Yema Cuáü̃ nüxü̃ dauxü̃ i yixcüra tá ngupetüxü̃chiga 2
2
Ore ga yema yaxõgüxü̃ ga Epéchiuarü ĩanewa yexmagüxü̃ca̱x ümatüxü̃
1“Rü ñu̱xma chanaxwa̱xe i ngẽma Epéchiuwa ngẽxmagüxü̃ i yaxõgüxü̃arü ãẽ̱xgacüca̱x cunaxümatü. Rü chanaxwa̱xe i ñacurügü nüxü̃: ‘Ñaa nixĩ i norü ore ya yima norü tügüneme̱xẽwa 7 ya woramacuri nüxü̃́ ngẽxmacü. Rü nüma nixĩ i natanügu yanaxũũxü̃ i ngẽma 7 i omüarü üruü̃gü i úirunaxca̱x.
2Choma nüxü̃ chacua̱x i guxü̃ma i ngẽma cuxüxü̃. Rü nüxü̃ chacua̱x nax ñuxãcü poraãcü choxü̃́ cupuracüxü̃ rü ñuxãcü cunaxüamaxü̃ i ngẽma puracü woo ngẽmaca̱x muxü̃ma i guxchaxü̃gü cuxca̱x ínguxgu. Rü nüxü̃ chacua̱x nax tama curü me yixĩxü̃ i ngẽma duü̃xü̃gü i chixexü̃ ügüxü̃. Rü ngẽxgumarüxü̃ ta nüxü̃ chacua̱x nax mea cunangugüarü maxü̃ã́xü̃ i ngẽma duü̃xü̃gü i nügü ixugüxü̃ nax Tupana imugüxü̃ yixĩgüxü̃, natürü tama aixcüma Tupana nayamugü. Rü cuma rü nüxü̃ cucua̱xama nax idorata̱a̱xgüxü̃ yixĩgüxü̃.
3Rü woo guxchaxü̃gü cuxca̱x ínguxgu, natürü cunaxüama i ngẽma puracü i cha̱u̱xca̱x cuxüxü̃. Rü woo chaugagu ngúxü̃ quinge, natürü yáxna namaxã cuxĩnü, rü tama nüxü̃ curüchau.
4Natürü nangẽxma i wüxi i cucüma i tama chorü me ixĩxü̃. Rü ngẽma nixĩ nax tama noxrirüxü̃ choxü̃ cungechaü̃xü̃.
5¡Rü ngẽmaca̱x nüxna nacua̱xãchi i ngẽma chixexü̃ i cuxüxü̃ rü Tupanaca̱x nataegu rü wenaxarü noxrirüxü̃ nüxü̃ nangechaxü̃! Natürü ngẽxguma chi tama nüxü̃ curüxoxgu i curü chixexü̃, rü paxa tá cuxü̃ íchayadau, rü tá nachicawa cuxna chanayaxu i curü omüarü üruxü̃ ega tama Tupanaca̱x cutaegu̱xgu.
6Natürü nangẽxma i wüxi i cuxüxü̃ i chorü me ixĩxü̃. Rü ngẽma nixĩ nax naxchi cuxaixü̃ i ngẽma chixexü̃ i naxügüxü̃ i ngẽma Nicoraítagü. Rü choma rü ta naxchi chaxai i ngẽma chixexü̃ i naxügüxü̃.
7Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü. Rü yíxema nüxü̃ rüporamaexẽ i chixexü̃ rü tá tüxü̃ chanangõ̱xẽxẽ i norü o i ngẽma ori̱x i tüxü̃ maxẽxẽxẽxü̃ i Tupanaarü ori̱xnecüwa ngẽxmaxü̃’ ”, ñanagürü.
Ore ga yaxõgüxü̃ ga Echamíraarü ĩanewa yexmagüxü̃ca̱x ümatüxü̃
8Rü yema chomaxã idexaxü̃ rü ñanagürü ta: “Chanaxwa̱xe i Echamírawa ngẽxmagüxü̃ i yaxõgüxü̃arü ãẽ̱xgacüca̱x cunaxümatü, rü ñacurügü tá: ‘Ñaa nixĩ i norü ore ya yimá Nüxíra Yexmacü rü Guxü̃guma Ngẽxmaechacü ga yucü rü wenaxarü maxü̃cü.
