O DANIEL 9
9
O Daniel womä niata mangale aihoana de aiberera
1-2 #
Yer. 25:11, 29:10 O taongo madodihiraka aipopareta o Darius o Media manyawa, o Ahasyweros aingohaka o nauru o Babel ma poparetaka, ngohi o Daniel, tabasa-basa o agama mabuku-buku. Ngohi tatötakihiri imoteke ma Jou Ai demo ma Nabi Yeremiaika, o Yerusalem makota aha kahirahi i rubaiha o taongo mori tumidino madekana. 3Daha ngohi tomäniata tagou-goungu ma Jou o Jou Madutuika, deʼ togahoko aidora de aihayangi. Ngohi topuaha deʼ tapake o ngoere o karongo inoli togogeruku o kafo mal̄okuoka. 4Hagala manga hoana de ahiberera mabaradoha tomangaku ma Jou ahi Jou Madutuika.
Totemo, ”Jou ma Jou Madutu, Ngona nolamoko, deʼ ngomi minihoromati Ngona. Ngona salalu naganapu Ani jaji deʼ nohidumutu Ani dora ikokakali onangika inï dora-dora Ngona deʼ yadodiai okianaga Ngona nahipopareta.
5Ngomi mibaradohaka, ngomi midiaioka o dorou, deʼ mia manarama o howono. Ngomi mima lawanoka deʼ miatilakuru Ani pareta inoli miorehene hagala Ani aturu-aturu. 6Ngomi mia higihenua o nabi-nabi, Ani gogilaongo gënanga yotemo-temoka de tongona Ani romanga miakokoanoika, ngomi mia tutuda-tutudaika, miaete de miatohora deʼ mia hoana de miabereraika. 7Ya Jou, okianaga Na diai salalu itiai deʼ iadili, mä ngomi salalu miodotagao o mal̄eke tongomi miadiriika, enagënanga ngomi mata-mata migögorere o Yudea matonakoka deʼ o Yerusalem mabereraka deʼ mata-mata o nyawa mimakohoana deo berera moi dede ngomi Na hikokabarihoka o berera ikö kurutika deʼ i tigi-tigi ma karana önanga yosatiaua Ngonaika. 8Tongomi mia kokoano, miatutuda-tutuda deʼ tongomi miaete de miatohora yadiaioka o hali-o hali demamal̄e-mal̄ekoka deʼ yobaradohaka Ngonaika, ya Jou. 9Ngona iniomanga o apongo deʼ o dora deo hayangi, ngarokö ngomi minilawanoka Ngona. 10Ngomi mihigihenua Ani ilingi, ya Jou tongomi mia Jou Madutu, maöraha nomïhuloko ngomi miwango imoteke Ani tita nomi hidoa-doakoka ngomiino i tilakuru o nabi-nabi, Ani gogilaongo gënanga. 11O Israeloka yongodumu yatilakuroka hagala Ani hukumu-hukumu deʼ yoluku ihigihene Ani ilingi. Ngomi mibaradohaka Ngonaika, deʼ hababu gënanga Nomi hitapal̄u ngomiuku o lolai yatö tuli-tulihoka, o Musa ai Buku magoronaka Ani gilaongo. 12Ngona okianaga Nadiai duru iyakorona hokä Nojäjajioka ngomino deʼ imï kokuahaika. O Yerusalem Nahukumoka iholoi itubuho deo kota okiadika o duniaka nënanga. 13Hagala o huha deo bodito yotötuli-tulihoka o Musa ai tita magoronaka Nomi hitapal̄uoka ngomiuku. Mä ngaroka hokogënanga, ya Jou tongomi mia Jou Madutu, ngomi kami olukohi dika mangale Anihininga miasanangi. Ngomi kahirahi mioluku miamal̄a hagala tongomi miabaradoha deʼ miolukoli miöhohininga hagala Anidodotoko. 14Ngona ya Jou tongomi mia Jou Madutu, nomï hukumoka ngomi deo bodito Na sosadiaka; Ani jojobo Nadodiai salalu yakokorona deʼ i adili, mä ngomi mihigihenua Ani ilingi.
