Roma 9
9
Paulus 'ai 'akala re sinyingara 'i basono kangela masala sababu ngowa'a Yahudi manga repe raḏi dawongo Yesus ua
1Nange-ne 'oru ga'a ngoi mau to kanau 'i banari. Ngoi to sa-sakala ua sababu ngoi marimoi ra Kristus. Re ḏi'i 'ari 'akala re sinyingara ma kanau, Ma Ngagara 'Ofi-'Ofi ya sinyanyasele re Enanga 'i sisakisi mangale 'oru ga'a to kanau nena-ne 'i banari. 2'Ari 'akala re sinyingara 'i basono kangela masala re 'i sangisara tau-taunu, 3sababu 'ari ioronongoḏu ga'a ngowa'a Yahudi, ananga gena-ge 'aḏi dawongo Yesus ua. Dadi ngoi masiretene to nyafusu nga'unu gari'a, ngoi to sanga katula ra Ma Jou'ongu Madutu re sito-tola'a ra Kristus, la ananga nyengara 'aḏi sanga salamata. 4Ananga gena-ge 'a Israel 'ai ju'uda. Ma Jou'ongu Madutu ya'u cumutu ḏua ananga 'aḏi dadi Unanga 'ai ngowa-ngowa'a, re ya'u sijumu 'Ai kuasa ra ananga. Unanga 'o si'a'a 'Ai jaji ra ananga re Musa 'ai hukumu Unanga ya'u pula'a ḏi'i. Ma Jou'ongu Madutu ya'u sidoto'o ma duhu sa'olo mangale silamo'o re siḏubuso Unanga, re ya'u sijaji 'ori i'a ma repe.#Sup. 9:4 5Ananga gena-ge Abraham, Ishak re Yakub manga ju'uda. Mete'e manusia ma 'asala, Kristus ḏi'i 'ai ju'uda ra ananga ino. Kristus gena-ge ga'a 'Ai kuasa ma pari cua re Unanga ḏi'i Ma Jou'ongu Madutu. Dadi ngowa'a mo-moini balasu 'aḏi puji re silamo'o Kristus nena re si'a. 'Amin.#9:5 'Age toma kartasi lo-lolo lelegu 'i silefo so'o ne: “Kristus gena-ge ga'a 'Ai kuasa ma pari cua. Dadi ngowa'a mo-moini balasu 'aḏi puji re silamo'o Ma Jou'ongu Madutu nena re si'a. 'Amin.”
6Ngoi 'ari maksudu ua so'o ne: Ma Jou'ongu Madutu 'o sitotomo 'ai jaji ua toma ngowa'a Yahudi! Mada'a Ma Jou'ongu Madutu 'o cumutu ua ngowa'a Israel mo-moini di'a dadi 'Ai 'umata mode-mode'e, ananga gena-ge ga'a dawongo 'oru ga'a Unanga ro sijaji. 7So'o gena ḏi'i, Abraham 'ai ju'uda mo-moini ua 'aḏi dadi Abraham 'ai ngowa-ngowa'a mode-mode'e ga'a 'aḏi dawongo 'oru ga'a Ma Jou'ongu Madutu ro sijaji. Sababu Ma Jou'ongu Madutu ro kanau ra Abraham, “Pa'i 'a Isak 'ai ju'uda ḇato 'aḏi dadi 'ani ju'uda mode-mode'e Tari momina.”#Do. 21:12 8Gena-ge ma ngale so'o ne: Pa'i Abraham 'ai ju'uda ḇato ga'a 'aḏi sibuoro mete'e Unanga 'ai jaji, ananga 'aḏi dadi Ma Jou'ongu Madutu 'ai ngowa-ngowa'a re ḏi'i Abraham 'ai ngowa-ngowa'a mode-mode'e; mada'a 'ai ju'uda mo-moini ua. 9Sababu Ma Jou'ongu Madutu 'ai jaji ra Abraham so'o ne: “Toma 'orasa ga'a sitantukanga ḏua, Ngoi dadunu to sapolo, re ngo Sara rami ngowa'a nau'u matengo ḏua.”#Do. 18:10
