Popera ga Rómawa yexmagüxü̃ ga yaxõgüxü̃tanüwa namuxü̃ ga Pauru 15
15
Name nixĩ i cumücüxü̃ cutaãxẽxẽxẽ
1Rü yixema nax iporaexü̃ i tórü õwa, rü name nixĩ i nüxü̃ tarüngü̃xẽxẽ i ngẽma tamücügü i turaexü̃ i norü õwa. Rü tama name i yigüguxicatama tarüxĩnüe rü tóxrütama ngúchaü̃ taxügü.
2Natürü wüxichigü i yixema rü name nixĩ i taenexẽaxü̃́ tanangúchaü̃xẽxẽ nax ngẽmaãcü nüxü̃ rüngü̃xẽẽxü̃ca̱x nax yexeraãcü yaxõõxü̃ca̱x.
3Yerü woo ga Cristu rü tama noxrütama ngúchaü̃ naxü. Natürü nayanguxẽxẽ ga yema Tupanaarü ore ga ñaxü̃:
“Ngẽma duü̃xü̃gü i cumaxã guxchigagüxü̃, rü chomaxã nixĩ i naguxchigagüxü̃”,
ñaxü̃.
4Rü guxü̃ma ga yema nũxcüma ümatüxü̃ ga Tupanaarü orewa, rü naxümatü nax tüxü̃ nangu̱xẽẽxü̃ca̱x nax taguma nüxü̃ rüxoexü̃ ega woo ta̱xacürü guxchaxü̃ taxca̱x ínguxgu. Rü yema Tupanaarü ore rü naxümatü nax tüxü̃ nataãẽxẽẽxü̃ca̱x rü tüxü̃ nüxü̃ nacua̱xẽẽxü̃ca̱x nax aixcüma Tupanaarü ixĩgüxü̃.
5Rü Tupana nixĩ ya tüxü̃ rüngü̃xẽẽcü nax yáxna namaxã ixĩnüexü̃ca̱x i guxü̃ma i guxchaxü̃gü. Rü nüma nixĩ i pexü̃ nataãẽxẽẽxü̃ rü pexü̃ rüngü̃xẽẽxü̃ nax wüxigu perüxĩnüexü̃ca̱x ngẽma Ngechuchu ya Cristu pexü̃́ naxwa̱xexü̃rüxü̃.
6Rü chanaxwa̱xe nax ngẽmaãcü pemaxẽxü̃ nax guxãma i pema rü wüxigu nüxü̃ picua̱xüü̃güxü̃ca̱x ya Tupana ya Nanatü ya tórü Cori ya Ngechuchu ya Cristu.
Duü̃xü̃gü i tama Yudíugü ixĩgüxü̃maxã nüxü̃ nixu i ore i mexü̃
7Rü ngẽmaca̱x, yema Cristu pexü̃ nax dexü̃rüxü̃ rü name nixĩ i wüxichigü mea pegü peyaxu nax ngẽmaãcü Tupanaxü̃ yacua̱xüü̃güxü̃ca̱x i duü̃xü̃gü.
8Rü pemaxã nüxü̃ chixu rü Cristu núma naxũ nax Yudíugüxü̃ yanangü̃xẽẽxü̃ca̱x, nax yemaacü yanguxẽẽãxü̃ca̱x ga yema unetagü ga nũxcümaü̃güxü̃ ga tórü o̱xigümaxã nüxü̃ yaxuxü̃ ga Tupana. Rü yemaacü ga Cristu rü tüxü̃ nüxü̃ nadauxẽxẽ nax aixcümacü nax yixĩxü̃ ya Tupana rü aixcüma yangu̱xẽẽãxü̃ i ngẽma norü uneta.
9Rü yexgumarüxü̃ ta ga Cristu rü núma naxũ naxca̱x i ngẽma duü̃xü̃gü i tama Yudíugü ixĩgüxü̃ nax nümagü rü ta Tupanaxü̃ yacua̱xüü̃güxü̃ca̱x naxca̱x nax nüxü̃́ nangechaü̃tümüxü̃güxü̃. Rü yemachiga nixĩ ga yema Tupanaarü ore ga Dabí ümatüxü̃ ga ñaxü̃:
“Rü ngẽmaca̱x guxü̃ i nachixü̃anecüã̱x i duü̃xü̃güpe̱xewa tá cuxü̃ chicua̱xüxü̃.
