1 Korintus Demo ma mulaingi
Demo ma mulaingi
Limau Korintus 'au wali moju limau rema lomanga re habari toma daeraha Akhaya. Manga repe moju ngowa-ngowa'a Korintus 'aḏi nana'o nyangu Ma Jou Yesus. Ananga 'aḏi puji re silamo'o jou'ongu ma somoara re 'age manga repe manga de'oso re ḏegoro 'i rousu ua. Paulus siḏa-siḏa gasa-gasa Habari Roanga toma ngowa-ngowa'a Korintus singadolo 'age ananga ga'a 'aḏi ngaku Ma Jou Yesus (Som. 18:1-18). Wakutu Paulus 'o tagi da'a limau Korintus ino, jama'ata ma bi-biri'i matengo 'o sapolo. Unanga gena-ge 'o pahe re 'ai madanga sawata'a, 'ai lomanga Apolos (Som. 18:24—19:1). Apolos gena-ge ga'a siturusu 'o doto'o ngowa-ngowa'a ngaku Yesus toma limau Korintus (Som. 3:6).
Palisi'i i'a ḏa ngara muḏuo i'a ngowa-ngowa'a Korintus 'aḏi lefo surata ga'a ananga ya siḏingoto ra Paulus. Enanga gena-ge ma sababu Paulus 'o siḏingoto surata nena-ne. Tai surata ma dara gena-ge ma dara Paulus 'o lefo 'a balasa ananga manga surata ga'a 'aḏi siḏingoto ra unanga. Paulus 'o ḇangata ananga sababu ananga manga de'oso re ḏegoro 'i rousu ua. Paulus 'o ḇangata, sababu ananga manga 'ahu 'aḏi ma'u 'isene riwara; 'age tamanga sigolona mamuni'a 'aḏi nyanyaḏi riwara 'a Paulus, lebe nyanyaḏi 'a Apolos bolo jama'ata ma bi-biri'i lelegu (1:10—12:1-6). Unanga 'a sangoro ananga manga so-sano so'o ne: “Le'a lebe la na'o ngene wo molo'ara ua, la nanga 'ahu 'i 'ofi-'ofi?” Ananga 'aḏi sano ḏi'i: “Sa'olo na'o we-were'a matengo ga'a remo ngaku Yesus, mada'a 'ami nau'u 'o ngaku Yesus nyangu, munanga balasu mo mato-tola'a tami nau'u bolo sa'olo?” Moi-moini gena-ge Paulus welanga toma balangu 7.
Unanga 'a sangoro ḏi'i ananga manga so-sano so'o ne: “Nyengara ngowa'a ngaku Yesus 'aḏi oromo haiwani ma la-la'eme ga'a sipula'a toma jou'ongu ma somoara di'a manga jou-jou, bolo yoḏu'u?” Paulus 'o ḇangata ananga sababu tamanga sigolona 'age ngowa'a 'aḏi momole. Ma Ngagara 'Ofi-'Ofi 'i pula'a de-de'e ra ananga, mada'a 'aḏi momole. Unanga 'o ḇangata re 'o doto'o ananga gena-ge mangale hali ma repe tai surata ma dara.
Ma dara:
1. Tabea re pula'a murasa ma la. (1:1-9)
2. Paulus 'o ajele ma ngale ngowa-ngowa'a Korintus sababu 'aḏi ma'u tolabe re manga 'ahu ma duhu 'i rousu ua. (1:10—6:20)
3. Welanga mangale molo'ara enanga ma ḏe-ḏegoro. (balangu 7)
4. Welanga mangale ngo-ngoromo ga'a sipula'a toma jou'ongu ma somoara. (8:1—11:1)
5. Welanga mangale we-were'a pake jujuwurungu wakutu toma lo-lomu. (11:2-16)
6. Welanga mangale oromo roti re ka'e 'anggur, si'elingi ie Ma Jou Yesus 'ai se-sengene. (11:17-34)
7. Welanga mangale Ma Ngagara 'Ofi-'Ofi enanga ma kuasa. (balangu 12-14)
8. Welanga mangale ngowa'a ngaku Yesus 'aḏi sengene dadunu 'ahu moju. (balangu 15)
9. Welanga mangale pipisi ga'a rea lomu di'a ya siḏingoto toma ngowa-ngowa'a ma dinga'unu ua toma limau Yerusalem. (16:1-4)
10. Go-golo'o ma ḏo-ḏogumu re pula'a tabea. (16:5-24)
Currently Selected:
1 Korintus Demo ma mulaingi: SNT
Highlight
Share
Copy

Want to have your highlights saved across all your devices? Sign up or sign in
2015 © Indonesian Bible Society
1 Korintus Demo ma mulaingi
Demo ma mulaingi
Limau Korintus 'au wali moju limau rema lomanga re habari toma daeraha Akhaya. Manga repe moju ngowa-ngowa'a Korintus 'aḏi nana'o nyangu Ma Jou Yesus. Ananga 'aḏi puji re silamo'o jou'ongu ma somoara re 'age manga repe manga de'oso re ḏegoro 'i rousu ua. Paulus siḏa-siḏa gasa-gasa Habari Roanga toma ngowa-ngowa'a Korintus singadolo 'age ananga ga'a 'aḏi ngaku Ma Jou Yesus (Som. 18:1-18). Wakutu Paulus 'o tagi da'a limau Korintus ino, jama'ata ma bi-biri'i matengo 'o sapolo. Unanga gena-ge 'o pahe re 'ai madanga sawata'a, 'ai lomanga Apolos (Som. 18:24—19:1). Apolos gena-ge ga'a siturusu 'o doto'o ngowa-ngowa'a ngaku Yesus toma limau Korintus (Som. 3:6).
