu gënanga, niaino ngone homahitigika ma Jou Madutuika de nanga hininga madebi-debini deʼ nanga ngongaku ibitu-bitumu; de nanga hininga ihitebinoka de o mamäo ihöhowo-howono deʼ de o röehe ihitebi-tebinoka de o akere madödodono. 23Kokiani ngone homahijojö habitu-bitumu o ngonganonika ngone homomangakuoka, hababu ma Jou Madutu yakunu hïngaku deʼ Unanga aha wohiganapu Ai jaji. 24Deʼ kokiani ngone homateke tailako, hupaya ngone yakunu homahikodöaka o hititila la hädora nanga dodiawo deʼ hodiai hagala o hali maoa-oa. 25Kokiani ngone itatapu homatoomu homa kokomoteke, deʼ uhali hoalipä hokä o nyawa mahomoa. Ngone igoungu kokiani iholoi hosetia homa hikukuata, hababu ngone hohiöriki itedekanokaua ma Jou aha woböa.
26Hababu nako o abari madiai ma Jou Madutuino ihiadonoka ngoneino, mä ngone kagila-gila dika hohangaja o baradoha hodiai, done koiwaka naga o huhuba la yaehe tongone nanga baradoha. 27#Yes. 26:11 Imatötëngo-tëngo nanga naga mangale ngone enagenangala höhimanga ma Jou Madutu aiadili de Ai dohata mauku deʼ aha yatuhuku yamata-mata hagala o nyawa iwilawa-lawani Unanga! 28#Ul. 17:6, 19:15 O nyawa ihingou-ngounua o tita o Musa wohidöa-döaka, yähukumu yähohonenge maapongo koiwa, nako de o hakihi yahinoto ekola yaruange, ünanga inyata igoungu wahowono. 29#Kel. 24:8 Hokokia iholoi madubuho mahukumanga yägogelenga o nyawauku iwidö doko-doko ma Jou Madutu ai Ngohaka. O nyawa gënanga yapulono okiauayadäene ma Jou Madutu aijaji maawunu, enagënanga o Kristus ai honenge yatö tebi-tebini manga baradoha. Unanga wohikauku o Womaha ihidödöa-döaka o hayanga de o dora. 30#Ul. 32:35, 36 Ngone hohi öriki o naguna geünanga wotö temo-temo, ”Ngohi aha tabalahi! Ngohi aha tähukumu!” deʼ yotötemo-temo, ”Ma Jou aha wahihakimi Ai umati.” 31Hokokia duru maborohono nako hotifa ma Jou Madutu Wo Wango-wango aigiamika!
32Niohohininga sarakia ngini naga Roriadodoto maöraha ipöpaha-paha. Orahagënanga, ipaha de ma Jou Madutu ailetongo inidararono, ngini kania ngöe niatagongo o huha de o hangihara; mä ngini itatapu niparangi niakaigoungu. 33Naga mamoiani inihikauku deʼ inihidapara itorou o kawaha manga himangoka. Nagali mamoiani ngini niatagongo o huha de o hangihara dede önanga yahidapara hoko gënanga, 34deʼ nginiö niamäo mahuha de o nyawa yäböbui-bui. Deʼ maöraha mata-mata niakiahonanga tingini yaora, ngini niatarima gënanga de niahininga isosanangi, hababu ngini nianako kanagahi niakianaga moi iholoi yaoa, aha itongohono kahiado-adonika. 35Mangale karana gënanga, uha niangonganono itoaka, hababu nako ngini itatapu ningaku, done naga niahewa iholoi ilamoko o hidoku gënanga! 36Ngini iparalu nisabari, hupaya ngini yakunu niadiai ma Jou Madutu aimau deʼ dehokogënanga niatarima okia inihijöjäjajioka. 37#Hab. 2:3-4 Hababu Ma Jou Ai Demo ma Buku magoronaka itulihi,
”Duga-duga mahutuohi dika,
done Unanga woböböa-böa gënanga, aha itaiti woböa;
Unanga aha watuda-tudaokaua Ai böa.
38Deʼ Ahi umati yototiai aha yongaku deʼ yowango;
mä nako naga to önanga manga higoronaka imadohuku,
done Ngohi tosanangiua onangika.”
39Ngone nënanga koigoungua o umati hodohu-dohuku de hohïhihanga. Iidulu yaino, ngone ganga o umati hongaku-ngaku ma Jou Madutuika deʼ inahi hohalamati.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in