Popera ga Rómawa yexmagüxü̃ ga yaxõgüxü̃tanüwa namuxü̃ ga Pauru 6
6
Ñu̱xma rü tama pecadu ixügüxü̃ca̱x nixĩ i imaxẽxü̃, natürü Cristuca̱x nixĩ i imaxẽxü̃
1Rü ñu̱xma nax Tupanaaxü̃́ ingechaü̃tümüxü̃güxü̃, ¿rü ñuxãcü tá imaxẽxü̃ i ñu̱xmax? ¿Rü pexca̱x rü namexü̃ nax pecadu ixügüechaxü̃ nax yexeraãcü Tupanaaxü̃́ ingechaü̃tümüxü̃güxü̃ca̱x?
2Rü dücax, tama ngẽmaãcü nixĩ. Erü ñu̱xma pecaducha̱xwa rü ñoma iyuexü̃rüxü̃ tixĩgü, erü marü tama naga taxĩnüe. Rü ngẽmaca̱x tama name i yeü̃cürü pecadu taxügüecha.
3¿Tama ẽ̱xna nüxü̃ pecua̱x nax ta̱xacüca̱x yixĩxü̃ nax íibaiü̃xü̃? Rü ítabaiü̃ nax ngẽmaãcü duü̃xü̃güxü̃ nawéxü̃ca̱x nax aixcüma Ngechuchu ya Cristuarü duü̃xü̃gü ixĩgüxü̃. Rü yexguma íibaiü̃gu, rü nüma nayuxü̃rüxü̃ yexma nayu ga tacüma ga nũxcümaü̃xü̃.
4Rü yexguma íibaiü̃gu, rü Cristu yuxü̃rüxü̃ yexma nayu ga tacüma ga nũxcümaü̃xü̃, rü Cristu itáxü̃rüxü̃ inata̱x ga yema tacüma ga nũxcümaü̃xü̃. Rü yemaacü naxüpetü nax wena imaxẽxü̃ca̱x rü tüxü̃́ nangẽxmaxü̃ca̱x i maxü̃ i ngexwaca̱xü̃xü̃, yexgumarüxü̃ ga Ngechuchu nax yuwa írüdaxü̃ rü wena namaxü̃xü̃ ga yexguma Nanatü ga Tupana norü poramaxã ínadaxẽẽgu.
5Rü ñu̱xma nax Cristumaxã wüxigu nayuxü̃ ga tacüma ga nũxcümaü̃xü̃, rü nüxü̃ tacua̱x nax aixcüma Cristumaxã tüxü̃́ nangẽxmaxü̃ i maxü̃ i ngexwaca̱xü̃xü̃.
6Rü nüxü̃ tacua̱x rü yema tórü maxü̃ ga nũxcümaü̃xü̃ rü Cristumaxã wüxigu curuchagu nayu nax yexma yanaxoxü̃ca̱x ga yema tacüma ga chixexü̃. Rü ñu̱xma rü tama pecadutüü̃wa tangexmagü, rü ngẽmaca̱x marü tama naga taxĩnüe.
7Erü yíxema yuxe rü marü tama pecadutüü̃wa tangexma nax yeü̃cürü pecadu taxüechaxü̃ca̱x.
8Rü ñu̱xma nax Cristumaxã nayuxü̃ ga tórü maxü̃ ga nũxcümaü̃xü̃, rü nüxü̃ tacua̱x nax Cristurüxü̃ tüxü̃́ nangẽxmaxü̃ i maxü̃ i ngexwaca̱xü̃xü̃.
9Rü nüxü̃ tacua̱x rü ñu̱xma nax yuwa ínadaxü̃ ya Cristu, rü tagutáma wena nayu. Yerü nüma rü marü yema yuxü̃ narüyexera, rü ngẽmaca̱x i ngẽma yu rü marü tama Cristumaxã inacua̱x.