Rü chorü wiyaemaxã rü tá cuégaxü̃ chicua̱xüxü̃”,
ñaxü̃.
10Rü tóxnamana i Tupanaarü ore i ümatüxü̃wa rü ñanagürü:
“Pa Duü̃xü̃gü i Tama Yudíugü Ixĩgüxü̃, rü name nixĩ i pema rü wüxigu chorü duü̃xü̃gü i Yudíugümaxã petaãxẽgü”,
ñanagürü.
11Rü tóxnamana, rü ñanagürü ta:
“¡Pa Guxü̃ma i Nachixü̃anecüã̱xgüx, rü Pa Guxü̃ma i Duü̃xü̃gütücumügüx, rü Cori ya Tupanaxü̃ picua̱xüü̃gü!”
ñanagürü.
12Rü Ichaía rü ta nanaxümatü rü ñanagürü:
“Yimá Dabí nanatü ya Ichaxíwa rü tá nango̱x i wüxi i nataxa nax guxü̃ i nachixü̃anegüarü ãẽ̱xgacü yixĩxü̃ca̱x.
Rü nümagü rü tá ínananguxẽxẽgü nax yimágagu Tupana nüxü̃ rüngü̃xẽxẽgüxü̃ca̱x”,
ñanagürü.
13Rü ñu̱xma i pemax nax nüxü̃́ peyaxõgüxü̃, rü chanaxwa̱xe nax poraãcü pexü̃ nataãẽxẽxẽ ya yimá Tupana ya pexü̃ tauxchaxẽẽcü nax Cristuxü̃ ípenangu̱xẽẽgüxü̃. Rü chanaxwa̱xe i Naãxẽ ya Üünexü̃arü poramaxã Tupana pexü̃ naporaexẽxẽ nax yexeraãcü Cristuxü̃ ípenangu̱xẽẽgüxü̃ca̱x.
14Pa Chauenexẽgüx, meama nüxü̃ chacua̱x nax guxü̃ i duü̃xü̃gümaxã pemecümaxü̃, rü aixcüma Tupanaxü̃ nax pecuáxü̃. Rü nüxü̃ chacua̱x nax meama nüxü̃ pecuáxü̃ nax pegü pixucu̱xẽgüxü̃.
15Natürü ñaa poperawa rü tama chamuü̃ãcüma pexca̱x chanaxümatü i ñuxre i ucu̱xẽgü, erü tama chanaxwa̱xe i nüxü̃ ipeyarüngümae i ngẽma ucu̱xẽgü. Rü pexca̱x chanaxümatü i ngẽmachiga yerü Tupana chomaxã namecüma rü choxü̃ namu nax pexca̱x chanaxümatüxü̃ca̱x.
16Rü nüma nixĩ ga choxü̃ namuxü̃ nax Ngechuchu ya Cristuarü puracü chaxüxü̃ca̱x i natanüwa i ngẽma duü̃xü̃gü i tama Yudíugü ixĩgüxü̃. Rü ngẽma puracü ga nawa choxü̃ namuxü̃ nixĩ nax ngẽma tama Yudíugü ixĩgüxü̃maxã nüxü̃ chixuxü̃ca̱x i ngẽma ore i mexü̃, nax ngẽma duü̃xü̃gü rü wüxi i ãmare ya Tupana namaxã taãẽxü̃ i Naãxẽ ya Üünexü̃ imexẽẽgüxü̃ nax yixĩxü̃ca̱x.
17Rü ngẽmaca̱x Ngechuchu ya Cristugagu chataãxẽ namaxã i ngẽma puracü i Tupanaaxü̃́ chaxüxü̃.
18-19Rü ñu̱xma rü yema Cristu chowa üxü̃xicatama tá nixĩ i nüxü̃ chixuxü̃. Rü nüma nixĩ ga choxü̃ nangü̃xẽẽxü̃ nax Tupanaxü̃tawa chanagagüxü̃ca̱x ga yema duü̃xü̃gü i tama Yudíugü ixĩgüxü̃, nax nümagü rü ta Tupanaga naxĩnüexü̃ca̱x. Rü yemaacü chorü oremaxã, rü chorü puracümaxã, rü cua̱xruü̃gü ga taxü̃ ga Tupana üxü̃maxã, rü Naãxẽ ya Üünexü̃arü poramaxã Tupanaxü̃tawa chanagagü ga yema duü̃xü̃gü. Rü yemaacü Yerucharéü̃wa ichanaxügü rü guxü̃wama ñu̱xmata Ilíriaarü naanewa meama chayanguxẽxẽ nax nüxü̃ chixuxü̃ ga yema ore i tüxü̃ maxẽxẽẽxü̃ i Cristuchiga.
