Yochué 3
3
Iraétanüxü̃ rü natü ga Yudáü̃wa nichoü̃
1Rü moxü̃ãcü pa̱xmamaxü̃chi rü nüma ga Yochué rü guxü̃ma ga Iraétanüxü̃maxã Chitíü̃wa inaxĩãchi ñu̱xmata natü ga Yudáü̃anacüwa nangugü. Rü naxü̃pa ga nax yachoü̃xü̃ rü yexmatama napegü.
2-3Rü yexguma tomaepü̱x ga ngunexü̃ ngupetüguwena rü yema Iraétanüxü̃arü ãẽ̱xgacügü rü norü duü̃xü̃gütanü nixĩãgüetanü rü namaxã nüxü̃ nixu rü ñanagürügü: —Ngẽxguma nüxü̃ peda̱u̱xgu i chacherdótegü i Lebítanüxü̃ nax nua nachopetüxü̃ namaxã i ngẽma baú i Cori ya Tupanaarü mugüchixü̃ ¡rü ípechoxü̃ i ngextá ípengexmagüxü̃wa rü nawe perüxĩ!
4Rü ngẽmaãcü tá nüxü̃ pecua̱x nax ngextáama pexĩxü̃ yerü ga ü̃pa rü taguma texé i petanüwa nagu tixũ i ngẽma nama. ¡Natürü taxúetama nüxna tangaicama i ngẽma baú! ¡Rü guxü̃gutáma wüxi i quirumétru tá nixĩ i nüxna peyáxü̃guxü̃! —ñanagürügü.
5Rü yexguma ga Yochué rü yema Iraétanüxü̃xü̃ ñanagürü: —¡Tupanape̱xewa pegü pimexẽxẽgü! Erü moxü̃ rü nüma ya Cori ya Tupana rü tá pexü̃ nüxü̃ nadauxẽxẽ i wüxi i mexü̃ i taxü̃ i norü poramaxã naxüxü̃ —ñanagürü.
6Rü yexguma ga nüma ga Yochué rü yema chacherdótegüxü̃ ñanagürü: —¡Ẽcü penangenagütaxü̃ i ngẽma baú i Tupanaarü mugüchixü̃, rü namaxã Yudáü̃wa pichoü̃ nape̱xewa i duü̃xü̃gü —ñanagürü. Rü yexguma ga nüma ga chacherdótegü rü nanangenagütaxü̃ ga yema baú ga Tupanaarü mugüchixü̃ rü duü̃xü̃güpe̱xewa namaxã nichoxü̃.
7Rü yexguma ga Cori ya Tupana rü ñanagürü Yochuéxü̃: —Ñu̱xmacürüwa rü tá ñaa Iraétanüxü̃pe̱xewa cuxü̃ chataxẽxẽ. Rü ngẽmaãcü tá nüxü̃ nadaugü nax choma rü aixcüma chacuxü̃taguxü̃ yexgumarüxü̃ ga Moichéxü̃tawa chayexmagurüxü̃.
8¡Ẽcü ngẽma chacherdótegü i yangetaü̃güxü̃ i ngẽma baú i chorü mugüchixü̃ rü namaxã nüxü̃ ixu rü ngẽxguma natü i Yudáü̃wa nangugügu rü nachíüwa nachoü̃ rü ngéma yachaxãchigü! —ñanagürü.
9Rü yexguma ga Yochué rü yema Iraétanüxü̃xü̃ ñanagürü: —¡Nua pexĩ rü iperüxĩnüe i norü ore i Cori ya tórü Tupana nüxü̃ ixuxü̃!
10Rü ngẽmawa tá nixĩ i nüxü̃ picuáxü̃ ya Tupana ya Maxü̃cü rü petanüwa nax nangẽxmaxü̃. Rü nüma ya Cori rü tá ínanawoxü̃ i Canaáü̃tanüxü̃, rü Itítanüxü̃, rü Ebéutanüxü̃, rü Ferechéutanüxü̃, rü Guerguechéutanüxü̃, rü Amoréutanüxü̃ rü Yebuchéutanüxü̃ nawa i ngẽma naane nax pema nawa pingugüxü̃ca̱x.
11¡Rü dücax i ngẽma baú i Cori ya Tupana i guxü̃ i naanearü yora ixĩcüarü mugüchixü̃ nax ñuxãcü pepe̱xewa yaxüexü̃ i natü i Yudáü̃!
12Rü ngẽmaca̱x, Pa Duü̃xü̃güx ¡rü nüxü̃ pexuneta i 12 i yatü! Rü ngẽma 12 i Iraétücumüwachigü, rü tá nüxü̃ pexuneta i wüxi.
