Ochéa 13
13
Tupana rü tá nanapoxcu i Iraéanecüã̱xgü
1Rü ü̃pa ga yexguma yema Efraíü̃tanüxü̃ idexagügu rü yema togü ga Iraétücumügü rü meama naga naxĩnüe. Natürü yexguma nüma ga Efraíü̃tanüxü̃ rü tupananeta ga Baáxü̃ yacua̱xüü̃gügu, rü yexma nayacua̱x ga norü pora.
2Rü pema rü ñu̱xma rü ta pecadu nixüetanüama. Rü ngẽma duü̃xü̃gü i naxchicüna̱xãarü üxü̃ cua̱xgüxü̃ namugü nax diẽrumüwa naxügüãxü̃ca̱x i wocachicüna̱xãgü. Rü nümagü i ngẽma naxchicüna̱xãarü üwa puracüexü̃ rü nümagü nanaxwa̱xegüxü̃ãcü nanaxügü. Rü ngẽma tupananetagüca̱x buxe tüxü̃ nigugü rü nüxü̃ nachúxgü ga yema wocaxacüchicüna̱xãgü.
3Rü ngẽmaca̱x i ngẽma duü̃xü̃gü rü tá ngürüãchimare narüxogü, ngẽma caixanexü̃ i pa̱xmama rücaxixü̃rüxü̃. Rü ñoma cherena i ngunetüxü̃ ínguxü̃rüxü̃ tá narüxogü. Rü ñoma wüxi i naixatü i marü ipaxü̃ i buanecü ngextá cuemarexü̃rüxü̃ tá narütaxu rü ñoma üxüarü caxixü̃rüxü̃ tá narüxo.
4Rü Tupana rü ñanagürü: —Pa Iraétanüxü̃x, yexguma Equítuanewa peyexmagügucürüwa rü chomatama nixĩ i perü Tupana chixĩxü̃. Rü tama chanaxwa̱xe nax ta̱xacürü tomaxã petupanaã́xü̃, erü chaxicatama nixĩ i perü Tupana rü nataxuma i to i perü poxü̃ruxü̃ ixĩxü̃.
5Rü choma nixĩ ga pexna chadauxü̃ ga yexguma yema chianexü̃wa peyexmagügu.
6Rü pexna chanaxã ga õna rü meama pechibüe, natürü pema rü pegü picua̱xüü̃gü rü choxü̃ perüngümae.
7Rü ngẽmaca̱x i choma rü ñoma wüxi i leóü̃rüxü̃ tá pexca̱x chixĩ, rü ñoma wüxi i ai i cúãcüma namawa pexü̃ nangu̱xẽẽxü̃rüxü̃ tá pexca̱x chixĩ.
8Rü tá pexca̱x chixũ ñoma wüxi i osu i ngexü̃ i naxacügü nüxna tüxü̃ napuxü̃rüxü̃ rü tá pegu chagáugüe i perü maxü̃newa. Rü ñoma wüxi i leóü̃rüxü̃ rü tá pexü̃ changõ̱xcu rü wüxi i naeü̃ idüraxü̃rüxü̃ tá pegu chawagü.
9Pa Iraéanecüã̱xgüx, ñu̱xmax rü tá pexü̃ chadai rü taxúetama pexü̃ ítapoxü̃.
10¿Rü ngexü̃ yixĩxü̃ i pechixü̃anearü ãẽ̱xgacü nax pexü̃ ínapoxü̃xü̃ca̱x i perü ĩanegüwa? Rü pema rü ngẽma pemaxã icua̱xgüxü̃na naxca̱x peca nax pexü̃́ nangẽxmaxü̃ca̱x i perü ãẽ̱xgacügü ¿natürü ngexü̃ yixĩxü̃ i ngẽma pemaxã icua̱xgüxü̃ i ñu̱xmax?
11Rü pemaxã chanuãcü pexna chanamu i perü ãẽ̱xgacügü, rü pemaxã chanuãcü wena pexna chanapuxü̃.
12Rü choma rü wüxi i poperagu chanaxümatü i guxü̃ma i Efraíü̃tanüxü̃arü chixexü̃. Rü meama namaxã changuxü̃ i ngẽma popera.
