Mnt 16
16
Pawulosi na Silasi vafamba na Timotewu
1Pawulosi ayatlhasa na kone amitini ya Derbe na Listra. Kone afa kuni mupfumeli mun'we, atxhuliwaka Timotewu, n'wana wa mun'we wa wansati wa mu-Yuda wa mupfumeli, kambe a tatana wakwe afa ali mu-Girika. 2Yene afa ankhensiwa hi vamakwavu hinkwavu va-le-Listra ni le Ikoniya. 3Pawulosi afa adjula kumuteka afamba na yene, kutani amusoka hinkonta ya va-Yuda va le tikwaneni ledro, hikusa afa vaswitiva hinkwavu leswaku a tatana wakwe i mu-Girika. 4Amitini hinkwayu lomu afaka vahundra ha kone, afa vativisa a vamakwavu leswi switrimbiwiki hi vapostola ni vakulu va-le-Yerusalema, akuva vaswibekisa. 5Xiswoswo a makereke afa matiyisiwa kupfumeleni, nakone afa a nhlayu ya wone yiyandra siku ni siku.
Pawulosi avani xivoniso a Trowasi
6Vone vatremakanya matikwana ya Frijiya na Galatiya, leswi vayaleliwiki hi Moya wa Kuxwenga a kudrungula a ritu dra Xikwembu Nkulukumba le Aziya, 7vatlhasa tikweni dra le Misiya, vadringisa kuya Bitiniya, kambe a Moya wa Yesu awuvapfumelelanga. 8Vahangahundra hi le Misiya vafulamela Trowasi. 9Avusikwini, kuvoneka xivoniso ku Pawulosi: Avona wanuna wa le Makedoniya lweyi afaka ayimi amukombela aku: Welela a Makedoniya utatahipfuna! 10Ntrhaku ka xivoniso, hihatla hitilulamisela akuya kone, na hikholwi leswaku Xikwembu Nkulukumba ahivitani akuva hiyavahaxela a Ivangeli.
Kundruluka ka Lidiya
11Hi sukiki Trowasi hi ngalawa, hikongoma a Samotrake, kutani hiyakhisa a Neyapolisi hi siku ledri ntlhantamaka. 12Loko hi suki kone hiyi a Filipiya, muti wa kusungula wa xifundra xa Makedoniya ni ku mimbangu mivundramaniki, na mifumiwa hi va-Roma. Hi trhami kone hi masikunyana. 13Hi siku dra Savata hihumi handle ka muti hiya nambyeni, lomu afaka hipimisa leswaku kuni mbangu wa swikhongoto; hitrhamisa kone, hi khanela ku vavasati lava afaka vahlengeletani kone. 14Mun'we wansati atxhuliwaka Lidiya, muxavisi wa swivunguvungu, wa muti wa Tiyatira, afaka atxhava Xikwembu Nkulukumba, afa ahiyingela swinene, kutani a Hosi yimupfula mbilu akuva atikaratela leswi afaka swihlayiwa ha Pawulosi. 15Loko ababatisiwile, yene ni va yindlu yake, ahikhongota aku: Loko n'wiyanakanya leswaku nadumbeka a Hosini, nhingenani andlwini yanga, n'witrhamisa kone. Ahisindrisela swone.