10Sidogo ḏi'i, ngo Ribka remo sibuoro ngowa'a nau'u nga muḏiḏi 'aḏi sasalanga, re manga Ḇaḇa 'a Ishak, nanga ete re dotumu. 11Mada'a ngowa'a nau'u nga muḏiḏi gena-ge ma ngina mo sibuoro nyangu, re ananga 'aḏi 'a'a nyangu 'ori i'a la-la bolo cira, Ma Jou'ongu Madutu ra sitantukanga 'o cumutu matengo i'a sanga 'Ai jaji toma biono i'a. Ma Jou'ongu Madutu 'a'a so'o gena-ge di'a sijumu Unanga 'ai bili gena-ge 'i mete'e ua sa'olo manusia manga bili — manusia 'aḏi pili mete'e ngowa'a manga ga'a — mada'a 'Ai bili 'i mete'e Unanga 'ai mau masiretene. 12Dadi Ma Jou'ongu Madutu ro kanau ra ngo Ribka, “Ma ioro ḏuanga i'a 'o de-de'oso ma nongoḏu.”#Do. 25:23 13Ma tero sa'olo Ma Jou'ongu Madutu 'ai demo-demo ga'a ri silefo toma Boku 'Ofi-'Ofi ma dara so'o ne: “Yakub, Ngoi tu pula'a 'Ari jaji; mada'a Esau, Ngoi tu pula'a 'Ari jaji ua.”#Mal. 1:2-3
14Dadi nange-ne ngene nanga goro ino sa'olo?! Ma Jou'ongu Madutu 'o 'adili ua wakutu 'O cumutu Yakub mada'a dawongo ua Esau?! Sanga ua! Tantu ḏua, Ma Jou'ongu Madutu 'o 'adili! 15Sababu Ma Jou'ongu Madutu ro kanau ra Musa,
“Ngoi ḏuanga i'a to sijumu 'Ari 'akala re sinyingara ma la-la ra guna ḇato ga'a Ngoi to mau tu sijumu 'Ari 'akala re sinyingara ma la-la,
re Ngoi ḏuanga i'a to sijumu 'Ari dadalara ra guna ḇato ga'a Ngoi to mau tu sijumu dadalara gena-ge.”#Sup. 33:19
16Sababu gena-ge, Ma Jou'ongu Madutu 'ai putusanga gena-ge 'i mete'e ua manusia manga mau bolo manusia manga ga'a, mada'a mete'e pa'i Unanga masiretene 'ai 'akala re sinyingara ma la-la ḇato. 17Sababu toma Boku 'Ofi-'Ofi ma dara ri silefo so'o ne: “Ma Jou'ongu Madutu ro kanau ra 'olana Mesir, ‘Ngoi tini sitede no dadi 'olana di'a ma maksudu pa'i rimoi ḇato: mangale sababu ngana, Ngoi to sijumu 'Ari kuasa re ngowa'a 'aḏi sikau'u 'Ari lomanga toma dungia sitabi donga.’ ”#Sup. 9:16 18Sababu gena-ge, Ma Jou'ongu Madutu 'o sijumu 'akala re sinyingara ma la-la ra guna ḇato re Unanga 'o si'a'a 'a guna ḇato 'ai 'akala re sinyingara lai te'e. Unanga 'o 'a'a so'o gena, pa'i mete'e 'Ai mau ḇato.
