Ngechuchuarü ngúexü̃gü ga yamugüxü̃arü puracüchiga 16
16
Pauruwe rü Chírawe narüxũ ga Timutéu
1Rü Dérbewa rü Lístrawa nangugü ga Pauru rü Chíra. Rü yéma nayexma ga wüxi ga yaxõcü ga Timutéugu ãégacü. Rü naé rü wüxi ga Yudíu ga yaxṍxe tixĩ. Rü nanatü rü wüxi ga Griégu nixĩ.
2Rü guxü̃ma ga yema yaxõgüxü̃ ga Lístrawa rü Icóniowa yexmagüxü̃, rü mea Timutéuchiga nidexagü
3Rü Pauru rü nanaxwa̱xe nax Timutéu íyaxümücüxü̃. Natürü naxü̃pa nax yagaãxü̃ rü ínanawíecha̱xmüpe̱xechiraü̃, yerü yemaacü nanaxwa̱xegü ga yema Yudíugü ga yema naanewa yexmagüxü̃. Yerü guxü̃ma nüxü̃ nacua̱xgü nax Griégu yixĩxü̃ ga nanatü.
4Rü guxü̃nema ga gumá ĩanegü ga nawa nachopetünewa, rü duü̃xü̃gümaxã nüxü̃ nixugüetanü ga yema ucu̱xẽgü ga nüxü̃ yaxugüxü̃ ga yema ngúexü̃gü ga Ngechuchu imugüxü̃ rü yema Yerucharéü̃cüã̱x ga yaxõgüxü̃arü ãẽ̱xgacügü.
5Rü yemaacü yexeraãcü nayaxõgü ga guxü̃ma ga yema yaxõgüxü̃, rü guxü̃ ga ngunexü̃ rü nimuetanü ga yema yexwacax yaxõgüxü̃.
Pauru nango̱xetü rü wüxi ga yatü ga Machedóniaanecüã̱xü̃ nadau
6Rü Áchiaanewa naxĩxchaü̃ nax yéma nüxü̃ yaxugüxü̃ca̱x ga ore i mexü̃. Natürü Tupanaãxẽ ya Üünecü rü nüxna nanachu̱xu ga yema. Rü yemaca̱x Fríquiaanewa rü Gárataanewaama nachopetü.
7Rü Míchiaarü naanewa nangugü, rü yéma nagu narüxĩnüe nax Bitíniaarü naanewa naxĩxü̃. Natürü yéma rü ta Tupanaãxẽ ya Üünecü nüxna nanachu̱xu nax tama yéma naxĩxü̃ca̱x.
8Rü yemaca̱x Míchiaanewa nachopetümare rü ĩane ga Tróawa nangugü.
9Rü yema chütaxü̃gu rü Pauru nango̱xetü rü nüxü̃ nadau ga wüxi ga yatü ga Machedóniacüã̱x ga nape̱xegu chicü. Rü nüxü̃ naca̱a̱xü̃, ñaxü̃maxã: —¡Machedóniawa naxũ, rü toxü̃ rüngü̃xẽxẽ! —ñaxü̃maxã.
10Rü yexguma yemaxü̃ nada̱u̱xgu ga Pauru, rü yexgumatama togü tamexẽẽgü nax Machedóniawa taxĩxü̃ca̱x. Yerü nüxü̃ tacua̱xgü rü aixcüma nixĩ ga Tupana toxca̱x ca̱xaxü̃ nax yema duü̃xü̃gümaxã nüxü̃ tixuxü̃ca̱x ga ore i mexü̃.
Pirípuwa nayexmagü ga Pauru rü Chíra
11Rü Tróaarü türewa itaxĩãchi, rü capaxũ ga Chamotáchiuca̱x we̱xgu taxĩ. Rü moxü̃ãcü Neáporiwa tangugü.
