O PETRUS MADODIHIRAKA 4
4
O ngango mahungi
1Karana o Kristus watagongoka o huha de o hangihara cara o röehe, nginiö, kokiani nia diri nia kuata de o jako hokä hoko gënanga. Hababu o nyawa yatago-tagongo o huha de o hangihara cara o röehe, yodiaiokaua o baradoha. 2Hababu gënanga, kokiani ngini niwango nënanga de hikaika o duniaka nënanga, imoteke ma Jou Madutu ai mau, deʼ koimotekua o nyawa manahihu. 3O öraha ipö paha-paha, ngini yaoaka madëkana nidiai okia naga yöigo-igo yadodiai o nyawa iwi näko-näkoua ma Jou. Ngini niwango itorou. Ngini nia moteke nia nahihu, inï dalu-daluku kani rame-rame, kani oke-okere deʼ o gomanga nia huba de macara ha emo-emono. 4Oraha nënanga o nyawa iwi näko-näkoua ma Jou, yohëranga ngini nia motekua o wowango hokä önanga, yajame o baradoha mabatingi koiwa. Mahababu gënanga önanga ini hikauku ngini. 5Mä onanga kokiani daha ihi döaka o bobaluhu ma Jou Madutuika woma sosadiaka la wahidero o adili o nyawa kayo wango-wangohi ika deʼ yohone-honengokaika. 6Mahababu gënanga o Abari ma Oa ihi ngahuö o nyawa yohone-honengika. Madungutu hupaya önanga, yahi dero-deroka o adili cara o röehe – hokä mahali o nyawa mata-mata aha yahi dero o adili – yamäke o ngango cara rohani, imoteke ma Jou Madutu ai mau.
I hi dödailako o ngongike ma Jou Madutuino
7Hagala moi-moi i tigioka mabobahaika, hababu gënanga kokiani ngini nia diri nia kuaha deʼ nihi dodiai nimä göana, hupaya ngini yakunu nimä niata. 8#Ams. 10:12 Iholoi de hagala mata-mata, kokiani ngini igou-goungu nimä kodora moi de moi, hababu de nimä kodora ngini aha nio modekoli nima hika apongo. 9Kokiani ngini nimateke tarima moi de moi nia tauoka moi-moi, de nitaianua. 10Ngini moi-moi nia tarimaka o ngongike-ngongike ima kokohowono ma Jou Madutuino. Hababu gënanga hokä ihidödailako maoa ma Jou Madutu ai ngongike-ngongikeino, kokiani ngini nia päke o dagakunu gënanga mangale nia paralu kamamoi nima mata-mata. 11O nyawa ihi ado-adono o abari kokiani ihi ädono o abari ma Jou Madutuino; o nyawa yälöleleani o nyawa mahomoa, kokiani yoleleani de o kuata ma Jou Madutuino, hupaya hagala o hali magoronaka, ma Jou Madutu yakunu iwi himulia de madodagi o Yesus Kristus. Unanga dika wokokuaha deʼ ipatutu iwi himulia kahi ado-adonika. Amin.
Hatagongo o huha de o hangihara hokä o Haranioka manyawa
12O Roriadodoto tinï hohininga! Oraha nënanga ngini duru konia hangihara karana inï uji magogiria. Mä uha nia mäo nihëranga, hokä naga okia naga moi kabiahaua idadi nginika. 13Kaidogo, kokiani ngini nia mäo nisanangi karana nia tagongo o huha de o hangihara kamamoi nima komoteke de o Kristus. Hodamä nako o Kristus ai mulia ihi matoko, ngini aha nimörene. 14Ngini niutumu nako ngini inï hikauku hababu ngini o Kristus niwinö ninïki. Gënanga mamangarati o Womaha imomulia, enagënanga ma Jou Madutu ai Womaha naga nginioka. 15Ngini nia hidogoronaka kamoiö de uha yatagongo o huha de o hangihara karana ünanga wotoma ekola wotohiki, ekola o nyawa madorou, ekola karana ünanga wosapuru o nyawa mahomoa manga hali. 16Mä nako ngini ini hihuha de nihangihara hababu ngini o Haranioka manyawa, uha ini mal̄eke karana o hali gënanga. Nitarima kasi ma Jou Madutuika ngini niao o Kristus ai romanga.
17I yadonoka maöraha o dunia nënanga ma Jou Madutu wohidero o adili. Deʼ ma Jou Madutu ai umati mahirete aha yatihira yahidero o adili. Aa, nako ma Jou Madutu aha wonätihira ngone, sarakia done aha idadi de o nyawa yongaku-ngakua o Abari ma Oaika ma Jou Madutuino gënanga? 18#Ams. 11:31 Ma Jou Ai Demo ma Buku magoronaka yatulihi hoko nënanga,
”Nako o nyawa maoa mai huhaka yahihalamati,
okia hongoli aha idadi de o nyawa yoböbaradoha iwi näko-näkoua ma Jou!”
19Hababu gënanga, nako naga o nyawa yohuha de yohangihara karana ma Jou Madutu womau hoko gënanga, kokiani o nyawa geönanga yowango de madiai deʼ manga diri ihi döaka wahi Dädadika. Unanga aha hoko genangika waganapu Ai jaji.
