O KORINTUS MAHINOTOKA 11
11
O Paulus deʼ o rasul-rasul madutua
1Nihihïgumal̄a, ngohi tomadiai marupa tobodo mahuhutulu. Koigoungua iyakunu? 2Ngohi duru tinihininga nginika, hokä ma Jou Madutu mahirete mä duru winihininga nginika. Ngini ganga hokä o moholehe maboro momatëngo kamo tebinohi, kiaka ngohi tojajioka la inihikawingi de o rokata womatëngo enagënanga o Kristus. 3#Kej. 3:1-5, 13 Mä ngohi tohawatere niadibanga aha yacoba mangale nisetiaokauaoli o Kristusika, matero hokä o ngo Hawaö kahuruono imicoba de o dodiha maakali itotorou. 4Hababu marupahi ngini nisanangi dika niatarima o nyawa yoböa nginika deʼ inidotoko mangale o Yesus mahomoa – o Yesus gangua ngomi minihinäko-näko nginika. Deʼ nginiö nimau niatarima o womaha deʼ ö abari maoa” duruhe imahowono de ma Jou Madutu ai Womaha deʼ o Abari ma Oa ngini niatotarimaka ngomino.
5Ngohi kautuö de koiwa tamäo iholoi toëteke de ”rasul-rasul” kabiahaua gënanga! 6Mudukua ngohi tosawaroua totemo-temo, mä mangale ohiöriki, ngohi o nyawa yobodo-bodoua. Gënanga ngomi mihi nyataka nginika hagala o hali magoronaka.
7Maöraha ngohi tinihi ngahu o Abari ma Oa ma Jou Madutuino nginika, kautuö de ngohi togahokua ngini nihihidöaka o tiwi; deʼ de hokogënanga tadiai ahidiri ngohi todadi topoluluku. Ngohi todiai gënanga mangale tinihikurutil̄e ngini. Bote gënanga tongohi ahihowono moi nginika? 8Maöraha ngohi tinileleani ngini, ngohi ihihidöaka o tiwi o jemaat-jemaat mahomoa. Iyakunu hotemo tahirugi o jemaat-jemaat gënanga hupaya iyakunu ini riwo ngini. 9#Plp. 4:15-18 Nako öraha gënanga ngohi ahikia-kiaua, ngohi komaiwahi kä o nyawa moiö de tinïdiai o huha. Mata-mata ngohi topöparalu yangodumoka o roriadodoto yoböa-böa o Makedoniaino. Ngohi tomagöana tohidodiai hupaya ngohi tinihihuhaua ngini o hali okia dika magoronaka, deʼ ngohi aha gila-gila togöana hupaya gënanga itatapu hokogënanga. 10Tongohi ahihininga maamoko nënanga iyakunua yaehe kiaka dika o Akhaya madaera magilolitino, karana o Kristus aidodötoko madiai naga ngohioka. 11Yadodoa ho ngohi totemo hokogënanga? Bote hababu ngohi tinidoraua ngini? Ma Jou Madutu wohihiöriki ngohi tinidora!
12Orahanënanga okia ngohi tadiai de ngohi aha gila-gila tadiai hupaya ”rasul-rasul” mahomoa gënanga koiwa manga hohol̄e mangale imahi lamo-amoko manga diri deʼ yotemo önanga yomanarama hokä ngomi. 13O nyawa hokogënanga ganga o rasul-rasul madutua. Onanga yomomanarama ihitatoko o nyawa manga lolegaka de imahirupa hokä o Kristus airasul-rasul. 14Hohërangua önanga yodiai hokogënanga, hababu o Ibilihiö mahirete imahirupa hokä o malaekat itotararono! 15Hoʼ, iherangokauaö nako yolö leleani o Ibilihi imahirupa hokä yolöleleani yadodiai ma Jou Madutu aimau. Mabahaka onangö aha yatarima mabalahi imadäene de hagala toönanga manga manarama.