12Rü yéma rü dauxchitagu taxĩ rü Pirípuwa tangugü. Rü gumá nixĩ ya Rómacüã̱xgüarü ĩane ga Machedóniaanegu naxügüne. Rü gumá nixĩ ga guxü̃ne ga ĩanearü tamaene ga yema naanewa. Rü yéma tayexmagü ga ñuxre ga ngunexü̃gü.
13Rü ngü̃xchigaarü ngunexü̃gu, rü guma ĩane iyacuáxü̃wa taxĩ ga natüpechinüwa, yerü nagu tarüxĩnüegu rü yéma nayexma ga Yudíugüarü yumüxẽchica. Rü yéma tarütogü, rü namaxã tidexagü ga ñuxre ga ngexü̃gü ga yéma ngutaque̱xegüxü̃, rü namaxã nüxü̃ tixugü ga Tupanaarü ore.
14Rü yéma iyexma ga wüxi ga ngecü ga Lídia ga ngĩéga ga Tupanaxü̃ icua̱xüxü̃cü. Rü Tiatíra ga ĩanecüã̱x iyixĩ. Rü dauxracharaxü̃ ga naxchirumaxã itaxe yerü yema nixĩ ga ngĩrü puracü. Rü ngĩma rü meama yéma irüxĩnü, yerü nüma ga Cori ya Tupana rü ngĩxü̃́ nanangúchaü̃xẽxẽ nax mea inaxĩnüxü̃ca̱x ga yema ore ga Pauru nüxü̃ ixuxü̃.
15Rü yemawena rü ñu̱xũchi íibaie wüxigu namaxã ga guxü̃ma ga ngĩtanüxü̃. Rü yixcaama rü toxü̃ ica̱a̱xü̃ ñaxü̃maxã: —Ngẽxguma pema choxü̃ peda̱u̱xgu nax aixcüma Coriaxü̃́ chayaxõxü̃, rü marü name ega chopatagu peyapegügu —ngĩgürügü. Rü yéma toxü̃ ixĩxẽxẽ.
16Rü wüxi ga ngunexü̃gu ga yexguma yumüxẽwa taxĩxgu ga tomax, rü yexma ngĩxü̃ tayangau ga wüxi ga pacü ga ngo̱xo ngĩwa yexmacü. Rü yema pacü rü corigü ngĩxme̱xwa diẽru ngĩxü̃ nayauxgü, yerü ngĩma rü duü̃xü̃gümaxã nüxü̃ iyaxu nax ta̱xacü tá yixcüra nangupetüxü̃. Rü yemaca̱x ga duü̃xü̃gü rü diẽrumaxã ngĩxü̃́ nanaxütanü, rü yemagu poraãcü diẽru ngĩxü̃ iyaxu naxca̱x ga ngĩrü corigü.
17Rü ngĩma towe ingẽ ga toma rü Pauru, rü tagaãcü ngĩgürügü: —Ñaa yatügü rü Tupana ya Guxãétüwa Ngẽxmacüarü duü̃xü̃gü nixĩgü, rü pemaxã nüxü̃ nixu i maxü̃ i taguma gúxü̃chiga —ngĩgürügü.
18Rü yemaacü iyixĩ ga muxü̃ma ga ngunexü̃gu. Rü düxwa nüxü̃́ nawa̱xtümüxü̃ ga Pauru, rü ngĩxca̱x nadauegu, rü ñanagürü nüxü̃ ga yema ngo̱xo ga ngĩwa yexmaxü̃: —Ngechuchu ya Cristuégagu cuxü̃ chamu, nax ngĩwa ícuxũxũxü̃ca̱x —ñanagürü. Rü yexgumatama ngĩwa ínaxũxũ ga yema ngo̱xo.
19Rü yexguma ngĩrü corigü nüxü̃ daugügu nax marü tama ngĩgagu diẽru ngĩxü̃ nax nayauxgüxü̃, rü Pauruxü̃ rü Chíraxü̃ ínayauxü̃, rü ãẽ̱xgacügüpe̱xewa nanagagü ga guma ĩanearü plazawa.
