Chofonía 1
1
Tupana rü Yudáanecüã̱xgüxü̃ tá napoxcu
1Ñaa nixĩ ga ore ga Cori ya Tupana Chofoníamaxã nüxü̃ ixuxü̃ ga yexguma Yochía ga Amóü̃ nane ãẽ̱xgacü ixĩxgu ga Yudáanewa. Rü nüma ga Chofonía rü Cúchi nane nixĩ, rü Cúchi rü Guedaría nane nixĩ, rü Guedaría rü Amaría nane nixĩ, rü Amaría rü Echequía nane nixĩ.
2Rü ngẽma norü ore i Cori ya Tupana rü ñanagürü: —Noxtacüma tá ichayanaxoxẽxẽ i guxü̃ma i ta̱xacü i ñoma i naanewa ngẽxmagüxü̃.
3Rü tá ichayanaxoxẽxẽ i duü̃xü̃gü, rü naeü̃gü, rü ngẽxgumarüxü̃ tá ta i werigü, rü choxnigü. Rü tá naxca̱x íchayagoõchi i ngẽma chixexü̃arü üruü̃gü, rü tá chanadai. Rü tá ichayanaxoxẽxẽ i guxü̃ma i duü̃xü̃gü i ñoma i naanewa, rü taxuxü̃táma ínayaxü —ñanagürü. Rü ngẽma nixĩ i nüxü̃ yaxuxü̃ ya Cori ya Tupana.
4Rü nüma ya Cori ya Tupana rü ñanagürü ta: —Yudáanecüã̱xétü tá poxcumaxã chawéxme̱x. Rü ngẽxgumarüxü̃ tá ta poxcumaxã naétü chawéxme̱x i guxü̃ma i duü̃xü̃gü i Yerucharéü̃wa maxẽxü̃. Rü tá ichayanaxoxẽxẽ i ngẽma tupananeta i Baáchicüna̱xã namaxã i norü tupaucagü rü norü chacherdótegü. Rü woo i naégagü i ngẽma chacherdótegü rü tá ichayanaxoxẽxẽ nax taxúema nüxna cua̱xãchixü̃ca̱x.
5Rü tá chanadai i ngẽma duü̃xü̃gü i napataétügu ĩgüxü̃ nax ngéma nüxü̃ yacua̱xüü̃güxü̃ca̱x ya üa̱xcü rü tauemacü rü woramacurigü. Rü ngẽxgumarüxü̃ tá ta chanadai i ngẽma choxü̃ icua̱xüü̃güxü̃ rü naétü norü tupananeta i Mircóü̃xü̃ icua̱xüü̃güxü̃
6Rü ngẽxgumarüxü̃ tá ta ichayanaxoxẽxẽ i ngẽma duü̃xü̃gü i choxna ixĩgachixü̃, rü tama cha̱u̱xca̱x daugüxü̃ rü tama choxna cagüexü̃ ega ta̱xacü nanaxwa̱xegügu —ñanagürü tá.
7¡Rü Cori ya Tupanape̱xewa perüchianegü! Erü ngẽma norü ngunexü̃ i ãũcümaxü̃ i nagu tá napoxcuexü̃ i ngẽma chixexü̃ ügüxü̃ rü marü ningaica. Rü nüma rü marü nüxna naxu i ngẽma to i nachixü̃anecüã̱x nax nadaiaxü̃ca̱x i ngẽma nüxna ixĩgachitanüxü̃.
8Rü nüma ya Cori ya Tupana rü ñanagürü: —Ngẽma ngunexü̃ i nagu tá nadaiaxü̃ i ngẽma duü̃xü̃gü rü tá chanapoxcue i ngẽma Yudáanearü ãẽ̱xgacügü rü ngẽma ãẽ̱xgacügü nanegü rü guxü̃ma i ngẽma chorü duü̃xü̃gü i to i nachixü̃anearü tupananetaxü̃ icua̱xüü̃güxü̃.
9Rü ngẽma ngunexü̃gu rü tá chanapoxcue i ngẽma ĩpatagügu ichocuetanüxü̃ nax nangĩ́exü̃ca̱x, rü ngẽma diẽru i napuxü̃maxã rü womüxẽẽãcü nayauxgüxü̃maxã nanapáxẽẽgü ya norü tupananetapata —ñanagürü.
