O YEHEZKIEL 7
7
O Israeloka manga binaha itigioka
1Ma Jou wohitemo ngohino, 2”Hei o nyawa nokokakaliua, Ngohi, o Jou Duru toko Kurutil̄e, tomau tahetongo nënanga o Israel manga tonakika: Nenanga majarita mabobaha o berera nënanga ingodumu!”
3Ma Jou wotemo, ”Hei Israel, öraha nënanga iboaoka ani hibobaha. Ngona aha namao Ahi muruka. Ngona Toni juru hakimi imamoteke de ani manarama itotorou. 4Ngohi aha tonïdoraua ekola tonihidöaka o apongo ngonaika. Ngohi aha toni hukumu ngona imamoteke de hagala ani dorou nadodiaioka. Done ngona nohiöriki Ngohi ma Jou.”
5Nenanga wotö temo-temooka ma Jou Duru woko Kurutil̄e o Israel manyawaika, ”Obodito tagali o bodito aha inïtapal̄u ngini. 6Oraha nënanga hagala moi-moi ipahaka. Nenanga ani hibobaha. Koiwakali o nganono ngonaika. 7Hagala moi-moi ipahaka ngonaika, hei o hoana deo berera nigogogere o tonakoka nënanga. Oraha nënanga koiwakaoli hagala o rameanga hagala o huhuba mangï de mal̄oku-l̄okuoka, nanaga duga-duga kai ruaeuku dika.
8Itedekanokauaoli ngini aha niamao Ahi muruka niomodo-modongo. Ngini Tini juru hakimi imamoteke de niamanarama. Aha Tabalahi nginika hagala nia manarama itotorou. 9Ngohi aha tinï doraua ekola tinihidöaka o apongo nginika. Ngohi aha tinï hukumu ngini imamoteke de hagala niadorou ngini nia dödodiaioka. Done ngini nihiöriki Ngohi o Jou deʼ Ngohi tinï huku-hukumu ngini.”
10O bodito mawange mangale o Israeloka manyawa iboaka. Imateke dobuturungu kaitaurika. O edenge yadono matubuil̄e. 11O hayanga koiwa mahasili iholoi iwöe o dorou. Mata-mata toönanga manga kaya, manga mulia deʼ manga utumu aha imata koiwa mario.
12Maöraha de majapati iboa, mawange itigioka! Yoija-ija deʼ yohuku-hukunu okia-kiaua yamake o utumu, hababu ma Jou Madutu ai hukumanga aha yatapal̄u mata-mata o nyawa. 13Koiwa womahuku-hukunu aha wakunu wakiliooli okia wahuku-hukunoka, hababu ma Jou Madutu Ai muruka yatapal̄u o nagona dika. O nyawa madorou aha yohalamatua. 14O trompet mailingi deʼ mata-mata o nyawa kaimahidodiai. Mä moiuaö imagoraka o parangi mangï ika, hababu ma Jou Madutu ai muruka yatapal̄u o nyawa mata-mata.
O hukumanga karana o Israeloka manga baradoha
15O kota mangeko-ngekomo naga o parangi, o tau-tauoka naga o panyake o bobaku deʼ o habirokata. O nagona dika naga o kota maporetoka aha yohonenge o parangi magoronaka, deʼ yogögogere o kotaoka aha idadi o panyake deʼ o habirokata ihihonenge. 16O hidoku moi aha yo otana deʼ ihi oara manga diri o l̄oku mabuturungika. Genangokadau önanga aha hokä o namodara o wai-waioka de yaduhu; mata-mata aha yotaiana karana toönanga manga baradoha. 17O nyawa moi-moi aha idadi yabole manga giama deʼ manga buku ihahara. 18Onanga aha imahinoa o pakeanga o karongo deʼ manga röehe ingodumu aha ihahara. Toönanga manga häeke aha yapalala deʼ önanga yahimal̄eke. 19O gurasi deʼ o haaka aha önanga yaumo o ngekomoka hokä o wal̄e, hababu ma Jou Ai wangeoka Ai gangamo iharabaka, o gurasi deʼ o haaka gënanga yakunua yahihalamati önanga, makoaholi yodiodakoka önanga o baradoha magoronauku. Onanga yakunua ihipake mangale ihiaiki manga nahihu ekola ihidol̄a toönanga manga mamata. 20Mahira önanga manga hininga ilamoko toönanga manga intan de manga folori mahohailoaika, mä karana önanga yapake mangale yadiai hagala o gomanga haö emo-emono, ma Jou wadiai toönanga manga arata gënanga okianaga moi höboborohono.