Ma Jou'ongu Madutu 'ai borata re dadalara
19Dadi, tantu ḏua 'age rema ngowa'a matengo i'a mau 'o kanau ra ngoi so'o ne: “Na'o so'o gena, i'a sa'olo Ma Jou'ongu Madutu 'o sisala manusia moju di'a manga ḏosa?! Sababu matengo i'a mai ua nga'unu dola'aku Unanga 'ai mau!” 20Siḏibo ḏi'i, ngana nena-ne 'a guna ga'a nau'u masala di'a no sangoro Ma Jou'ongu Madutu so'o ne?! Nyengara bunga ma ngi'i 'i kanau ra matengo i'a ga'a 'a tuhu enanga, “I'a sa'olo ngana reni tuhu ngoi so'o nena?!”#Yes. 29:16, 45:9 21Momongolo ua, matengo i'a ga'a 'o tuhu bunga ma ngi'i reo tana'a gena-ge, unanga 'o haku di'a si'a'a 'oru ḇato mete'e 'ai nyafusu masiretene! Toma tana'a bo'u moi, unanga 'a tuhu bunga ma ngi'i ma rupa fara ḏiḏi: Fara moi 'a'a sirousu madutu, re fara moi ḏi'i 'a'a sirousu madutu ua.
22So'o gena ḏi'i Ma Jou'ongu Madutu, 'o 'a'a 'oru ḇato ga'a Unanga 'o mau. Momongolo ua, Unanga mau 'o sijumu 'Ai borata re 'Ai kuasa toma ngowa'a baraḏosa sababu ananga gena-ge 'aḏi patasa di'a sanga hukumu kasingado-ngadolo i'a. Mada'a kalaha so'o gena-ge, Unanga 'o sijumu 'Ai 'akala ḇanyo lai lamo'o moju toma ngowa'a ga'a 'aḏi patasa sanga hukumu gena-ge. 23Re ḏi'i Ma Jou'ongu Madutu mau 'o sijumu 'Ai mulia ma pari cua ra ngene 'Ai 'umata ga'a Unanga na sijumu 'Ai 'akala re sinyingara ma la-la, ngene ga'a Unanga ra sidodahe di'a 'ahu ga'a 'i mulia toma soroga. 24Ngene nena-ne, ngowa'a Yahudi, ngowa'a ga'a Unanga rena 'aro'o di'a 'aḏi dadi 'Ai 'umata. Re pa'i ngene masiretene ua, mada'a ngowa'a Yahudi ua ḏi'i. 25Sababu ra Nabi Hosea 'ai boku 'i silefo mangale Ma Jou'ongu Madutu 'o kanau so'o ne:
“Ngowa-ngowa'a ga'a 'Ari 'umata ua,
ta'u sidadi ananga ‘Ngoi 'ari 'umata’.
Bangsa ga'a nana'o 'Ari dadalara ua,
ḏuanga i'a 'aḏi nana'o 'Ari dadalara.#Hos. 2:23
26Re:
Ua re 'au wali, Ma Jou'ongu Madutu 'o si'aro'o ananga gena-ge, ‘ 'Ari 'umata ua,’
mada'a ḏuanga i'a Ma Jou'ongu Madutu ga'a 'o 'ahu, Unanga 'o si'aro'o ananga gena-ge ‘Ma Jou'ongu Madutu 'ai ngowa-ngowa'a nau'u.’ ”#Hos. 1:10
27Nabi Yesaya 'o kanau po-poma mangale bangsa Israel so'o ne:
“Kalaha ngowa'a Israel manga repe ma tero sa'olo dongi toma ngoloto ma 'uḏu, ananga 'aḏi salamata repe ua.