Pawulosi na Silasi abohelweni
16Siku drimbeni loko hiya xikhongotweni, kati mun'we wanhwanyana, lweyi afaka ani moya wa kupfhumba, afaka akumela vinyi vakwe mali yinyingi hi kupfhumba kwake. 17Yelweyo wanhwanyana alandra Pawulosi na hine, na abandlukana aku: A vavanuna lava i malandra ya Xikwembu Nkulukumba lweyi anga henhla-henhla, vateli kutatan'wikombisa a ndlela ya kuhuluka. 18Ayentxa swoswo hi masiku manyingi. Kolahu, Pawulosi loko swimukaratile, andruluka aku ku moya wolowo: Nakuleleta hi vito dra Yesu Kriste, leswaku uhuma ku yene! Amoya wahanga huma hi wolowo nkama. 19A vinyi va nhwanyana vatiki va swivona leswaku a kudumba kwavu ka kukuma mali kuhelile, vakhoma Pawulosi na Silasi vavakokela hubyini, ku vafumi. 20Vavayisa tindruneni, vaku: A vhanu lava, leswi vanga va-Yuda, vakarata muti wa kweru, 21hi kudondrisa swihila leswi hinga pfumeleliwiki ku swiyamukela ni ku swiyentxa, hine va-Roma. 22Kolahu-ke axitrhungu xahangavapfukela, a tindruna tileleta leswaku vasusiwa swiyambalu swavu, ni leswaku vakhatisiwa. 23Kuti loko vavabi ngopfu, vavanhingenisa bohelweni, valeleta muyimeli wa kone kuva avalavisisa swinene. 24A muyimeli loko aleletiwi leswo, avanhingenisa abohelweni dra le mpfungwe akatrinyeta minenge yavu hi switri. 25A vusikwini, Pawulosi na Silasi afa vayimbelela Xikwembu Nkulukumba hi kukhongota, na vabohiwa van'wana vavayingela. 26Hi nomu-lo kuvani ximbeta xikulu kukota kutrekatrekisiwa ni masungulu ya yindlo ya bohelo. Atinyangwa hinkwatu tipfuleka, ni mapindra ya hinkwavu mantrhunxeka. 27Loko lweyi wa muyimeli wa kone asisimuka, avona tinyangwa ta bohelo tipfulekile, ahlomula lipanga, adjula kutisunga, hi kuyanakanya leswaku a vabohiwa vetrutruma. 28Kambe Pawulosi abandlukana hi ritu dra kutlakuka aku: Ungayentxi leswo! Hikusa hinkweru hikola! 29Kolahu-ke a mulaviseli akombela mimotre, akahlula ayanhingena, asungula kururumela, akarama minengeni ya Pawulosi na Silasi. 30Kutani avahumexa handle aku: Tihosi, xana nifanekela kuyentxa yini akuva nihuluka? 31Vone vamuyangula vaku: Pfumela ku Hosi Yesu Kriste, utahuluka, wene ni va ndangu waku. 32Kolahu vamutivisa a ritu dra Hosi, kun'we ni hinkwavu lava afaka vali va yindlu yake. 33Kutani yene avateka hi nkama wolowo wa vusiku, avahlampswa swilondra, ava ababatisiwa xikan'we ni va ndangu wakwe hinkwavu. 34Loko avatekeli kaya kwake, avabekela a tafula; atrhava ngopfu, yene ni va ndangu wakwe hinkwawu, hi leswi vapfumeliki ku Xikwembu Nkulukumba.
Kuntrhunxiwa ka Pawulosi na Silasi
35Loko byixile, a tindruna tiruma valaviseli ku muyimeli wa bohelo vayaku: Ntrhunxa a vavanuna lavo. 36A muyimeli wa bohelo, abyela Pawulosi maritu lawa: A tindruna tirumi vhanu akuva n'wintrhunxiwa. Hikolahu-ke humani swoswi, n'witifambela hi kurula. 37Kambe Pawulosi aku ku valaviseli: Vahibi livaleni na vanga hiyavanyisanga, hine hinga va-Roma! Hiva hinhingenisiwa abohelweni, kutani swosi vahihumexa xihundleni? Ahi swone! Avati vone, hi ntshima, vatatahihumexa! 38A valaviseli vayahlaya maritu lawu ku tindruna. Tone-ke titxhuka hi kuyingela leswaku vone i va-Roma. 39A tindruna, titatakombela lidrivalelo, tivantrhunxa, tivatratriya kuva vahuma mutini. 40Vone-ke vatiki vahuma bohelweni, vaya a kaya ka Lidiya. Ntrhaku ka kuva vavonani ni vamakwavu, vavatxhavelela, kutani vahangasuka vafamba.
Currently Selected:
Mnt 16: NTX2007
Highlight
Share
Copy
Want to have your highlights saved across all your devices? Sign up or sign in
Xironga New Testament with Psalms © Bible Society in Mozambique, 2007.