13Rü ngẽxguma ngẽma chacherdótegü i ngẽma baú i Cori ya Tupanaarü mugüchixü̃ ingegüxü̃ rü natü i Yudáü̃chíüwa nachiü̃gu, rü ngẽxguma tá nixĩ i ngẽma natü rü taxregu yayauxyexü̃chíüxü̃, rü ngẽma dexá i dauxquena ne yáxü̃ rü tá ínayachaxãchi, rü ñoma yapoxyepe̱xexü̃rüxü̃ tá nixĩ —ñanagürü.
14-16Rü nüma ga yema Iraétanüxü̃ rü inaxĩãchi ga yema ínapegüxü̃wa ga natü ga Yudáü̃wa nax yachoü̃xü̃ca̱x. Rü nanetüarü buxgüarü tauemacü nixĩ ga yexguma, rü yema natü ga Yudáü̃ rü poraãcü narübai. Rü nümagü ga chacherdótegü rü duü̃xü̃güpe̱xegu naxĩ namaxã ga yema baú ga Tupanaarü mugü nawa yexmaxü̃. Rü yema chacherdótegü ga baú ingetaü̃güxü̃ rü yexguma yema natü ga Yudáü̃chíüwa nachoü̃gu, rü yema dexá ga dauxquena ne yáxü̃ rü ngürüãchi ínayachaxãchi. Rü gumá dauxquenaxü̃chi yexmane ga ĩane ga Adáü̃ ga dauxü̃taechica ga Charetáü̃arü ngaicamana, rü ngürü nabainagü ga dexá ga yéma, ñoma yapoxyepe̱xexü̃rüxü̃. Natürü yema íyachoü̃xü̃arü tawaama ga dexá rü niiya̱x ñu̱xmata Már ya Ngearü Maxü̃ã́xü̃wa nangu. Rü yemaacü ga yema natü ga Yudáü̃ rü taxregu niyauxye, rü yema Iraétanüxü̃ rü nichoü̃ ga ĩane ga Yericúarü to̱xma̱xtawa.
17Rü yemaacü ga guxü̃ma ga yema duü̃xü̃gü rü paanexü̃wa nichoü̃ nawa ga yema natü ga Yudáü̃. Rü yexgumayane ga yema chacherdótegü ga yangegüxü̃ ga yema baú ga Cori ya Tupanaarü mugüchixü̃ rü natüarü ngãxü̃tamawa namaxã nayachaxãchitanü ga paanexü̃wa.
Currently Selected:
Yochué 3: tcaP
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Yochué 3
3
Iraétanüxü̃ rü natü ga Yudáü̃wa nichoü̃
1Rü moxü̃ãcü pa̱xmamaxü̃chi rü nüma ga Yochué rü guxü̃ma ga Iraétanüxü̃maxã Chitíü̃wa inaxĩãchi ñu̱xmata natü ga Yudáü̃anacüwa nangugü. Rü naxü̃pa ga nax yachoü̃xü̃ rü yexmatama napegü.
2-3Rü yexguma tomaepü̱x ga ngunexü̃ ngupetüguwena rü yema Iraétanüxü̃arü ãẽ̱xgacügü rü norü duü̃xü̃gütanü nixĩãgüetanü rü namaxã nüxü̃ nixu rü ñanagürügü: —Ngẽxguma nüxü̃ peda̱u̱xgu i chacherdótegü i Lebítanüxü̃ nax nua nachopetüxü̃ namaxã i ngẽma baú i Cori ya Tupanaarü mugüchixü̃ ¡rü ípechoxü̃ i ngextá ípengexmagüxü̃wa rü nawe perüxĩ!
4Rü ngẽmaãcü tá nüxü̃ pecua̱x nax ngextáama pexĩxü̃ yerü ga ü̃pa rü taguma texé i petanüwa nagu tixũ i ngẽma nama. ¡Natürü taxúetama nüxna tangaicama i ngẽma baú! ¡Rü guxü̃gutáma wüxi i quirumétru tá nixĩ i nüxna peyáxü̃guxü̃! —ñanagürügü.
5Rü yexguma ga Yochué rü yema Iraétanüxü̃xü̃ ñanagürü: —¡Tupanape̱xewa pegü pimexẽxẽgü! Erü moxü̃ rü nüma ya Cori ya Tupana rü tá pexü̃ nüxü̃ nadauxẽxẽ i wüxi i mexü̃ i taxü̃ i norü poramaxã naxüxü̃ —ñanagürü.
6Rü yexguma ga nüma ga Yochué rü yema chacherdótegüxü̃ ñanagürü: —¡Ẽcü penangenagütaxü̃ i ngẽma baú i Tupanaarü mugüchixü̃, rü namaxã Yudáü̃wa pichoü̃ nape̱xewa i duü̃xü̃gü —ñanagürü. Rü yexguma ga nüma ga chacherdótegü rü nanangenagütaxü̃ ga yema baú ga Tupanaarü mugüchixü̃ rü duü̃xü̃güpe̱xewa namaxã nichoxü̃.