28Sababu Ma Jou'ongu Madutu jau-jau 'o sijuruhakimi dungia nena-ne ma dara.”#Yes. 10:22-23
29Gena-ge ma tero sa'olo Nabi Yesaya 'o kanau ḏi'i so'o ne:
“Na'o Ma Jou'ongu Madutu ga'a 'Ai kuasa ma pari cua 'O sieanga i'a ua nanga ju'uda di'a ngene,
tantu ḏua ngene mo-moini wo iranga ma tero sa'olo ngowa'a toma Sodom re Gomora.”#Yes. 1:9
Marimoi ra Ma Jou'ongu Madutu sababu ngo-ngaku ra Yesus
30Dadi ngene wo kanau 'oru mangale gena-ge?! Mangale ngowa'a Yahudi ua ga'a 'aḏi makutale ua di'a 'aḏi dadi ngowa'a loasa re banari, mada'a nange-ne ananga gena-ge 'aḏi dadi ngowa'a loasa re banari Tai momina sababu manga ngo-ngaku ra Yesus! 31Momongolo ua, ngowa'a Yahudi ga'a 'aḏi siḏagi Musa 'ai hukumu 'aḏi makutale di'a 'aḏi dadi ngowa'a loasa re banari, mada'a ananga 'aḏi dadi ua ngowa'a loasa re banari Tai momina! 32I'a sa'olo ananga 'aḏi dadi ua ngowa'a loasa re banari?! Sababu ananga gena-ge makutale di'a 'aḏi 'ahu mete'e Musa 'ai hukumu ma ngo'omo re makutale ua di'a 'aḏi 'ahu mete'e ngo-ngaku ma ngo'omo. Gena-ge ma tero sa'olo ananga 'aḏi pele'e toma “Maḏi dola'aku.” 33Mangale Maḏi gena-ge toma Boku 'Ofi-'Ofi, Ma Jou'ongu Madutu 'o kanau so'o ne:
“Ni totoho la-la ne: Toma Sion, Ngoi to sigae maḏi rimoi,
enanga gena-ge si'a'a ngowa'a 'aḏi pele'e.
re toma maḏi gena-ge ngowa'a 'aḏi masiruba.
Mada'a 'a guna ḇato 'ai ngo-ngaku ra Unanga, ananga manga 'akala re sinyingara 'i rapo'o ua.”#Yes. 28:16
Currently Selected:
Roma 9: SNT
Highlight
Share
Copy
Want to have your highlights saved across all your devices? Sign up or sign in
2015 © Indonesian Bible Society
Roma 9
9
Paulus 'ai 'akala re sinyingara 'i basono kangela masala sababu ngowa'a Yahudi manga repe raḏi dawongo Yesus ua
1Nange-ne 'oru ga'a ngoi mau to kanau 'i banari. Ngoi to sa-sakala ua sababu ngoi marimoi ra Kristus. Re ḏi'i 'ari 'akala re sinyingara ma kanau, Ma Ngagara 'Ofi-'Ofi ya sinyanyasele re Enanga 'i sisakisi mangale 'oru ga'a to kanau nena-ne 'i banari. 2'Ari 'akala re sinyingara 'i basono kangela masala re 'i sangisara tau-taunu, 3sababu 'ari ioronongoḏu ga'a ngowa'a Yahudi, ananga gena-ge 'aḏi dawongo Yesus ua. Dadi ngoi masiretene to nyafusu nga'unu gari'a, ngoi to sanga katula ra Ma Jou'ongu Madutu re sito-tola'a ra Kristus, la ananga nyengara 'aḏi sanga salamata. 4Ananga gena-ge 'a Israel 'ai ju'uda. Ma Jou'ongu Madutu ya'u cumutu ḏua ananga 'aḏi dadi Unanga 'ai ngowa-ngowa'a, re ya'u sijumu 'Ai kuasa ra ananga. Unanga 'o si'a'a 'Ai jaji ra ananga re Musa 'ai hukumu Unanga ya'u pula'a ḏi'i. Ma Jou'ongu Madutu ya'u sidoto'o ma duhu sa'olo mangale silamo'o re siḏubuso Unanga, re ya'u sijaji 'ori i'a ma repe.#Sup. 9:4 5Ananga gena-ge Abraham, Ishak re Yakub manga ju'uda. Mete'e manusia ma 'asala, Kristus ḏi'i 'ai ju'uda ra ananga ino. Kristus gena-ge ga'a 'Ai kuasa ma pari cua re Unanga ḏi'i Ma Jou'ongu Madutu. Dadi ngowa'a mo-moini balasu 'aḏi puji re silamo'o Kristus nena re si'a. 'Amin.#9:5 'Age toma kartasi lo-lolo lelegu 'i silefo so'o ne: “Kristus gena-ge ga'a 'Ai kuasa ma pari cua. Dadi ngowa'a mo-moini balasu 'aḏi puji re silamo'o Ma Jou'ongu Madutu nena re si'a. 'Amin.”