15Ya Jou, tongomi mia Jou Madutu, Ngona nohidumutoka Anikuaha näao Aniumati o Mesir matonakoka deyohupu, deʼ Ani kuaha gënanga kahirahiohi miöhininga. Ngomi mibaradohaka deʼ midiai o howono. 16Ngona nomidemoka ngomi o oraha mahira, hababu gënanga uha nongamoli o Yerusalemika, Ani kota mahirete, Anidoporono itebi-tebini. Mangale karana tongomi miabaradoha deʼ tongomi miaete de miatohora mangadorou, done mata-mata o nyawa tongomi miahigilolitino yapulo-pulono itipokouku o Yerusalem deʼ Ani umatika, okiaua yädaene. 17Ya tongomi mia Jou Madutu noihene ahininiata deʼ ahi gogahoko. Nohigilio hokä ihira-hiraoli Ani tau yakokiliangoka gënanga, nohidiaioli hupaya mata-mata o nyawa ihioriki Ngona ma Jou Madutu. 18Nomi higihe-gihene ngomi ya Jou Madutu, nomïpulono ngomi deʼ natailako tongomi de miahangihara, inoli i kilianga o kota yaheto-hetongo de Ani romanga. Ngomi mimäniata Ngonaika koigoungua karana tongomiua miaoa-oa, duga-duga karana Ngona iniomanga o dora deo hayangi. 19Jou, nomi higihe-gihene ngomi, nomïapongo ngomi, nomï tailako ngomi deʼ itiai okianaga nadiai! Uha nomatotedekana, hupaya mata-mata o nyawa ihioriki Ngona ma Jou Madutu. Hababu o Yerusalem deʼ Ani umati nagala kato Ngona ma deʼ madiai.”
O Gabriel wohitararono ihingahu-ngahu aha idödadadi gënanga
20Ngohi toma togu-togumua tomäniata deʼ tomangaku ahi baradoha deʼ ahihoama de ahiberera o Israel manga baradoha, inoli togahoko ma Jou ahi Jou Madutuika la wadiai hoihira-hiraoli Ai tau itötebi-tebini. 21#Luk. 1:19, 26 Magogiriaka ngohi tomäniata, o Gabriel tï make-makeoka ahi lolega ihö hira-hira magoronaka gënanga, wohoho wohimeta ngohi. O oraha gënanga maöraha o nyawa ihihuba o huhuba o bimaoa. 22Daha o Gabriel wohitararono hokonënanga, ”Daniel, ngohi to boa mangale toni batumu duru nomangarati itiai ihingahu-ngahu aha idödadadi gënanga. 23Maöraha ngona nomulaenge nogahoko ma Jou Madutuika, Unanga wohidöaka mabobaluhu. Ngohi toboa tohiadono hababu Unanga wonïdora ngona. Aa, noihene nohidodiai magogiriaka ngohi tohitararono o lolega gënanga toënanga mamangarati.
247 x 70 higali matumidi enagenangala o öraha wohito tatapuoka ma Jou Madutu mangale wahibebasi anihoana de aniberera deʼ anikota itebi-tebini gënanga deobaradoha deʼ o dorouino. Hagala o baradoha aha i apongo deʼ o adili i kokakali aha imaoko itotiail̄e, hiadono o lolega deʼ o ihimaihoka dadi gënanga aha idadi imahinyata, deʼ ma Jou Ai Tau i tebi-tebini gënanga aha ihihubaoli ma Jouika. 25Na tulihi deʼ no mangarati nohidodiai nënanga. Tumidi higali ma tumidi mataongo aha ipaha, imulaenge maöraha ihihupu o pareta la ihigokoli o Yerusalem, hiadono woboa woma tengo o tutuda ma Jou Madutu Ai ngongiriki. Madekanino tumidi higali mamo ributanga dehinoto mataongo o ngekomo-o ngekomo deʼ o Yerusalem ma pagari aha ihigokoli, maöraha gënanga i omanga o huha deʼ o hukarang. 26Maöraha mabahaka gënanga o tutuda ma Jou Madutu Ai ngongiriki gënanga aha iwitoma, enahioko ünanga kowahowonua. Done yoböa ma koano womatengo wokua-kuata aitentara, daha yabinaha o Yerusalem makota de inoli ma Jou Ai Tau. O wange mabaha gënanga aha iböa hokä o nguihi i ao-ao parangi deʼ o binaha, hokä wohitotatapuoka ma Jou Madutu. 27#Dan. 11:31, 12:11; Mat. 24:15; Mark. 13:14 O koano gënanga aha wodiai o jaji ibitu-bitumu deo nyawa manga ngöe madekanino o taongo tumidi. Mahidogoronaka orahagënanga, ünanga aha watogumu yadiai o huhuba deʼ ihihö huba-huba. Deipaha okianagamoi höboborohono yahëheto-hetongo o Dorou yawede-wedere bobinaha aha ihigogere ma Jou Ai Tau oka deʼ aha kahirahi naga dokengoka hiadono unanga wogö gogere genangokadau iwi tapal̄u o binaha wohi totatapuoka ma Jou Madutu unangika.”