9Choma nüxü̃ chacua̱x i ngẽma cuxüxü̃ rü nüxü̃ chacua̱x nax ngúxü̃ quingexü̃. Rü nüxü̃ chacua̱x ta nax cungearü diẽruã́xü̃ i ñoma i naanewa, natürü daxũguxü̃ i naanewa cuxü̃́ nangẽxma i ngẽma taguma gúxü̃. Rü nüxü̃ chacua̱x nax chixri cuchiga yadexagüxü̃ i ngẽma duü̃xü̃gü i nügü ixugüxü̃ nax Yudíugü yixĩgüxü̃. Natürü i nümagü rü aixcüma Chatanáarü duü̃xü̃gümare nixĩgü.
10¡Rü taxṹ i cumuü̃xü̃ naxca̱x i ngẽma ngúxü̃ i tá quingexü̃! Rü Chataná rü tá namu nax poxcupataü̃gu pexü̃ napoxcuexü̃ca̱x i ñuxre i pemax, nax ngẽmaãcü pexü̃ naxüxü̃ca̱x. Rü 10 i ngunexü̃ tá ngúxü̃ pingegü. Natürü woo ngẽmaãcü ngúxü̃ pingegügu rü chanaxwa̱xe i choxü̃́ cuyaxõõma ñu̱xmatáta cuyu̱x. Rü choma rü tá cuxna chanaxã i curü ãmare i maxü̃ i taguma gúxü̃.
11Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü. Rü yíxema ñoma i naanewa nüxü̃ rüporamaexẽ i chixexü̃, rü taxũtáma ngẽma tama Tupanaga ĩnüexü̃ ípoxcuexü̃gu tapoxcu’ ”, ñanagürü.
Ore ga yema yaxõgüxü̃ ga Pérgamuarü ĩanewa yexmagüxü̃ca̱x ümatüxü̃
12Rü yema chomaxã idexaxü̃ rü ñanagürü ta: “Chanaxwa̱xe i Pérgamuwa ngẽxmagüxü̃ i yaxõgüxü̃arü ãẽ̱xgacüca̱x cunaxümatü, rü ñacurügü tá: ‘Ñaa nixĩ i norü ore ya yimá nüxü̃́ nangẽxmacü i ngẽma tara i guxü̃cüwawa téxü̃.
13Choma nüxü̃ chacua̱x nax yima ĩane ya Chataná namaxã icuáxü̃newa nax cumaxü̃xü̃. Natürü woo ngẽxma nax cuxãchiü̃xü̃, rü tama choxna quixũgachi. Rü woo yexguma chorü orearü uruxü̃ ga mecü ga Antípaxü̃ yama̱xgügu nagu ga guma ĩane ga nawa Chataná duü̃xü̃gümaxã icuáxü̃ne, rü tama nüxü̃ curüxo nax choxü̃́ cuyaxõõmaxü̃.
14Natürü nangẽxma i ta̱xacü icuxüxü̃ i tama chorü me ixĩxü̃. Rü ngẽma nixĩ nax cugüxü̃tawa cunangexmagüxẽẽxü̃ i ñuxre i curü duü̃xü̃gü i tama nüxü̃ rüxoexü̃ ga gumá nũxcümaü̃cü ga Balaáü̃arü ngu̱xẽẽtae. Rü nüma ga Balaáü̃ rü Baláxü̃ naxuxcu̱xẽ nax pecadugu nayixẽẽãxü̃ca̱x ga Iraétanüxü̃gü. Rü nüma ga Baláx rü yema Iraétanüxü̃güaxü̃́ nanangúchaü̃xẽxẽ nax nangõ̱xgüãxü̃ca̱x ga õna ga namaxã tupananetachicüna̱xãgüxü̃ yacua̱xüü̃güxü̃. Rü yexgumarüxü̃ ta nüxü̃́ nanangúchaü̃xẽxẽ nax ngexü̃gü i naxü̃nemaxã taxexü̃gümaxã namaxẽxü̃ca̱x ga Yudíugü.
15Rü ngẽxgumarüxü̃ ta ngéma cunangexmagüxẽxẽ i ñuxre i duü̃xü̃gü i tama nüxü̃ rüxoechaü̃xü̃ i ngẽma Nicoraítagüarü ngu̱xẽẽtae.