21Ma Jou watemo o Israel manyawaika, ”Ngohi aha tämal̄aika hagala o nyawa maporetino inï ora ngini. Hagala o nyawa madorou aha inï ora nia arata deʼ yapeseke. 22Ngohi aha torigaoua nako Ahi Tau yakilianga deʼ yapeseke mangale yaö ora-ora.
23O berera yamode-modekika idadi iruaeuku; kiaoka honanga naga o doma dema hayanga koiwa. 24O hoana deo berera ma ago-agomo duru yohohatera aha Ta dotao mangale yögogere hagala nia tau. Nia nyawa yobobarani duru yopoputurungu aha yohahara nako o hoana deo berera ma ago-agomo gënanga Tamal̄aika yawedere hagala nia puji mangï. 25Onanga yatapal̄u o hininga mahuha deʼ manga nganono itoaka, daha yolingiri o dame, mä yamakeua. 26O bodito deʼ o abari madorou aha iboa itoa-toakua. Ngini aha nigahoko hupaya o nabi-nabi yomau ihi ngahu idadadiuahi, mä önanga yakunua. O imam-imamö manga kia-kiaua mangale yahidotoko o umatika, deʼ hagala o tutuda imataka manga nasihati. 27Ma koano aha wododora, makoano aingohaka o nauru aha wi tagali ai ama ai nganono itöaka deʼ o kawaha aha yohawana yohaharoka. Ngohi aha tinï hukumu ngini imamoteke de hagala nia manarama deʼ tinïjuru hakimi ngini hokä ngini nia juru hakimi o nyawa mahomoa. Done nihiöriki ngini Ngohila ma Jou.”
Currently Selected:
O YEHEZKIEL 7: TLB
Highlight
Copy
Compare
Share
Want to have your highlights saved across all your devices? Sign up or sign in
O YEHEZKIEL 7
7
O Israeloka manga binaha itigioka
1Ma Jou wohitemo ngohino, 2”Hei o nyawa nokokakaliua, Ngohi, o Jou Duru toko Kurutil̄e, tomau tahetongo nënanga o Israel manga tonakika: Nenanga majarita mabobaha o berera nënanga ingodumu!”
3Ma Jou wotemo, ”Hei Israel, öraha nënanga iboaoka ani hibobaha. Ngona aha namao Ahi muruka. Ngona Toni juru hakimi imamoteke de ani manarama itotorou. 4Ngohi aha tonïdoraua ekola tonihidöaka o apongo ngonaika. Ngohi aha toni hukumu ngona imamoteke de hagala ani dorou nadodiaioka. Done ngona nohiöriki Ngohi ma Jou.”
5Nenanga wotö temo-temooka ma Jou Duru woko Kurutil̄e o Israel manyawaika, ”Obodito tagali o bodito aha inïtapal̄u ngini. 6Oraha nënanga hagala moi-moi ipahaka. Nenanga ani hibobaha. Koiwakali o nganono ngonaika. 7Hagala moi-moi ipahaka ngonaika, hei o hoana deo berera nigogogere o tonakoka nënanga. Oraha nënanga koiwakaoli hagala o rameanga hagala o huhuba mangï de mal̄oku-l̄okuoka, nanaga duga-duga kai ruaeuku dika.
8Itedekanokauaoli ngini aha niamao Ahi muruka niomodo-modongo. Ngini Tini juru hakimi imamoteke de niamanarama. Aha Tabalahi nginika hagala nia manarama itotorou. 9Ngohi aha tinï doraua ekola tinihidöaka o apongo nginika. Ngohi aha tinï hukumu ngini imamoteke de hagala niadorou ngini nia dödodiaioka. Done ngini nihiöriki Ngohi o Jou deʼ Ngohi tinï huku-hukumu ngini.”