6Ngoi 'ari maksudu ua so'o ne: Ma Jou'ongu Madutu 'o sitotomo 'ai jaji ua toma ngowa'a Yahudi! Mada'a Ma Jou'ongu Madutu 'o cumutu ua ngowa'a Israel mo-moini di'a dadi 'Ai 'umata mode-mode'e, ananga gena-ge ga'a dawongo 'oru ga'a Unanga ro sijaji. 7So'o gena ḏi'i, Abraham 'ai ju'uda mo-moini ua 'aḏi dadi Abraham 'ai ngowa-ngowa'a mode-mode'e ga'a 'aḏi dawongo 'oru ga'a Ma Jou'ongu Madutu ro sijaji. Sababu Ma Jou'ongu Madutu ro kanau ra Abraham, “Pa'i 'a Isak 'ai ju'uda ḇato 'aḏi dadi 'ani ju'uda mode-mode'e Tari momina.”#Do. 21:12 8Gena-ge ma ngale so'o ne: Pa'i Abraham 'ai ju'uda ḇato ga'a 'aḏi sibuoro mete'e Unanga 'ai jaji, ananga 'aḏi dadi Ma Jou'ongu Madutu 'ai ngowa-ngowa'a re ḏi'i Abraham 'ai ngowa-ngowa'a mode-mode'e; mada'a 'ai ju'uda mo-moini ua. 9Sababu Ma Jou'ongu Madutu 'ai jaji ra Abraham so'o ne: “Toma 'orasa ga'a sitantukanga ḏua, Ngoi dadunu to sapolo, re ngo Sara rami ngowa'a nau'u matengo ḏua.”#Do. 18:10
10Sidogo ḏi'i, ngo Ribka remo sibuoro ngowa'a nau'u nga muḏiḏi 'aḏi sasalanga, re manga Ḇaḇa 'a Ishak, nanga ete re dotumu. 11Mada'a ngowa'a nau'u nga muḏiḏi gena-ge ma ngina mo sibuoro nyangu, re ananga 'aḏi 'a'a nyangu 'ori i'a la-la bolo cira, Ma Jou'ongu Madutu ra sitantukanga 'o cumutu matengo i'a sanga 'Ai jaji toma biono i'a. Ma Jou'ongu Madutu 'a'a so'o gena-ge di'a sijumu Unanga 'ai bili gena-ge 'i mete'e ua sa'olo manusia manga bili — manusia 'aḏi pili mete'e ngowa'a manga ga'a — mada'a 'Ai bili 'i mete'e Unanga 'ai mau masiretene. 12Dadi Ma Jou'ongu Madutu ro kanau ra ngo Ribka, “Ma ioro ḏuanga i'a 'o de-de'oso ma nongoḏu.”#Do. 25:23 13Ma tero sa'olo Ma Jou'ongu Madutu 'ai demo-demo ga'a ri silefo toma Boku 'Ofi-'Ofi ma dara so'o ne: “Yakub, Ngoi tu pula'a 'Ari jaji; mada'a Esau, Ngoi tu pula'a 'Ari jaji ua.”#Mal. 1:2-3
14Dadi nange-ne ngene nanga goro ino sa'olo?! Ma Jou'ongu Madutu 'o 'adili ua wakutu 'O cumutu Yakub mada'a dawongo ua Esau?! Sanga ua! Tantu ḏua, Ma Jou'ongu Madutu 'o 'adili! 15Sababu Ma Jou'ongu Madutu ro kanau ra Musa,
“Ngoi ḏuanga i'a to sijumu 'Ari 'akala re sinyingara ma la-la ra guna ḇato ga'a Ngoi to mau tu sijumu 'Ari 'akala re sinyingara ma la-la,
re Ngoi ḏuanga i'a to sijumu 'Ari dadalara ra guna ḇato ga'a Ngoi to mau tu sijumu dadalara gena-ge.”#Sup. 33:19
