1 Korintus 12
12
Cocatu toma Ngagara 'Ofi-'Ofi ino
1Ioronongoḏu ngo-ngaku rimoi, nange-ne ngoi to mau ngini ni sahe mode-mode'e mangale Ma Jou'ongu Madutu 'ai cocatu toma Ngagara 'Ofi-'Ofi ino. 2'Elingi wakutu ngini ni nana'o nyangu Ma Jou'ongu Madutu, ngini ni sanga sihaga singadolo ni puji re silamo'o jou'ongu ma somoara, enanga gena-ge 'i popongolo. 3Sababu gena-ge, ngini balasu ni waro mangale ngowa'a ga'a Ma Jou'ongu Madutu 'ai Ngagara 'Ofi-'Ofi ya'u ḏegoro, ananga gena-ge sanga ua 'aḏi sosowini Yesus. So'o gena-ge matengo i'a mai ua nyengara 'aḏi sijumu tamanga 'ahu mangale “Yesus gena-ge manga Jou,” ḏuga-ḏuga Ma Ngagara 'Ofi-'Ofi ya'u ḏegoro.
4Cocatu-cocatu ma duhu lai repe ga'a toma Ngagara 'Ofi-'Ofi ino. Mada'a ma 'asala toma Ngagara 'Ofi-'Ofi pa'i rimoi ḇato. 5Ngowa'a 'aḏi de-de'oso Ma Jou 'aḏi pake duhu lai repe, mada'a Ma Jou ga'a ngowa'a 'aḏi de-de'oso, Unanga pa'i matengo ḇato. 6Ma Jou'ongu Madutu 'o sijumu 'ai kuasa tananga 'ahu 'o pake duhu lai repe, mada'a Ma Jou'ongu Madutu ga'a 'o munara toma 'ori i'a mo-moini tananga 'ahu mo-moini, Unanga pa'i matengo ḇato.
7Ma Jou'ongu Madutu 'o sijumu Ma Ngagara 'Ofi-'Ofi ma kuasa 'o pake duhu lai repe toma ngowa'a ngaku Yesus mo-moini, la ngene wo ma'u riono matengo re matengo: 8'Age rema ngowa'a matengo sanga kuasa di'a singadolo 'akala ma soro'unu ra Ma Jou'ongu Madutu tala. 'Age ma lelegu sanga kuasa di'a singadolo wo-waro mangale Ma Jou'ongu Madutu. Kuasa-kuasa gena-ge ma 'asala toma Ngagara 'Ofi-'Ofi pa'i rimoi ḇato. 9Ma Ngagara 'Ofi-'Ofi gena-ge 'i pula'a ra matengo, ngo-ngaku ra Yesus lai te'e. Re Enanga gena-ge ḏi'i sipula'a kuasa toma ngowa'a lelegu di'a si-la ngowa'a siḏi. 10Matengo sanga kuasa di'a 'a'a ga'a hera-heranga, ma lelegu sanga kuasa di'a siajele habari da'u ra Ma Jou'ongu Madutu tala. Ma lelegu sanga 'akala soro'unu di'a nga'unu ya waro na'o 'ori i'a ma 'asala toma Ngagara 'Ofi-'Ofi re 'ori i'a ma 'asala toma roh ma jira. Re ma lelegu sanga kuasa di'a kanau pake Ma Ngagara 'Ofi-'Ofi ma demo, re ma lelegu ḏi'i sanga kuasa di'a siguci Ma Ngagara 'Ofi-'Ofi ma demo. 11Mo-moini gena-ge Ma Ngagara 'Ofi-'Ofi pa'i rimoi ḇato, Enanga ma munara. Ananga matengo re matengo sanga kuasa toma Ngagara 'Ofi-'Ofi mete'e Enanga gena-ge ma mau masiretene.#Rm. 12:6-8
Lese ma bageanga lai repe, mada'a pa'i lese rimoi ḇato
12Ngene, ga'a rewo marimoi ra Kristus, ma tero sa'olo manusia manga lese. Pa'i lese rimoi ḇato mada'a lese ma bageanga ma repe. Kalaha lese ma bageanga lai repe mada'a bageanga gena-ge, 'i dadi lese rimoi ḇato.#Rm. 12:4-5 13So'o gena ḏi'i, ngene bae ngowa'a Yahudi, bae ngowa'a Yahudi ua, ngowa'a budaka, bolo budaka ua, ngene mo-moini wo dadi ma tero sa'olo lese rimoi ga'a 'i marimoi ra Kristus. Gena-ge 'i dadi wakutu ngene wo sanga baptis rema Ngagara 'Ofi-'Ofi ga'a 'i tegoro ra ngene matengo re matengo nanga 'akala re sinyingara ma dara.
