O YEHEZKIEL 4
4
O Yehezkiel waturu o Yerusalem ihi giloliti
1Ma Jou Madutu wotemo, ”Hei o nyawa nokokakaliua, nal̄e moi o tela, nakelengauku ani himangoka deʼ nariri mal̄okuoka o Yerusalem makota madulada. 2Daha natulada moi o higiloliti o kotaika gënanga, de hagala o baiti hagala o tonaka madoporono, o tau-tau deʼ o pakakaha-pakakaha ihikokilianga makota o mehele magilolitino. 3Na l̄e o panci o behi deʼ napulono gënanga moi o bebeno o behi; nakelengauku o panci gënanga ngona deʼ o Yerusalem makota nia hidogoronaka. Ipaha nohimangika o kotaika gënanga matero-tero ngona nohigilolitino. Genanga aha idadi manonako mangale o Israel manyawa.
4-5Daha nomarubaiha nomakumuruku o higilika, deʼ Ngohi aha tonihitapal̄u o Israeloka manga howono ngonauku. O wange o ratuhu hange de morihiwo madekana ngona aha nomaluluiha hoko gënanga deʼ natagongo o hangihara karana toönanga manga howono. O wange moi ngona nomaluluiha hoko gënanga ihi nonako o taongo moi o Israeloka manyawa manga hukumanga. 6Iboto gënanga, nomarubaiha nomakumuruku o nirakika deʼ namao o hukumanga mangale o Yehuda manga howono o wange moruata madekana, o wange moi ihi nonako o taongo moi toönanga manga hukumanga.
7Napulono o Yerusalem ihi gogiloliti. Nohi metaika ani bokoto o kotaika gënanga deʼ nohiadono Ahi behehongo mangale o hukumanga onangika. 8Ngona aha Toniliko hiädono nakunua na idulu ani röehe o higiloka o nirakika ekola o nirakoka o higilika hiädono ihi giloliti gënanga ipaha.
9O öraha nënanga, nal̄e o gandum, o tanuma madoka-dokara, o tanuma opoho, omui-mui deʼ o gandum maaluhu. Nohikaganu gënanga mata-mata deʼ nadiai o roti. Genanga ani inomo o wange o ratuhu hange de morihiwoino madekana ngona nomarubaiha nomakumuruku o higilika gënanga. 10O roti gënanga kiani naregu hoko gënanga marupa hiädono owange higetongo ngona na ol̄omo duga-duga o garam o ratuhu hinoto de moruange. Iholoi de gënanga yakunua. 11O akere naoke-okere yakunua iholoi, enagënanga o wange moi o belu-belu hinoto. 12Notofo o uku de o nyawa manga ioko hokä magota ihi haro-harongo. Nal̄ofo ani roti o uku gënanga mal̄okuoka deʼ naol̄omo o roti gënanga o nyawa mata-mata manga himangoka.”
13Ma Jou wotemo, ”Hoko gënanga madodagi o Israeloka manyawa aha yaol̄omo o inomo o Musa ai tita yalara-laranga, maöraha önanga Taumo hagala o berera mahomoaika.”
14Mä ngohi tohaluhu, ”Adede Jou Duru noko Kurutil̄e! Mulaenge ahi etetekohi hiädono öraha nënanga, komaiwahi ngohi tapeseke ahi diri de o inomo o aiwani mahonenge ekola o aiwani ihohatera magoli mahou. Komaiwahi ngohi taol̄omo o inomo yapulono iharamu.”
15Done ma Jou Madutu wotemo, ”Kayaoa, hokä madagali o nyawa manga ioko, ngona yakunu napake o hapi maioko mangale nohiharongo ani roti.”
16Ipaha Unanga wotemoli, ”Hei o nyawa nokokakaliua, Ngohi aha tabinaha o inomo isosadia o Yerusalemoka. De yohawana deʼ yohawatere hagala o nyawa aha iholoiua oinomo önanga yaol̄omo deʼ o akere önanga yaokere. 17Onanga aha manga nganono itoaka karana imataka o roti deʼ o akere, deʼ mabaha önanga yohonenge karana toönanga manga baradoha.”