16Rü ngẽmaca̱x chanaxwa̱xe i nüxü̃́ nüxü̃ cuxoo̱x i ngẽma ngu̱xẽẽtae. Rü ngẽxguma tama nüxü̃́ nüxü̃ cuxoo̱xgu, rü paxa tá ngéma cuxü̃tawa chaxũ, rü ngẽma tara i cha̱u̱a̱xwa íxũxũxü̃maxã tá ngẽma duü̃xü̃gümaxã togü tadai.
17Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü. Rü yíxema nüxü̃ rüporamaexẽ i ngẽma chixexü̃ rü tá tüxna chanaxã i paũ i daxũcüã̱x. Rü tá tüxna chanaxã ya wüxi ya nutaxacü ya chócü i wüxi i naéga i ngexwaca̱xü̃xü̃ nagu ümatüxü̃. Rü yíxema nayaxúxexicatama tixĩ ya nüxü̃ cuáxe i ngẽma naéga’ ”, ñanagürü i Naãxẽ ya Üünexü̃.
Ore ga yema yaxõgüxü̃ ga Tiatíraarü ĩanewa yexmagüxü̃ca̱x ümatüxü̃
18Rü yema chomaxã idexaxü̃ rü ñanagürü ta: “Chanaxwa̱xe i Tiatírawa ngẽxmagüxü̃ i yaxõgüxü̃arü ãẽ̱xgacüca̱x cunaxümatü, rü ñacurügü tá: ‘Ñaa nixĩ i norü ore ya yimá Tupana Nane ya ñoma üxüemarüxü̃ iya̱u̱xraxetücü rü nacutügü rü ñoma bróũche i meama iya̱u̱xracüüxẽẽxü̃rüxü̃ nixĩgü.
19Rü ñanagürü i nümax: “Choma nüxü̃ chacua̱x i guxü̃ma i ngẽma mexü̃ i cuxüxü̃. Rü nüxü̃ chacua̱x nax aixcüma cumücügüxü̃ cungechaü̃xü̃, rü meama choxü̃́ nax cuyaxõxü̃, rü nüxü̃ nax curüngü̃xẽẽxü̃ i ngẽma togü i yaxõgüxü̃, rü yáxna namaxã cuxĩnüxü̃ i guxchaxü̃gü. Rü nüxü̃ chacua̱x nax noxriarü yexera cunaxüxü̃ i ngẽma cuxü̃́ chanaxwa̱xexü̃.
20Natürü nangẽxma i wüxi i cuxüxü̃ i tama chorü me ixĩxü̃. Rü ngẽma nixĩ nax ngéma cunangexmaxẽẽechaü̃ i ngẽma ngexü̃ i Yechabé i nügü ixuxü̃ nax Tupanaarü orearü uruxü̃ nax yixĩxü̃. Natürü norü ngu̱xẽẽtaemaxã chorü duü̃xü̃güxü̃ nawomüxẽxẽ, rü nüxü̃́ nangũchaü̃xẽxẽ nax ngexü̃gü i naxü̃nemaxã taxexü̃maxã namaxẽxü̃ca̱x, rü nangõ̱xgüãxü̃ca̱x i ngẽma õnagü i tupananetachicüna̱xãgüca̱x daixü̃.
21Rü choma rü marü ngĩxü̃ íchananguxẽxẽ rü yáxna ngĩmaxã chaxĩnü nax nüxü̃ naxoxü̃ca̱x i ngẽma ngĩcüma i chixexü̃, natürü tama nüxü̃ irüxochaü̃ i ngẽma ngĩxü̃nearü ngúchaü̃.
22Rü ñu̱xma i ngẽma nge rü tá ngĩxü̃ chida̱xawexẽxẽ nax ngĩrü ngürücarewa ngúxü̃ yangexü̃ca̱x. Rü tá chanadai i ngẽma duü̃xü̃gü i ngĩmaxã maxẽxü̃ i ngẽma nge. Rü nümagü rü tá ta ngúxü̃ nüxü̃ chingexẽxẽ ega tama nüxü̃ naxoegu i ngẽma chixexü̃ i ngĩmaxã naxügüxü̃.