20Rü yemaacü chapuracü nax nüxü̃ chixuxü̃ca̱x i Tupanaarü ore i mexü̃ i ngextá taguma ñuxgu Cristuchigaxü̃ ínaxĩnüexü̃wa ga duü̃xü̃gü. Erü tama chanaxwa̱xe nax marü togü nüxü̃ íxuxü̃wa rü duü̃xü̃gü marü nüxü̃ ícuáxü̃wa nüxü̃ chixuxü̃ i ngẽma ore. Erü tama chanaxwa̱xe i chayoxnie i togüarü puracü.
21Rü yemachiga nixĩ ga Tupanaarü ore ga Ichaía ümatüxü̃ ga ñaxü̃:
“Yíxema taguma Cristuchigaxü̃ cua̱xgüxe rü tá nüxü̃ tadaugü. Rü yíxema taguma Cristuchigaxü̃ ĩnüexe, rü tá nüxü̃ tacua̱xgü i nachiga”,
ñaxü̃.
Pauru rü Rómawa naxũxchaü̃
22Rü yema tóxnamana nax chapuracüxü̃ca̱x nixĩ ga taxucürüwa petanüwa chaxũxü̃ woo muẽ̱xpü̱xcünachire̱x yéma chaxũxchaü̃.
23Natürü ñu̱xma nax marü chanagu̱xẽẽxü̃ i ngẽma puracü i tóxnamana, rü nagu charüxĩnü nax petanüwa chaxũxü̃. Yerü ñuxgumamatama nixĩ ga nagu charüxĩnüechaxü̃ nax petanüwa chaxũxchaü̃xü̃.
24Rü ngẽxguma Españawa chaxũxgu, rü nagu charüxĩnü nax woe pexü̃tagu íchidauxü̃. Rü nagu charüxĩnü nax ñuxre i ngunexü̃ ngẽxma petanügu charüxã́ũxü̃. Rü wüxi i chorü taãxẽ tá nixĩ i ngẽma. Rü ngẽmawena rü chanaxwa̱xe i choxü̃ perüngü̃xẽxẽ nax Españawa chaxũxü̃ca̱x.
25Natürü i ñu̱xma rü Yerucharéü̃wa tá chaxũ, nax ngéma chanangexü̃ca̱x i ñuxre i diẽru naxca̱x i taenexẽgü i ngéma ngẽxmagüxü̃.
26Erü ngẽma taenexẽgü i yaxõgüxü̃ i Machedóniaanewa rü Acáyaanewa ngẽxmagüxü̃, rü norü ngúchaü̃maxã nagu narüxĩnüe nax ngĩxü̃ nanutaque̱xegüxü̃ i ñuxre i diẽru nax ngẽmaãcü nüxü̃ nangü̃xẽẽgüxü̃ca̱x i taenexẽgü i nüxü̃́ nataxuxü̃ i Yerucharéü̃wa ngẽxmagüxü̃.
27Rü ngẽma taenexẽgü i Machedóniacüã̱x rü Acáyacüã̱x rü norü me nixĩ nax ngẽmaãcü naxügüãxü̃. Rü ngẽma duü̃xü̃gü rü aixcüma nüxü̃́ nangẽxma i norü ngetanü i taenexẽgü i Yudíugütanüwa. Erü ngẽma taenexẽgü i Yudíugügagu nixĩ i ngẽma togü i duü̃xü̃gütanüwa nanguxü̃ i Tupanaarü ore. Rü ñu̱xma rü name nixĩ i ngẽma togü i duü̃xü̃gü rü norü ngẽmaxü̃maxã taenexẽgü i Yudíugü i yaxõgüxü̃xü̃ narüngü̃xẽẽgü.