10Rü yexguma nayu̱xgu ga Cristu rü yexma wüxicana ningutanü ga guxü̃ma ga duü̃xü̃güarü pecadugü. Rü ñu̱xma nax namaxü̃xü̃, rü Tupanaca̱x nixĩ i namaxü̃xü̃ nax Tupanaarü ngúchaü̃ naxüxü̃ca̱x.
11Rü ngẽxgumarüxü̃ ta i pema rü name nixĩ i pegügu perüxĩnüe nax marü pecaducha̱xwa peyuexü̃ rü Tupanaca̱x pemaxẽxü̃, erü Ngechuchu ya Cristuarü duü̃xü̃gü pixĩgü.
12Rü ngẽmaca̱x rü tama name i pecadutüü̃wa pegü pengẽxmagüxẽxẽ nax pemaxã inacuáxü̃ca̱x. Rü tama name i penaxüchica i pecadu nax pexenearü ngúchaü̃gü i chixexü̃ pexü̃ naxüxẽẽxü̃ca̱x.
13Rü tama name i pecaduna penaxãgü i pexene nax ngẽmamaxã chixexü̃ pexügüxü̃ca̱x. Rü name nixĩ i Tupanana pegü pexãgü, erü ñoma duü̃xü̃gü i yuexü̃ rü wena maxẽxü̃rüxü̃ pixĩgü. Rü ngẽmaca̱x name nixĩ i Tupanana penaxãgü i pexene nax ngẽmamaxã nape̱xewa mexü̃ pexügüxü̃ca̱x.
14Rü ñu̱xma rü marü tama pecadutüü̃wa pengẽxmagü nax pemaxã inacuáxü̃ca̱x. Rü yexguma yema mugü ga Moiché ümatüxü̃we perüxĩxgu, rü pemaxã inacua̱x ga pecadu. Natürü i ñu̱xma rü Tupana pemaxã namecüma, rü nüma nixĩ i pemaxã inacuáxü̃ i ñu̱xmax.
Ngẽxguma wüxi i duü̃xü̃me̱xẽwa yigü ingẽxmagüxẽxẽgu, rü ngẽmaga nixĩ i ixĩnüexü̃
15Rü ñu̱xma nax tama yema Moiché ümatüxü̃ ga mugütüü̃wa ingẽxmagüxü̃, rü ñu̱xma nax Tupana tamaxã mecümaxü̃, ¿rü ñuxãcü tá imaxẽxü̃? ¿Rü pexca̱x namexü̃ nax yeü̃cürü pecadu ixügüechaxü̃? Rü dücax, tama name nax ngẽmaãcü imaxẽxü̃.
16Rü pema rü meama nüxü̃ pecua̱x rü ngẽxguma wüxi i corime̱xẽwa pegü pengẽxmagüxẽẽgu nax naga pexĩnüexü̃ca̱x rü pema rü norü mugüruxü̃ tá pixĩgü i ngẽma cori i naga pexĩnüexü̃. Rü ngẽxgumarüxü̃ ta nixĩ ega naga pexĩnüegu i ngẽma pecadu i yuwa pexü̃ gagüxü̃ rüe̱xna naga pexĩnüegu ya Tupana nax nape̱xewa pimexü̃ca̱x.
17Natürü Tupanana moxẽ chaxã, yerü woo pecaduga nax pexĩnüexü̃ ga noxri, natürü i ñu̱xma rü aixcüma naga pexĩnüe i ngẽma ngu̱xẽẽtae i marü pexü̃ tangúexẽẽxü̃ i Cristuchiga.