10O bodito mawange mangale o Israeloka manyawa iboaka. Imateke dobuturungu kaitaurika. O edenge yadono matubuil̄e. 11O hayanga koiwa mahasili iholoi iwöe o dorou. Mata-mata toönanga manga kaya, manga mulia deʼ manga utumu aha imata koiwa mario.
12Maöraha de majapati iboa, mawange itigioka! Yoija-ija deʼ yohuku-hukunu okia-kiaua yamake o utumu, hababu ma Jou Madutu ai hukumanga aha yatapal̄u mata-mata o nyawa. 13Koiwa womahuku-hukunu aha wakunu wakiliooli okia wahuku-hukunoka, hababu ma Jou Madutu Ai muruka yatapal̄u o nagona dika. O nyawa madorou aha yohalamatua. 14O trompet mailingi deʼ mata-mata o nyawa kaimahidodiai. Mä moiuaö imagoraka o parangi mangï ika, hababu ma Jou Madutu ai muruka yatapal̄u o nyawa mata-mata.
O hukumanga karana o Israeloka manga baradoha
15O kota mangeko-ngekomo naga o parangi, o tau-tauoka naga o panyake o bobaku deʼ o habirokata. O nagona dika naga o kota maporetoka aha yohonenge o parangi magoronaka, deʼ yogögogere o kotaoka aha idadi o panyake deʼ o habirokata ihihonenge. 16O hidoku moi aha yo otana deʼ ihi oara manga diri o l̄oku mabuturungika. Genangokadau önanga aha hokä o namodara o wai-waioka de yaduhu; mata-mata aha yotaiana karana toönanga manga baradoha. 17O nyawa moi-moi aha idadi yabole manga giama deʼ manga buku ihahara. 18Onanga aha imahinoa o pakeanga o karongo deʼ manga röehe ingodumu aha ihahara. Toönanga manga häeke aha yapalala deʼ önanga yahimal̄eke. 19O gurasi deʼ o haaka aha önanga yaumo o ngekomoka hokä o wal̄e, hababu ma Jou Ai wangeoka Ai gangamo iharabaka, o gurasi deʼ o haaka gënanga yakunua yahihalamati önanga, makoaholi yodiodakoka önanga o baradoha magoronauku. Onanga yakunua ihipake mangale ihiaiki manga nahihu ekola ihidol̄a toönanga manga mamata. 20Mahira önanga manga hininga ilamoko toönanga manga intan de manga folori mahohailoaika, mä karana önanga yapake mangale yadiai hagala o gomanga haö emo-emono, ma Jou wadiai toönanga manga arata gënanga okianaga moi höboborohono.
21Ma Jou watemo o Israel manyawaika, ”Ngohi aha tämal̄aika hagala o nyawa maporetino inï ora ngini. Hagala o nyawa madorou aha inï ora nia arata deʼ yapeseke. 22Ngohi aha torigaoua nako Ahi Tau yakilianga deʼ yapeseke mangale yaö ora-ora.
23O berera yamode-modekika idadi iruaeuku; kiaoka honanga naga o doma dema hayanga koiwa. 24O hoana deo berera ma ago-agomo duru yohohatera aha Ta dotao mangale yögogere hagala nia tau. Nia nyawa yobobarani duru yopoputurungu aha yohahara nako o hoana deo berera ma ago-agomo gënanga Tamal̄aika yawedere hagala nia puji mangï. 25Onanga yatapal̄u o hininga mahuha deʼ manga nganono itoaka, daha yolingiri o dame, mä yamakeua. 26O bodito deʼ o abari madorou aha iboa itoa-toakua. Ngini aha nigahoko hupaya o nabi-nabi yomau ihi ngahu idadadiuahi, mä önanga yakunua. O imam-imamö manga kia-kiaua mangale yahidotoko o umatika, deʼ hagala o tutuda imataka manga nasihati. 27Ma koano aha wododora, makoano aingohaka o nauru aha wi tagali ai ama ai nganono itöaka deʼ o kawaha aha yohawana yohaharoka. Ngohi aha tinï hukumu ngini imamoteke de hagala nia manarama deʼ tinïjuru hakimi ngini hokä ngini nia juru hakimi o nyawa mahomoa. Done nihiöriki ngini Ngohila ma Jou.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in