Lebítanüxü̃arü puracüchiga 23
23
Petagü i Tupanaca̱x ixĩgüxü̃
(Nm. 28.16-25)
1Rü nüma ga Cori ya Tupana rü Moichémaxã nidexa rü ñanagürü nüxü̃:
2—¡Iraétanüxü̃maxã nüxü̃ ixu i ñaa ore!: “Rü ñaa nixĩ i ngunexü̃gü i choma ya Cori nüxü̃ chaxunetaxü̃ i nagu tá choxü̃ picua̱xüxü̃güxü̃. Rü ngẽma nixĩ i ngunexü̃gü i nagu tá duü̃xü̃güca̱x pengemaxü̃ nax cha̱u̱xca̱x nangutaque̱xegüxü̃ca̱x.
3Rü 6 i ngunexü̃ tá nixĩ i pepuracüexü̃, natürü ngẽxguma norü 7 i ngunexü̃wa nanguxgu rü taxuxü̃táma i puracü pexü. Rü ngẽma ngunexü̃ rü ngü̃chigaarü ngunexü̃ nixĩ rü nagu tá cha̱u̱xca̱x pengutaque̱xegü. Rü ngextá ípexãpatagüxü̃wa rü ngẽma ngunexü̃ rü tá nagu perüngü̃gü rü choxü̃ picua̱xüü̃gü.
4Ñaa tá nixĩ i ngẽma ngunexü̃gü i tá pexüchigagüxü̃ i nagu tá cha̱u̱xca̱x pengutaque̱xegüxü̃ nax choxü̃ picua̱xüü̃güxü̃ca̱x.
5Rü yimá nüxíraü̃cü ya tauemacüarü 14 arü yáuanecü, rü tá chauégagu penaxüchiga i ngẽma Üpetüchiga.
6Rü ngẽmaarü moxü̃ãcütama rü tá chauégagu penaxüchiga i paũ i ngearü pu̱xẽẽruü̃ã́xü̃. Rü 7 i ngunexü̃ tá nixĩ i penangṍxü̃ i ngẽma paũ.
7Rü ngẽma nüxíraxü̃xü̃ i ngunexü̃gu rü tá cha̱u̱xca̱x pengutaque̱xegü. ¡Rü taxuxü̃táma i puracü pexüe!
8Rü ngẽma 7 i ngunexü̃ tá nixĩ i cha̱u̱xca̱x ípenaguxü̃ i perü ãmaregü. Rü ngẽma norü 7 i ngunexü̃gu rü tá cha̱u̱xca̱x pengutaque̱xegü. ¡Rü taxuxü̃táma i puracü pexüe!” —ñanagürü ga Tupana.
Tupanana tá nanaxã i nüxíraxü̃xü̃ i norü nanetüarü o
(Nm. 28.26-31)
9Rü nüma ga Cori ya Tupana rü Moichémaxã nidexa rü ñanagürü nüxü̃:
10—Ñaa ore tá nixĩ i namaxã nüxü̃ quixuxü̃ i ngẽma Iraétanüxü̃: “Rü ngẽxguma nagu pechocu̱xgux i ngẽma naane i choma tá pexna chaxãxü̃, rü ngẽxguma peyabuxgügu i perü trigu, rü tá perü chacherdótena penaxã i ngẽma nüxíra pebuxuxü̃ i norü o i ngẽma trigu
11Rü ngü̃chigaarü moxü̃ãcü rü nüma ya chacherdóte rü Cori ya Tupanape̱xewa tá nayachü̱xüxacüüẽxẽ i ngẽma nüxíra pebuxuxü̃ i perü tríguarü o, nax ngẽmaãcü pexü̃́ naya̱u̱xãxü̃ca̱x ya Cori ya Tupana.
12Rü ngẽmatama ngunexü̃ i nagu penanaxü̃ i ngẽma nüxíra pebuxuxü̃ i perü tríguarü o, rü ngẽxgumarüxü̃ tá ta ipenamu i wüxi i carnéru i wüxi ya taunecü nüxü̃́ ngẽxmaxü̃ i taxuwama chixexü̃ nax perü ãmare i Cori ya Tupanaca̱x piguxü̃ yixĩxü̃ca̱x.
