Popera ga Rómawa yexmagüxü̃ ga yaxõgüxü̃tanüwa namuxü̃ ga Pauru 10
10
1Pa Chauenexẽgüx, ngẽma poraãcü chanaxwa̱xexü̃ rü chorü yumüxẽwa Tupanana naxca̱x chacaxü̃ nixĩ nax guxü̃ma i chautanüxü̃ i Yudíugü yaxõgüxü̃ rü ngẽmaãcü aixcüma Tupanaarü duü̃xü̃gü nax yixĩgüxü̃ca̱x.
2Rü pemaxã nüxü̃ chixu, rü nümagü i Yudíugü rü aixcüma nanaxügüchaü̃ i Tupanaarü ngúchaü̃. Natürü ínatüe erü tama Cristuaxü̃́ nayaxõgüchaü̃ nax ngẽmaãcü Tupanape̱xewa yamexü̃ca̱x.
3Rü woo Tupana ñoma ga naanewa nanamu ga Cristu nax gumágagu Tupanape̱xewa yamexü̃ca̱x i duü̃xü̃gü, natürü nümagü i Yudíugü rü tama nüxü̃ nacua̱xgüchaü̃ i ngẽma. Rü nügütama nimexẽẽgüchaü̃, rü ngẽmaca̱x nagu naxĩãma i ngẽma mugü ga Moiché ümatüxü̃ rü tama Cristuaxü̃́ nayaxõgüchaü̃ nax nagagu Tupanape̱xewa yamexü̃ca̱x.
4Natürü nüma ga Cristu rü nayanguxẽxẽ ga yema mugü rü yemaacü inayanaxoxẽxẽ nax tama tamaxã inacuáxü̃ca̱x i ngẽma mugü. Rü yemaacü nanaxü ga Cristu nax guxü̃ma i duü̃xü̃gü i nüxü̃́ yaxõgüxü̃ rü aixcüma Tupanape̱xewa yamexü̃ca̱x.
5Rü Moiché nanaxümatü nachiga nax ñuxãcü Tupanape̱xewa tamexü̃ ya wüxíe ega naga taxĩnügu i ngẽma mugü, rü ñanagürü:
“Yíxema naga ĩnüxe i ngẽma mugü rü tá tamaxü̃”,
ñanagürü.
6Natürü ñu̱xma rü Tupanape̱xewa time ega Cristuaxü̃́ yaxõgügu. Rü ngẽmaca̱x taxuca̱xma i cuãẽwa rü ñacurügü: “¿Texé tá daxũguxü̃ i naanewa taxũ nax Cristuca̱x tayaca̱xaxü̃ nax nua naxũxü̃ca̱x rü tüxü̃ yanangü̃xẽẽxü̃ca̱x nax imexü̃ca̱x i Tupanape̱xewa?” ñacurügü.
7Rü taxuca̱xma cuãẽwa ñacurügü: “¿Texé tá yuexü̃tanüwa taxũ nax ngẽxma Cristuca̱x tayadauxü̃ca̱x nax nua tanagaxü̃ca̱x?” ñacurügü.
8Erü tama ngẽmaãcü nixĩ i Cristuca̱x idauxü̃, yerü yema ore ga Moiché ümatüxü̃ rü ñanagürü:
“Marü cuxü̃tawa nangẽxma i Tupanaarü ore.
Rü cua̱xwa nangẽxma nax nüxü̃ quixuxü̃ca̱x.
Rü cuãẽwa nangẽxma nax nagu curüxĩnüxü̃ca̱x”,
ñanagürü. Rü ñu̱xma Pa Chauenexẽgüx, rü ngẽmatama ore nixĩ i duü̃xü̃gümaxã nüxü̃ tixuxü̃. Rü ngẽma ore nixĩ i pexü̃ nüxü̃ cua̱xẽẽxü̃ nax pexü̃́ nangẽxmaxü̃ i maxü̃ ega aixcüma peyaxõgügu.