7Rü yexguma ga Cori ya Tupana rü ñanagürü Yochuéxü̃: —Ñu̱xmacürüwa rü tá ñaa Iraétanüxü̃pe̱xewa cuxü̃ chataxẽxẽ. Rü ngẽmaãcü tá nüxü̃ nadaugü nax choma rü aixcüma chacuxü̃taguxü̃ yexgumarüxü̃ ga Moichéxü̃tawa chayexmagurüxü̃.
8¡Ẽcü ngẽma chacherdótegü i yangetaü̃güxü̃ i ngẽma baú i chorü mugüchixü̃ rü namaxã nüxü̃ ixu rü ngẽxguma natü i Yudáü̃wa nangugügu rü nachíüwa nachoü̃ rü ngéma yachaxãchigü! —ñanagürü.
9Rü yexguma ga Yochué rü yema Iraétanüxü̃xü̃ ñanagürü: —¡Nua pexĩ rü iperüxĩnüe i norü ore i Cori ya tórü Tupana nüxü̃ ixuxü̃!
10Rü ngẽmawa tá nixĩ i nüxü̃ picuáxü̃ ya Tupana ya Maxü̃cü rü petanüwa nax nangẽxmaxü̃. Rü nüma ya Cori rü tá ínanawoxü̃ i Canaáü̃tanüxü̃, rü Itítanüxü̃, rü Ebéutanüxü̃, rü Ferechéutanüxü̃, rü Guerguechéutanüxü̃, rü Amoréutanüxü̃ rü Yebuchéutanüxü̃ nawa i ngẽma naane nax pema nawa pingugüxü̃ca̱x.
11¡Rü dücax i ngẽma baú i Cori ya Tupana i guxü̃ i naanearü yora ixĩcüarü mugüchixü̃ nax ñuxãcü pepe̱xewa yaxüexü̃ i natü i Yudáü̃!
12Rü ngẽmaca̱x, Pa Duü̃xü̃güx ¡rü nüxü̃ pexuneta i 12 i yatü! Rü ngẽma 12 i Iraétücumüwachigü, rü tá nüxü̃ pexuneta i wüxi.
13Rü ngẽxguma ngẽma chacherdótegü i ngẽma baú i Cori ya Tupanaarü mugüchixü̃ ingegüxü̃ rü natü i Yudáü̃chíüwa nachiü̃gu, rü ngẽxguma tá nixĩ i ngẽma natü rü taxregu yayauxyexü̃chíüxü̃, rü ngẽma dexá i dauxquena ne yáxü̃ rü tá ínayachaxãchi, rü ñoma yapoxyepe̱xexü̃rüxü̃ tá nixĩ —ñanagürü.
14-16Rü nüma ga yema Iraétanüxü̃ rü inaxĩãchi ga yema ínapegüxü̃wa ga natü ga Yudáü̃wa nax yachoü̃xü̃ca̱x. Rü nanetüarü buxgüarü tauemacü nixĩ ga yexguma, rü yema natü ga Yudáü̃ rü poraãcü narübai. Rü nümagü ga chacherdótegü rü duü̃xü̃güpe̱xegu naxĩ namaxã ga yema baú ga Tupanaarü mugü nawa yexmaxü̃. Rü yema chacherdótegü ga baú ingetaü̃güxü̃ rü yexguma yema natü ga Yudáü̃chíüwa nachoü̃gu, rü yema dexá ga dauxquena ne yáxü̃ rü ngürüãchi ínayachaxãchi. Rü gumá dauxquenaxü̃chi yexmane ga ĩane ga Adáü̃ ga dauxü̃taechica ga Charetáü̃arü ngaicamana, rü ngürü nabainagü ga dexá ga yéma, ñoma yapoxyepe̱xexü̃rüxü̃. Natürü yema íyachoü̃xü̃arü tawaama ga dexá rü niiya̱x ñu̱xmata Már ya Ngearü Maxü̃ã́xü̃wa nangu. Rü yemaacü ga yema natü ga Yudáü̃ rü taxregu niyauxye, rü yema Iraétanüxü̃ rü nichoü̃ ga ĩane ga Yericúarü to̱xma̱xtawa.
17Rü yemaacü ga guxü̃ma ga yema duü̃xü̃gü rü paanexü̃wa nichoü̃ nawa ga yema natü ga Yudáü̃. Rü yexgumayane ga yema chacherdótegü ga yangegüxü̃ ga yema baú ga Cori ya Tupanaarü mugüchixü̃ rü natüarü ngãxü̃tamawa namaxã nayachaxãchitanü ga paanexü̃wa.
© 2022, Wycliffe Bible Translators, Inc. All rights reserved.