O Paulus aihangihara hokä rasul
16Ngohi togilio tohigalioli: Uha hiädono naga ihipulono ngohi tobodo. Mä nako nginiö ma, nihipulono ngohi hokogënanga, nihihigumal̄a ngohi tobodo-bodo nënanga tomahi amoko ö mahuhutulu. 17Ipaha nënanga ngohi aha tahetongo mangale ngohi tomaamoko, mä igoungua ma Jou wohihuloko ngohi totemo gënanga. O hali nënanga magoronaka ngohi tagou-goungu totemo hokä o nyawa bodo. 18Igoungu naga o nyawa manga ngöe imahi amoko o dunia mahali-hali, hongohiö tomau toma amoko. 19Ngini de niahininga masanangi nisabari o nyawa bodoika, karana ngini niamäo niadiri hokogënanga niasawaro! 20Ngini niamal̄aika dika nako o nyawa imagilaongo ngini, ekola initeö deʼ ya l̄ë o utumu nginino, ekola imamäo manga diri iholoi ikurutil̄e de ngini de yobarani inipoka ngini. 21Ngohi ihimal̄eke tomangaku ngomi kaikiriali mibole mangale midiai hoko gënanga.
Mä okia o nyawa mahomoa yobarani imaamoko, ngohiö tobarani! (Ngohi totemo-temo hokä o nyawa bodo). 22O Ibranioka manyawa önanga? Ngohiö hokogënanga! O Israeloka manyawa önanga? Ngohiö o Israeloka manyawa. O Abraham aidifauku önanga? Ngohi ö hokogënanga! 23#Kis. 16:23 O Kristus iwilöleleani önanga? Hoihene hokä ngohi ahiakali ihihangoka, mä ngohi igoungu o leleani iholoi yaoa de önanga mata-mata! Ngohi tomanarama iholoi ikiria, ngohi i holoi mamoi-mamoi ihihi ngohama o bui magoronaika, ngohi iholoi iwöe ihihangihara deʼ mamoi-mamoi ngadeke tohonenge. 24#Ul. 25:3 Mamotoa iböto ngohi ihihangihara o Yahudioka manyawa, de o gogohara ihihigohara mamoruange de mahiwo. 25#Kis. 14:19, 16:22 Ma hange ngohi ihigohara o Roma manyawa; idadiokaö ngohi ihikaweli de o helewo. Mahange ngohi taohana o kapa iwöro o ngötoka, deʼ mamoi ngohi kato puda-puda o ngötoka o jam monaoko de iata madekana. 26#Kis. 9:23, 14:5 Hara mangöe ngohi ahidodagioka o bahaya; ihibänga o bahaya o nguihi, bahaya yo ora-ora, o bahaya o Yahudiokaino, ekola o Yahudi okauaino, o bahaya o kotaka, o bahaya o kota maporetoka, o bahaya o ngötoka, deʼ o bahaya o nyawaino ima hetongo manga diri hokä o riadodoto o Haranioka, enahioko kowali. 27Ngohi ahi kobongo idofaeoka deʼ tomanarama yatokä tohonenge; mamoi-mamoi tomaiduua, tol̄omua, tokerua, hara mangöe tobitikangil̄e o hahini magoronaka, o dumamäta karana iwöeua ahi pakeanga, de koiwa o ngï ahi gogere. 28Madatekoka mata-mata gënanga, o wange mahigetongo ngohi ö aha ahi hininga ihuha dika, mata-mata o jemaat manga wowango. 29Maöraha naga yobole ngohiö tanïki tamäo toboleoli. Maöraha naga yäotaka o baradoha magoronauku, tongohi ahihininga ma iwedere.
30Aa, nako ngohi kokiani tomahiamoko okianaga moi, done ngohi tohi amoko o hali-o hali ihi matoko tongohi ahibole-bole. 31Ma Jou Madutu o Ama o Jou Yesusino wohiöriki ngohi toelukua. Iwihigiriri Ai romanga kahiado-adonika. 32#Kis. 9:23-25 Maöraha ngohi naga o Damsyikoka, magubernur wokokuaha genangoka ma Koano Aretas aikuaha matimioka, wähuloko o tentara yögöana o kota mangoranoka gënanga la ihi tagoko ngohi. 33Mä de o karaja o gahumu moi, ihiwora daukuku o bebeno mapidahuku. Hokogënanga ngohi tolapahi magubernur gënanga aigiamoka.