13Rü ñu̱xũchi tá naétü ngéma penange i 4 quíruarü ngãxü̃ i trigute̱xe i rümemaexü̃ i meama chíxü̃maxã iñumüxü̃ nax Cori ya Tupanaca̱x peyaguxü̃ca̱x nax naemamaxã nataãẽxü̃ca̱x. Rü ngẽxgumarüxü̃ ta ngéma tá penange ya wüxi ya litru ya bínu ya norü ãmareruxü̃ nax yimámaxã penabaanexü̃ca̱x.
14Rü naxü̃pa i ngẽma ngunexü̃ nax Cori ya Tupanana penanaxü̃ i perü ãmaregü, rü tama name nax penangṍxü̃ i paũ, rüe̱xna tríguarü gute̱xexü̃, rüe̱xna trigu i ngexwaca pebuxuxü̃. Rü ngẽma pemaxã nüxü̃ chixuxü̃ i mu nixĩ i guxü̃gutáma nagu pexĩxü̃ i pema rü penegü rü petaagü i ngexta ípexãpatagüxü̃wa.
15-16Rü ngẽma ngunexü̃ i nagu chacherdótexü̃tawa penanaxü̃ i perü ãmare i nüxíra pebuxuxü̃ i trigu, rü ngü̃chigaarü moxü̃ãcü tá ipenaxügü nax peyaxugüxü̃ i ngunexü̃gü ñu̱xmata 50 i ngunexü̃wa nangu. Rü ngẽxguma tá nixĩ i choxna penaxãxü̃ i perü ãmare i trigu i ngexwaca pebuxuxü̃wa üxü̃.
17Rü pepatawa tá ne penange i taxre i paũ i ngẽma rümemaexü̃ i trigute̱xewa üxü̃ i pu̱xẽẽruü̃ã́xü̃. Rü 4 quíru naguxü̃ tá nixĩ i wüxichigü i ngẽma paũ, rü chope̱xewa tá peyachü̱xacüüxẽxẽ. Rü ngẽma rü wüxi i ãmare i nüxíra pebuxuxü̃ i perü tríguarü owa üxü̃ tá nixĩ.
18Rü wüxigu ngẽma paũmaxã tá ngéma penagagü i 7 i carnéruxacügü i yatüxü̃ i wüxi ya taunecü nüxü̃́ ngẽxmagüxü̃ i taxuwama chixexü̃. Rü naétü tá penagagü i wüxi i wocaxacü i yatüxü̃ rü taxre i carnérugü i yatüxü̃. Rü ngẽma rü tá Cori ya Tupanaca̱x ípenagu nax naemamaxã nataãẽxü̃ca̱x. Rü ngẽxgumarüxü̃ ta ngéma tá penange i perü ãmaregü i trigute̱xe rü bínu.
19Rü ngẽxgumarüxü̃ tá ipenamu i wüxi i chíbu nax Tupanaca̱x yamáxü̃ca̱x nax pecaduarü ütanüruxü̃ yixĩxü̃ca̱x. Rü naétü tá ipenamu i taxre i carnérugü i wüxi ya taunecü nüxü̃́ ngẽxmagüxü̃ nax Cori ya Tupanaca̱x nadaiaxü̃ca̱x nax pemaxã nangüxmüxü̃ca̱x.
20Rü nüma ya chacherdóte rü Cori ya Tupanape̱xewa tá nayachü̱xüxacüüxẽxẽ i ngẽma naxü̃nagü wüxigu namaxã i ngẽma paũ i nüxíra buxuxü̃ i triguwa üxü̃. Rü ngẽma tá nixĩ i ãmaregü i namaxã Tupanaxü̃ yacua̱xüü̃güxü̃. Rü guxü̃ma i ngẽma ãmaregü rü chacherdótearü tá nixĩ.
21Rü ngẽmatama ngunexü̃gu rü tá cha̱u̱xca̱x pengutaque̱xegü. ¡Rü taxuxü̃táma i puracü pexüe! Rü ngẽma pemaxã nüxü̃ chixuxü̃ i mu nixĩ i guxü̃gutáma nagu pexĩxü̃ i pema rü penegü rü petaagü i ngextá ípexãpatagüxü̃wa.