13Pa Iraéanecüã̱xgüx, pema rü tama peãẽxü̃ pecua̱x. Rü ñoma wüxi i buxü̃ i íxrachaü̃xü̃ rü chixri ixüxü̃rüxü̃ pixĩgü nax tama chauga pexĩnüechaü̃xü̃.
14¿Rü pema nagu perüxĩnüegu nax pexmaxü̃wa tá pexü̃ íchanguxü̃xẽxẽxü̃? ¿Rü pema nagu perüxĩnüegu nax yuwa tá pexü̃ íchanguxü̃xẽxẽxü̃? ¿Rü cumax, Pa Yux, rü ngexü̃ nixĩ i curü pora? ¿Rü cumax, Pa Naxmaxü̃x, rü ngexü̃ nixĩ i curü pora? Rü ñu̱xmax i choma rü marü taxũtáma choxü̃́ nangechaü̃tümüxü̃gü i ñaa duü̃xü̃gü.
15Rü woo ñoma maxẽ i baxcaxü̃rüxü̃ mea nüxü̃ naxüpetügu i ngẽma Iraéanecüã̱xgü i ñu̱xmax, natürü tá naxca̱x ínangu i wüxi i buanecü i éstewaama ne ũcü. Rü yimá buanecü ya poracü ya chianexü̃wa ne ũcü, rü tá nayachegüxẽxẽ i natüacügü rü bairawegü. Rü ngẽxguma i ngẽma Iraéanecüã̱xgüarü uanügü rü tá nanade i guxü̃ma i norü meruü̃gü.
16Rü choma rü tá chanapoxcue i ngẽma Chamáriacüã̱xgü erü tama chauga naxĩnüe. Rü norü uanügü rü tá taramaxã nanadai. Rü yíxema buxegü rü tá waixü̃mügu tüxü̃ nichi̱xgü. Rü yíxema ngexegü ya itacharaü̃güxe rü tá tüxü̃ nachuxnagü —ñanagürü.
Currently Selected:
Ochéa 13: tcaP
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Ochéa 13
13
Tupana rü tá nanapoxcu i Iraéanecüã̱xgü
1Rü ü̃pa ga yexguma yema Efraíü̃tanüxü̃ idexagügu rü yema togü ga Iraétücumügü rü meama naga naxĩnüe. Natürü yexguma nüma ga Efraíü̃tanüxü̃ rü tupananeta ga Baáxü̃ yacua̱xüü̃gügu, rü yexma nayacua̱x ga norü pora.
2Rü pema rü ñu̱xma rü ta pecadu nixüetanüama. Rü ngẽma duü̃xü̃gü i naxchicüna̱xãarü üxü̃ cua̱xgüxü̃ namugü nax diẽrumüwa naxügüãxü̃ca̱x i wocachicüna̱xãgü. Rü nümagü i ngẽma naxchicüna̱xãarü üwa puracüexü̃ rü nümagü nanaxwa̱xegüxü̃ãcü nanaxügü. Rü ngẽma tupananetagüca̱x buxe tüxü̃ nigugü rü nüxü̃ nachúxgü ga yema wocaxacüchicüna̱xãgü.
3Rü ngẽmaca̱x i ngẽma duü̃xü̃gü rü tá ngürüãchimare narüxogü, ngẽma caixanexü̃ i pa̱xmama rücaxixü̃rüxü̃. Rü ñoma cherena i ngunetüxü̃ ínguxü̃rüxü̃ tá narüxogü. Rü ñoma wüxi i naixatü i marü ipaxü̃ i buanecü ngextá cuemarexü̃rüxü̃ tá narütaxu rü ñoma üxüarü caxixü̃rüxü̃ tá narüxo.
4Rü Tupana rü ñanagürü: —Pa Iraétanüxü̃x, yexguma Equítuanewa peyexmagügucürüwa rü chomatama nixĩ i perü Tupana chixĩxü̃. Rü tama chanaxwa̱xe nax ta̱xacürü tomaxã petupanaã́xü̃, erü chaxicatama nixĩ i perü Tupana rü nataxuma i to i perü poxü̃ruxü̃ ixĩxü̃.