14Ma lese pa'i bageanga rimoi ḇato ua, mada'a 'age bageanga ma repe toma lese. 15Si'ade-'ade, rou 'i kanau, “Ngoi ne giama ua, dadi ngoi to osama nyo-nyoimi ua toma lese.” Kalaha rou ne giama ua, rou 'i osama nyo-nyoimi ḏi'i toma lese. 16Si'ade-'ade i'a, ngau'u 'i kanau, “Ngoi ne la'o ua dadi ngoi to osama nyo-nyoimi ua toma lese.” Kalaha ngau'u ne giama ua, ngau'u 'i osama nyo-nyoimi ḏi'i toma lese. 17Si'ade-'ade i'a, lese rimoi mo-moini pa'i la'o ḇato, ma duhu sa'olo lese gena-ge 'i 'isene?! Bolo si'ade-'ade i'a lese rimoi pa'i ngau'u ḇato, ma duhu sa'olo lese gena-ge 'i tumese?! 18Mada'a momongolo ua ngene wo oḏi'i masiretene mangale Ma Jou'ongu Madutu 'a si'aturu lese ma bageanga mo-moini mete'e Unanga 'ai mau. 19Na'o mo-moini gena-ge pa'i lese ma bageanga rimoi ḇato, ma lese 'i cua! 20Dadi bageanga ma repe, mada'a ma lese pa'i rimoi ḇato.
21Sababu gena-ge, awa la'o 'i kanau toma giama, “Ngana, ngoi tini paralu ua!” Re awa sae'e 'i kanau toma rou, “Ngana, ngoi tini paralu ua!” 22Siḏibo ḏi'i, lese ma bageanga ga'a wa ta'ajiri 'i mereoso, ngene wa paralu masala; 23re lese ma bageanga ngene wa ta'ajiri kama ijana ua, ngene wa tailako masala. Lese ma bageanga ga'a ngowa'a ya oḏi'i yoḏu'u, ngene wa sipake pakeanga. 24Lese ma bageanga ga'a wa oḏi'i i'a lai rousu, ngene wa kadiarata riwara. Ma Jou'ongu Madutu 'a sifato ḏu-ḏuanga ḏua mete'e Unanga 'ai mau, la ngene wo kadiarata la-la bageanga ga'a ngene wa ta'ajiri ma ijana cua bolo mereoso. 25Sababu gena-ge, lese sibalangu yoḏu'u mada'a bageanga re bageanga balasu 'i ma'u tailako i'a re ino: 26Na'o bageanga rimoi enanga 'i siḏi, bageanga mo-moini 'i basono siḏi. Na'o bageanga rimoi ngowa'a ya sitoro, bageanga mo-moini 'i maroanga.
27Ioronongoḏu ngo-ngaku rimoi, ngini mo-moini ma tero sa'olo Kristus 'ai lese re matengo re matengo ni dadi ma tero sa'olo Unanga 'ai lese ma bageanga. 28So'o gena ḏi'i toma jama'ata, Ma Jou'ongu Madutu 'a sitantukanga ḏua matengo re matengo nanga munara: Ma mulaingi, Yesus 'ai so-soma'a kara nabi-nabi, kara guru-guru, ananga remanga kuasa di'a 'a'a ga'a hera-heranga, remanga kuasa di'a si-la ngowa'a siḏi, remanga kuasa di'a riono ngowa'a lelegu, remanga kuasa di'a sinyanyasele jama'ata, re ananga ga'a 'aḏi kanau pake Ma Ngagara 'Ofi-'Ofi ma demo.#Ef. 4:11 29Ananga mo-moini sanga kuasa ma tero ua: Ananga mo-moini ua 'aḏi dadi Yesus 'ai so-soma'a, mo-moini ua 'aḏi dadi nabi-nabi bolo 'aḏi dadi guru-guru bolo remanga kuasa di'a 'a'a ga'a hera-heranga! 30Ananga mo-moini ua remanga kuasa di'a si-la ngowa'a siḏi. Mo-moini ua nga'unu 'aḏi kanau pake Ngagara 'Ofi-'Ofi ma demo re mo-moini ua nga'unu siguci Ma Ngagara 'Ofi-'Ofi ma demo. 31Dadi, ngini ḏi'i balasu ni makutale mode-mode'e di'a ni sanga cocatu-cocatu lebe lamo'o i'a.
Mada'a nange-ne ngoi to sijumu ra ngini ngo'omo ga'a lebe rousu i'a reo cocatu gena-ge mo-moini.
