O KORINTUS MAHINOTOKA 2
2
1Mahababu gënanga ngohi taputuhoka mangale taikaokauaoli nginika, tiniädono de yadiai niahininga ihuha. 2Hababu nako ngohi tahuha tingini niahininga, o nagonahi yakunu ihilaru ngohi, nako manyawa genangua ngohi tahuhaka manga hininga? 3Hababu gënanga ngohi totulihi o hurata nginika. Ngohi toluku tini lega ngini, daha tohihuha tingini niahininga enahioko kokiani ngini nia mörene tongohi ahihininga. Hababu ngohi tongaku nako ngohi tomörene, done Riadodoto mata-mataö nimörene. 4Ngohi totulihi nginika de ahihininga ihuha deʼ itubuho deʼ koha amoko ahi köngo itifa. Ngohi ahi dungutu i goungua la ngini idadi niahininga ihuha, mä hupaya ngini nihiöriki ngohi duru tini hininga ngini.
Ohi apongo mangale yahowo-howono
5Nako naga o nyawa yodiai o hininga mahuha, o hali gënanga ünanga wadiai ngohinoua, mä Riadodotika mata-mata ekola duru hokoiwa yamuruono nagaika Riadodoto niahidogoronaka. Ngohi toluku iholoi kuata mameta unangika. 6Mangale o nyawa marupa gënanga, yaoaka o Riadodoto mangangöe iwigelenga o hukumanga unangika. 7Orahanënanga ngini kiani niwihiapongo ünanga deʼ niwihidöakoli o hihitomo unangika la uha ünanga kalioli aihininga i huha hiädono ainganono itoaka. 8Hababu gënanga ngohi togahoko, hupaya ngini nihimatokoli unangika igou-goungu ngini niwihininga. 9Ngohi tinidulihi o hurata gënanga nginika de ahidungutu mangale tinitaili ngini, boteka ngini hokogenangika nimau niamoteke o himatoko-o himatoko ngohioka. 10Nako ngini niahiapongo o nyawa yodiaioka o howono nginika done ngohiö tahiapongo o nyawa gënanga. Hababu okia ngohi tahiapongoka – nako igoungu naga iparalu tahiapongo – gënanga ngohi tahiapongo o Kristus aihimangoka mangale tingini niaoa. 11Ngohi todiai gënanga hupaya o Ibilihi uha imal̄ë öraha mangale inakuaha ngone; hababu ngone hohiöriki toënanga madatoro.
O Paulus wohawatere o Troas mabereraka
12 #
Kis. 20:1
Maöraha ngohi tomahiädono o Troas mabereraika de ahidungutu mangale tohingahu o Abari ma Oa mangale o Kristus, ma Jou wohidobelengaka o ngëkomo ngohino mangale tomanarama o ngï genangoka. 13Mä ngohi tosanangua, hababu mimamäkeua dokengoka de o Titus, tongone nanga riadodoto. Ho ngohi tomahi demo o nyawaika o ngï genangoka, daha toiki o Makedoniaika.
O utumu karana o Kristus
14Mä sukur ma Jou Madutuika! Unanga womituda ngomi hokogenangika mangale mianïki mihidagi mihigiloliti o Kristus aiutumu, karana ngomi miwango kamoi dede Unanga. Ma Jou Madutu womipäke ngomi la o abari mangale o Kristus yodogerewoto hokä o bounu ihëmo-hëmoro yaparono okiaika honanga. 15-16Hababu ngomi ganga hokä o manyanyi mabounu ihëmo-hëmoro, watuhuku o Kristus mangale ma Jou Madutu. O nyawa manga dumutu yohimangikaka o binaha, ngomi nënanga hokä o honenge mabounu itoma-toma; mä o nyawa yahihohalamatioka, ngomi hokä o bounu i hëmo-hëmoro iao o wowango. Aa, o nagona yakunu yangodumu o manarama nënanga? 17Ngomi hokä o nyawa yowöe-wöeua o abari ma Jou Madutuino yadiai hokä o bubukunu dika. Mia dungutu-mia dungutu ngomi ganga itebini, hababu ma Jou Madutu womi hulokoka ngomi. De ma Jou Madutu mahirete wamäke ngomi mihingahu o abari gënanga hokä o Kristus ai gogilaongo.