Currently Selected:
O KORINTUS MAHINOTOKA 11: TLB
Highlight
Copy
Compare
Share
Want to have your highlights saved across all your devices? Sign up or sign in
O KORINTUS MAHINOTOKA 11
11
O Paulus deʼ o rasul-rasul madutua
1Nihihïgumal̄a, ngohi tomadiai marupa tobodo mahuhutulu. Koigoungua iyakunu? 2Ngohi duru tinihininga nginika, hokä ma Jou Madutu mahirete mä duru winihininga nginika. Ngini ganga hokä o moholehe maboro momatëngo kamo tebinohi, kiaka ngohi tojajioka la inihikawingi de o rokata womatëngo enagënanga o Kristus. 3#Kej. 3:1-5, 13 Mä ngohi tohawatere niadibanga aha yacoba mangale nisetiaokauaoli o Kristusika, matero hokä o ngo Hawaö kahuruono imicoba de o dodiha maakali itotorou. 4Hababu marupahi ngini nisanangi dika niatarima o nyawa yoböa nginika deʼ inidotoko mangale o Yesus mahomoa – o Yesus gangua ngomi minihinäko-näko nginika. Deʼ nginiö nimau niatarima o womaha deʼ ö abari maoa” duruhe imahowono de ma Jou Madutu ai Womaha deʼ o Abari ma Oa ngini niatotarimaka ngomino.
5Ngohi kautuö de koiwa tamäo iholoi toëteke de ”rasul-rasul” kabiahaua gënanga! 6Mudukua ngohi tosawaroua totemo-temo, mä mangale ohiöriki, ngohi o nyawa yobodo-bodoua. Gënanga ngomi mihi nyataka nginika hagala o hali magoronaka.
7Maöraha ngohi tinihi ngahu o Abari ma Oa ma Jou Madutuino nginika, kautuö de ngohi togahokua ngini nihihidöaka o tiwi; deʼ de hokogënanga tadiai ahidiri ngohi todadi topoluluku. Ngohi todiai gënanga mangale tinihikurutil̄e ngini. Bote gënanga tongohi ahihowono moi nginika? 8Maöraha ngohi tinileleani ngini, ngohi ihihidöaka o tiwi o jemaat-jemaat mahomoa. Iyakunu hotemo tahirugi o jemaat-jemaat gënanga hupaya iyakunu ini riwo ngini. 9#Plp. 4:15-18 Nako öraha gënanga ngohi ahikia-kiaua, ngohi komaiwahi kä o nyawa moiö de tinïdiai o huha. Mata-mata ngohi topöparalu yangodumoka o roriadodoto yoböa-böa o Makedoniaino. Ngohi tomagöana tohidodiai hupaya ngohi tinihihuhaua ngini o hali okia dika magoronaka, deʼ ngohi aha gila-gila togöana hupaya gënanga itatapu hokogënanga. 10Tongohi ahihininga maamoko nënanga iyakunua yaehe kiaka dika o Akhaya madaera magilolitino, karana o Kristus aidodötoko madiai naga ngohioka. 11Yadodoa ho ngohi totemo hokogënanga? Bote hababu ngohi tinidoraua ngini? Ma Jou Madutu wohihiöriki ngohi tinidora!
12Orahanënanga okia ngohi tadiai de ngohi aha gila-gila tadiai hupaya ”rasul-rasul” mahomoa gënanga koiwa manga hohol̄e mangale imahi lamo-amoko manga diri deʼ yotemo önanga yomanarama hokä ngomi. 13O nyawa hokogënanga ganga o rasul-rasul madutua. Onanga yomomanarama ihitatoko o nyawa manga lolegaka de imahirupa hokä o Kristus airasul-rasul. 14Hohërangua önanga yodiai hokogënanga, hababu o Ibilihiö mahirete imahirupa hokä o malaekat itotararono! 15Hoʼ, iherangokauaö nako yolö leleani o Ibilihi imahirupa hokä yolöleleani yadodiai ma Jou Madutu aimau. Mabahaka onangö aha yatarima mabalahi imadäene de hagala toönanga manga manarama.