18Rü ñu̱xma rü pecaduna pexü̃ ínanguxü̃xẽxẽ ya Tupana nax norü puracütanüxü̃ pixĩgüxü̃ca̱x rü nape̱xewa pimexü̃ca̱x
19Rü tauxchaxü̃ i oremaxã pemaxã chidexaxü̃ i ñu̱xmax, erü ngürüãchi taxũtáma nüxü̃ pecua̱x i ta̱xacüchiga nax yixĩxü̃ i ngẽma ore i pemaxã nüxü̃ chixuxü̃. Rü dücax, rü nũxcüma ipenaxã ga pexenegü nax namaxã penaxügüxü̃ca̱x ga naguxü̃raü̃xü̃ ga chixexü̃. Natürü i ñu̱xma rü name nixĩ i Tupanana penaxã i pexenegü nax aixcüma nape̱xewa pimexü̃ca̱x rü naxca̱xicatama pemaxẽxü̃ca̱x.
20Rü yexguma pecadutüü̃wa peyexmagügu, rü tama Tupanape̱xewa mexü̃ pexügü rü tama naxca̱x pemaxẽ.
21¿Natürü ta̱xacüwa pexü̃́ namexü̃ ga yema chixexü̃ ga ü̃pa pexüxü̃ rü ñu̱xma ãne pexna ãxü̃? Yerü yema chixexü̃ rü yuwamare pexü̃ nagagü.
22Natürü ñu̱xma nax ngẽma pecaduna ípenguxü̃xü̃ rü marü Tupanaarü duü̃xü̃gü pixĩgü rü naxca̱x nixĩ i pemaxẽxü̃. Rü ngẽma nixĩ i aixcüma pexü̃́ mexü̃ erü ngẽmagagu penayaxu i maxü̃ i üünexü̃ i ñu̱xma, rü ngẽmawena tá penayaxu i maxü̃ i taguma gúxü̃.
23Rü natanü i ngẽma pecadu tüxna ãxü̃, rü yu nixĩ. Natürü ngẽma ãmare ya Tupana tüxna ãxü̃ rü maxü̃ i taguma guxü̃ nixĩ i ngẽxguma tórü Cori ya Ngechuchuaxü̃́ yaxõgügu.
Currently Selected:
Popera ga Rómawa yexmagüxü̃ ga yaxõgüxü̃tanüwa namuxü̃ ga Pauru 6: tcaP
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Popera ga Rómawa yexmagüxü̃ ga yaxõgüxü̃tanüwa namuxü̃ ga Pauru 6
6
Ñu̱xma rü tama pecadu ixügüxü̃ca̱x nixĩ i imaxẽxü̃, natürü Cristuca̱x nixĩ i imaxẽxü̃
1Rü ñu̱xma nax Tupanaaxü̃́ ingechaü̃tümüxü̃güxü̃, ¿rü ñuxãcü tá imaxẽxü̃ i ñu̱xmax? ¿Rü pexca̱x rü namexü̃ nax pecadu ixügüechaxü̃ nax yexeraãcü Tupanaaxü̃́ ingechaü̃tümüxü̃güxü̃ca̱x?
2Rü dücax, tama ngẽmaãcü nixĩ. Erü ñu̱xma pecaducha̱xwa rü ñoma iyuexü̃rüxü̃ tixĩgü, erü marü tama naga taxĩnüe. Rü ngẽmaca̱x tama name i yeü̃cürü pecadu taxügüecha.
3¿Tama ẽ̱xna nüxü̃ pecua̱x nax ta̱xacüca̱x yixĩxü̃ nax íibaiü̃xü̃? Rü ítabaiü̃ nax ngẽmaãcü duü̃xü̃güxü̃ nawéxü̃ca̱x nax aixcüma Ngechuchu ya Cristuarü duü̃xü̃gü ixĩgüxü̃. Rü yexguma íibaiü̃gu, rü nüma nayuxü̃rüxü̃ yexma nayu ga tacüma ga nũxcümaü̃xü̃.