23Rü ngẽmawa guxü̃ma i ngẽma yaxõgüxü̃ tá nüxü̃ nacua̱xgü nax aixcüma nüxü̃ chacuáxü̃ i norü maxü̃ rü ngẽma naãxẽwa nagu naxĩnüexü̃. Rü wüxichigü i pemax rü tá pexü̃́ chanaxütanü ngẽxgumarüxü̃ nax ñuxãcü cha̱u̱xca̱x pemaxẽxü̃.
24-25Natürü pemax i Tiatíracüã̱x i tama nagu ĩxẽ i ngẽma ngexü̃arü ngu̱xẽẽtae rü taguma nawa ngúexe i ngẽma ore i togü naxugügu rü Chatanáarü ore i ẽxü̃guxü̃ ixĩxü̃, rü pemaxã nüxü̃ chixu rü ngẽma pexü̃́ chanaxwa̱xexü̃ nixĩ nax peyaxõgüxü̃ i ngẽma chorü ore ñu̱xmatáta íchangu i chomax. Rü ngexicatama nixĩ i pexü̃́ chanaxwa̱xexü̃.
26Rü yíxema nüxü̃ rüporamaegüxe i ngẽma chixexü̃ rü naxügüamaxẽ i ngẽma tüxü̃́ chanaxwa̱xexü̃ ñu̱xmatáta tayue, rü tá tüxna chanaxã i pora nax ngẽma togü i duü̃xü̃gütücumümaxã itacuáxü̃ca̱x.
27Rü yema Chaunatü pora choxna ãxü̃rüxü̃ rü tá tüxna chanaxã i pora nax ngẽma duü̃xü̃gütücumümaxã itacuáxü̃ca̱x. Rü ngẽxguma duü̃xü̃gü tama tümaga ĩnüegu rü ñoma wüxi i tüxü̃ i fierumaxã ngĩxü̃ ipuxẽẽxü̃rüxü̃ tá namaxã tixĩgü.
28Rü tá tüxna chanaxã ya yimá woramacuri ya pa̱xmama nüxü̃ idaucü”.
29Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü’ ”, ñanagürü.
Currently Selected:
Yema Cuáü̃ nüxü̃ dauxü̃ i yixcüra tá ngupetüxü̃chiga 2: tcaP
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Yema Cuáü̃ nüxü̃ dauxü̃ i yixcüra tá ngupetüxü̃chiga 2
2
Ore ga yema yaxõgüxü̃ ga Epéchiuarü ĩanewa yexmagüxü̃ca̱x ümatüxü̃
1“Rü ñu̱xma chanaxwa̱xe i ngẽma Epéchiuwa ngẽxmagüxü̃ i yaxõgüxü̃arü ãẽ̱xgacüca̱x cunaxümatü. Rü chanaxwa̱xe i ñacurügü nüxü̃: ‘Ñaa nixĩ i norü ore ya yima norü tügüneme̱xẽwa 7 ya woramacuri nüxü̃́ ngẽxmacü. Rü nüma nixĩ i natanügu yanaxũũxü̃ i ngẽma 7 i omüarü üruü̃gü i úirunaxca̱x.
2Choma nüxü̃ chacua̱x i guxü̃ma i ngẽma cuxüxü̃. Rü nüxü̃ chacua̱x nax ñuxãcü poraãcü choxü̃́ cupuracüxü̃ rü ñuxãcü cunaxüamaxü̃ i ngẽma puracü woo ngẽmaca̱x muxü̃ma i guxchaxü̃gü cuxca̱x ínguxgu. Rü nüxü̃ chacua̱x nax tama curü me yixĩxü̃ i ngẽma duü̃xü̃gü i chixexü̃ ügüxü̃. Rü ngẽxgumarüxü̃ ta nüxü̃ chacua̱x nax mea cunangugüarü maxü̃ã́xü̃ i ngẽma duü̃xü̃gü i nügü ixugüxü̃ nax Tupana imugüxü̃ yixĩgüxü̃, natürü tama aixcüma Tupana nayamugü. Rü cuma rü nüxü̃ cucua̱xama nax idorata̱a̱xgüxü̃ yixĩgüxü̃.
3Rü woo guxchaxü̃gü cuxca̱x ínguxgu, natürü cunaxüama i ngẽma puracü i cha̱u̱xca̱x cuxüxü̃. Rü woo chaugagu ngúxü̃ quinge, natürü yáxna namaxã cuxĩnü, rü tama nüxü̃ curüchau.