28Rü ngẽxguma chanagu̱xẽẽgu i ngẽma puracü, rü ngẽxguma taenexẽgü i Yudíugüna marü ngĩxü̃ chaxãxgu i ngẽma diẽru, rü Españawa tá chaxũ. Rü ngẽxguma ngéma chaxũxgu, rü tá woe pexü̃tagu íchidau.
29Rü nüxü̃ chacua̱x rü ngẽxguma petanüwa changuxgu, rü wüxigu tá tataãẽgü, erü nüma ya Cristu tá tüxü̃ nataãxẽxẽxẽ i ngẽxguma wüxiwa ingẽxmagügu.
30Pa Chauenexẽgüx, tórü Cori ya Ngechuchu ya Cristuégagu, rü ngẽma ngechaü̃ i Tupanaãxẽ ya Üünecü tüxna ãxü̃égagu pexü̃ chaca̱a̱xü̃ nax Tupanana cha̱u̱xca̱x pecaxü̃ i perü yumüxẽwa. Rü ngẽmaãcü tá choxü̃ perüngü̃xẽxẽ nawa i ñaa puracü ya Tupana choxna ãxü̃.
31¡Rü Tupanana peca nax choxü̃ ínapoxü̃xü̃ca̱x nüxna i ngẽma Yudíugü i Yudéaanewa ngẽxmagüxü̃ i tama yaxõgüxü̃! ¡Rü nüxna peca naxca̱x i ngẽma taenexẽgü i yaxõgüxü̃ i Yerucharéü̃wa ngẽxmagüxü̃, nax taãxẽãcü nayauxgüãxü̃ca̱x i ngẽma diẽru i ngéma naxca̱x changexü̃!
32Rü ngẽmaãcü ngẽxguma Tupana naxwa̱xegu, rü taãẽãcü tá petanüwa changu, nax wüxigu yigü itaãẽxẽẽgüxü̃ca̱x.
33Rü chanaxwa̱xe nax Tupana ya tüxü̃ taãẽxẽẽcü pexü̃tawa nangẽxmaxü̃ i guxãma i pemax. Rü ngẽmaãcü yixĩ.
Currently Selected:
Popera ga Rómawa yexmagüxü̃ ga yaxõgüxü̃tanüwa namuxü̃ ga Pauru 15: tcaP
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Popera ga Rómawa yexmagüxü̃ ga yaxõgüxü̃tanüwa namuxü̃ ga Pauru 15
15
Name nixĩ i cumücüxü̃ cutaãxẽxẽxẽ
1Rü yixema nax iporaexü̃ i tórü õwa, rü name nixĩ i nüxü̃ tarüngü̃xẽxẽ i ngẽma tamücügü i turaexü̃ i norü õwa. Rü tama name i yigüguxicatama tarüxĩnüe rü tóxrütama ngúchaü̃ taxügü.
2Natürü wüxichigü i yixema rü name nixĩ i taenexẽaxü̃́ tanangúchaü̃xẽxẽ nax ngẽmaãcü nüxü̃ rüngü̃xẽẽxü̃ca̱x nax yexeraãcü yaxõõxü̃ca̱x.
3Yerü woo ga Cristu rü tama noxrütama ngúchaü̃ naxü. Natürü nayanguxẽxẽ ga yema Tupanaarü ore ga ñaxü̃:
“Ngẽma duü̃xü̃gü i cumaxã guxchigagüxü̃, rü chomaxã nixĩ i naguxchigagüxü̃”,
ñaxü̃.
4Rü guxü̃ma ga yema nũxcüma ümatüxü̃ ga Tupanaarü orewa, rü naxümatü nax tüxü̃ nangu̱xẽẽxü̃ca̱x nax taguma nüxü̃ rüxoexü̃ ega woo ta̱xacürü guxchaxü̃ taxca̱x ínguxgu. Rü yema Tupanaarü ore rü naxümatü nax tüxü̃ nataãẽxẽẽxü̃ca̱x rü tüxü̃ nüxü̃ nacua̱xẽẽxü̃ca̱x nax aixcüma Tupanaarü ixĩgüxü̃.
