I Kor 10
10
Kutivonela ku swikwembu swakuka-ndlela
1Ke vamakweru, anirandri leswaku n'wiva a kukohlekeni ka leswi a vatatana veru hinkwavu vakumekiki a hansi ka tlavi, hinkwavu vaweliki a lwandle; 2hinkwavu vababatisiwi ku Moxe, atlavini ni le lwandle. 3Mfuri hinkwavu vadi swakuda swin'we swa moya, vanwi swakunwa swin'we swa moya, 4hikusa afa vanwa aribyeni ledri afaka drivalandra. Kutani a ribye ledro afa ali Kriste.
5Kambe ahivanyingi lava Xikwembu Nkulukumba atrhavisiwiki ha vone; hikola ka leswo vasuvi ahuleni. 6A mintxhumu leyo miyentxiwi xikombiso ku hine, akuva hinganaveli a swakubiha, swanga hi leswi vone vanaveliki. 7Ke n'wingaveneni vagandreli va swikwembu swakuka-ndlela swanga hi leswi van'we ku vone vaswiyentxiki; swanga hi leswi kutraliwiki leswaku: A tiko#10:7 A ritu draku tiko, lana dridjula kuhlaya leswaku vhanu hinkwavu va tiko. dritrhami akudeni ni le kunweni, ntrhaku drisekelekeli kutlanga.
8Nakone, hingayentxeni vumbuye, swanga hi van'we ku vone vangayentxa vumbuye, kuva kuhumelela leswaku hi siku drin'we, kuwa makume mabiri ya madzana na mararu (23.000). 9Hingadringeni Kriste, swanga hi van'we ku vone, vangamudringa, vava vasuva hi kulumeteliwa hi tinyoka. 10Nakone n'wingan'unun'uteni, swanga hi van'we ku vone vangan'unun'uta, kutani vahelisiwi hi muhelisi.
11A mintxhumu leyi mivahumelelile swanga swikombiso, kutani mitraliwile akuva mihikhwavela; hine hikumiwiki hi vugamu bya minkama. 12Hileswo-ke lweyi apimisaka leswaku ayimile ativonele akuva anga wi. 13An'wingihumeleliwa hi ndringo lowu wungafanekeliki vhanu; kambe Xikwembu Nkulukumba adumbekaka, angaka angapfumeti leswaku n'widringiwa kutlula a mintamu yenu; kambe, kun'we ni mindringo, atan'winyika a ndlela ya kuhuma ku mindringo, akuva n'wikota a kumibyatrha.
14Hileswo-ke, varandriwa vanga, trutrumani, n'witxhava a kugandrela a swikwembu swakuka-ndlela. 15Nivulavula swanga ku vhanu lava vatlharihiki. Swiyanakanyani n'wine leswi niswihlayaka. 16Ke a ntrheko wa nkateko lowu hiwukhensaka, xana ahi kupatrana ni ngati ya Kriste xana? A kati ledri hikhemaka ahi kupatrana ni miri wa Kriste xana? 17Hikusa leswi kungani kati drin'we, hine, nambi hi li vanyingi, hi miri wun'we ntsena, hikusa hinkweru hitlhangana akuyaveliweni ka kati ledri anga drin'we.
18Lavisani Israyele hi tlhelo dra nyama; xana lava vadaka a switlhavelo avatlhangani kun'we ni xiluvelo? 19Nili yini-ke? Xana leswi switlhaveliwaka a swikwembu swakuka-ndlela i ntxhumu? Kumbe a xikwembu xa kuka-ndlela i ntxhumu, xana? 20Im'hi. Kambe leswi a va-Matiko vaswitlhavelaka axiluvelweni, vaswitlhavela a mademoni, kungali ku Xikwembu Nkulukumba; kutani aniswirandri leswaku n'wiva lava vatlhanganaka ni mademoni. 21An'wina kuswikota a kunwa a ntrheko wa Hosi ni wa mademoni; an'wina kuswikota a kuhlengela atafuleni dra Hosi ni le tafuleni dra mademoni. 22Kumbe hitapfuxela Hosi a vukwele xana? Xana hingavani ntamu kutlula Hosi?