Currently Selected:
O DANIEL 9: TLB
Highlight
Copy
Compare
Share
Want to have your highlights saved across all your devices? Sign up or sign in
O DANIEL 9
9
O Daniel womä niata mangale aihoana de aiberera
1-2 #
Yer. 25:11, 29:10 O taongo madodihiraka aipopareta o Darius o Media manyawa, o Ahasyweros aingohaka o nauru o Babel ma poparetaka, ngohi o Daniel, tabasa-basa o agama mabuku-buku. Ngohi tatötakihiri imoteke ma Jou Ai demo ma Nabi Yeremiaika, o Yerusalem makota aha kahirahi i rubaiha o taongo mori tumidino madekana. 3Daha ngohi tomäniata tagou-goungu ma Jou o Jou Madutuika, deʼ togahoko aidora de aihayangi. Ngohi topuaha deʼ tapake o ngoere o karongo inoli togogeruku o kafo mal̄okuoka. 4Hagala manga hoana de ahiberera mabaradoha tomangaku ma Jou ahi Jou Madutuika.
Totemo, ”Jou ma Jou Madutu, Ngona nolamoko, deʼ ngomi minihoromati Ngona. Ngona salalu naganapu Ani jaji deʼ nohidumutu Ani dora ikokakali onangika inï dora-dora Ngona deʼ yadodiai okianaga Ngona nahipopareta.
5Ngomi mibaradohaka, ngomi midiaioka o dorou, deʼ mia manarama o howono. Ngomi mima lawanoka deʼ miatilakuru Ani pareta inoli miorehene hagala Ani aturu-aturu. 6Ngomi mia higihenua o nabi-nabi, Ani gogilaongo gënanga yotemo-temoka de tongona Ani romanga miakokoanoika, ngomi mia tutuda-tutudaika, miaete de miatohora deʼ mia hoana de miabereraika. 7Ya Jou, okianaga Na diai salalu itiai deʼ iadili, mä ngomi salalu miodotagao o mal̄eke tongomi miadiriika, enagënanga ngomi mata-mata migögorere o Yudea matonakoka deʼ o Yerusalem mabereraka deʼ mata-mata o nyawa mimakohoana deo berera moi dede ngomi Na hikokabarihoka o berera ikö kurutika deʼ i tigi-tigi ma karana önanga yosatiaua Ngonaika. 8Tongomi mia kokoano, miatutuda-tutuda deʼ tongomi miaete de miatohora yadiaioka o hali-o hali demamal̄e-mal̄ekoka deʼ yobaradohaka Ngonaika, ya Jou. 9Ngona iniomanga o apongo deʼ o dora deo hayangi, ngarokö ngomi minilawanoka Ngona. 10Ngomi mihigihenua Ani ilingi, ya Jou tongomi mia Jou Madutu, maöraha nomïhuloko ngomi miwango imoteke Ani tita nomi hidoa-doakoka ngomiino i tilakuru o nabi-nabi, Ani gogilaongo gënanga. 11O Israeloka yongodumu yatilakuroka hagala Ani hukumu-hukumu deʼ yoluku ihigihene Ani ilingi. Ngomi mibaradohaka Ngonaika, deʼ hababu gënanga Nomi hitapal̄u ngomiuku o lolai yatö tuli-tulihoka, o Musa ai Buku magoronaka Ani gilaongo. 12Ngona okianaga Nadiai duru iyakorona hokä Nojäjajioka ngomino deʼ imï kokuahaika. O Yerusalem Nahukumoka iholoi itubuho deo kota okiadika o duniaka nënanga. 13Hagala o huha deo bodito yotötuli-tulihoka o Musa ai tita magoronaka Nomi hitapal̄uoka ngomiuku. Mä ngaroka hokogënanga, ya Jou tongomi mia Jou Madutu, ngomi kami olukohi dika mangale Anihininga miasanangi. Ngomi kahirahi mioluku miamal̄a hagala tongomi miabaradoha deʼ miolukoli miöhohininga hagala Anidodotoko. 14Ngona ya Jou tongomi mia Jou Madutu, nomï hukumoka ngomi deo bodito Na sosadiaka; Ani jojobo Nadodiai salalu yakokorona deʼ i adili, mä ngomi mihigihenua Ani ilingi.