9Erü ngẽxguma cua̱xmaxã nüxü̃ quixuxgu nax curü Cori yixĩxü̃ ya Ngechuchu, rü ngẽxguma cuyaxõxgu nax yuwa Tupana ínadaxẽẽxü̃, rü tá cuxü̃́ nangẽxma i maxü̃ i taguma gúxü̃.
10Erü ngẽxguma Ngechuchuaxü̃́ yaxõgügu nixĩ nax Tupanape̱xewa imexü̃. Rü taa̱xmaxã nüxü̃ tixu nax tórü Cori yixĩxü̃ ya Ngechuchu, nax ngẽmaãcü nayaxuxü̃ca̱x i maxü̃ i taguma gúxü̃.
11Rü Tupanaarü ore i ümatüxü̃wa rü ñanagürü:
“Yíxema Ngechuchuaxü̃́ yaxṍxe rü taxũtáma ãne tinge”,
ñanagürü.
12Rü Tupanape̱xewa rü guxü̃ma i duü̃xü̃gü rü nawüxigu. Rü woo Yudíugü yixĩxgu rü ẽ̱xna woo tama Yudíugü yixĩxgu, natürü Tupanape̱xewa rü nawüxigu i guxü̃ma i duü̃xü̃gü. Erü nüma ya tórü Cori, rü guxãarü Cori nixĩ. Rü nüma rü poraãcü tüxü̃ narüngü̃xẽxẽ ya guxãma ya yíxema ya nüxna caxe nax tüxü̃ namaxẽxẽẽxü̃ca̱x.
13Erü Tupanaarü ore i ümatüxü̃wa rü ñanagürü:
“Guxãma ya yíxema tórü Corina caxe nax tüxna naxããxü̃ca̱x i maxü̃,
rü tá tanayaxu i tümaarü maxü̃ i taguma gúxü̃”,
ñanagürü.
14¿Natürü ñuxãcü tá nüxna tacagü ya Cori, ega tama nüxü̃́ tayaxõgügu? ¿Rü ñuxãcü tá nüxü̃́ tayaxõgü, ega taguma nüxü̃ taxĩnüechigagu? ¿Rü ñuxãcü tá nüxü̃ taxĩnüechiga, ega taguma texé tümamaxã nüxü̃ ixugügu?
15¿Rü ñuxãcü tá texé nüxü̃ tixu i Cristuchiga ega taxúema tüxü̃ nüxü̃ yarüxuxẽẽgu? Rü ngẽmaca̱x nixĩ i Tupanaarü ore i ümatüxü̃ i ñaxü̃:
“Wüxi i taãxẽ nixĩ nax ínangugüxü̃ i ngẽma Tupanaarü orearü uruü̃gü nax duü̃xü̃gümaxã nüxü̃ yanaxugüxü̃ i ngẽma ore i mexü̃ i Cristuchiga”,
ñaxü̃.
16Natürü tama guxü̃ma i duü̃xü̃gü nayaxõgü i ngẽma ore i mexü̃. Rü Ichaía nüxü̃ ixuxü̃rüxü̃ nixĩ, rü ñanagürü:
“Pa Corix, ¿texé yaxõxü̃ ga yema ore ga nüxü̃ ixuxü̃?”
ñanagürü.
17Dücax, rü ngẽma orexü̃ nax ixĩnüxü̃gagu nixĩ i yaxõxü̃. Rü ngẽma ore rü Cristuarü ore nixĩ.
18Natürü i ñu̱xma rü pexna chaca, ¿ẽ̱xna ngẽma Yudíugü rü taguma nüxü̃ naxĩnüe i ngẽma ore i mexü̃ i Cristuchiga? Ngẽmáacü, marü nüxü̃ naxĩnüe. Erü Tupanaarü ore i ümatüxü̃wa rü ñanagürü:
“Ngẽma Tupanaarü orearü uruü̃gü, rü guxü̃wama i ñoma i naanewa rü nüxü̃ nixugüe i norü ore”,
ñanagürü i ngẽma ore.