A xitxhavu ku van'wana
23Hinkwaswu swipfumelekile, kambe ahi hinkwaswu swipfunaka. Hinkwaswu swipfumelelekile, kambe ahi hinkwaswu swiyakaka. 24A mhunu angadjuleteli leswi swipfunaka yene, kambe im'na adjuletela leswi swipfunaka van'wana. 25Danani hinkwaswu leswi swixavisiwaka amimbangwini ya vuxavisi, na n'wingavutisi ntxhumu hinkonta ya lipfalu, 26hikusa a misava hinkwayu i ya Hosi, ni hinkwaswu leswi swinga ku yone.
27Loko n'wirambiwa kudeni hi lweyi angaliki mupfumeli, na n'wine n'wirandra a kuya, danani hinkwaswu leswi van'wibekelaka amahlweni na n'wingavutisi ntxhumu hinkonta ya lipfalu. 28Kambe loko mhunu an'wibyela aku: Leswi switlhaveliwi a swikwembu swakuka-ndlela, laho-ke n'wingadeneni, hinkonta ya lweyi an'widrimuxiki, ni hinkonta ya lipfalu. 29Kutani anihlayi lipfalu draku, kambe dra mun'wana; hikusa a vuntrhunxeki byanga byingayavanyisiwela yini hi lipfalu dra mun'wana? 30Kambe kungaku loko nida hi kutlangela, ningasoliwela yini ku leswi nitlangelaka ha swone?
31Hileswo-ke nambi n'wida, nambi n'winwa, nambi n'wiyentxa yini na yini, yentxani hinkwaswu hi kutwalisa Xikwembu Nkulukumba. 32N'wingave xikhunguvanyiso nambi ku va-Yuda, nambi ku va-Matiko, nambi ku Kereke dra Xikwembu Nkulukumba, 33swanga hi leswi na mine nitrhavisaka hinkwavu ku mintxhumu hinkwayu, ningatidjuleliki leswi swipfunaka mine, kambe nidjulaka leswi swipfunaka lava vanyingi, akuva vahuluxiwa.
Currently Selected:
I Kor 10: NTX2007
Highlight
Share
Copy
Want to have your highlights saved across all your devices? Sign up or sign in
Xironga New Testament with Psalms © Bible Society in Mozambique, 2007.
I Kor 10
10
Kutivonela ku swikwembu swakuka-ndlela
1Ke vamakweru, anirandri leswaku n'wiva a kukohlekeni ka leswi a vatatana veru hinkwavu vakumekiki a hansi ka tlavi, hinkwavu vaweliki a lwandle; 2hinkwavu vababatisiwi ku Moxe, atlavini ni le lwandle. 3Mfuri hinkwavu vadi swakuda swin'we swa moya, vanwi swakunwa swin'we swa moya, 4hikusa afa vanwa aribyeni ledri afaka drivalandra. Kutani a ribye ledro afa ali Kriste.
5Kambe ahivanyingi lava Xikwembu Nkulukumba atrhavisiwiki ha vone; hikola ka leswo vasuvi ahuleni. 6A mintxhumu leyo miyentxiwi xikombiso ku hine, akuva hinganaveli a swakubiha, swanga hi leswi vone vanaveliki. 7Ke n'wingaveneni vagandreli va swikwembu swakuka-ndlela swanga hi leswi van'we ku vone vaswiyentxiki; swanga hi leswi kutraliwiki leswaku: A tiko#10:7 A ritu draku tiko, lana dridjula kuhlaya leswaku vhanu hinkwavu va tiko. dritrhami akudeni ni le kunweni, ntrhaku drisekelekeli kutlanga.
8Nakone, hingayentxeni vumbuye, swanga hi van'we ku vone vangayentxa vumbuye, kuva kuhumelela leswaku hi siku drin'we, kuwa makume mabiri ya madzana na mararu (23.000). 9Hingadringeni Kriste, swanga hi van'we ku vone, vangamudringa, vava vasuva hi kulumeteliwa hi tinyoka. 10Nakone n'wingan'unun'uteni, swanga hi van'we ku vone vangan'unun'uta, kutani vahelisiwi hi muhelisi.