Mnt 16
16
Pawulosi na Silasi vafamba na Timotewu
1Pawulosi ayatlhasa na kone amitini ya Derbe na Listra. Kone afa kuni mupfumeli mun'we, atxhuliwaka Timotewu, n'wana wa mun'we wa wansati wa mu-Yuda wa mupfumeli, kambe a tatana wakwe afa ali mu-Girika. 2Yene afa ankhensiwa hi vamakwavu hinkwavu va-le-Listra ni le Ikoniya. 3Pawulosi afa adjula kumuteka afamba na yene, kutani amusoka hinkonta ya va-Yuda va le tikwaneni ledro, hikusa afa vaswitiva hinkwavu leswaku a tatana wakwe i mu-Girika. 4Amitini hinkwayu lomu afaka vahundra ha kone, afa vativisa a vamakwavu leswi switrimbiwiki hi vapostola ni vakulu va-le-Yerusalema, akuva vaswibekisa. 5Xiswoswo a makereke afa matiyisiwa kupfumeleni, nakone afa a nhlayu ya wone yiyandra siku ni siku.
Pawulosi avani xivoniso a Trowasi
6Vone vatremakanya matikwana ya Frijiya na Galatiya, leswi vayaleliwiki hi Moya wa Kuxwenga a kudrungula a ritu dra Xikwembu Nkulukumba le Aziya, 7vatlhasa tikweni dra le Misiya, vadringisa kuya Bitiniya, kambe a Moya wa Yesu awuvapfumelelanga. 8Vahangahundra hi le Misiya vafulamela Trowasi. 9Avusikwini, kuvoneka xivoniso ku Pawulosi: Avona wanuna wa le Makedoniya lweyi afaka ayimi amukombela aku: Welela a Makedoniya utatahipfuna! 10Ntrhaku ka xivoniso, hihatla hitilulamisela akuya kone, na hikholwi leswaku Xikwembu Nkulukumba ahivitani akuva hiyavahaxela a Ivangeli.
Kundruluka ka Lidiya
11Hi sukiki Trowasi hi ngalawa, hikongoma a Samotrake, kutani hiyakhisa a Neyapolisi hi siku ledri ntlhantamaka. 12Loko hi suki kone hiyi a Filipiya, muti wa kusungula wa xifundra xa Makedoniya ni ku mimbangu mivundramaniki, na mifumiwa hi va-Roma. Hi trhami kone hi masikunyana. 13Hi siku dra Savata hihumi handle ka muti hiya nambyeni, lomu afaka hipimisa leswaku kuni mbangu wa swikhongoto; hitrhamisa kone, hi khanela ku vavasati lava afaka vahlengeletani kone. 14Mun'we wansati atxhuliwaka Lidiya, muxavisi wa swivunguvungu, wa muti wa Tiyatira, afaka atxhava Xikwembu Nkulukumba, afa ahiyingela swinene, kutani a Hosi yimupfula mbilu akuva atikaratela leswi afaka swihlayiwa ha Pawulosi. 15Loko ababatisiwile, yene ni va yindlu yake, ahikhongota aku: Loko n'wiyanakanya leswaku nadumbeka a Hosini, nhingenani andlwini yanga, n'witrhamisa kone. Ahisindrisela swone.