O Paulus aihangihara hokä rasul
16Ngohi togilio tohigalioli: Uha hiädono naga ihipulono ngohi tobodo. Mä nako nginiö ma, nihipulono ngohi hokogënanga, nihihigumal̄a ngohi tobodo-bodo nënanga tomahi amoko ö mahuhutulu. 17Ipaha nënanga ngohi aha tahetongo mangale ngohi tomaamoko, mä igoungua ma Jou wohihuloko ngohi totemo gënanga. O hali nënanga magoronaka ngohi tagou-goungu totemo hokä o nyawa bodo. 18Igoungu naga o nyawa manga ngöe imahi amoko o dunia mahali-hali, hongohiö tomau toma amoko. 19Ngini de niahininga masanangi nisabari o nyawa bodoika, karana ngini niamäo niadiri hokogënanga niasawaro! 20Ngini niamal̄aika dika nako o nyawa imagilaongo ngini, ekola initeö deʼ ya l̄ë o utumu nginino, ekola imamäo manga diri iholoi ikurutil̄e de ngini de yobarani inipoka ngini. 21Ngohi ihimal̄eke tomangaku ngomi kaikiriali mibole mangale midiai hoko gënanga.
Mä okia o nyawa mahomoa yobarani imaamoko, ngohiö tobarani! (Ngohi totemo-temo hokä o nyawa bodo). 22O Ibranioka manyawa önanga? Ngohiö hokogënanga! O Israeloka manyawa önanga? Ngohiö o Israeloka manyawa. O Abraham aidifauku önanga? Ngohi ö hokogënanga! 23#Kis. 16:23 O Kristus iwilöleleani önanga? Hoihene hokä ngohi ahiakali ihihangoka, mä ngohi igoungu o leleani iholoi yaoa de önanga mata-mata! Ngohi tomanarama iholoi ikiria, ngohi i holoi mamoi-mamoi ihihi ngohama o bui magoronaika, ngohi iholoi iwöe ihihangihara deʼ mamoi-mamoi ngadeke tohonenge. 24#Ul. 25:3 Mamotoa iböto ngohi ihihangihara o Yahudioka manyawa, de o gogohara ihihigohara mamoruange de mahiwo. 25#Kis. 14:19, 16:22 Ma hange ngohi ihigohara o Roma manyawa; idadiokaö ngohi ihikaweli de o helewo. Mahange ngohi taohana o kapa iwöro o ngötoka, deʼ mamoi ngohi kato puda-puda o ngötoka o jam monaoko de iata madekana. 26#Kis. 9:23, 14:5 Hara mangöe ngohi ahidodagioka o bahaya; ihibänga o bahaya o nguihi, bahaya yo ora-ora, o bahaya o Yahudiokaino, ekola o Yahudi okauaino, o bahaya o kotaka, o bahaya o kota maporetoka, o bahaya o ngötoka, deʼ o bahaya o nyawaino ima hetongo manga diri hokä o riadodoto o Haranioka, enahioko kowali. 27Ngohi ahi kobongo idofaeoka deʼ tomanarama yatokä tohonenge; mamoi-mamoi tomaiduua, tol̄omua, tokerua, hara mangöe tobitikangil̄e o hahini magoronaka, o dumamäta karana iwöeua ahi pakeanga, de koiwa o ngï ahi gogere. 28Madatekoka mata-mata gënanga, o wange mahigetongo ngohi ö aha ahi hininga ihuha dika, mata-mata o jemaat manga wowango. 29Maöraha naga yobole ngohiö tanïki tamäo toboleoli. Maöraha naga yäotaka o baradoha magoronauku, tongohi ahihininga ma iwedere.
30Aa, nako ngohi kokiani tomahiamoko okianaga moi, done ngohi tohi amoko o hali-o hali ihi matoko tongohi ahibole-bole. 31Ma Jou Madutu o Ama o Jou Yesusino wohiöriki ngohi toelukua. Iwihigiriri Ai romanga kahiado-adonika. 32#Kis. 9:23-25 Maöraha ngohi naga o Damsyikoka, magubernur wokokuaha genangoka ma Koano Aretas aikuaha matimioka, wähuloko o tentara yögöana o kota mangoranoka gënanga la ihi tagoko ngohi. 33Mä de o karaja o gahumu moi, ihiwora daukuku o bebeno mapidahuku. Hokogënanga ngohi tolapahi magubernur gënanga aigiamoka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in