19Natürü wena pexna chaca, ¿rü ngẽma Iraétanüxü̃ rü tama ẽ̱xna nüxü̃ nicua̱xãchitanü i ñu̱xmax? Ngẽmáacü, nüxü̃ nacua̱xgü. Yerü Tupanaarü ore ga Moiché ümatüxü̃wa rü ñanagürü:
“Dücax, Pa Yudíugüx, choma rü tá chanamaxẽxẽxẽ i ngẽma duü̃xü̃gü i tama Yudíugü ixĩgüxü̃, rü ngẽmaca̱x i pemax rü tá pixãũxãchigü.
Rü ngẽxguma nüxü̃ charüngü̃xẽẽgu i ngẽma togü i duü̃xü̃gü i tama choxü̃ cua̱xgüchiréxü̃, rü pema i Yudíugü rü tá penue erü nüxü̃ charüngü̃xẽẽxü̃ i ngẽma togü”,
ñanagürü.
20Rü yemawena ga Ichaía, rü tama namuü̃ ga yema Yudíugümaxã nüxü̃ nax yaxuxü̃ ga yema Tupanaarü ore ga ñaxü̃:
“Rü ngẽma duü̃xü̃gü i tama Yudíugü ixĩgüxü̃ i tama cha̱u̱xca̱x daugüxü̃, rü choxü̃ tá inayangaugü.
Rü choma rü tá chaugü naxca̱x chango̱xẽxẽ i ngẽma duü̃xü̃gü i tama cha̱u̱xca̱x ícagüchiréxü̃”,
ñaxü̃.
21Rü Tupana rü Ichaíawa Iraétanüxü̃chiga nidexa rü ñanagürü:
“Guxü̃ i ngunexü̃gu rü nüxna chaxuecha i ngẽma duü̃xü̃gü i tama chauga ĩnüechaü̃xü̃ rü chomaxã nuexü̃. Natürü tama choxü̃́ inarüxĩnüẽchaü̃”,
ñanagürü.
Currently Selected:
Popera ga Rómawa yexmagüxü̃ ga yaxõgüxü̃tanüwa namuxü̃ ga Pauru 10: tcaP
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Popera ga Rómawa yexmagüxü̃ ga yaxõgüxü̃tanüwa namuxü̃ ga Pauru 10
10
1Pa Chauenexẽgüx, ngẽma poraãcü chanaxwa̱xexü̃ rü chorü yumüxẽwa Tupanana naxca̱x chacaxü̃ nixĩ nax guxü̃ma i chautanüxü̃ i Yudíugü yaxõgüxü̃ rü ngẽmaãcü aixcüma Tupanaarü duü̃xü̃gü nax yixĩgüxü̃ca̱x.
2Rü pemaxã nüxü̃ chixu, rü nümagü i Yudíugü rü aixcüma nanaxügüchaü̃ i Tupanaarü ngúchaü̃. Natürü ínatüe erü tama Cristuaxü̃́ nayaxõgüchaü̃ nax ngẽmaãcü Tupanape̱xewa yamexü̃ca̱x.
3Rü woo Tupana ñoma ga naanewa nanamu ga Cristu nax gumágagu Tupanape̱xewa yamexü̃ca̱x i duü̃xü̃gü, natürü nümagü i Yudíugü rü tama nüxü̃ nacua̱xgüchaü̃ i ngẽma. Rü nügütama nimexẽẽgüchaü̃, rü ngẽmaca̱x nagu naxĩãma i ngẽma mugü ga Moiché ümatüxü̃ rü tama Cristuaxü̃́ nayaxõgüchaü̃ nax nagagu Tupanape̱xewa yamexü̃ca̱x.
4Natürü nüma ga Cristu rü nayanguxẽxẽ ga yema mugü rü yemaacü inayanaxoxẽxẽ nax tama tamaxã inacuáxü̃ca̱x i ngẽma mugü. Rü yemaacü nanaxü ga Cristu nax guxü̃ma i duü̃xü̃gü i nüxü̃́ yaxõgüxü̃ rü aixcüma Tupanape̱xewa yamexü̃ca̱x.