Currently Selected:
O PETRUS MADODIHIRAKA 4: TLB
Highlight
Copy
Compare
Share
Want to have your highlights saved across all your devices? Sign up or sign in
O PETRUS MADODIHIRAKA 4
4
O ngango mahungi
1Karana o Kristus watagongoka o huha de o hangihara cara o röehe, nginiö, kokiani nia diri nia kuata de o jako hokä hoko gënanga. Hababu o nyawa yatago-tagongo o huha de o hangihara cara o röehe, yodiaiokaua o baradoha. 2Hababu gënanga, kokiani ngini niwango nënanga de hikaika o duniaka nënanga, imoteke ma Jou Madutu ai mau, deʼ koimotekua o nyawa manahihu. 3O öraha ipö paha-paha, ngini yaoaka madëkana nidiai okia naga yöigo-igo yadodiai o nyawa iwi näko-näkoua ma Jou. Ngini niwango itorou. Ngini nia moteke nia nahihu, inï dalu-daluku kani rame-rame, kani oke-okere deʼ o gomanga nia huba de macara ha emo-emono. 4Oraha nënanga o nyawa iwi näko-näkoua ma Jou, yohëranga ngini nia motekua o wowango hokä önanga, yajame o baradoha mabatingi koiwa. Mahababu gënanga önanga ini hikauku ngini. 5Mä onanga kokiani daha ihi döaka o bobaluhu ma Jou Madutuika woma sosadiaka la wahidero o adili o nyawa kayo wango-wangohi ika deʼ yohone-honengokaika. 6Mahababu gënanga o Abari ma Oa ihi ngahuö o nyawa yohone-honengika. Madungutu hupaya önanga, yahi dero-deroka o adili cara o röehe – hokä mahali o nyawa mata-mata aha yahi dero o adili – yamäke o ngango cara rohani, imoteke ma Jou Madutu ai mau.
I hi dödailako o ngongike ma Jou Madutuino
7Hagala moi-moi i tigioka mabobahaika, hababu gënanga kokiani ngini nia diri nia kuaha deʼ nihi dodiai nimä göana, hupaya ngini yakunu nimä niata. 8#Ams. 10:12 Iholoi de hagala mata-mata, kokiani ngini igou-goungu nimä kodora moi de moi, hababu de nimä kodora ngini aha nio modekoli nima hika apongo. 9Kokiani ngini nimateke tarima moi de moi nia tauoka moi-moi, de nitaianua. 10Ngini moi-moi nia tarimaka o ngongike-ngongike ima kokohowono ma Jou Madutuino. Hababu gënanga hokä ihidödailako maoa ma Jou Madutu ai ngongike-ngongikeino, kokiani ngini nia päke o dagakunu gënanga mangale nia paralu kamamoi nima mata-mata. 11O nyawa ihi ado-adono o abari kokiani ihi ädono o abari ma Jou Madutuino; o nyawa yälöleleani o nyawa mahomoa, kokiani yoleleani de o kuata ma Jou Madutuino, hupaya hagala o hali magoronaka, ma Jou Madutu yakunu iwi himulia de madodagi o Yesus Kristus. Unanga dika wokokuaha deʼ ipatutu iwi himulia kahi ado-adonika. Amin.
Hatagongo o huha de o hangihara hokä o Haranioka manyawa
12O Roriadodoto tinï hohininga! Oraha nënanga ngini duru konia hangihara karana inï uji magogiria. Mä uha nia mäo nihëranga, hokä naga okia naga moi kabiahaua idadi nginika. 13Kaidogo, kokiani ngini nia mäo nisanangi karana nia tagongo o huha de o hangihara kamamoi nima komoteke de o Kristus. Hodamä nako o Kristus ai mulia ihi matoko, ngini aha nimörene. 14Ngini niutumu nako ngini inï hikauku hababu ngini o Kristus niwinö ninïki. Gënanga mamangarati o Womaha imomulia, enagënanga ma Jou Madutu ai Womaha naga nginioka. 15Ngini nia hidogoronaka kamoiö de uha yatagongo o huha de o hangihara karana ünanga wotoma ekola wotohiki, ekola o nyawa madorou, ekola karana ünanga wosapuru o nyawa mahomoa manga hali. 16Mä nako ngini ini hihuha de nihangihara hababu ngini o Haranioka manyawa, uha ini mal̄eke karana o hali gënanga. Nitarima kasi ma Jou Madutuika ngini niao o Kristus ai romanga.
17I yadonoka maöraha o dunia nënanga ma Jou Madutu wohidero o adili. Deʼ ma Jou Madutu ai umati mahirete aha yatihira yahidero o adili. Aa, nako ma Jou Madutu aha wonätihira ngone, sarakia done aha idadi de o nyawa yongaku-ngakua o Abari ma Oaika ma Jou Madutuino gënanga? 18#Ams. 11:31 Ma Jou Ai Demo ma Buku magoronaka yatulihi hoko nënanga,
”Nako o nyawa maoa mai huhaka yahihalamati,
okia hongoli aha idadi de o nyawa yoböbaradoha iwi näko-näkoua ma Jou!”
19Hababu gënanga, nako naga o nyawa yohuha de yohangihara karana ma Jou Madutu womau hoko gënanga, kokiani o nyawa geönanga yowango de madiai deʼ manga diri ihi döaka wahi Dädadika. Unanga aha hoko genangika waganapu Ai jaji.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in