10Rü nüma ya Cori ya Tupana rü ñanagürü ta: —Ngẽma ngunexü̃gu rü tá nüxü̃ taxĩnüe i duü̃xü̃gü i aita üexü̃ nax ngü̃xẽẽca̱x ínacagüxü̃ i Choxnigüarü ĩã̱xwa. Rü yima Ngexwacaxü̃ ya Ĩanewa ngẽxmagüxü̃ i duü̃xü̃gü rü tá ta aita naxüe. Rü ngẽxgumarüxü̃ tá ta nüxü̃ taxĩnüe nax tagaãcü nawĩẽmügüxü̃ ya yima ma̱xpǘnegü.
11¡Pexauxe, Pa Duü̃xü̃gü i Mercáduwa Taxegüxü̃x! Erü guxü̃táma i taxetanüxü̃ rü tá nayue, Rü guxü̃ma i ngẽma diẽrumaxã puracüexü̃ rü tá inayarüxogü.
12Rü ngẽma ngunexü̃gu rü choma ya Tupana rü omügümaxã guxü̃wama i Yerucharéü̃wa tá mea naxca̱x chadau i ngẽma duü̃xü̃gü i chixexü̃ ügüxü̃. Rü tá chanapoxcue i ngẽma duü̃xü̃gü i ñoma bínu ya marü tama ichicacürüxü̃ ixĩgüxü̃. Rü nümagü rü inarüchomare rü taxuguma narüxĩnüe. Rü nügümaxãtama ñanagürügü: “Nüma ya Cori ya Tupana rü taxuxü̃táma i mexü̃ rüe̱xna chixexü̃ tamaxã naxü”, ñanagürügü.
13Rü ngẽmaca̱x i norü uanügü rü tá nüxna nanapuxü̃ i norü ngẽmaxü̃gü. Rü yima napatagü rü tá nagu napogüe. Rü tá naxüpatagü, natürü taxũtáma nümagü nawa namaxẽ. Rü tá úba inatogü, natürü taxũtáma nüma norü bínu nixaxgü —ñanagürü ya Tupana.
14¡Rü marü ningaica i ngẽma Cori ya Tupanaarü ngunexü̃ i ãũcümaxü̃! ¡Marü ningaica erü nüma rü paxatáma ínangu! Rü ngẽma ngunexü̃ i Cori ya Tupana nua nagu ũxü̃gu rü tá nüxü̃ taxĩnüe i nagagü i poraãcü ngechaü̃ gagüxü̃. Rü woo ngẽma nügü írüporaexü̃ rü tá tagaãcü naxauxe.
15Rü ngẽma ngunexü̃ rü Tupana tá nayanguxẽxẽ i norü nu. Rü ngẽma duü̃xü̃gü rü tá nanaxĩ̱xãchiãẽgü rü ngúxü̃ tá ningegü. Rü norü uanügü rü tá nagu napogüe ya yima norü ĩanegü. Rü poraãcü tá nawaane rü narücaixane. Rü ngẽmaãcü guxü̃wama tá naxẽane.
16Rü ngẽma ngunexü̃gu rü norü uanügü rü tá yima ĩanegü ya ípoxegugüneca̱x ínayaxüãchi. Rü daica̱x tá nayacue i norü cornétagü rü aixta tá naxüe. Rü nagu tá napogüe ya yima ĩanegüarü poxeguxü̃ rü norü dauxü̃taechicagü i máchanexü̃.
17Rü nüma ya Cori ya Tupana rü ñanagürü: —Rü tá chanaxĩ̱xãchiãẽtanüxẽxẽ i ngẽma duü̃xü̃gü. Rü ñoma ngẽma nangexetüxü̃rüxü̃ tá inaxĩ erü chope̱xewa chixexü̃ naxügü. Rü yimá nagü rü tá naba ñoma waixü̃müte̱xe igüxüxü̃rüxü̃. Rü ngẽma namachi i ngẽma yuexü̃ rü tá naü̃rüxü̃ ngẽxma nanuquegü —ñanagürü ya Cori ya Tupana.
18Rü ngẽma Cori ya Tupanaarü ngunexü̃ i ãũcümaxü̃ i nagu norü numaxã duü̃xü̃güxü̃ napoxcuexü̃, rü woo i norü diẽru rü woo i norü úiru rü taũxtáma naétüwa nachogü, erü ngẽma Cori ya Tupanaarü poxcu i üxüema rü guxü̃táma i nachixü̃anexü̃ nigu. Rü guxü̃táma i ngẽma duü̃xü̃gü i ñoma i naanewa maxẽxü̃ rü wüxiü̃cüxü tá inayarüxo.