22Rü ngẽxguma perü nanetügüarü buxgüwa nanguxgu, rü tama name nax guxü̃ma cubuxuxü̃ i ngẽma cuanewa ngẽxmaxü̃. ¡Rü taxṹ i guxü̃nema ya trigu ya ngéma yaxügüne cudexü̃! ¡Ẽcü yíxema ngearü diẽruã̱xgüxeca̱x rü ñu̱xũchi yíxema to i nachixü̃anecüã̱xgüca̱x ngéma yaxüxẽxẽ! Erü choma nixĩ i perü Cori ya Tupana chixĩxü̃” —ñanagürü.
Cornétaarü petachiga
(Nm. 29.1-6)
23Rü nüma ga Cori ya Tupana rü Moichémaxã nidexa rü ñanagürü nüxü̃:
24—¡Iraétanüxü̃maxã nüxü̃ ixu i ñaa ore! “Rü yimá norü 7 ya tauemacüarü ügügu rü tá iperüngügü. Rü ngẽma ngunexü̃gu rü tá perü cornétagügu picuegü nax ngẽmaãcü cha̱u̱xca̱x pengutaque̱xegüxü̃ca̱x rü choxna pecua̱xãchiexü̃ca̱x.
25Rü ngẽma ngunexü̃gu rü Cori ya Tupanaca̱x tá peyagu i ãmaregü rü ñu̱xũchi taxuxü̃táma i puracü pexü” —ñanagürü.
Ngunexü̃ i pecaduarü mexẽxẽchiga
(Nm. 29.7-11)
26Rü nüma ga Cori ya Tupana rü Moichémaxã nidexa rü ñanagürü nüxü̃:
27—Rü yimá norü 7 ya tauemacüarü 10 i ngunexü̃gu rü ngunexü̃ i pecadugüarü mexẽẽchiga nixĩ. Rü ngẽma ngunexü̃gu rü tá cha̱u̱xca̱x peyagu i wüxi i perü ãmare, rü taxuxü̃táma i ta̱xacü pengõ̱x. Rü tá pengutaque̱xegü nax choxü̃ picua̱xüü̃güxü̃ca̱x.
28Rü ngẽma ngunexü̃gu rü taxuxü̃táma i puracü pexü, erü pecadugüarü mexẽẽarü ngunexü̃ nixĩ. Rü ngẽma ngunexü̃gu tá nixĩ i pexü̃́ nüxü̃ charüngümaxü̃ i perü pecadugü.
29Rü yíxema tama ngẽma ngunexü̃gu aurexe, rü tá itata̱xüchi i petanüwa.
30Rü yíxema ngẽma ngunexü̃gu puracüxe, rü choma rü tá íchanata̱xüchi i petanüwa.
31Rü ngẽma ngunexü̃gu rü tama name i ta̱xacürü puracü pexü. Rü ngẽma pemaxã nüxü̃ chixuxü̃ i mu nixĩ i guxü̃gutáma nagu pexĩxü̃ i pema rü penegü rü petaagü i ngextá ípexãpatagüxü̃wa.
32Rü ngẽma ngunexü̃gu rü tá iperüngügü rü taxuxü̃táma i ta̱xacü pengṍx. Rü yimá 7 ya tauemacüarü 9 i ngunexü̃arü yáuanecü tá ipenaxügü nax pexaurexü̃ rü ñu̱xmata yima tauemacüarü 10 i ngunexü̃arü yáuanecüwa nangu —ñanagürü.
Tupanaégagu nanaxüchigagü ya naixatünaxca̱x ya düxenügü
(Nm. 29.12-40)
33Rü nüma ga Cori ya Tupana rü Moichémaxã nidexa rü ñanagürü nüxü̃:
34—¡Namaxã nüxü̃ ixu i ngẽma Iraétanüxü̃ i ñaa ore!: “Rü yimá norü 7 ya tauemacüarü 15 i ngunexü̃gu tá nixĩ i penaxüchigaxü̃ nax chauégagu penaxüxü̃ ya perü düxenügü ya naixatünaxca̱x. Rü ngẽma peta i cha̱u̱xca̱x pexüxü̃ rü 7 i ngunexü̃ tá natai.