15Ya Jou, tongomi mia Jou Madutu, Ngona nohidumutoka Anikuaha näao Aniumati o Mesir matonakoka deyohupu, deʼ Ani kuaha gënanga kahirahiohi miöhininga. Ngomi mibaradohaka deʼ midiai o howono. 16Ngona nomidemoka ngomi o oraha mahira, hababu gënanga uha nongamoli o Yerusalemika, Ani kota mahirete, Anidoporono itebi-tebini. Mangale karana tongomi miabaradoha deʼ tongomi miaete de miatohora mangadorou, done mata-mata o nyawa tongomi miahigilolitino yapulo-pulono itipokouku o Yerusalem deʼ Ani umatika, okiaua yädaene. 17Ya tongomi mia Jou Madutu noihene ahininiata deʼ ahi gogahoko. Nohigilio hokä ihira-hiraoli Ani tau yakokiliangoka gënanga, nohidiaioli hupaya mata-mata o nyawa ihioriki Ngona ma Jou Madutu. 18Nomi higihe-gihene ngomi ya Jou Madutu, nomïpulono ngomi deʼ natailako tongomi de miahangihara, inoli i kilianga o kota yaheto-hetongo de Ani romanga. Ngomi mimäniata Ngonaika koigoungua karana tongomiua miaoa-oa, duga-duga karana Ngona iniomanga o dora deo hayangi. 19Jou, nomi higihe-gihene ngomi, nomïapongo ngomi, nomï tailako ngomi deʼ itiai okianaga nadiai! Uha nomatotedekana, hupaya mata-mata o nyawa ihioriki Ngona ma Jou Madutu. Hababu o Yerusalem deʼ Ani umati nagala kato Ngona ma deʼ madiai.”
O Gabriel wohitararono ihingahu-ngahu aha idödadadi gënanga
20Ngohi toma togu-togumua tomäniata deʼ tomangaku ahi baradoha deʼ ahihoama de ahiberera o Israel manga baradoha, inoli togahoko ma Jou ahi Jou Madutuika la wadiai hoihira-hiraoli Ai tau itötebi-tebini. 21#Luk. 1:19, 26 Magogiriaka ngohi tomäniata, o Gabriel tï make-makeoka ahi lolega ihö hira-hira magoronaka gënanga, wohoho wohimeta ngohi. O oraha gënanga maöraha o nyawa ihihuba o huhuba o bimaoa. 22Daha o Gabriel wohitararono hokonënanga, ”Daniel, ngohi to boa mangale toni batumu duru nomangarati itiai ihingahu-ngahu aha idödadadi gënanga. 23Maöraha ngona nomulaenge nogahoko ma Jou Madutuika, Unanga wohidöaka mabobaluhu. Ngohi toboa tohiadono hababu Unanga wonïdora ngona. Aa, noihene nohidodiai magogiriaka ngohi tohitararono o lolega gënanga toënanga mamangarati.
247 x 70 higali matumidi enagenangala o öraha wohito tatapuoka ma Jou Madutu mangale wahibebasi anihoana de aniberera deʼ anikota itebi-tebini gënanga deobaradoha deʼ o dorouino. Hagala o baradoha aha i apongo deʼ o adili i kokakali aha imaoko itotiail̄e, hiadono o lolega deʼ o ihimaihoka dadi gënanga aha idadi imahinyata, deʼ ma Jou Ai Tau i tebi-tebini gënanga aha ihihubaoli ma Jouika. 25Na tulihi deʼ no mangarati nohidodiai nënanga. Tumidi higali ma tumidi mataongo aha ipaha, imulaenge maöraha ihihupu o pareta la ihigokoli o Yerusalem, hiadono woboa woma tengo o tutuda ma Jou Madutu Ai ngongiriki. Madekanino tumidi higali mamo ributanga dehinoto mataongo o ngekomo-o ngekomo deʼ o Yerusalem ma pagari aha ihigokoli, maöraha gënanga i omanga o huha deʼ o hukarang. 26Maöraha mabahaka gënanga o tutuda ma Jou Madutu Ai ngongiriki gënanga aha iwitoma, enahioko ünanga kowahowonua. Done yoböa ma koano womatengo wokua-kuata aitentara, daha yabinaha o Yerusalem makota de inoli ma Jou Ai Tau. O wange mabaha gënanga aha iböa hokä o nguihi i ao-ao parangi deʼ o binaha, hokä wohitotatapuoka ma Jou Madutu. 27#Dan. 11:31, 12:11; Mat. 24:15; Mark. 13:14 O koano gënanga aha wodiai o jaji ibitu-bitumu deo nyawa manga ngöe madekanino o taongo tumidi. Mahidogoronaka orahagënanga, ünanga aha watogumu yadiai o huhuba deʼ ihihö huba-huba. Deipaha okianagamoi höboborohono yahëheto-hetongo o Dorou yawede-wedere bobinaha aha ihigogere ma Jou Ai Tau oka deʼ aha kahirahi naga dokengoka hiadono unanga wogö gogere genangokadau iwi tapal̄u o binaha wohi totatapuoka ma Jou Madutu unangika.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in