Currently Selected:
Chofonía 1: tcaP
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Chofonía 1
1
Tupana rü Yudáanecüã̱xgüxü̃ tá napoxcu
1Ñaa nixĩ ga ore ga Cori ya Tupana Chofoníamaxã nüxü̃ ixuxü̃ ga yexguma Yochía ga Amóü̃ nane ãẽ̱xgacü ixĩxgu ga Yudáanewa. Rü nüma ga Chofonía rü Cúchi nane nixĩ, rü Cúchi rü Guedaría nane nixĩ, rü Guedaría rü Amaría nane nixĩ, rü Amaría rü Echequía nane nixĩ.
2Rü ngẽma norü ore i Cori ya Tupana rü ñanagürü: —Noxtacüma tá ichayanaxoxẽxẽ i guxü̃ma i ta̱xacü i ñoma i naanewa ngẽxmagüxü̃.
3Rü tá ichayanaxoxẽxẽ i duü̃xü̃gü, rü naeü̃gü, rü ngẽxgumarüxü̃ tá ta i werigü, rü choxnigü. Rü tá naxca̱x íchayagoõchi i ngẽma chixexü̃arü üruü̃gü, rü tá chanadai. Rü tá ichayanaxoxẽxẽ i guxü̃ma i duü̃xü̃gü i ñoma i naanewa, rü taxuxü̃táma ínayaxü —ñanagürü. Rü ngẽma nixĩ i nüxü̃ yaxuxü̃ ya Cori ya Tupana.
4Rü nüma ya Cori ya Tupana rü ñanagürü ta: —Yudáanecüã̱xétü tá poxcumaxã chawéxme̱x. Rü ngẽxgumarüxü̃ tá ta poxcumaxã naétü chawéxme̱x i guxü̃ma i duü̃xü̃gü i Yerucharéü̃wa maxẽxü̃. Rü tá ichayanaxoxẽxẽ i ngẽma tupananeta i Baáchicüna̱xã namaxã i norü tupaucagü rü norü chacherdótegü. Rü woo i naégagü i ngẽma chacherdótegü rü tá ichayanaxoxẽxẽ nax taxúema nüxna cua̱xãchixü̃ca̱x.
5Rü tá chanadai i ngẽma duü̃xü̃gü i napataétügu ĩgüxü̃ nax ngéma nüxü̃ yacua̱xüü̃güxü̃ca̱x ya üa̱xcü rü tauemacü rü woramacurigü. Rü ngẽxgumarüxü̃ tá ta chanadai i ngẽma choxü̃ icua̱xüü̃güxü̃ rü naétü norü tupananeta i Mircóü̃xü̃ icua̱xüü̃güxü̃
6Rü ngẽxgumarüxü̃ tá ta ichayanaxoxẽxẽ i ngẽma duü̃xü̃gü i choxna ixĩgachixü̃, rü tama cha̱u̱xca̱x daugüxü̃ rü tama choxna cagüexü̃ ega ta̱xacü nanaxwa̱xegügu —ñanagürü tá.
7¡Rü Cori ya Tupanape̱xewa perüchianegü! Erü ngẽma norü ngunexü̃ i ãũcümaxü̃ i nagu tá napoxcuexü̃ i ngẽma chixexü̃ ügüxü̃ rü marü ningaica. Rü nüma rü marü nüxna naxu i ngẽma to i nachixü̃anecüã̱x nax nadaiaxü̃ca̱x i ngẽma nüxna ixĩgachitanüxü̃.
8Rü nüma ya Cori ya Tupana rü ñanagürü: —Ngẽma ngunexü̃ i nagu tá nadaiaxü̃ i ngẽma duü̃xü̃gü rü tá chanapoxcue i ngẽma Yudáanearü ãẽ̱xgacügü rü ngẽma ãẽ̱xgacügü nanegü rü guxü̃ma i ngẽma chorü duü̃xü̃gü i to i nachixü̃anearü tupananetaxü̃ icua̱xüü̃güxü̃.
9Rü ngẽma ngunexü̃gu rü tá chanapoxcue i ngẽma ĩpatagügu ichocuetanüxü̃ nax nangĩ́exü̃ca̱x, rü ngẽma diẽru i napuxü̃maxã rü womüxẽẽãcü nayauxgüxü̃maxã nanapáxẽẽgü ya norü tupananetapata —ñanagürü.