20Rü ãẽ̱xgacügüna nanaxuaxü̃ ga yema ngĩrü corigü, rü ñanagürügü: —Ñaa Yudíugü rü tórü ĩanewa nananuexẽxẽ i duü̃xü̃gü.
21Rü tüxü̃ nangúexẽxẽ nax naxaurexü̃ca̱x i nacümagü i tüxna chu̱xuxü̃ i yixema i Rómacüã̱xgü —ñanagürügü.
22Rü yexguma ga yema ĩanecüã̱x rü nanue, rü Pauruna rü Chírana nayu̱xgu. Rü yema ãẽ̱xgacügü nanamu nax ínacuxü̃ãxü̃ca̱x rü naixmena̱xãmaxã yacua̱i̱xgüãxü̃ca̱x.
23Rü yexguma marü poraãcü yacua̱i̱xgüãguwena, rü poxcupataü̃gu nanawocu. Rü nüxna naxãga ga yema poxcupataü̃arü dauruxü̃ nax meama nüxna nadauxü̃ca̱x.
24Rü yexguma yemaxü̃ naxĩnügu ga yema dauruxü̃, rü poxcupataü̃arü aixepeguxüchixü̃ ga ucapugu nanawocu, rü meama nayachotaparagü.
25Natürü ngãxü̃cüügu rü nayumüxẽgü ga Pauru rü Chíra, rü nawiyaegü rü Tupanaxü̃ nicua̱xüü̃gü. Rü yema togü ga poxcuexü̃ rü nüxü̃ naxĩnüe.
26Rü ngürüãchi poraãcü naxĩã̱xãchiane, rü naxĩã̱xãchitanü ga norü poxeguxü̃gü ga gumá poxcupataü̃. Rü yexgumatama niwãxnagü ga guxü̃ma ga norü ĩã̱xgü. Rü guxü̃ma ga yema poxcuexü̃arü cadénaparagü rü niwẽgü.
27Rü pewa naba̱i̱xãchi ga yema poxcupataü̃arü dauruxü̃. Rü yexguma nüxü̃ nada̱u̱xgu ga nax yawãxnagüxü̃ ga ĩã̱xgü ga gumá poxcupataü̃ rü nanayaxu ga norü tara nax nügü yamáxü̃ca̱x, yerü nüma nüxü̃ nacua̱xgu rü marü nibuxmü ga yema poxcuexü̃.
28Natürü tagaãcü aixta naxü ga Pauru, rü ñanagürü nüxü̃: —¡Taxṹ i cugü quimáxü̃! Rü guxãma i toma rü tanuxmagü —ñanagürü.
29Rü yexguma ga yema poxcupataü̃arü dauruxü̃ rü naxca̱x ínaca ga wüxi ga omü, rü inañaãchiãcüma yema duü̃xü̃gü ípoxcuexü̃gu nayangaxi, rü yadu̱xruxãcüma Paurupe̱xegu rü Chírape̱xegu nayacaxã́pü̱xü.
30Rü yexguma ĩã̱xtüwa Pauruxü̃ rü Chíraxü̃ nagagü, rü ñanagürü nüxü̃: —Pa Corigüx, ¿Ta̱xacü tá chaxüxü̃ i choma nax choxü̃́ nangẽxmaxü̃ca̱x i maxü̃ i taguma gúxü̃? —ñanagürü.
31Rü nümagü rü nanangãxü̃gü rü ñanagürügü nüxü̃: —¡Nüxü̃́ yaxõ ya Cori ya Ngechuchu, rü tá cuxü̃́ nangẽxma i maxü̃ i taguma gúxü̃ i cuma rü guxü̃ i cupatacüã̱x! —ñanagürügü.
32Rü ñu̱xũchi namaxã rü guxü̃ma ga yema napatacüã̱xgümaxã rü ta nüxü̃ nixugüe ga Cori ya Tupanaarü ore.