Pawulosi na Silasi abohelweni
16Siku drimbeni loko hiya xikhongotweni, kati mun'we wanhwanyana, lweyi afaka ani moya wa kupfhumba, afaka akumela vinyi vakwe mali yinyingi hi kupfhumba kwake. 17Yelweyo wanhwanyana alandra Pawulosi na hine, na abandlukana aku: A vavanuna lava i malandra ya Xikwembu Nkulukumba lweyi anga henhla-henhla, vateli kutatan'wikombisa a ndlela ya kuhuluka. 18Ayentxa swoswo hi masiku manyingi. Kolahu, Pawulosi loko swimukaratile, andruluka aku ku moya wolowo: Nakuleleta hi vito dra Yesu Kriste, leswaku uhuma ku yene! Amoya wahanga huma hi wolowo nkama. 19A vinyi va nhwanyana vatiki va swivona leswaku a kudumba kwavu ka kukuma mali kuhelile, vakhoma Pawulosi na Silasi vavakokela hubyini, ku vafumi. 20Vavayisa tindruneni, vaku: A vhanu lava, leswi vanga va-Yuda, vakarata muti wa kweru, 21hi kudondrisa swihila leswi hinga pfumeleliwiki ku swiyamukela ni ku swiyentxa, hine va-Roma. 22Kolahu-ke axitrhungu xahangavapfukela, a tindruna tileleta leswaku vasusiwa swiyambalu swavu, ni leswaku vakhatisiwa. 23Kuti loko vavabi ngopfu, vavanhingenisa bohelweni, valeleta muyimeli wa kone kuva avalavisisa swinene. 24A muyimeli loko aleletiwi leswo, avanhingenisa abohelweni dra le mpfungwe akatrinyeta minenge yavu hi switri. 25A vusikwini, Pawulosi na Silasi afa vayimbelela Xikwembu Nkulukumba hi kukhongota, na vabohiwa van'wana vavayingela. 26Hi nomu-lo kuvani ximbeta xikulu kukota kutrekatrekisiwa ni masungulu ya yindlo ya bohelo. Atinyangwa hinkwatu tipfuleka, ni mapindra ya hinkwavu mantrhunxeka. 27Loko lweyi wa muyimeli wa kone asisimuka, avona tinyangwa ta bohelo tipfulekile, ahlomula lipanga, adjula kutisunga, hi kuyanakanya leswaku a vabohiwa vetrutruma. 28Kambe Pawulosi abandlukana hi ritu dra kutlakuka aku: Ungayentxi leswo! Hikusa hinkweru hikola! 29Kolahu-ke a mulaviseli akombela mimotre, akahlula ayanhingena, asungula kururumela, akarama minengeni ya Pawulosi na Silasi. 30Kutani avahumexa handle aku: Tihosi, xana nifanekela kuyentxa yini akuva nihuluka? 31Vone vamuyangula vaku: Pfumela ku Hosi Yesu Kriste, utahuluka, wene ni va ndangu waku. 32Kolahu vamutivisa a ritu dra Hosi, kun'we ni hinkwavu lava afaka vali va yindlu yake. 33Kutani yene avateka hi nkama wolowo wa vusiku, avahlampswa swilondra, ava ababatisiwa xikan'we ni va ndangu wakwe hinkwavu. 34Loko avatekeli kaya kwake, avabekela a tafula; atrhava ngopfu, yene ni va ndangu wakwe hinkwawu, hi leswi vapfumeliki ku Xikwembu Nkulukumba.
Kuntrhunxiwa ka Pawulosi na Silasi
35Loko byixile, a tindruna tiruma valaviseli ku muyimeli wa bohelo vayaku: Ntrhunxa a vavanuna lavo. 36A muyimeli wa bohelo, abyela Pawulosi maritu lawa: A tindruna tirumi vhanu akuva n'wintrhunxiwa. Hikolahu-ke humani swoswi, n'witifambela hi kurula. 37Kambe Pawulosi aku ku valaviseli: Vahibi livaleni na vanga hiyavanyisanga, hine hinga va-Roma! Hiva hinhingenisiwa abohelweni, kutani swosi vahihumexa xihundleni? Ahi swone! Avati vone, hi ntshima, vatatahihumexa! 38A valaviseli vayahlaya maritu lawu ku tindruna. Tone-ke titxhuka hi kuyingela leswaku vone i va-Roma. 39A tindruna, titatakombela lidrivalelo, tivantrhunxa, tivatratriya kuva vahuma mutini. 40Vone-ke vatiki vahuma bohelweni, vaya a kaya ka Lidiya. Ntrhaku ka kuva vavonani ni vamakwavu, vavatxhavelela, kutani vahangasuka vafamba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Xironga New Testament with Psalms © Bible Society in Mozambique, 2007.