5Rü Tupana nixĩ ya tüxü̃ rüngü̃xẽẽcü nax yáxna namaxã ixĩnüexü̃ca̱x i guxü̃ma i guxchaxü̃gü. Rü nüma nixĩ i pexü̃ nataãẽxẽẽxü̃ rü pexü̃ rüngü̃xẽẽxü̃ nax wüxigu perüxĩnüexü̃ca̱x ngẽma Ngechuchu ya Cristu pexü̃́ naxwa̱xexü̃rüxü̃.
6Rü chanaxwa̱xe nax ngẽmaãcü pemaxẽxü̃ nax guxãma i pema rü wüxigu nüxü̃ picua̱xüü̃güxü̃ca̱x ya Tupana ya Nanatü ya tórü Cori ya Ngechuchu ya Cristu.
Duü̃xü̃gü i tama Yudíugü ixĩgüxü̃maxã nüxü̃ nixu i ore i mexü̃
7Rü ngẽmaca̱x, yema Cristu pexü̃ nax dexü̃rüxü̃ rü name nixĩ i wüxichigü mea pegü peyaxu nax ngẽmaãcü Tupanaxü̃ yacua̱xüü̃güxü̃ca̱x i duü̃xü̃gü.
8Rü pemaxã nüxü̃ chixu rü Cristu núma naxũ nax Yudíugüxü̃ yanangü̃xẽẽxü̃ca̱x, nax yemaacü yanguxẽẽãxü̃ca̱x ga yema unetagü ga nũxcümaü̃güxü̃ ga tórü o̱xigümaxã nüxü̃ yaxuxü̃ ga Tupana. Rü yemaacü ga Cristu rü tüxü̃ nüxü̃ nadauxẽxẽ nax aixcümacü nax yixĩxü̃ ya Tupana rü aixcüma yangu̱xẽẽãxü̃ i ngẽma norü uneta.
9Rü yexgumarüxü̃ ta ga Cristu rü núma naxũ naxca̱x i ngẽma duü̃xü̃gü i tama Yudíugü ixĩgüxü̃ nax nümagü rü ta Tupanaxü̃ yacua̱xüü̃güxü̃ca̱x naxca̱x nax nüxü̃́ nangechaü̃tümüxü̃güxü̃. Rü yemachiga nixĩ ga yema Tupanaarü ore ga Dabí ümatüxü̃ ga ñaxü̃:
“Rü ngẽmaca̱x guxü̃ i nachixü̃anecüã̱x i duü̃xü̃güpe̱xewa tá cuxü̃ chicua̱xüxü̃.
Rü chorü wiyaemaxã rü tá cuégaxü̃ chicua̱xüxü̃”,
ñaxü̃.
10Rü tóxnamana i Tupanaarü ore i ümatüxü̃wa rü ñanagürü:
“Pa Duü̃xü̃gü i Tama Yudíugü Ixĩgüxü̃, rü name nixĩ i pema rü wüxigu chorü duü̃xü̃gü i Yudíugümaxã petaãxẽgü”,
ñanagürü.
11Rü tóxnamana, rü ñanagürü ta:
“¡Pa Guxü̃ma i Nachixü̃anecüã̱xgüx, rü Pa Guxü̃ma i Duü̃xü̃gütücumügüx, rü Cori ya Tupanaxü̃ picua̱xüü̃gü!”
ñanagürü.
12Rü Ichaía rü ta nanaxümatü rü ñanagürü:
“Yimá Dabí nanatü ya Ichaxíwa rü tá nango̱x i wüxi i nataxa nax guxü̃ i nachixü̃anegüarü ãẽ̱xgacü yixĩxü̃ca̱x.
Rü nümagü rü tá ínananguxẽxẽgü nax yimágagu Tupana nüxü̃ rüngü̃xẽxẽgüxü̃ca̱x”,
ñanagürü.
13Rü ñu̱xma i pemax nax nüxü̃́ peyaxõgüxü̃, rü chanaxwa̱xe nax poraãcü pexü̃ nataãẽxẽxẽ ya yimá Tupana ya pexü̃ tauxchaxẽẽcü nax Cristuxü̃ ípenangu̱xẽẽgüxü̃. Rü chanaxwa̱xe i Naãxẽ ya Üünexü̃arü poramaxã Tupana pexü̃ naporaexẽxẽ nax yexeraãcü Cristuxü̃ ípenangu̱xẽẽgüxü̃ca̱x.