Palisi'i i'a ḏa ngara muḏuo i'a ngowa-ngowa'a Korintus 'aḏi lefo surata ga'a ananga ya siḏingoto ra Paulus. Enanga gena-ge ma sababu Paulus 'o siḏingoto surata nena-ne. Tai surata ma dara gena-ge ma dara Paulus 'o lefo 'a balasa ananga manga surata ga'a 'aḏi siḏingoto ra unanga. Paulus 'o ḇangata ananga sababu ananga manga de'oso re ḏegoro 'i rousu ua. Paulus 'o ḇangata, sababu ananga manga 'ahu 'aḏi ma'u 'isene riwara; 'age tamanga sigolona mamuni'a 'aḏi nyanyaḏi riwara 'a Paulus, lebe nyanyaḏi 'a Apolos bolo jama'ata ma bi-biri'i lelegu (1:10—12:1-6). Unanga 'a sangoro ananga manga so-sano so'o ne: “Le'a lebe la na'o ngene wo molo'ara ua, la nanga 'ahu 'i 'ofi-'ofi?” Ananga 'aḏi sano ḏi'i: “Sa'olo na'o we-were'a matengo ga'a remo ngaku Yesus, mada'a 'ami nau'u 'o ngaku Yesus nyangu, munanga balasu mo mato-tola'a tami nau'u bolo sa'olo?” Moi-moini gena-ge Paulus welanga toma balangu 7.
Unanga 'a sangoro ḏi'i ananga manga so-sano so'o ne: “Nyengara ngowa'a ngaku Yesus 'aḏi oromo haiwani ma la-la'eme ga'a sipula'a toma jou'ongu ma somoara di'a manga jou-jou, bolo yoḏu'u?” Paulus 'o ḇangata ananga sababu tamanga sigolona 'age ngowa'a 'aḏi momole. Ma Ngagara 'Ofi-'Ofi 'i pula'a de-de'e ra ananga, mada'a 'aḏi momole. Unanga 'o ḇangata re 'o doto'o ananga gena-ge mangale hali ma repe tai surata ma dara.
Ma dara:
1. Tabea re pula'a murasa ma la. (1:1-9)
2. Paulus 'o ajele ma ngale ngowa-ngowa'a Korintus sababu 'aḏi ma'u tolabe re manga 'ahu ma duhu 'i rousu ua. (1:10—6:20)
3. Welanga mangale molo'ara enanga ma ḏe-ḏegoro. (balangu 7)
4. Welanga mangale ngo-ngoromo ga'a sipula'a toma jou'ongu ma somoara. (8:1—11:1)
5. Welanga mangale we-were'a pake jujuwurungu wakutu toma lo-lomu. (11:2-16)
6. Welanga mangale oromo roti re ka'e 'anggur, si'elingi ie Ma Jou Yesus 'ai se-sengene. (11:17-34)
7. Welanga mangale Ma Ngagara 'Ofi-'Ofi enanga ma kuasa. (balangu 12-14)
8. Welanga mangale ngowa'a ngaku Yesus 'aḏi sengene dadunu 'ahu moju. (balangu 15)
9. Welanga mangale pipisi ga'a rea lomu di'a ya siḏingoto toma ngowa-ngowa'a ma dinga'unu ua toma limau Yerusalem. (16:1-4)
10. Go-golo'o ma ḏo-ḏogumu re pula'a tabea. (16:5-24)
Currently Selected:
:
Highlight
Share
Copy

Want to have your highlights saved across all your devices? Sign up or sign in
2015 © Indonesian Bible Society