4Rü yexguma íibaiü̃gu, rü Cristu yuxü̃rüxü̃ yexma nayu ga tacüma ga nũxcümaü̃xü̃, rü Cristu itáxü̃rüxü̃ inata̱x ga yema tacüma ga nũxcümaü̃xü̃. Rü yemaacü naxüpetü nax wena imaxẽxü̃ca̱x rü tüxü̃́ nangẽxmaxü̃ca̱x i maxü̃ i ngexwaca̱xü̃xü̃, yexgumarüxü̃ ga Ngechuchu nax yuwa írüdaxü̃ rü wena namaxü̃xü̃ ga yexguma Nanatü ga Tupana norü poramaxã ínadaxẽẽgu.
5Rü ñu̱xma nax Cristumaxã wüxigu nayuxü̃ ga tacüma ga nũxcümaü̃xü̃, rü nüxü̃ tacua̱x nax aixcüma Cristumaxã tüxü̃́ nangẽxmaxü̃ i maxü̃ i ngexwaca̱xü̃xü̃.
6Rü nüxü̃ tacua̱x rü yema tórü maxü̃ ga nũxcümaü̃xü̃ rü Cristumaxã wüxigu curuchagu nayu nax yexma yanaxoxü̃ca̱x ga yema tacüma ga chixexü̃. Rü ñu̱xma rü tama pecadutüü̃wa tangexmagü, rü ngẽmaca̱x marü tama naga taxĩnüe.
7Erü yíxema yuxe rü marü tama pecadutüü̃wa tangexma nax yeü̃cürü pecadu taxüechaxü̃ca̱x.
8Rü ñu̱xma nax Cristumaxã nayuxü̃ ga tórü maxü̃ ga nũxcümaü̃xü̃, rü nüxü̃ tacua̱x nax Cristurüxü̃ tüxü̃́ nangẽxmaxü̃ i maxü̃ i ngexwaca̱xü̃xü̃.
9Rü nüxü̃ tacua̱x rü ñu̱xma nax yuwa ínadaxü̃ ya Cristu, rü tagutáma wena nayu. Yerü nüma rü marü yema yuxü̃ narüyexera, rü ngẽmaca̱x i ngẽma yu rü marü tama Cristumaxã inacua̱x.
10Rü yexguma nayu̱xgu ga Cristu rü yexma wüxicana ningutanü ga guxü̃ma ga duü̃xü̃güarü pecadugü. Rü ñu̱xma nax namaxü̃xü̃, rü Tupanaca̱x nixĩ i namaxü̃xü̃ nax Tupanaarü ngúchaü̃ naxüxü̃ca̱x.
11Rü ngẽxgumarüxü̃ ta i pema rü name nixĩ i pegügu perüxĩnüe nax marü pecaducha̱xwa peyuexü̃ rü Tupanaca̱x pemaxẽxü̃, erü Ngechuchu ya Cristuarü duü̃xü̃gü pixĩgü.
12Rü ngẽmaca̱x rü tama name i pecadutüü̃wa pegü pengẽxmagüxẽxẽ nax pemaxã inacuáxü̃ca̱x. Rü tama name i penaxüchica i pecadu nax pexenearü ngúchaü̃gü i chixexü̃ pexü̃ naxüxẽẽxü̃ca̱x.
13Rü tama name i pecaduna penaxãgü i pexene nax ngẽmamaxã chixexü̃ pexügüxü̃ca̱x. Rü name nixĩ i Tupanana pegü pexãgü, erü ñoma duü̃xü̃gü i yuexü̃ rü wena maxẽxü̃rüxü̃ pixĩgü. Rü ngẽmaca̱x name nixĩ i Tupanana penaxãgü i pexene nax ngẽmamaxã nape̱xewa mexü̃ pexügüxü̃ca̱x.
14Rü ñu̱xma rü marü tama pecadutüü̃wa pengẽxmagü nax pemaxã inacuáxü̃ca̱x. Rü yexguma yema mugü ga Moiché ümatüxü̃we perüxĩxgu, rü pemaxã inacua̱x ga pecadu. Natürü i ñu̱xma rü Tupana pemaxã namecüma, rü nüma nixĩ i pemaxã inacuáxü̃ i ñu̱xmax.