14Pa Chauenexẽgüx, meama nüxü̃ chacua̱x nax guxü̃ i duü̃xü̃gümaxã pemecümaxü̃, rü aixcüma Tupanaxü̃ nax pecuáxü̃. Rü nüxü̃ chacua̱x nax meama nüxü̃ pecuáxü̃ nax pegü pixucu̱xẽgüxü̃.
15Natürü ñaa poperawa rü tama chamuü̃ãcüma pexca̱x chanaxümatü i ñuxre i ucu̱xẽgü, erü tama chanaxwa̱xe i nüxü̃ ipeyarüngümae i ngẽma ucu̱xẽgü. Rü pexca̱x chanaxümatü i ngẽmachiga yerü Tupana chomaxã namecüma rü choxü̃ namu nax pexca̱x chanaxümatüxü̃ca̱x.
16Rü nüma nixĩ ga choxü̃ namuxü̃ nax Ngechuchu ya Cristuarü puracü chaxüxü̃ca̱x i natanüwa i ngẽma duü̃xü̃gü i tama Yudíugü ixĩgüxü̃. Rü ngẽma puracü ga nawa choxü̃ namuxü̃ nixĩ nax ngẽma tama Yudíugü ixĩgüxü̃maxã nüxü̃ chixuxü̃ca̱x i ngẽma ore i mexü̃, nax ngẽma duü̃xü̃gü rü wüxi i ãmare ya Tupana namaxã taãẽxü̃ i Naãxẽ ya Üünexü̃ imexẽẽgüxü̃ nax yixĩxü̃ca̱x.
17Rü ngẽmaca̱x Ngechuchu ya Cristugagu chataãxẽ namaxã i ngẽma puracü i Tupanaaxü̃́ chaxüxü̃.
18-19Rü ñu̱xma rü yema Cristu chowa üxü̃xicatama tá nixĩ i nüxü̃ chixuxü̃. Rü nüma nixĩ ga choxü̃ nangü̃xẽẽxü̃ nax Tupanaxü̃tawa chanagagüxü̃ca̱x ga yema duü̃xü̃gü i tama Yudíugü ixĩgüxü̃, nax nümagü rü ta Tupanaga naxĩnüexü̃ca̱x. Rü yemaacü chorü oremaxã, rü chorü puracümaxã, rü cua̱xruü̃gü ga taxü̃ ga Tupana üxü̃maxã, rü Naãxẽ ya Üünexü̃arü poramaxã Tupanaxü̃tawa chanagagü ga yema duü̃xü̃gü. Rü yemaacü Yerucharéü̃wa ichanaxügü rü guxü̃wama ñu̱xmata Ilíriaarü naanewa meama chayanguxẽxẽ nax nüxü̃ chixuxü̃ ga yema ore i tüxü̃ maxẽxẽẽxü̃ i Cristuchiga.
20Rü yemaacü chapuracü nax nüxü̃ chixuxü̃ca̱x i Tupanaarü ore i mexü̃ i ngextá taguma ñuxgu Cristuchigaxü̃ ínaxĩnüexü̃wa ga duü̃xü̃gü. Erü tama chanaxwa̱xe nax marü togü nüxü̃ íxuxü̃wa rü duü̃xü̃gü marü nüxü̃ ícuáxü̃wa nüxü̃ chixuxü̃ i ngẽma ore. Erü tama chanaxwa̱xe i chayoxnie i togüarü puracü.
21Rü yemachiga nixĩ ga Tupanaarü ore ga Ichaía ümatüxü̃ ga ñaxü̃:
“Yíxema taguma Cristuchigaxü̃ cua̱xgüxe rü tá nüxü̃ tadaugü. Rü yíxema taguma Cristuchigaxü̃ ĩnüexe, rü tá nüxü̃ tacua̱xgü i nachiga”,
ñaxü̃.
Pauru rü Rómawa naxũxchaü̃
22Rü yema tóxnamana nax chapuracüxü̃ca̱x nixĩ ga taxucürüwa petanüwa chaxũxü̃ woo muẽ̱xpü̱xcünachire̱x yéma chaxũxchaü̃.
23Natürü ñu̱xma nax marü chanagu̱xẽẽxü̃ i ngẽma puracü i tóxnamana, rü nagu charüxĩnü nax petanüwa chaxũxü̃. Yerü ñuxgumamatama nixĩ ga nagu charüxĩnüechaxü̃ nax petanüwa chaxũxchaü̃xü̃.