35Rü ngẽma nawa inaxügüxü̃ i ngunexü̃gu rü tá pengutaque̱xegü nax choxü̃ picua̱xüü̃güxü̃ca̱x. Rü ngẽma ngunexü̃gu rü taxuxü̃táma i puracü pexü̃.
36Rü guxü̃ma i ngẽma 7 i ngunexü̃gügu rü tá Cori ya Tupanaca̱x ãmare ípegu. Rü norü 8 i ngunexü̃gu rü tá cha̱u̱xca̱x pengutaque̱xegü, rü wüxi i ãmare tá cha̱u̱xca̱x pigu. Rü ngẽma rü wüxi i ngunexü̃ i petachiga nixĩ, rü ngẽmaca̱x taxuxü̃táma i ta̱xacürü puracü pexü.
37Rü ngẽma nixĩ i ngunexü̃gü i tá Cori ya Tupanaca̱x pexüchigagüxü̃. Rü ngẽma ngunexü̃gügu rü tá Cori ya Tupanaca̱x pengutaque̱xegü, rü tá nüxna penaxã i perü ãmaregü i naxca̱x ípeguxü̃. Rü ngẽma nixĩ i ãmaregü i naeü̃gü i ípeguxü̃ rü ãmaregü i perü ngúchaü̃maxã ipexãxü̃, rü perü ãmaregü i trigute̱xe, rü perü ãmaregü i naxü̃nagü i naxca̱x pedaixü̃, rü perü ãmare i bínu. Rü guxü̃ma i ngẽma rü tá ipenaxã nagu i ngẽma ngunexü̃ i nüxü̃ chaxunetaxü̃.
38Rü naétü i ngẽma ngü̃chigaarü ngunexü̃gü, rü tá ta penaxüchigaxü̃ i guxü̃ma i ngẽma petagü i cha̱u̱xca̱x ixĩgüxü̃. Rü ngẽxgumarüxü̃ tá ta ipenaxã i ngẽma ãmaregü i namaxã ipexunetaxü̃ rü ãmaregü i perü ngúchaü̃maxã Cori ya Tupanana pexãxü̃.
39Rü yimá 7 ya tauemacüarü 15 i ngunexü̃gu ngẽxguma peyabuxgügu i penetügüarü o, rü 7 i ngunexü̃ tá nixĩ i Cori ya Tupanaca̱x pepetaegüxü̃. Rü ngẽma ngunexü̃ i nagu inaxügüxü̃ i ngẽma peta rü tá iperüngügü. Rü ngẽxgumarüxü̃ ta i norü 8 i ngunexü̃gu rü tá iperüngügü.
40Rü ngẽma petaarü nüxíraxü̃ i ngunexü̃gu rü ngẽma rümemaexü̃ i penetüarü o tá pebuxu. Rü tá penayaxu i palmeraátügü rü nai i metanüxü̃átügü rü nai i natüanacüwa rüxüxü̃átügü, rü 7 i ngunexü̃ tá Cori ya Tupanape̱xewa petaãẽgü.
41Rü wüxichigü ya taunecügu i ngẽxguma yimá norü 7 ya tauemacüwa nanguxgu rü 7 i ngunexü̃ tá nixĩ i Cori ya Tupanaxü̃ picua̱xüü̃güxü̃. Rü ñaa mu i pemaxã nüxü̃ chixuxü̃ rü guxü̃gutáma nagu pexĩ i pema rü penegü rü petaagü.
42-43Rü guxãma i pema i aixcüma Iraétanüxü̃ ixĩgüxe, rü ngẽma 7 i ngunexü̃gu tá düxenütüü̃gu pepegü, nax guxü̃ma i petaagü nüxü̃ cua̱xgüxü̃ca̱x rü yexguma Equítuanewa pexü̃ íchagaxü̃gu rü düxenütüü̃gu nixĩ ga pexü̃ chapegüxẽẽxü̃. Rü choma nixĩ ya Cori ya perü Tupana chixĩxü̃” —ñanagürü.
44Rü yemaacü nixĩ ga Iraétanüxü̃maxã nüxü̃ yaxuxü̃ ga Moiché nachiga ga yema ngunexü̃gü ga Cori ya Tupanaca̱x tá ínaxüxüchigüxü̃.
Currently Selected:
Lebítanüxü̃arü puracüchiga 23: tcaP
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