5Rü Moiché nanaxümatü nachiga nax ñuxãcü Tupanape̱xewa tamexü̃ ya wüxíe ega naga taxĩnügu i ngẽma mugü, rü ñanagürü:
“Yíxema naga ĩnüxe i ngẽma mugü rü tá tamaxü̃”,
ñanagürü.
6Natürü ñu̱xma rü Tupanape̱xewa time ega Cristuaxü̃́ yaxõgügu. Rü ngẽmaca̱x taxuca̱xma i cuãẽwa rü ñacurügü: “¿Texé tá daxũguxü̃ i naanewa taxũ nax Cristuca̱x tayaca̱xaxü̃ nax nua naxũxü̃ca̱x rü tüxü̃ yanangü̃xẽẽxü̃ca̱x nax imexü̃ca̱x i Tupanape̱xewa?” ñacurügü.
7Rü taxuca̱xma cuãẽwa ñacurügü: “¿Texé tá yuexü̃tanüwa taxũ nax ngẽxma Cristuca̱x tayadauxü̃ca̱x nax nua tanagaxü̃ca̱x?” ñacurügü.
8Erü tama ngẽmaãcü nixĩ i Cristuca̱x idauxü̃, yerü yema ore ga Moiché ümatüxü̃ rü ñanagürü:
“Marü cuxü̃tawa nangẽxma i Tupanaarü ore.
Rü cua̱xwa nangẽxma nax nüxü̃ quixuxü̃ca̱x.
Rü cuãẽwa nangẽxma nax nagu curüxĩnüxü̃ca̱x”,
ñanagürü. Rü ñu̱xma Pa Chauenexẽgüx, rü ngẽmatama ore nixĩ i duü̃xü̃gümaxã nüxü̃ tixuxü̃. Rü ngẽma ore nixĩ i pexü̃ nüxü̃ cua̱xẽẽxü̃ nax pexü̃́ nangẽxmaxü̃ i maxü̃ ega aixcüma peyaxõgügu.
9Erü ngẽxguma cua̱xmaxã nüxü̃ quixuxgu nax curü Cori yixĩxü̃ ya Ngechuchu, rü ngẽxguma cuyaxõxgu nax yuwa Tupana ínadaxẽẽxü̃, rü tá cuxü̃́ nangẽxma i maxü̃ i taguma gúxü̃.
10Erü ngẽxguma Ngechuchuaxü̃́ yaxõgügu nixĩ nax Tupanape̱xewa imexü̃. Rü taa̱xmaxã nüxü̃ tixu nax tórü Cori yixĩxü̃ ya Ngechuchu, nax ngẽmaãcü nayaxuxü̃ca̱x i maxü̃ i taguma gúxü̃.
11Rü Tupanaarü ore i ümatüxü̃wa rü ñanagürü:
“Yíxema Ngechuchuaxü̃́ yaxṍxe rü taxũtáma ãne tinge”,
ñanagürü.
12Rü Tupanape̱xewa rü guxü̃ma i duü̃xü̃gü rü nawüxigu. Rü woo Yudíugü yixĩxgu rü ẽ̱xna woo tama Yudíugü yixĩxgu, natürü Tupanape̱xewa rü nawüxigu i guxü̃ma i duü̃xü̃gü. Erü nüma ya tórü Cori, rü guxãarü Cori nixĩ. Rü nüma rü poraãcü tüxü̃ narüngü̃xẽxẽ ya guxãma ya yíxema ya nüxna caxe nax tüxü̃ namaxẽxẽẽxü̃ca̱x.
13Erü Tupanaarü ore i ümatüxü̃wa rü ñanagürü:
“Guxãma ya yíxema tórü Corina caxe nax tüxna naxããxü̃ca̱x i maxü̃,
rü tá tanayaxu i tümaarü maxü̃ i taguma gúxü̃”,
ñanagürü.
