ZABUR 69
69
Do'e léq waktu susah
1Umaq pemimpin kor. Menurut lagu: Kembang Bakung. Léman Daud.
2Ya Allah, selametang kaji,
séngaq aiq sampun taék jangke dateng belong kaji.
3Kaji kederos ojok rawe saq dalem,
nénten araq taoq kaji begenjah.
Kaji ketelep léq aiq saq dalem,
teéléhang siq umbak saq beléq.
4Kaji bekuih-kuih jangke lelah
dait kerongkongan kaji gero.
Maten kaji peréq ngantos pertulungan Allah kaji.
5 #
Zbr. 35:19; Yah. 15:25 Dengan saq nénten bedowé alasan meriq léq kaji,
luwéqan léman bulu léq ulu kaji.
Dengan-dengan kuat mélé binaseang kaji;
ie pade nyerang kaji siq pitnah.
Kaji tepaksaq nulakang
barang saq nénten kaji rampas.
6Ya Allah, Deside wikan kesalaqan-kesalaqan kaji
nénten araq dose kaji saq teseboq léq arepan Deside.
7Sampunang menengang kaji miaq ilaq
tipaq dengan-dengan saq beharep léq Deside,
ya Junjungan kaji Saq Mulie, ALLAH Saq Mahekuase.
Sampunang menengang kaji miaq hine
tipaq dengan-dengan saq nyembah Deside,
ya Allah Israel!
8Séngaq lantaran Deside kaji tehine,
lantaran Deside kaji tewade.
9Kaji jari maraq dengan pendateng léq antare kadang jarin kaji,
maraq dengan lain léq antare semeton kaji.
10 #
Yah. 2:17; Rm. 15:3 Kasih kaji léq Gedéng Deside, nguasein atén kaji
oloq-oloqan dengan saq menghine Deside nimpe diriq kaji.
11Kaji nangis dait puase
laguq ie pade menghine kaji.
12Kaji ngengadu kéréng karung tande besengkale,
laguq ie pade nyindir kaji.
13Kaji jari raosan léq taoq dengan bekumpul,
dait tukang bowos nyanyiang lagu mengenai kaji.
14Laguq kaji bedo'e tipaq Deside, ya ALLAH,
ya Allah, jawab kaji léq waktu saq solah.
Tulung kaji lantaran kasih Deside saq beléq
dait lantaran kesetiean Deside.
15Sampunang menengang kaji ketelep léq dalem rawe,
selametang kaji léman dengan-dengan saq meriq léq kaji dait léman aiq saq dalem.
16Sampunang menengang kaji teéléhang siq umbak saq beléq,
dait ketelep léq dasar segare
atao tekubur léq dalem loang.
17Silaq jawab kaji, ya ALLAH,
séngaq kasih dait setie Deside solah.
Semoge Deside kayun bebalik tipaq kaji
séngaq beléq belas kasihan Deside.
18Sampunang nyeboq léman hambe Deside niki,
séngaq kaji kenyeke susah, gelis nulung kaji.
19Rauh selametang kaji,
bébasang kaji léman musuh-musuh kaji.
20Deside wikan berembé kaji tecele, tehine dait teperilaq,
Deside cingakin selapuq musuh kaji.
21Penghinean sampun miaq kaji polak angen,
dait kaji putus ase.
Kaji boyaq belas kasihan, laguq sie-sie,
kaji boyaq penghibur, laguq nénten kaji ndait.
22 #
Mat. 27:48; Mrk. 15:36; Luk. 23:26; Yah. 9:28-29 Malah kaji tebéng racun jari keloran;
waktu bedak, kaji tebéng aiq anggur saq pedis jari ineman.
23 #
Rm. 11:9-10
Menengang keloran saq araq léq julun ie pade miaq celake,
dait jari perangkep temué-temué ie pade.
24Menengang penenteng ie pade jari bute
dait bongkor ie pade tetep lumah.
25Tumpahang kemenggahan Deside tipaq ie pade,
menengang ie pade tetimpe siq murke Deside saq ngelaur maraq api.
26 #
Kis. 1:20
Menengang perkémahan ie pade sepi mimit,
dait kémah-kémah ie pade nénten araq dengan tauq.
27Séngaq ie pade nganiaye dengan saq Deside hukum,
dait ngeraosang dengan-dengan saq Deside siksaq.
28Menengang kesalaqan ie pade sayan luwéq;
sampunang miaq ie pade jari kenaq.
29 #
Kel. 32:32; Why. 3:5, 13:8, 17:8 Menengang aran ie pade teapus léman Kitab Kehidupan;
dait nénten tecatet léq daptar dengan jujur.
30Laguq kaji tetindes dait beridap sakit,
angkat kaji ya Allah, dait selametang kaji.
31Tiang gen memuji Allah siq nyanyian,
mulieang Ie siq nyanyian syukur.
32Léq arepan ALLAH hal nike solahan ketimbang kurban sampi,
kurban sampi mame saq beléq.
33Serioq hal nike dengan saq tetindes cemoh,
dengan saq nyembah Allah merase tehibur.
34Séngaq ALLAH mirengang dengan saq miskin;
Ie nénten ngelupaqang umat-Ne léq dalem bui.
35Pade puji Allah, hai langit dait gumi,
segare dait selapuq mahluk léq dalemne.
36Allah gen nyelametang Yerusalem
dait penganjeng malik kote-kote Yehuda.
Umat-Ne gen ndot léq derike;
tanaq nike jari dowén ie pade.
37Anak baine gen jari pewarisne;
dengan-dengan saq ngasihin Ie gen ndot léq derike.