16Sababu gena-ge, Ma Jou'ongu Madutu 'ai putusanga gena-ge 'i mete'e ua manusia manga mau bolo manusia manga ga'a, mada'a mete'e pa'i Unanga masiretene 'ai 'akala re sinyingara ma la-la ḇato. 17Sababu toma Boku 'Ofi-'Ofi ma dara ri silefo so'o ne: “Ma Jou'ongu Madutu ro kanau ra 'olana Mesir, ‘Ngoi tini sitede no dadi 'olana di'a ma maksudu pa'i rimoi ḇato: mangale sababu ngana, Ngoi to sijumu 'Ari kuasa re ngowa'a 'aḏi sikau'u 'Ari lomanga toma dungia sitabi donga.’ ”#Sup. 9:16 18Sababu gena-ge, Ma Jou'ongu Madutu 'o sijumu 'akala re sinyingara ma la-la ra guna ḇato re Unanga 'o si'a'a 'a guna ḇato 'ai 'akala re sinyingara lai te'e. Unanga 'o 'a'a so'o gena, pa'i mete'e 'Ai mau ḇato.
Ma Jou'ongu Madutu 'ai borata re dadalara
19Dadi, tantu ḏua 'age rema ngowa'a matengo i'a mau 'o kanau ra ngoi so'o ne: “Na'o so'o gena, i'a sa'olo Ma Jou'ongu Madutu 'o sisala manusia moju di'a manga ḏosa?! Sababu matengo i'a mai ua nga'unu dola'aku Unanga 'ai mau!” 20Siḏibo ḏi'i, ngana nena-ne 'a guna ga'a nau'u masala di'a no sangoro Ma Jou'ongu Madutu so'o ne?! Nyengara bunga ma ngi'i 'i kanau ra matengo i'a ga'a 'a tuhu enanga, “I'a sa'olo ngana reni tuhu ngoi so'o nena?!”#Yes. 29:16, 45:9 21Momongolo ua, matengo i'a ga'a 'o tuhu bunga ma ngi'i reo tana'a gena-ge, unanga 'o haku di'a si'a'a 'oru ḇato mete'e 'ai nyafusu masiretene! Toma tana'a bo'u moi, unanga 'a tuhu bunga ma ngi'i ma rupa fara ḏiḏi: Fara moi 'a'a sirousu madutu, re fara moi ḏi'i 'a'a sirousu madutu ua.
22So'o gena ḏi'i Ma Jou'ongu Madutu, 'o 'a'a 'oru ḇato ga'a Unanga 'o mau. Momongolo ua, Unanga mau 'o sijumu 'Ai borata re 'Ai kuasa toma ngowa'a baraḏosa sababu ananga gena-ge 'aḏi patasa di'a sanga hukumu kasingado-ngadolo i'a. Mada'a kalaha so'o gena-ge, Unanga 'o sijumu 'Ai 'akala ḇanyo lai lamo'o moju toma ngowa'a ga'a 'aḏi patasa sanga hukumu gena-ge. 23Re ḏi'i Ma Jou'ongu Madutu mau 'o sijumu 'Ai mulia ma pari cua ra ngene 'Ai 'umata ga'a Unanga na sijumu 'Ai 'akala re sinyingara ma la-la, ngene ga'a Unanga ra sidodahe di'a 'ahu ga'a 'i mulia toma soroga. 24Ngene nena-ne, ngowa'a Yahudi, ngowa'a ga'a Unanga rena 'aro'o di'a 'aḏi dadi 'Ai 'umata. Re pa'i ngene masiretene ua, mada'a ngowa'a Yahudi ua ḏi'i. 25Sababu ra Nabi Hosea 'ai boku 'i silefo mangale Ma Jou'ongu Madutu 'o kanau so'o ne:
“Ngowa-ngowa'a ga'a 'Ari 'umata ua,
ta'u sidadi ananga ‘Ngoi 'ari 'umata’.