11A mintxhumu leyi mivahumelelile swanga swikombiso, kutani mitraliwile akuva mihikhwavela; hine hikumiwiki hi vugamu bya minkama. 12Hileswo-ke lweyi apimisaka leswaku ayimile ativonele akuva anga wi. 13An'wingihumeleliwa hi ndringo lowu wungafanekeliki vhanu; kambe Xikwembu Nkulukumba adumbekaka, angaka angapfumeti leswaku n'widringiwa kutlula a mintamu yenu; kambe, kun'we ni mindringo, atan'winyika a ndlela ya kuhuma ku mindringo, akuva n'wikota a kumibyatrha.
14Hileswo-ke, varandriwa vanga, trutrumani, n'witxhava a kugandrela a swikwembu swakuka-ndlela. 15Nivulavula swanga ku vhanu lava vatlharihiki. Swiyanakanyani n'wine leswi niswihlayaka. 16Ke a ntrheko wa nkateko lowu hiwukhensaka, xana ahi kupatrana ni ngati ya Kriste xana? A kati ledri hikhemaka ahi kupatrana ni miri wa Kriste xana? 17Hikusa leswi kungani kati drin'we, hine, nambi hi li vanyingi, hi miri wun'we ntsena, hikusa hinkweru hitlhangana akuyaveliweni ka kati ledri anga drin'we.
18Lavisani Israyele hi tlhelo dra nyama; xana lava vadaka a switlhavelo avatlhangani kun'we ni xiluvelo? 19Nili yini-ke? Xana leswi switlhaveliwaka a swikwembu swakuka-ndlela i ntxhumu? Kumbe a xikwembu xa kuka-ndlela i ntxhumu, xana? 20Im'hi. Kambe leswi a va-Matiko vaswitlhavelaka axiluvelweni, vaswitlhavela a mademoni, kungali ku Xikwembu Nkulukumba; kutani aniswirandri leswaku n'wiva lava vatlhanganaka ni mademoni. 21An'wina kuswikota a kunwa a ntrheko wa Hosi ni wa mademoni; an'wina kuswikota a kuhlengela atafuleni dra Hosi ni le tafuleni dra mademoni. 22Kumbe hitapfuxela Hosi a vukwele xana? Xana hingavani ntamu kutlula Hosi?
A xitxhavu ku van'wana
23Hinkwaswu swipfumelekile, kambe ahi hinkwaswu swipfunaka. Hinkwaswu swipfumelelekile, kambe ahi hinkwaswu swiyakaka. 24A mhunu angadjuleteli leswi swipfunaka yene, kambe im'na adjuletela leswi swipfunaka van'wana. 25Danani hinkwaswu leswi swixavisiwaka amimbangwini ya vuxavisi, na n'wingavutisi ntxhumu hinkonta ya lipfalu, 26hikusa a misava hinkwayu i ya Hosi, ni hinkwaswu leswi swinga ku yone.
27Loko n'wirambiwa kudeni hi lweyi angaliki mupfumeli, na n'wine n'wirandra a kuya, danani hinkwaswu leswi van'wibekelaka amahlweni na n'wingavutisi ntxhumu hinkonta ya lipfalu. 28Kambe loko mhunu an'wibyela aku: Leswi switlhaveliwi a swikwembu swakuka-ndlela, laho-ke n'wingadeneni, hinkonta ya lweyi an'widrimuxiki, ni hinkonta ya lipfalu. 29Kutani anihlayi lipfalu draku, kambe dra mun'wana; hikusa a vuntrhunxeki byanga byingayavanyisiwela yini hi lipfalu dra mun'wana? 30Kambe kungaku loko nida hi kutlangela, ningasoliwela yini ku leswi nitlangelaka ha swone?
31Hileswo-ke nambi n'wida, nambi n'winwa, nambi n'wiyentxa yini na yini, yentxani hinkwaswu hi kutwalisa Xikwembu Nkulukumba. 32N'wingave xikhunguvanyiso nambi ku va-Yuda, nambi ku va-Matiko, nambi ku Kereke dra Xikwembu Nkulukumba, 33swanga hi leswi na mine nitrhavisaka hinkwavu ku mintxhumu hinkwayu, ningatidjuleliki leswi swipfunaka mine, kambe nidjulaka leswi swipfunaka lava vanyingi, akuva vahuluxiwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Xironga New Testament with Psalms © Bible Society in Mozambique, 2007.