O AMOS 6
6
O Israel i binaha wedere
1Ni bodito ngini ni wango nima hirorahai o Sion oka bereraka, deʼ ngini nia mao ni ridi o Samaria oka mabereraka – ngini hei o masyarakat ma balu-baluhu, o Israel manyawa biaha-biahaua nënanga, ngini ino yadotoboa o rayat biaha o kawaha yo boa mangale yo gahoko o roriwo! 2Ni oiki nio lega o Kalne ika, daha ni tagi gila-gila o Hamat ma kota ilamo-lamokika gënanga, deipaha o Gat ma kota ika o Filistin. Niato bote hagala o kota gënanga o holoi ya oa ma pareta deo Yehuda deʼ o Israel ma popareta? Boteka toönanga manga daera iholoi ilamoko de nia daera? 3Ngini nima togowini o bodito mawange kama gurutika hi, mä hagala nia manarama gënanga duga-duga ka ihitaiti ima hiadono o wange ma dora koiwa-koiwa.
4Ni bodito ngini nima idu-idu o dangiri mahö hailoa mal̄okuoka deʼ ni rameange deo hapi deʼ o duba ma gö ma akeme! 5Ngini ni sanangi ni karang o nyanyi, hokä wadodiai o Daud, deʼ ngini nihi gogule o nyanyi ma lugo-lugo gënanga deo kecapi. 6Ngini ni okere o angguru o galahino ya oma-omangika o galahi, yodol̄a nia pake o minya ma bounu ma hemo-hemoro duru ma oa-oa, ma ngini nia hininga koi huhaua mangale o Israel i wedere. 7Karana gënanga ngini madodihiraka aha inï toraka o tabuangika. Hagala nia rame deʼ nia jamuanga-jamuanga ipaha.
8Wohi totiaika ma Jou o Jou Madutu Duru Wo kokuaha deʼ Duru Wokö kurutil̄e wa hidoakoka o hohininga nënanga, ”Ngohi tö dohata o Israel ma umat manga hininga ma gurutil̄e; Ngohi to sanangiua de hagala toönanga manga kadato-kadato mahö hailoa. Toönanga manga kota ma titi kama moi mata-mata naga magoronaka aha tahi lapahi ohaturu ika.”
9Nako ka nagaohi ya ngimoi ima ngiunika moi o tau ma goronaka, onangö aha yo honenge. 10Woma tengo manga tau madol̄a wo manarama wa urusu manga jere, aha wo boa deʼ wohi hupu manga maiyeti ai ria dodoto. Unanga aha wo poaka o nyawa ika naga o tau gënanga ma poretoko, ”Boteka naga ohi yo wango-wango ma homoa de ngona?”
Done aha wo ihene o bobaluhu, ”Koiwa!”
O tau manyawa wo manarama wä lungunu o mayeti gënanga aha wotemo, ”Uha ni temo-temoli! Ngone yakunua ha hetongo ma Jou ai romanga.”
11Nako ma Jou wa hidoaka pareta, hagala o tau ma ago-agomo dema hohumujuru aha iwedere. 12Ka yakunu o kuda ima popata o doporono o helewoika? Ma moi iboto o nyawa ya pajeko o ngöto deo hapi? Mä ngini nia takaiduloka o adili idadi o rasongo yä hohonenge, deʼ ma diai idadi ihowo-howono.
13Ngini ni temo nihi hohomoa ngini nia utumoka o Lodebar. Ngini ö ni temo, ”Ngomi yaoaka mia kuata la mia ora o Karnaim.” 14Ma Jou o Jou Madutu Wokö kurutil̄e deʼ Duru Wo kokuaha ma hirete wätemo, ”Umati o Israel manyawa, Ngohi aha tohidingoto o tentara o hoana deo berera ma homoaino la yaparangi nia berera. Onanga aha inï tuku ngini o Hamat ma ngekomoka de yaino ai koremieil̄e hiadono o Araba ma Wai ika ai koreharail̄e.”