4Natürü nangẽxma i wüxi i cucüma i tama chorü me ixĩxü̃. Rü ngẽma nixĩ nax tama noxrirüxü̃ choxü̃ cungechaü̃xü̃.
5¡Rü ngẽmaca̱x nüxna nacua̱xãchi i ngẽma chixexü̃ i cuxüxü̃ rü Tupanaca̱x nataegu rü wenaxarü noxrirüxü̃ nüxü̃ nangechaxü̃! Natürü ngẽxguma chi tama nüxü̃ curüxoxgu i curü chixexü̃, rü paxa tá cuxü̃ íchayadau, rü tá nachicawa cuxna chanayaxu i curü omüarü üruxü̃ ega tama Tupanaca̱x cutaegu̱xgu.
6Natürü nangẽxma i wüxi i cuxüxü̃ i chorü me ixĩxü̃. Rü ngẽma nixĩ nax naxchi cuxaixü̃ i ngẽma chixexü̃ i naxügüxü̃ i ngẽma Nicoraítagü. Rü choma rü ta naxchi chaxai i ngẽma chixexü̃ i naxügüxü̃.
7Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü. Rü yíxema nüxü̃ rüporamaexẽ i chixexü̃ rü tá tüxü̃ chanangõ̱xẽxẽ i norü o i ngẽma ori̱x i tüxü̃ maxẽxẽxẽxü̃ i Tupanaarü ori̱xnecüwa ngẽxmaxü̃’ ”, ñanagürü.
Ore ga yaxõgüxü̃ ga Echamíraarü ĩanewa yexmagüxü̃ca̱x ümatüxü̃
8Rü yema chomaxã idexaxü̃ rü ñanagürü ta: “Chanaxwa̱xe i Echamírawa ngẽxmagüxü̃ i yaxõgüxü̃arü ãẽ̱xgacüca̱x cunaxümatü, rü ñacurügü tá: ‘Ñaa nixĩ i norü ore ya yimá Nüxíra Yexmacü rü Guxü̃guma Ngẽxmaechacü ga yucü rü wenaxarü maxü̃cü.
9Choma nüxü̃ chacua̱x i ngẽma cuxüxü̃ rü nüxü̃ chacua̱x nax ngúxü̃ quingexü̃. Rü nüxü̃ chacua̱x ta nax cungearü diẽruã́xü̃ i ñoma i naanewa, natürü daxũguxü̃ i naanewa cuxü̃́ nangẽxma i ngẽma taguma gúxü̃. Rü nüxü̃ chacua̱x nax chixri cuchiga yadexagüxü̃ i ngẽma duü̃xü̃gü i nügü ixugüxü̃ nax Yudíugü yixĩgüxü̃. Natürü i nümagü rü aixcüma Chatanáarü duü̃xü̃gümare nixĩgü.
10¡Rü taxṹ i cumuü̃xü̃ naxca̱x i ngẽma ngúxü̃ i tá quingexü̃! Rü Chataná rü tá namu nax poxcupataü̃gu pexü̃ napoxcuexü̃ca̱x i ñuxre i pemax, nax ngẽmaãcü pexü̃ naxüxü̃ca̱x. Rü 10 i ngunexü̃ tá ngúxü̃ pingegü. Natürü woo ngẽmaãcü ngúxü̃ pingegügu rü chanaxwa̱xe i choxü̃́ cuyaxõõma ñu̱xmatáta cuyu̱x. Rü choma rü tá cuxna chanaxã i curü ãmare i maxü̃ i taguma gúxü̃.
11Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü. Rü yíxema ñoma i naanewa nüxü̃ rüporamaexẽ i chixexü̃, rü taxũtáma ngẽma tama Tupanaga ĩnüexü̃ ípoxcuexü̃gu tapoxcu’ ”, ñanagürü.
Ore ga yema yaxõgüxü̃ ga Pérgamuarü ĩanewa yexmagüxü̃ca̱x ümatüxü̃
12Rü yema chomaxã idexaxü̃ rü ñanagürü ta: “Chanaxwa̱xe i Pérgamuwa ngẽxmagüxü̃ i yaxõgüxü̃arü ãẽ̱xgacüca̱x cunaxümatü, rü ñacurügü tá: ‘Ñaa nixĩ i norü ore ya yimá nüxü̃́ nangẽxmacü i ngẽma tara i guxü̃cüwawa téxü̃.