Currently Selected:
1 Korintus 12: SNT
Highlight
Share
Copy
Want to have your highlights saved across all your devices? Sign up or sign in
2015 © Indonesian Bible Society
1 Korintus 12
12
Cocatu toma Ngagara 'Ofi-'Ofi ino
1Ioronongoḏu ngo-ngaku rimoi, nange-ne ngoi to mau ngini ni sahe mode-mode'e mangale Ma Jou'ongu Madutu 'ai cocatu toma Ngagara 'Ofi-'Ofi ino. 2'Elingi wakutu ngini ni nana'o nyangu Ma Jou'ongu Madutu, ngini ni sanga sihaga singadolo ni puji re silamo'o jou'ongu ma somoara, enanga gena-ge 'i popongolo. 3Sababu gena-ge, ngini balasu ni waro mangale ngowa'a ga'a Ma Jou'ongu Madutu 'ai Ngagara 'Ofi-'Ofi ya'u ḏegoro, ananga gena-ge sanga ua 'aḏi sosowini Yesus. So'o gena-ge matengo i'a mai ua nyengara 'aḏi sijumu tamanga 'ahu mangale “Yesus gena-ge manga Jou,” ḏuga-ḏuga Ma Ngagara 'Ofi-'Ofi ya'u ḏegoro.
4Cocatu-cocatu ma duhu lai repe ga'a toma Ngagara 'Ofi-'Ofi ino. Mada'a ma 'asala toma Ngagara 'Ofi-'Ofi pa'i rimoi ḇato. 5Ngowa'a 'aḏi de-de'oso Ma Jou 'aḏi pake duhu lai repe, mada'a Ma Jou ga'a ngowa'a 'aḏi de-de'oso, Unanga pa'i matengo ḇato. 6Ma Jou'ongu Madutu 'o sijumu 'ai kuasa tananga 'ahu 'o pake duhu lai repe, mada'a Ma Jou'ongu Madutu ga'a 'o munara toma 'ori i'a mo-moini tananga 'ahu mo-moini, Unanga pa'i matengo ḇato.
7Ma Jou'ongu Madutu 'o sijumu Ma Ngagara 'Ofi-'Ofi ma kuasa 'o pake duhu lai repe toma ngowa'a ngaku Yesus mo-moini, la ngene wo ma'u riono matengo re matengo: 8'Age rema ngowa'a matengo sanga kuasa di'a singadolo 'akala ma soro'unu ra Ma Jou'ongu Madutu tala. 'Age ma lelegu sanga kuasa di'a singadolo wo-waro mangale Ma Jou'ongu Madutu. Kuasa-kuasa gena-ge ma 'asala toma Ngagara 'Ofi-'Ofi pa'i rimoi ḇato. 9Ma Ngagara 'Ofi-'Ofi gena-ge 'i pula'a ra matengo, ngo-ngaku ra Yesus lai te'e. Re Enanga gena-ge ḏi'i sipula'a kuasa toma ngowa'a lelegu di'a si-la ngowa'a siḏi. 10Matengo sanga kuasa di'a 'a'a ga'a hera-heranga, ma lelegu sanga kuasa di'a siajele habari da'u ra Ma Jou'ongu Madutu tala. Ma lelegu sanga 'akala soro'unu di'a nga'unu ya waro na'o 'ori i'a ma 'asala toma Ngagara 'Ofi-'Ofi re 'ori i'a ma 'asala toma roh ma jira. Re ma lelegu sanga kuasa di'a kanau pake Ma Ngagara 'Ofi-'Ofi ma demo, re ma lelegu ḏi'i sanga kuasa di'a siguci Ma Ngagara 'Ofi-'Ofi ma demo. 11Mo-moini gena-ge Ma Ngagara 'Ofi-'Ofi pa'i rimoi ḇato, Enanga ma munara. Ananga matengo re matengo sanga kuasa toma Ngagara 'Ofi-'Ofi mete'e Enanga gena-ge ma mau masiretene.#Rm. 12:6-8
Lese ma bageanga lai repe, mada'a pa'i lese rimoi ḇato
12Ngene, ga'a rewo marimoi ra Kristus, ma tero sa'olo manusia manga lese. Pa'i lese rimoi ḇato mada'a lese ma bageanga ma repe. Kalaha lese ma bageanga lai repe mada'a bageanga gena-ge, 'i dadi lese rimoi ḇato.#Rm. 12:4-5 13So'o gena ḏi'i, ngene bae ngowa'a Yahudi, bae ngowa'a Yahudi ua, ngowa'a budaka, bolo budaka ua, ngene mo-moini wo dadi ma tero sa'olo lese rimoi ga'a 'i marimoi ra Kristus. Gena-ge 'i dadi wakutu ngene wo sanga baptis rema Ngagara 'Ofi-'Ofi ga'a 'i tegoro ra ngene matengo re matengo nanga 'akala re sinyingara ma dara.