Currently Selected:
ZABUR 69: LAISAS
Highlight
Share
Copy
Want to have your highlights saved across all your devices? Sign up or sign in
ZABUR 69
69
Do'e léq waktu susah
1Umaq pemimpin kor. Menurut lagu: Kembang Bakung. Léman Daud.
2Ya Allah, selametang kaji,
séngaq aiq sampun taék jangke dateng belong kaji.
3Kaji kederos ojok rawe saq dalem,
nénten araq taoq kaji begenjah.
Kaji ketelep léq aiq saq dalem,
teéléhang siq umbak saq beléq.
4Kaji bekuih-kuih jangke lelah
dait kerongkongan kaji gero.
Maten kaji peréq ngantos pertulungan Allah kaji.
5 #
Zbr. 35:19; Yah. 15:25 Dengan saq nénten bedowé alasan meriq léq kaji,
luwéqan léman bulu léq ulu kaji.
Dengan-dengan kuat mélé binaseang kaji;
ie pade nyerang kaji siq pitnah.
Kaji tepaksaq nulakang
barang saq nénten kaji rampas.
6Ya Allah, Deside wikan kesalaqan-kesalaqan kaji
nénten araq dose kaji saq teseboq léq arepan Deside.
7Sampunang menengang kaji miaq ilaq
tipaq dengan-dengan saq beharep léq Deside,
ya Junjungan kaji Saq Mulie, ALLAH Saq Mahekuase.
Sampunang menengang kaji miaq hine
tipaq dengan-dengan saq nyembah Deside,
ya Allah Israel!
8Séngaq lantaran Deside kaji tehine,
lantaran Deside kaji tewade.
9Kaji jari maraq dengan pendateng léq antare kadang jarin kaji,
maraq dengan lain léq antare semeton kaji.
10 #
Yah. 2:17; Rm. 15:3 Kasih kaji léq Gedéng Deside, nguasein atén kaji
oloq-oloqan dengan saq menghine Deside nimpe diriq kaji.
11Kaji nangis dait puase
laguq ie pade menghine kaji.
12Kaji ngengadu kéréng karung tande besengkale,
laguq ie pade nyindir kaji.
13Kaji jari raosan léq taoq dengan bekumpul,
dait tukang bowos nyanyiang lagu mengenai kaji.
14Laguq kaji bedo'e tipaq Deside, ya ALLAH,
ya Allah, jawab kaji léq waktu saq solah.
Tulung kaji lantaran kasih Deside saq beléq
dait lantaran kesetiean Deside.
15Sampunang menengang kaji ketelep léq dalem rawe,
selametang kaji léman dengan-dengan saq meriq léq kaji dait léman aiq saq dalem.
16Sampunang menengang kaji teéléhang siq umbak saq beléq,
dait ketelep léq dasar segare
atao tekubur léq dalem loang.
17Silaq jawab kaji, ya ALLAH,
séngaq kasih dait setie Deside solah.
Semoge Deside kayun bebalik tipaq kaji
séngaq beléq belas kasihan Deside.
18Sampunang nyeboq léman hambe Deside niki,
séngaq kaji kenyeke susah, gelis nulung kaji.
19Rauh selametang kaji,
bébasang kaji léman musuh-musuh kaji.
20Deside wikan berembé kaji tecele, tehine dait teperilaq,
Deside cingakin selapuq musuh kaji.
21Penghinean sampun miaq kaji polak angen,
dait kaji putus ase.
Kaji boyaq belas kasihan, laguq sie-sie,
kaji boyaq penghibur, laguq nénten kaji ndait.
22 #
Mat. 27:48; Mrk. 15:36; Luk. 23:26; Yah. 9:28-29 Malah kaji tebéng racun jari keloran;
waktu bedak, kaji tebéng aiq anggur saq pedis jari ineman.
23 #
Rm. 11:9-10
Menengang keloran saq araq léq julun ie pade miaq celake,
dait jari perangkep temué-temué ie pade.
24Menengang penenteng ie pade jari bute
dait bongkor ie pade tetep lumah.
25Tumpahang kemenggahan Deside tipaq ie pade,
menengang ie pade tetimpe siq murke Deside saq ngelaur maraq api.
26 #
Kis. 1:20
Menengang perkémahan ie pade sepi mimit,
dait kémah-kémah ie pade nénten araq dengan tauq.
27Séngaq ie pade nganiaye dengan saq Deside hukum,
dait ngeraosang dengan-dengan saq Deside siksaq.
28Menengang kesalaqan ie pade sayan luwéq;
sampunang miaq ie pade jari kenaq.
29 #
Kel. 32:32; Why. 3:5, 13:8, 17:8 Menengang aran ie pade teapus léman Kitab Kehidupan;
dait nénten tecatet léq daptar dengan jujur.
30Laguq kaji tetindes dait beridap sakit,
angkat kaji ya Allah, dait selametang kaji.
31Tiang gen memuji Allah siq nyanyian,
mulieang Ie siq nyanyian syukur.
32Léq arepan ALLAH hal nike solahan ketimbang kurban sampi,
kurban sampi mame saq beléq.
33Serioq hal nike dengan saq tetindes cemoh,
dengan saq nyembah Allah merase tehibur.
34Séngaq ALLAH mirengang dengan saq miskin;
Ie nénten ngelupaqang umat-Ne léq dalem bui.
35Pade puji Allah, hai langit dait gumi,
segare dait selapuq mahluk léq dalemne.
36Allah gen nyelametang Yerusalem
dait penganjeng malik kote-kote Yehuda.
Umat-Ne gen ndot léq derike;
tanaq nike jari dowén ie pade.
37Anak baine gen jari pewarisne;
dengan-dengan saq ngasihin Ie gen ndot léq derike.
Currently Selected:
:
Highlight
Share
Copy
Want to have your highlights saved across all your devices? Sign up or sign in