Currently Selected:
O YEHEZKIEL 4: TLB
Highlight
Copy
Compare
Share
Want to have your highlights saved across all your devices? Sign up or sign in
O YEHEZKIEL 4
4
O Yehezkiel waturu o Yerusalem ihi giloliti
1Ma Jou Madutu wotemo, ”Hei o nyawa nokokakaliua, nal̄e moi o tela, nakelengauku ani himangoka deʼ nariri mal̄okuoka o Yerusalem makota madulada. 2Daha natulada moi o higiloliti o kotaika gënanga, de hagala o baiti hagala o tonaka madoporono, o tau-tau deʼ o pakakaha-pakakaha ihikokilianga makota o mehele magilolitino. 3Na l̄e o panci o behi deʼ napulono gënanga moi o bebeno o behi; nakelengauku o panci gënanga ngona deʼ o Yerusalem makota nia hidogoronaka. Ipaha nohimangika o kotaika gënanga matero-tero ngona nohigilolitino. Genanga aha idadi manonako mangale o Israel manyawa.
4-5Daha nomarubaiha nomakumuruku o higilika, deʼ Ngohi aha tonihitapal̄u o Israeloka manga howono ngonauku. O wange o ratuhu hange de morihiwo madekana ngona aha nomaluluiha hoko gënanga deʼ natagongo o hangihara karana toönanga manga howono. O wange moi ngona nomaluluiha hoko gënanga ihi nonako o taongo moi o Israeloka manyawa manga hukumanga. 6Iboto gënanga, nomarubaiha nomakumuruku o nirakika deʼ namao o hukumanga mangale o Yehuda manga howono o wange moruata madekana, o wange moi ihi nonako o taongo moi toönanga manga hukumanga.
7Napulono o Yerusalem ihi gogiloliti. Nohi metaika ani bokoto o kotaika gënanga deʼ nohiadono Ahi behehongo mangale o hukumanga onangika. 8Ngona aha Toniliko hiädono nakunua na idulu ani röehe o higiloka o nirakika ekola o nirakoka o higilika hiädono ihi giloliti gënanga ipaha.
9O öraha nënanga, nal̄e o gandum, o tanuma madoka-dokara, o tanuma opoho, omui-mui deʼ o gandum maaluhu. Nohikaganu gënanga mata-mata deʼ nadiai o roti. Genanga ani inomo o wange o ratuhu hange de morihiwoino madekana ngona nomarubaiha nomakumuruku o higilika gënanga. 10O roti gënanga kiani naregu hoko gënanga marupa hiädono owange higetongo ngona na ol̄omo duga-duga o garam o ratuhu hinoto de moruange. Iholoi de gënanga yakunua. 11O akere naoke-okere yakunua iholoi, enagënanga o wange moi o belu-belu hinoto. 12Notofo o uku de o nyawa manga ioko hokä magota ihi haro-harongo. Nal̄ofo ani roti o uku gënanga mal̄okuoka deʼ naol̄omo o roti gënanga o nyawa mata-mata manga himangoka.”
13Ma Jou wotemo, ”Hoko gënanga madodagi o Israeloka manyawa aha yaol̄omo o inomo o Musa ai tita yalara-laranga, maöraha önanga Taumo hagala o berera mahomoaika.”
14Mä ngohi tohaluhu, ”Adede Jou Duru noko Kurutil̄e! Mulaenge ahi etetekohi hiädono öraha nënanga, komaiwahi ngohi tapeseke ahi diri de o inomo o aiwani mahonenge ekola o aiwani ihohatera magoli mahou. Komaiwahi ngohi taol̄omo o inomo yapulono iharamu.”
15Done ma Jou Madutu wotemo, ”Kayaoa, hokä madagali o nyawa manga ioko, ngona yakunu napake o hapi maioko mangale nohiharongo ani roti.”
16Ipaha Unanga wotemoli, ”Hei o nyawa nokokakaliua, Ngohi aha tabinaha o inomo isosadia o Yerusalemoka. De yohawana deʼ yohawatere hagala o nyawa aha iholoiua oinomo önanga yaol̄omo deʼ o akere önanga yaokere. 17Onanga aha manga nganono itoaka karana imataka o roti deʼ o akere, deʼ mabaha önanga yohonenge karana toönanga manga baradoha.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in