14Ma lese pa'i bageanga rimoi ḇato ua, mada'a 'age bageanga ma repe toma lese. 15Si'ade-'ade, rou 'i kanau, “Ngoi ne giama ua, dadi ngoi to osama nyo-nyoimi ua toma lese.” Kalaha rou ne giama ua, rou 'i osama nyo-nyoimi ḏi'i toma lese. 16Si'ade-'ade i'a, ngau'u 'i kanau, “Ngoi ne la'o ua dadi ngoi to osama nyo-nyoimi ua toma lese.” Kalaha ngau'u ne giama ua, ngau'u 'i osama nyo-nyoimi ḏi'i toma lese. 17Si'ade-'ade i'a, lese rimoi mo-moini pa'i la'o ḇato, ma duhu sa'olo lese gena-ge 'i 'isene?! Bolo si'ade-'ade i'a lese rimoi pa'i ngau'u ḇato, ma duhu sa'olo lese gena-ge 'i tumese?! 18Mada'a momongolo ua ngene wo oḏi'i masiretene mangale Ma Jou'ongu Madutu 'a si'aturu lese ma bageanga mo-moini mete'e Unanga 'ai mau. 19Na'o mo-moini gena-ge pa'i lese ma bageanga rimoi ḇato, ma lese 'i cua! 20Dadi bageanga ma repe, mada'a ma lese pa'i rimoi ḇato.
21Sababu gena-ge, awa la'o 'i kanau toma giama, “Ngana, ngoi tini paralu ua!” Re awa sae'e 'i kanau toma rou, “Ngana, ngoi tini paralu ua!” 22Siḏibo ḏi'i, lese ma bageanga ga'a wa ta'ajiri 'i mereoso, ngene wa paralu masala; 23re lese ma bageanga ngene wa ta'ajiri kama ijana ua, ngene wa tailako masala. Lese ma bageanga ga'a ngowa'a ya oḏi'i yoḏu'u, ngene wa sipake pakeanga. 24Lese ma bageanga ga'a wa oḏi'i i'a lai rousu, ngene wa kadiarata riwara. Ma Jou'ongu Madutu 'a sifato ḏu-ḏuanga ḏua mete'e Unanga 'ai mau, la ngene wo kadiarata la-la bageanga ga'a ngene wa ta'ajiri ma ijana cua bolo mereoso. 25Sababu gena-ge, lese sibalangu yoḏu'u mada'a bageanga re bageanga balasu 'i ma'u tailako i'a re ino: 26Na'o bageanga rimoi enanga 'i siḏi, bageanga mo-moini 'i basono siḏi. Na'o bageanga rimoi ngowa'a ya sitoro, bageanga mo-moini 'i maroanga.
27Ioronongoḏu ngo-ngaku rimoi, ngini mo-moini ma tero sa'olo Kristus 'ai lese re matengo re matengo ni dadi ma tero sa'olo Unanga 'ai lese ma bageanga. 28So'o gena ḏi'i toma jama'ata, Ma Jou'ongu Madutu 'a sitantukanga ḏua matengo re matengo nanga munara: Ma mulaingi, Yesus 'ai so-soma'a kara nabi-nabi, kara guru-guru, ananga remanga kuasa di'a 'a'a ga'a hera-heranga, remanga kuasa di'a si-la ngowa'a siḏi, remanga kuasa di'a riono ngowa'a lelegu, remanga kuasa di'a sinyanyasele jama'ata, re ananga ga'a 'aḏi kanau pake Ma Ngagara 'Ofi-'Ofi ma demo.#Ef. 4:11 29Ananga mo-moini sanga kuasa ma tero ua: Ananga mo-moini ua 'aḏi dadi Yesus 'ai so-soma'a, mo-moini ua 'aḏi dadi nabi-nabi bolo 'aḏi dadi guru-guru bolo remanga kuasa di'a 'a'a ga'a hera-heranga! 30Ananga mo-moini ua remanga kuasa di'a si-la ngowa'a siḏi. Mo-moini ua nga'unu 'aḏi kanau pake Ngagara 'Ofi-'Ofi ma demo re mo-moini ua nga'unu siguci Ma Ngagara 'Ofi-'Ofi ma demo. 31Dadi, ngini ḏi'i balasu ni makutale mode-mode'e di'a ni sanga cocatu-cocatu lebe lamo'o i'a.
Mada'a nange-ne ngoi to sijumu ra ngini ngo'omo ga'a lebe rousu i'a reo cocatu gena-ge mo-moini.
Currently Selected:
:
Highlight
Share
Copy
Want to have your highlights saved across all your devices? Sign up or sign in
2015 © Indonesian Bible Society