33Rü yematama oragu ga chütacü, rü nüma ga yema poxcupataü̃arü dauruxü̃ nayayauxgü ga norü o̱xrigü ga Pauru rü Chíra. Rü yemawena rü ñu̱xũchi ínabaie wüxigu naxma̱xmaxã rü naxacügümaxã.
34Rü ñu̱xũchi ga nüma ga poxcupataü̃arü dauruxü̃ rü napatawa Pauruxü̃ rü Chíraxü̃ nagagü. Rü õna nüxna naxã rü nataãxẽ ga nüma rü guxü̃ma ga napatacüã̱xgü ta, yerü Tupanaaxü̃́ nayaxõgü.
35Rü moxü̃ãcü pa̱xmama rü yema ĩanearü ãẽ̱xgacügü rü yema poxcupataü̃arü dauruü̃xü̃tawa nanamugü ga purichíagü nax namaxã nüxü̃ yanaxugüxü̃ca̱x nax Pauruxü̃ rü Chíraxü̃ ínamuxü̃xü̃ca̱x.
36Rü yexguma ga yema poxcupataü̃arü dauruxü̃ rü ñanagürü Pauruxü̃: —Ngẽma ãẽ̱xgacügü rü nua nanamugü i ore nax pexü̃ íchamuxü̃xü̃ca̱x. ¡Rü ẽcü ípechoxü̃, rü mea ípixĩ! —ñanagürü.
37Natürü ga Pauru rü ñanagürü nüxü̃ ga yema purichíagü: —Toma nax Rómacüã̱xgü tixĩgüxü̃, rü ngẽma ãẽ̱xgacügü rü tama toxna nacaxíraãcüma toxü̃ nicua̱i̱xgü nape̱xewa i guxü̃ma i duü̃xü̃gü, rü ñu̱xũchi poxcupataü̃gu toxü̃ nawocu. Rü ñu̱xma rü cúãcü toxü̃ ínamuxü̃chaü̃. Rü taxũtáma ngẽmaãcü nixĩ. ¡Rü ẽcü nümatama i ãẽ̱xgacügü núma naxĩ nax nümatama toxü̃ íyamuxü̃xü̃ca̱x! —ñanagürü ga Pauru.
38Rü yexguma ga yema purichíagü rü ãẽ̱xgacügümaxã nüxü̃ nayarüxugüe ga yema ore. Rü poraãcü naba̱i̱xãchie ga yema ãẽ̱xgacügü ga yexguma nüxü̃ naxĩnüegu nax Rómacüã̱xü̃chi yixĩgüxü̃ ga Pauru rü Chíra.
39Rü yéma naxĩ, rü Pauruna rü Chírana nayacagü nax nüxü̃́ nüxü̃ iyanangümaexü̃ca̱x ga yema namaxã naxügüxü̃. Rü ínanamuxü̃, rü nüxü̃ naca̱a̱xü̃gü nax nawa ínachoxü̃xü̃ca̱x ga guma ĩane.
40Rü yexguma poxcupataü̃wa ínachoxü̃gu ga Pauru rü Chíra, rü Lídiapatawa naxĩ. Rü yema yaxõgüxü̃maxã nangutaque̱xegü, rü nayaxucu̱xẽgü, rü Tupanaarü oremaxã nanataãẽxẽẽgü. Rü ñu̱xũchi yemawena rü inaxĩãchi.
Currently Selected:
Ngechuchuarü ngúexü̃gü ga yamugüxü̃arü puracüchiga 16: tcaP
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Ngechuchuarü ngúexü̃gü ga yamugüxü̃arü puracüchiga 16
16
Pauruwe rü Chírawe narüxũ ga Timutéu
1Rü Dérbewa rü Lístrawa nangugü ga Pauru rü Chíra. Rü yéma nayexma ga wüxi ga yaxõcü ga Timutéugu ãégacü. Rü naé rü wüxi ga Yudíu ga yaxṍxe tixĩ. Rü nanatü rü wüxi ga Griégu nixĩ.