24Rü ngẽxguma Españawa chaxũxgu, rü nagu charüxĩnü nax woe pexü̃tagu íchidauxü̃. Rü nagu charüxĩnü nax ñuxre i ngunexü̃ ngẽxma petanügu charüxã́ũxü̃. Rü wüxi i chorü taãxẽ tá nixĩ i ngẽma. Rü ngẽmawena rü chanaxwa̱xe i choxü̃ perüngü̃xẽxẽ nax Españawa chaxũxü̃ca̱x.
25Natürü i ñu̱xma rü Yerucharéü̃wa tá chaxũ, nax ngéma chanangexü̃ca̱x i ñuxre i diẽru naxca̱x i taenexẽgü i ngéma ngẽxmagüxü̃.
26Erü ngẽma taenexẽgü i yaxõgüxü̃ i Machedóniaanewa rü Acáyaanewa ngẽxmagüxü̃, rü norü ngúchaü̃maxã nagu narüxĩnüe nax ngĩxü̃ nanutaque̱xegüxü̃ i ñuxre i diẽru nax ngẽmaãcü nüxü̃ nangü̃xẽẽgüxü̃ca̱x i taenexẽgü i nüxü̃́ nataxuxü̃ i Yerucharéü̃wa ngẽxmagüxü̃.
27Rü ngẽma taenexẽgü i Machedóniacüã̱x rü Acáyacüã̱x rü norü me nixĩ nax ngẽmaãcü naxügüãxü̃. Rü ngẽma duü̃xü̃gü rü aixcüma nüxü̃́ nangẽxma i norü ngetanü i taenexẽgü i Yudíugütanüwa. Erü ngẽma taenexẽgü i Yudíugügagu nixĩ i ngẽma togü i duü̃xü̃gütanüwa nanguxü̃ i Tupanaarü ore. Rü ñu̱xma rü name nixĩ i ngẽma togü i duü̃xü̃gü rü norü ngẽmaxü̃maxã taenexẽgü i Yudíugü i yaxõgüxü̃xü̃ narüngü̃xẽẽgü.
28Rü ngẽxguma chanagu̱xẽẽgu i ngẽma puracü, rü ngẽxguma taenexẽgü i Yudíugüna marü ngĩxü̃ chaxãxgu i ngẽma diẽru, rü Españawa tá chaxũ. Rü ngẽxguma ngéma chaxũxgu, rü tá woe pexü̃tagu íchidau.
29Rü nüxü̃ chacua̱x rü ngẽxguma petanüwa changuxgu, rü wüxigu tá tataãẽgü, erü nüma ya Cristu tá tüxü̃ nataãxẽxẽxẽ i ngẽxguma wüxiwa ingẽxmagügu.
30Pa Chauenexẽgüx, tórü Cori ya Ngechuchu ya Cristuégagu, rü ngẽma ngechaü̃ i Tupanaãxẽ ya Üünecü tüxna ãxü̃égagu pexü̃ chaca̱a̱xü̃ nax Tupanana cha̱u̱xca̱x pecaxü̃ i perü yumüxẽwa. Rü ngẽmaãcü tá choxü̃ perüngü̃xẽxẽ nawa i ñaa puracü ya Tupana choxna ãxü̃.
31¡Rü Tupanana peca nax choxü̃ ínapoxü̃xü̃ca̱x nüxna i ngẽma Yudíugü i Yudéaanewa ngẽxmagüxü̃ i tama yaxõgüxü̃! ¡Rü nüxna peca naxca̱x i ngẽma taenexẽgü i yaxõgüxü̃ i Yerucharéü̃wa ngẽxmagüxü̃, nax taãxẽãcü nayauxgüãxü̃ca̱x i ngẽma diẽru i ngéma naxca̱x changexü̃!
32Rü ngẽmaãcü ngẽxguma Tupana naxwa̱xegu, rü taãẽãcü tá petanüwa changu, nax wüxigu yigü itaãẽxẽẽgüxü̃ca̱x.
33Rü chanaxwa̱xe nax Tupana ya tüxü̃ taãẽxẽẽcü pexü̃tawa nangẽxmaxü̃ i guxãma i pemax. Rü ngẽmaãcü yixĩ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.