Ngẽxguma wüxi i duü̃xü̃me̱xẽwa yigü ingẽxmagüxẽxẽgu, rü ngẽmaga nixĩ i ixĩnüexü̃
15Rü ñu̱xma nax tama yema Moiché ümatüxü̃ ga mugütüü̃wa ingẽxmagüxü̃, rü ñu̱xma nax Tupana tamaxã mecümaxü̃, ¿rü ñuxãcü tá imaxẽxü̃? ¿Rü pexca̱x namexü̃ nax yeü̃cürü pecadu ixügüechaxü̃? Rü dücax, tama name nax ngẽmaãcü imaxẽxü̃.
16Rü pema rü meama nüxü̃ pecua̱x rü ngẽxguma wüxi i corime̱xẽwa pegü pengẽxmagüxẽẽgu nax naga pexĩnüexü̃ca̱x rü pema rü norü mugüruxü̃ tá pixĩgü i ngẽma cori i naga pexĩnüexü̃. Rü ngẽxgumarüxü̃ ta nixĩ ega naga pexĩnüegu i ngẽma pecadu i yuwa pexü̃ gagüxü̃ rüe̱xna naga pexĩnüegu ya Tupana nax nape̱xewa pimexü̃ca̱x.
17Natürü Tupanana moxẽ chaxã, yerü woo pecaduga nax pexĩnüexü̃ ga noxri, natürü i ñu̱xma rü aixcüma naga pexĩnüe i ngẽma ngu̱xẽẽtae i marü pexü̃ tangúexẽẽxü̃ i Cristuchiga.
18Rü ñu̱xma rü pecaduna pexü̃ ínanguxü̃xẽxẽ ya Tupana nax norü puracütanüxü̃ pixĩgüxü̃ca̱x rü nape̱xewa pimexü̃ca̱x
19Rü tauxchaxü̃ i oremaxã pemaxã chidexaxü̃ i ñu̱xmax, erü ngürüãchi taxũtáma nüxü̃ pecua̱x i ta̱xacüchiga nax yixĩxü̃ i ngẽma ore i pemaxã nüxü̃ chixuxü̃. Rü dücax, rü nũxcüma ipenaxã ga pexenegü nax namaxã penaxügüxü̃ca̱x ga naguxü̃raü̃xü̃ ga chixexü̃. Natürü i ñu̱xma rü name nixĩ i Tupanana penaxã i pexenegü nax aixcüma nape̱xewa pimexü̃ca̱x rü naxca̱xicatama pemaxẽxü̃ca̱x.
20Rü yexguma pecadutüü̃wa peyexmagügu, rü tama Tupanape̱xewa mexü̃ pexügü rü tama naxca̱x pemaxẽ.
21¿Natürü ta̱xacüwa pexü̃́ namexü̃ ga yema chixexü̃ ga ü̃pa pexüxü̃ rü ñu̱xma ãne pexna ãxü̃? Yerü yema chixexü̃ rü yuwamare pexü̃ nagagü.
22Natürü ñu̱xma nax ngẽma pecaduna ípenguxü̃xü̃ rü marü Tupanaarü duü̃xü̃gü pixĩgü rü naxca̱x nixĩ i pemaxẽxü̃. Rü ngẽma nixĩ i aixcüma pexü̃́ mexü̃ erü ngẽmagagu penayaxu i maxü̃ i üünexü̃ i ñu̱xma, rü ngẽmawena tá penayaxu i maxü̃ i taguma gúxü̃.
23Rü natanü i ngẽma pecadu tüxna ãxü̃, rü yu nixĩ. Natürü ngẽma ãmare ya Tupana tüxna ãxü̃ rü maxü̃ i taguma guxü̃ nixĩ i ngẽxguma tórü Cori ya Ngechuchuaxü̃́ yaxõgügu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.