2Rü guxü̃ma ga yema yaxõgüxü̃ ga Lístrawa rü Icóniowa yexmagüxü̃, rü mea Timutéuchiga nidexagü
3Rü Pauru rü nanaxwa̱xe nax Timutéu íyaxümücüxü̃. Natürü naxü̃pa nax yagaãxü̃ rü ínanawíecha̱xmüpe̱xechiraü̃, yerü yemaacü nanaxwa̱xegü ga yema Yudíugü ga yema naanewa yexmagüxü̃. Yerü guxü̃ma nüxü̃ nacua̱xgü nax Griégu yixĩxü̃ ga nanatü.
4Rü guxü̃nema ga gumá ĩanegü ga nawa nachopetünewa, rü duü̃xü̃gümaxã nüxü̃ nixugüetanü ga yema ucu̱xẽgü ga nüxü̃ yaxugüxü̃ ga yema ngúexü̃gü ga Ngechuchu imugüxü̃ rü yema Yerucharéü̃cüã̱x ga yaxõgüxü̃arü ãẽ̱xgacügü.
5Rü yemaacü yexeraãcü nayaxõgü ga guxü̃ma ga yema yaxõgüxü̃, rü guxü̃ ga ngunexü̃ rü nimuetanü ga yema yexwacax yaxõgüxü̃.
Pauru nango̱xetü rü wüxi ga yatü ga Machedóniaanecüã̱xü̃ nadau
6Rü Áchiaanewa naxĩxchaü̃ nax yéma nüxü̃ yaxugüxü̃ca̱x ga ore i mexü̃. Natürü Tupanaãxẽ ya Üünecü rü nüxna nanachu̱xu ga yema. Rü yemaca̱x Fríquiaanewa rü Gárataanewaama nachopetü.
7Rü Míchiaarü naanewa nangugü, rü yéma nagu narüxĩnüe nax Bitíniaarü naanewa naxĩxü̃. Natürü yéma rü ta Tupanaãxẽ ya Üünecü nüxna nanachu̱xu nax tama yéma naxĩxü̃ca̱x.
8Rü yemaca̱x Míchiaanewa nachopetümare rü ĩane ga Tróawa nangugü.
9Rü yema chütaxü̃gu rü Pauru nango̱xetü rü nüxü̃ nadau ga wüxi ga yatü ga Machedóniacüã̱x ga nape̱xegu chicü. Rü nüxü̃ naca̱a̱xü̃, ñaxü̃maxã: —¡Machedóniawa naxũ, rü toxü̃ rüngü̃xẽxẽ! —ñaxü̃maxã.
10Rü yexguma yemaxü̃ nada̱u̱xgu ga Pauru, rü yexgumatama togü tamexẽẽgü nax Machedóniawa taxĩxü̃ca̱x. Yerü nüxü̃ tacua̱xgü rü aixcüma nixĩ ga Tupana toxca̱x ca̱xaxü̃ nax yema duü̃xü̃gümaxã nüxü̃ tixuxü̃ca̱x ga ore i mexü̃.
Pirípuwa nayexmagü ga Pauru rü Chíra
11Rü Tróaarü türewa itaxĩãchi, rü capaxũ ga Chamotáchiuca̱x we̱xgu taxĩ. Rü moxü̃ãcü Neáporiwa tangugü.
12Rü yéma rü dauxchitagu taxĩ rü Pirípuwa tangugü. Rü gumá nixĩ ya Rómacüã̱xgüarü ĩane ga Machedóniaanegu naxügüne. Rü gumá nixĩ ga guxü̃ne ga ĩanearü tamaene ga yema naanewa. Rü yéma tayexmagü ga ñuxre ga ngunexü̃gü.
13Rü ngü̃xchigaarü ngunexü̃gu, rü guma ĩane iyacuáxü̃wa taxĩ ga natüpechinüwa, yerü nagu tarüxĩnüegu rü yéma nayexma ga Yudíugüarü yumüxẽchica. Rü yéma tarütogü, rü namaxã tidexagü ga ñuxre ga ngexü̃gü ga yéma ngutaque̱xegüxü̃, rü namaxã nüxü̃ tixugü ga Tupanaarü ore.