5Rü choma nixĩ ga pexna chadauxü̃ ga yexguma yema chianexü̃wa peyexmagügu.
6Rü pexna chanaxã ga õna rü meama pechibüe, natürü pema rü pegü picua̱xüü̃gü rü choxü̃ perüngümae.
7Rü ngẽmaca̱x i choma rü ñoma wüxi i leóü̃rüxü̃ tá pexca̱x chixĩ, rü ñoma wüxi i ai i cúãcüma namawa pexü̃ nangu̱xẽẽxü̃rüxü̃ tá pexca̱x chixĩ.
8Rü tá pexca̱x chixũ ñoma wüxi i osu i ngexü̃ i naxacügü nüxna tüxü̃ napuxü̃rüxü̃ rü tá pegu chagáugüe i perü maxü̃newa. Rü ñoma wüxi i leóü̃rüxü̃ rü tá pexü̃ changõ̱xcu rü wüxi i naeü̃ idüraxü̃rüxü̃ tá pegu chawagü.
9Pa Iraéanecüã̱xgüx, ñu̱xmax rü tá pexü̃ chadai rü taxúetama pexü̃ ítapoxü̃.
10¿Rü ngexü̃ yixĩxü̃ i pechixü̃anearü ãẽ̱xgacü nax pexü̃ ínapoxü̃xü̃ca̱x i perü ĩanegüwa? Rü pema rü ngẽma pemaxã icua̱xgüxü̃na naxca̱x peca nax pexü̃́ nangẽxmaxü̃ca̱x i perü ãẽ̱xgacügü ¿natürü ngexü̃ yixĩxü̃ i ngẽma pemaxã icua̱xgüxü̃ i ñu̱xmax?
11Rü pemaxã chanuãcü pexna chanamu i perü ãẽ̱xgacügü, rü pemaxã chanuãcü wena pexna chanapuxü̃.
12Rü choma rü wüxi i poperagu chanaxümatü i guxü̃ma i Efraíü̃tanüxü̃arü chixexü̃. Rü meama namaxã changuxü̃ i ngẽma popera.
13Pa Iraéanecüã̱xgüx, pema rü tama peãẽxü̃ pecua̱x. Rü ñoma wüxi i buxü̃ i íxrachaü̃xü̃ rü chixri ixüxü̃rüxü̃ pixĩgü nax tama chauga pexĩnüechaü̃xü̃.
14¿Rü pema nagu perüxĩnüegu nax pexmaxü̃wa tá pexü̃ íchanguxü̃xẽxẽxü̃? ¿Rü pema nagu perüxĩnüegu nax yuwa tá pexü̃ íchanguxü̃xẽxẽxü̃? ¿Rü cumax, Pa Yux, rü ngexü̃ nixĩ i curü pora? ¿Rü cumax, Pa Naxmaxü̃x, rü ngexü̃ nixĩ i curü pora? Rü ñu̱xmax i choma rü marü taxũtáma choxü̃́ nangechaü̃tümüxü̃gü i ñaa duü̃xü̃gü.
15Rü woo ñoma maxẽ i baxcaxü̃rüxü̃ mea nüxü̃ naxüpetügu i ngẽma Iraéanecüã̱xgü i ñu̱xmax, natürü tá naxca̱x ínangu i wüxi i buanecü i éstewaama ne ũcü. Rü yimá buanecü ya poracü ya chianexü̃wa ne ũcü, rü tá nayachegüxẽxẽ i natüacügü rü bairawegü. Rü ngẽxguma i ngẽma Iraéanecüã̱xgüarü uanügü rü tá nanade i guxü̃ma i norü meruü̃gü.
16Rü choma rü tá chanapoxcue i ngẽma Chamáriacüã̱xgü erü tama chauga naxĩnüe. Rü norü uanügü rü tá taramaxã nanadai. Rü yíxema buxegü rü tá waixü̃mügu tüxü̃ nichi̱xgü. Rü yíxema ngexegü ya itacharaü̃güxe rü tá tüxü̃ nachuxnagü —ñanagürü.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.