13Choma nüxü̃ chacua̱x nax yima ĩane ya Chataná namaxã icuáxü̃newa nax cumaxü̃xü̃. Natürü woo ngẽxma nax cuxãchiü̃xü̃, rü tama choxna quixũgachi. Rü woo yexguma chorü orearü uruxü̃ ga mecü ga Antípaxü̃ yama̱xgügu nagu ga guma ĩane ga nawa Chataná duü̃xü̃gümaxã icuáxü̃ne, rü tama nüxü̃ curüxo nax choxü̃́ cuyaxõõmaxü̃.
14Natürü nangẽxma i ta̱xacü icuxüxü̃ i tama chorü me ixĩxü̃. Rü ngẽma nixĩ nax cugüxü̃tawa cunangexmagüxẽẽxü̃ i ñuxre i curü duü̃xü̃gü i tama nüxü̃ rüxoexü̃ ga gumá nũxcümaü̃cü ga Balaáü̃arü ngu̱xẽẽtae. Rü nüma ga Balaáü̃ rü Baláxü̃ naxuxcu̱xẽ nax pecadugu nayixẽẽãxü̃ca̱x ga Iraétanüxü̃gü. Rü nüma ga Baláx rü yema Iraétanüxü̃güaxü̃́ nanangúchaü̃xẽxẽ nax nangõ̱xgüãxü̃ca̱x ga õna ga namaxã tupananetachicüna̱xãgüxü̃ yacua̱xüü̃güxü̃. Rü yexgumarüxü̃ ta nüxü̃́ nanangúchaü̃xẽxẽ nax ngexü̃gü i naxü̃nemaxã taxexü̃gümaxã namaxẽxü̃ca̱x ga Yudíugü.
15Rü ngẽxgumarüxü̃ ta ngéma cunangexmagüxẽxẽ i ñuxre i duü̃xü̃gü i tama nüxü̃ rüxoechaü̃xü̃ i ngẽma Nicoraítagüarü ngu̱xẽẽtae.
16Rü ngẽmaca̱x chanaxwa̱xe i nüxü̃́ nüxü̃ cuxoo̱x i ngẽma ngu̱xẽẽtae. Rü ngẽxguma tama nüxü̃́ nüxü̃ cuxoo̱xgu, rü paxa tá ngéma cuxü̃tawa chaxũ, rü ngẽma tara i cha̱u̱a̱xwa íxũxũxü̃maxã tá ngẽma duü̃xü̃gümaxã togü tadai.
17Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü. Rü yíxema nüxü̃ rüporamaexẽ i ngẽma chixexü̃ rü tá tüxna chanaxã i paũ i daxũcüã̱x. Rü tá tüxna chanaxã ya wüxi ya nutaxacü ya chócü i wüxi i naéga i ngexwaca̱xü̃xü̃ nagu ümatüxü̃. Rü yíxema nayaxúxexicatama tixĩ ya nüxü̃ cuáxe i ngẽma naéga’ ”, ñanagürü i Naãxẽ ya Üünexü̃.
Ore ga yema yaxõgüxü̃ ga Tiatíraarü ĩanewa yexmagüxü̃ca̱x ümatüxü̃
18Rü yema chomaxã idexaxü̃ rü ñanagürü ta: “Chanaxwa̱xe i Tiatírawa ngẽxmagüxü̃ i yaxõgüxü̃arü ãẽ̱xgacüca̱x cunaxümatü, rü ñacurügü tá: ‘Ñaa nixĩ i norü ore ya yimá Tupana Nane ya ñoma üxüemarüxü̃ iya̱u̱xraxetücü rü nacutügü rü ñoma bróũche i meama iya̱u̱xracüüxẽẽxü̃rüxü̃ nixĩgü.