Bangsa ga'a nana'o 'Ari dadalara ua,
ḏuanga i'a 'aḏi nana'o 'Ari dadalara.#Hos. 2:23
26Re:
Ua re 'au wali, Ma Jou'ongu Madutu 'o si'aro'o ananga gena-ge, ‘ 'Ari 'umata ua,’
mada'a ḏuanga i'a Ma Jou'ongu Madutu ga'a 'o 'ahu, Unanga 'o si'aro'o ananga gena-ge ‘Ma Jou'ongu Madutu 'ai ngowa-ngowa'a nau'u.’ ”#Hos. 1:10
27Nabi Yesaya 'o kanau po-poma mangale bangsa Israel so'o ne:
“Kalaha ngowa'a Israel manga repe ma tero sa'olo dongi toma ngoloto ma 'uḏu, ananga 'aḏi salamata repe ua.
28Sababu Ma Jou'ongu Madutu jau-jau 'o sijuruhakimi dungia nena-ne ma dara.”#Yes. 10:22-23
29Gena-ge ma tero sa'olo Nabi Yesaya 'o kanau ḏi'i so'o ne:
“Na'o Ma Jou'ongu Madutu ga'a 'Ai kuasa ma pari cua 'O sieanga i'a ua nanga ju'uda di'a ngene,
tantu ḏua ngene mo-moini wo iranga ma tero sa'olo ngowa'a toma Sodom re Gomora.”#Yes. 1:9
Marimoi ra Ma Jou'ongu Madutu sababu ngo-ngaku ra Yesus
30Dadi ngene wo kanau 'oru mangale gena-ge?! Mangale ngowa'a Yahudi ua ga'a 'aḏi makutale ua di'a 'aḏi dadi ngowa'a loasa re banari, mada'a nange-ne ananga gena-ge 'aḏi dadi ngowa'a loasa re banari Tai momina sababu manga ngo-ngaku ra Yesus! 31Momongolo ua, ngowa'a Yahudi ga'a 'aḏi siḏagi Musa 'ai hukumu 'aḏi makutale di'a 'aḏi dadi ngowa'a loasa re banari, mada'a ananga 'aḏi dadi ua ngowa'a loasa re banari Tai momina! 32I'a sa'olo ananga 'aḏi dadi ua ngowa'a loasa re banari?! Sababu ananga gena-ge makutale di'a 'aḏi 'ahu mete'e Musa 'ai hukumu ma ngo'omo re makutale ua di'a 'aḏi 'ahu mete'e ngo-ngaku ma ngo'omo. Gena-ge ma tero sa'olo ananga 'aḏi pele'e toma “Maḏi dola'aku.” 33Mangale Maḏi gena-ge toma Boku 'Ofi-'Ofi, Ma Jou'ongu Madutu 'o kanau so'o ne:
“Ni totoho la-la ne: Toma Sion, Ngoi to sigae maḏi rimoi,
enanga gena-ge si'a'a ngowa'a 'aḏi pele'e.
re toma maḏi gena-ge ngowa'a 'aḏi masiruba.
Mada'a 'a guna ḇato 'ai ngo-ngaku ra Unanga, ananga manga 'akala re sinyingara 'i rapo'o ua.”#Yes. 28:16
Currently Selected:
:
Highlight
Share
Copy
Want to have your highlights saved across all your devices? Sign up or sign in
2015 © Indonesian Bible Society