10Rü nüma ya Cori ya Tupana rü ñanagürü ta: —Ngẽma ngunexü̃gu rü tá nüxü̃ taxĩnüe i duü̃xü̃gü i aita üexü̃ nax ngü̃xẽẽca̱x ínacagüxü̃ i Choxnigüarü ĩã̱xwa. Rü yima Ngexwacaxü̃ ya Ĩanewa ngẽxmagüxü̃ i duü̃xü̃gü rü tá ta aita naxüe. Rü ngẽxgumarüxü̃ tá ta nüxü̃ taxĩnüe nax tagaãcü nawĩẽmügüxü̃ ya yima ma̱xpǘnegü.
11¡Pexauxe, Pa Duü̃xü̃gü i Mercáduwa Taxegüxü̃x! Erü guxü̃táma i taxetanüxü̃ rü tá nayue, Rü guxü̃ma i ngẽma diẽrumaxã puracüexü̃ rü tá inayarüxogü.
12Rü ngẽma ngunexü̃gu rü choma ya Tupana rü omügümaxã guxü̃wama i Yerucharéü̃wa tá mea naxca̱x chadau i ngẽma duü̃xü̃gü i chixexü̃ ügüxü̃. Rü tá chanapoxcue i ngẽma duü̃xü̃gü i ñoma bínu ya marü tama ichicacürüxü̃ ixĩgüxü̃. Rü nümagü rü inarüchomare rü taxuguma narüxĩnüe. Rü nügümaxãtama ñanagürügü: “Nüma ya Cori ya Tupana rü taxuxü̃táma i mexü̃ rüe̱xna chixexü̃ tamaxã naxü”, ñanagürügü.
13Rü ngẽmaca̱x i norü uanügü rü tá nüxna nanapuxü̃ i norü ngẽmaxü̃gü. Rü yima napatagü rü tá nagu napogüe. Rü tá naxüpatagü, natürü taxũtáma nümagü nawa namaxẽ. Rü tá úba inatogü, natürü taxũtáma nüma norü bínu nixaxgü —ñanagürü ya Tupana.
14¡Rü marü ningaica i ngẽma Cori ya Tupanaarü ngunexü̃ i ãũcümaxü̃! ¡Marü ningaica erü nüma rü paxatáma ínangu! Rü ngẽma ngunexü̃ i Cori ya Tupana nua nagu ũxü̃gu rü tá nüxü̃ taxĩnüe i nagagü i poraãcü ngechaü̃ gagüxü̃. Rü woo ngẽma nügü írüporaexü̃ rü tá tagaãcü naxauxe.
15Rü ngẽma ngunexü̃ rü Tupana tá nayanguxẽxẽ i norü nu. Rü ngẽma duü̃xü̃gü rü tá nanaxĩ̱xãchiãẽgü rü ngúxü̃ tá ningegü. Rü norü uanügü rü tá nagu napogüe ya yima norü ĩanegü. Rü poraãcü tá nawaane rü narücaixane. Rü ngẽmaãcü guxü̃wama tá naxẽane.
16Rü ngẽma ngunexü̃gu rü norü uanügü rü tá yima ĩanegü ya ípoxegugüneca̱x ínayaxüãchi. Rü daica̱x tá nayacue i norü cornétagü rü aixta tá naxüe. Rü nagu tá napogüe ya yima ĩanegüarü poxeguxü̃ rü norü dauxü̃taechicagü i máchanexü̃.
17Rü nüma ya Cori ya Tupana rü ñanagürü: —Rü tá chanaxĩ̱xãchiãẽtanüxẽxẽ i ngẽma duü̃xü̃gü. Rü ñoma ngẽma nangexetüxü̃rüxü̃ tá inaxĩ erü chope̱xewa chixexü̃ naxügü. Rü yimá nagü rü tá naba ñoma waixü̃müte̱xe igüxüxü̃rüxü̃. Rü ngẽma namachi i ngẽma yuexü̃ rü tá naü̃rüxü̃ ngẽxma nanuquegü —ñanagürü ya Cori ya Tupana.
18Rü ngẽma Cori ya Tupanaarü ngunexü̃ i ãũcümaxü̃ i nagu norü numaxã duü̃xü̃güxü̃ napoxcuexü̃, rü woo i norü diẽru rü woo i norü úiru rü taũxtáma naétüwa nachogü, erü ngẽma Cori ya Tupanaarü poxcu i üxüema rü guxü̃táma i nachixü̃anexü̃ nigu. Rü guxü̃táma i ngẽma duü̃xü̃gü i ñoma i naanewa maxẽxü̃ rü wüxiü̃cüxü tá inayarüxo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.