Currently Selected:
O KORINTUS MAHINOTOKA 2: TLB
Highlight
Copy
Compare
Share
Want to have your highlights saved across all your devices? Sign up or sign in
O KORINTUS MAHINOTOKA 2
2
1Mahababu gënanga ngohi taputuhoka mangale taikaokauaoli nginika, tiniädono de yadiai niahininga ihuha. 2Hababu nako ngohi tahuha tingini niahininga, o nagonahi yakunu ihilaru ngohi, nako manyawa genangua ngohi tahuhaka manga hininga? 3Hababu gënanga ngohi totulihi o hurata nginika. Ngohi toluku tini lega ngini, daha tohihuha tingini niahininga enahioko kokiani ngini nia mörene tongohi ahihininga. Hababu ngohi tongaku nako ngohi tomörene, done Riadodoto mata-mataö nimörene. 4Ngohi totulihi nginika de ahihininga ihuha deʼ itubuho deʼ koha amoko ahi köngo itifa. Ngohi ahi dungutu i goungua la ngini idadi niahininga ihuha, mä hupaya ngini nihiöriki ngohi duru tini hininga ngini.
Ohi apongo mangale yahowo-howono
5Nako naga o nyawa yodiai o hininga mahuha, o hali gënanga ünanga wadiai ngohinoua, mä Riadodotika mata-mata ekola duru hokoiwa yamuruono nagaika Riadodoto niahidogoronaka. Ngohi toluku iholoi kuata mameta unangika. 6Mangale o nyawa marupa gënanga, yaoaka o Riadodoto mangangöe iwigelenga o hukumanga unangika. 7Orahanënanga ngini kiani niwihiapongo ünanga deʼ niwihidöakoli o hihitomo unangika la uha ünanga kalioli aihininga i huha hiädono ainganono itoaka. 8Hababu gënanga ngohi togahoko, hupaya ngini nihimatokoli unangika igou-goungu ngini niwihininga. 9Ngohi tinidulihi o hurata gënanga nginika de ahidungutu mangale tinitaili ngini, boteka ngini hokogenangika nimau niamoteke o himatoko-o himatoko ngohioka. 10Nako ngini niahiapongo o nyawa yodiaioka o howono nginika done ngohiö tahiapongo o nyawa gënanga. Hababu okia ngohi tahiapongoka – nako igoungu naga iparalu tahiapongo – gënanga ngohi tahiapongo o Kristus aihimangoka mangale tingini niaoa. 11Ngohi todiai gënanga hupaya o Ibilihi uha imal̄ë öraha mangale inakuaha ngone; hababu ngone hohiöriki toënanga madatoro.
O Paulus wohawatere o Troas mabereraka
12 #
Kis. 20:1
Maöraha ngohi tomahiädono o Troas mabereraika de ahidungutu mangale tohingahu o Abari ma Oa mangale o Kristus, ma Jou wohidobelengaka o ngëkomo ngohino mangale tomanarama o ngï genangoka. 13Mä ngohi tosanangua, hababu mimamäkeua dokengoka de o Titus, tongone nanga riadodoto. Ho ngohi tomahi demo o nyawaika o ngï genangoka, daha toiki o Makedoniaika.
O utumu karana o Kristus
14Mä sukur ma Jou Madutuika! Unanga womituda ngomi hokogenangika mangale mianïki mihidagi mihigiloliti o Kristus aiutumu, karana ngomi miwango kamoi dede Unanga. Ma Jou Madutu womipäke ngomi la o abari mangale o Kristus yodogerewoto hokä o bounu ihëmo-hëmoro yaparono okiaika honanga. 15-16Hababu ngomi ganga hokä o manyanyi mabounu ihëmo-hëmoro, watuhuku o Kristus mangale ma Jou Madutu. O nyawa manga dumutu yohimangikaka o binaha, ngomi nënanga hokä o honenge mabounu itoma-toma; mä o nyawa yahihohalamatioka, ngomi hokä o bounu i hëmo-hëmoro iao o wowango. Aa, o nagona yakunu yangodumu o manarama nënanga? 17Ngomi hokä o nyawa yowöe-wöeua o abari ma Jou Madutuino yadiai hokä o bubukunu dika. Mia dungutu-mia dungutu ngomi ganga itebini, hababu ma Jou Madutu womi hulokoka ngomi. De ma Jou Madutu mahirete wamäke ngomi mihingahu o abari gënanga hokä o Kristus ai gogilaongo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in