Currently Selected:
O AMOS 6: TLB
Highlight
Copy
Compare
Share
Want to have your highlights saved across all your devices? Sign up or sign in
O AMOS 6
6
O Israel i binaha wedere
1Ni bodito ngini ni wango nima hirorahai o Sion oka bereraka, deʼ ngini nia mao ni ridi o Samaria oka mabereraka – ngini hei o masyarakat ma balu-baluhu, o Israel manyawa biaha-biahaua nënanga, ngini ino yadotoboa o rayat biaha o kawaha yo boa mangale yo gahoko o roriwo! 2Ni oiki nio lega o Kalne ika, daha ni tagi gila-gila o Hamat ma kota ilamo-lamokika gënanga, deipaha o Gat ma kota ika o Filistin. Niato bote hagala o kota gënanga o holoi ya oa ma pareta deo Yehuda deʼ o Israel ma popareta? Boteka toönanga manga daera iholoi ilamoko de nia daera? 3Ngini nima togowini o bodito mawange kama gurutika hi, mä hagala nia manarama gënanga duga-duga ka ihitaiti ima hiadono o wange ma dora koiwa-koiwa.
4Ni bodito ngini nima idu-idu o dangiri mahö hailoa mal̄okuoka deʼ ni rameange deo hapi deʼ o duba ma gö ma akeme! 5Ngini ni sanangi ni karang o nyanyi, hokä wadodiai o Daud, deʼ ngini nihi gogule o nyanyi ma lugo-lugo gënanga deo kecapi. 6Ngini ni okere o angguru o galahino ya oma-omangika o galahi, yodol̄a nia pake o minya ma bounu ma hemo-hemoro duru ma oa-oa, ma ngini nia hininga koi huhaua mangale o Israel i wedere. 7Karana gënanga ngini madodihiraka aha inï toraka o tabuangika. Hagala nia rame deʼ nia jamuanga-jamuanga ipaha.
8Wohi totiaika ma Jou o Jou Madutu Duru Wo kokuaha deʼ Duru Wokö kurutil̄e wa hidoakoka o hohininga nënanga, ”Ngohi tö dohata o Israel ma umat manga hininga ma gurutil̄e; Ngohi to sanangiua de hagala toönanga manga kadato-kadato mahö hailoa. Toönanga manga kota ma titi kama moi mata-mata naga magoronaka aha tahi lapahi ohaturu ika.”
9Nako ka nagaohi ya ngimoi ima ngiunika moi o tau ma goronaka, onangö aha yo honenge. 10Woma tengo manga tau madol̄a wo manarama wa urusu manga jere, aha wo boa deʼ wohi hupu manga maiyeti ai ria dodoto. Unanga aha wo poaka o nyawa ika naga o tau gënanga ma poretoko, ”Boteka naga ohi yo wango-wango ma homoa de ngona?”
Done aha wo ihene o bobaluhu, ”Koiwa!”
O tau manyawa wo manarama wä lungunu o mayeti gënanga aha wotemo, ”Uha ni temo-temoli! Ngone yakunua ha hetongo ma Jou ai romanga.”
11Nako ma Jou wa hidoaka pareta, hagala o tau ma ago-agomo dema hohumujuru aha iwedere. 12Ka yakunu o kuda ima popata o doporono o helewoika? Ma moi iboto o nyawa ya pajeko o ngöto deo hapi? Mä ngini nia takaiduloka o adili idadi o rasongo yä hohonenge, deʼ ma diai idadi ihowo-howono.
13Ngini ni temo nihi hohomoa ngini nia utumoka o Lodebar. Ngini ö ni temo, ”Ngomi yaoaka mia kuata la mia ora o Karnaim.” 14Ma Jou o Jou Madutu Wokö kurutil̄e deʼ Duru Wo kokuaha ma hirete wätemo, ”Umati o Israel manyawa, Ngohi aha tohidingoto o tentara o hoana deo berera ma homoaino la yaparangi nia berera. Onanga aha inï tuku ngini o Hamat ma ngekomoka de yaino ai koremieil̄e hiadono o Araba ma Wai ika ai koreharail̄e.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in