19Rü ñanagürü i nümax: “Choma nüxü̃ chacua̱x i guxü̃ma i ngẽma mexü̃ i cuxüxü̃. Rü nüxü̃ chacua̱x nax aixcüma cumücügüxü̃ cungechaü̃xü̃, rü meama choxü̃́ nax cuyaxõxü̃, rü nüxü̃ nax curüngü̃xẽẽxü̃ i ngẽma togü i yaxõgüxü̃, rü yáxna namaxã cuxĩnüxü̃ i guxchaxü̃gü. Rü nüxü̃ chacua̱x nax noxriarü yexera cunaxüxü̃ i ngẽma cuxü̃́ chanaxwa̱xexü̃.
20Natürü nangẽxma i wüxi i cuxüxü̃ i tama chorü me ixĩxü̃. Rü ngẽma nixĩ nax ngéma cunangexmaxẽẽechaü̃ i ngẽma ngexü̃ i Yechabé i nügü ixuxü̃ nax Tupanaarü orearü uruxü̃ nax yixĩxü̃. Natürü norü ngu̱xẽẽtaemaxã chorü duü̃xü̃güxü̃ nawomüxẽxẽ, rü nüxü̃́ nangũchaü̃xẽxẽ nax ngexü̃gü i naxü̃nemaxã taxexü̃maxã namaxẽxü̃ca̱x, rü nangõ̱xgüãxü̃ca̱x i ngẽma õnagü i tupananetachicüna̱xãgüca̱x daixü̃.
21Rü choma rü marü ngĩxü̃ íchananguxẽxẽ rü yáxna ngĩmaxã chaxĩnü nax nüxü̃ naxoxü̃ca̱x i ngẽma ngĩcüma i chixexü̃, natürü tama nüxü̃ irüxochaü̃ i ngẽma ngĩxü̃nearü ngúchaü̃.
22Rü ñu̱xma i ngẽma nge rü tá ngĩxü̃ chida̱xawexẽxẽ nax ngĩrü ngürücarewa ngúxü̃ yangexü̃ca̱x. Rü tá chanadai i ngẽma duü̃xü̃gü i ngĩmaxã maxẽxü̃ i ngẽma nge. Rü nümagü rü tá ta ngúxü̃ nüxü̃ chingexẽxẽ ega tama nüxü̃ naxoegu i ngẽma chixexü̃ i ngĩmaxã naxügüxü̃.
23Rü ngẽmawa guxü̃ma i ngẽma yaxõgüxü̃ tá nüxü̃ nacua̱xgü nax aixcüma nüxü̃ chacuáxü̃ i norü maxü̃ rü ngẽma naãxẽwa nagu naxĩnüexü̃. Rü wüxichigü i pemax rü tá pexü̃́ chanaxütanü ngẽxgumarüxü̃ nax ñuxãcü cha̱u̱xca̱x pemaxẽxü̃.
24-25Natürü pemax i Tiatíracüã̱x i tama nagu ĩxẽ i ngẽma ngexü̃arü ngu̱xẽẽtae rü taguma nawa ngúexe i ngẽma ore i togü naxugügu rü Chatanáarü ore i ẽxü̃guxü̃ ixĩxü̃, rü pemaxã nüxü̃ chixu rü ngẽma pexü̃́ chanaxwa̱xexü̃ nixĩ nax peyaxõgüxü̃ i ngẽma chorü ore ñu̱xmatáta íchangu i chomax. Rü ngexicatama nixĩ i pexü̃́ chanaxwa̱xexü̃.
26Rü yíxema nüxü̃ rüporamaegüxe i ngẽma chixexü̃ rü naxügüamaxẽ i ngẽma tüxü̃́ chanaxwa̱xexü̃ ñu̱xmatáta tayue, rü tá tüxna chanaxã i pora nax ngẽma togü i duü̃xü̃gütücumümaxã itacuáxü̃ca̱x.
27Rü yema Chaunatü pora choxna ãxü̃rüxü̃ rü tá tüxna chanaxã i pora nax ngẽma duü̃xü̃gütücumümaxã itacuáxü̃ca̱x. Rü ngẽxguma duü̃xü̃gü tama tümaga ĩnüegu rü ñoma wüxi i tüxü̃ i fierumaxã ngĩxü̃ ipuxẽẽxü̃rüxü̃ tá namaxã tixĩgü.
28Rü tá tüxna chanaxã ya yimá woramacuri ya pa̱xmama nüxü̃ idaucü”.
29Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü’ ”, ñanagürü.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.