14¿Natürü ñuxãcü tá nüxna tacagü ya Cori, ega tama nüxü̃́ tayaxõgügu? ¿Rü ñuxãcü tá nüxü̃́ tayaxõgü, ega taguma nüxü̃ taxĩnüechigagu? ¿Rü ñuxãcü tá nüxü̃ taxĩnüechiga, ega taguma texé tümamaxã nüxü̃ ixugügu?
15¿Rü ñuxãcü tá texé nüxü̃ tixu i Cristuchiga ega taxúema tüxü̃ nüxü̃ yarüxuxẽẽgu? Rü ngẽmaca̱x nixĩ i Tupanaarü ore i ümatüxü̃ i ñaxü̃:
“Wüxi i taãxẽ nixĩ nax ínangugüxü̃ i ngẽma Tupanaarü orearü uruü̃gü nax duü̃xü̃gümaxã nüxü̃ yanaxugüxü̃ i ngẽma ore i mexü̃ i Cristuchiga”,
ñaxü̃.
16Natürü tama guxü̃ma i duü̃xü̃gü nayaxõgü i ngẽma ore i mexü̃. Rü Ichaía nüxü̃ ixuxü̃rüxü̃ nixĩ, rü ñanagürü:
“Pa Corix, ¿texé yaxõxü̃ ga yema ore ga nüxü̃ ixuxü̃?”
ñanagürü.
17Dücax, rü ngẽma orexü̃ nax ixĩnüxü̃gagu nixĩ i yaxõxü̃. Rü ngẽma ore rü Cristuarü ore nixĩ.
18Natürü i ñu̱xma rü pexna chaca, ¿ẽ̱xna ngẽma Yudíugü rü taguma nüxü̃ naxĩnüe i ngẽma ore i mexü̃ i Cristuchiga? Ngẽmáacü, marü nüxü̃ naxĩnüe. Erü Tupanaarü ore i ümatüxü̃wa rü ñanagürü:
“Ngẽma Tupanaarü orearü uruü̃gü, rü guxü̃wama i ñoma i naanewa rü nüxü̃ nixugüe i norü ore”,
ñanagürü i ngẽma ore.
19Natürü wena pexna chaca, ¿rü ngẽma Iraétanüxü̃ rü tama ẽ̱xna nüxü̃ nicua̱xãchitanü i ñu̱xmax? Ngẽmáacü, nüxü̃ nacua̱xgü. Yerü Tupanaarü ore ga Moiché ümatüxü̃wa rü ñanagürü:
“Dücax, Pa Yudíugüx, choma rü tá chanamaxẽxẽxẽ i ngẽma duü̃xü̃gü i tama Yudíugü ixĩgüxü̃, rü ngẽmaca̱x i pemax rü tá pixãũxãchigü.
Rü ngẽxguma nüxü̃ charüngü̃xẽẽgu i ngẽma togü i duü̃xü̃gü i tama choxü̃ cua̱xgüchiréxü̃, rü pema i Yudíugü rü tá penue erü nüxü̃ charüngü̃xẽẽxü̃ i ngẽma togü”,
ñanagürü.
20Rü yemawena ga Ichaía, rü tama namuü̃ ga yema Yudíugümaxã nüxü̃ nax yaxuxü̃ ga yema Tupanaarü ore ga ñaxü̃:
“Rü ngẽma duü̃xü̃gü i tama Yudíugü ixĩgüxü̃ i tama cha̱u̱xca̱x daugüxü̃, rü choxü̃ tá inayangaugü.
Rü choma rü tá chaugü naxca̱x chango̱xẽxẽ i ngẽma duü̃xü̃gü i tama cha̱u̱xca̱x ícagüchiréxü̃”,
ñaxü̃.
21Rü Tupana rü Ichaíawa Iraétanüxü̃chiga nidexa rü ñanagürü:
“Guxü̃ i ngunexü̃gu rü nüxna chaxuecha i ngẽma duü̃xü̃gü i tama chauga ĩnüechaü̃xü̃ rü chomaxã nuexü̃. Natürü tama choxü̃́ inarüxĩnüẽchaü̃”,
ñanagürü.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.