14Rü yéma iyexma ga wüxi ga ngecü ga Lídia ga ngĩéga ga Tupanaxü̃ icua̱xüxü̃cü. Rü Tiatíra ga ĩanecüã̱x iyixĩ. Rü dauxracharaxü̃ ga naxchirumaxã itaxe yerü yema nixĩ ga ngĩrü puracü. Rü ngĩma rü meama yéma irüxĩnü, yerü nüma ga Cori ya Tupana rü ngĩxü̃́ nanangúchaü̃xẽxẽ nax mea inaxĩnüxü̃ca̱x ga yema ore ga Pauru nüxü̃ ixuxü̃.
15Rü yemawena rü ñu̱xũchi íibaie wüxigu namaxã ga guxü̃ma ga ngĩtanüxü̃. Rü yixcaama rü toxü̃ ica̱a̱xü̃ ñaxü̃maxã: —Ngẽxguma pema choxü̃ peda̱u̱xgu nax aixcüma Coriaxü̃́ chayaxõxü̃, rü marü name ega chopatagu peyapegügu —ngĩgürügü. Rü yéma toxü̃ ixĩxẽxẽ.
16Rü wüxi ga ngunexü̃gu ga yexguma yumüxẽwa taxĩxgu ga tomax, rü yexma ngĩxü̃ tayangau ga wüxi ga pacü ga ngo̱xo ngĩwa yexmacü. Rü yema pacü rü corigü ngĩxme̱xwa diẽru ngĩxü̃ nayauxgü, yerü ngĩma rü duü̃xü̃gümaxã nüxü̃ iyaxu nax ta̱xacü tá yixcüra nangupetüxü̃. Rü yemaca̱x ga duü̃xü̃gü rü diẽrumaxã ngĩxü̃́ nanaxütanü, rü yemagu poraãcü diẽru ngĩxü̃ iyaxu naxca̱x ga ngĩrü corigü.
17Rü ngĩma towe ingẽ ga toma rü Pauru, rü tagaãcü ngĩgürügü: —Ñaa yatügü rü Tupana ya Guxãétüwa Ngẽxmacüarü duü̃xü̃gü nixĩgü, rü pemaxã nüxü̃ nixu i maxü̃ i taguma gúxü̃chiga —ngĩgürügü.
18Rü yemaacü iyixĩ ga muxü̃ma ga ngunexü̃gu. Rü düxwa nüxü̃́ nawa̱xtümüxü̃ ga Pauru, rü ngĩxca̱x nadauegu, rü ñanagürü nüxü̃ ga yema ngo̱xo ga ngĩwa yexmaxü̃: —Ngechuchu ya Cristuégagu cuxü̃ chamu, nax ngĩwa ícuxũxũxü̃ca̱x —ñanagürü. Rü yexgumatama ngĩwa ínaxũxũ ga yema ngo̱xo.
19Rü yexguma ngĩrü corigü nüxü̃ daugügu nax marü tama ngĩgagu diẽru ngĩxü̃ nax nayauxgüxü̃, rü Pauruxü̃ rü Chíraxü̃ ínayauxü̃, rü ãẽ̱xgacügüpe̱xewa nanagagü ga guma ĩanearü plazawa.
20Rü ãẽ̱xgacügüna nanaxuaxü̃ ga yema ngĩrü corigü, rü ñanagürügü: —Ñaa Yudíugü rü tórü ĩanewa nananuexẽxẽ i duü̃xü̃gü.
21Rü tüxü̃ nangúexẽxẽ nax naxaurexü̃ca̱x i nacümagü i tüxna chu̱xuxü̃ i yixema i Rómacüã̱xgü —ñanagürügü.
22Rü yexguma ga yema ĩanecüã̱x rü nanue, rü Pauruna rü Chírana nayu̱xgu. Rü yema ãẽ̱xgacügü nanamu nax ínacuxü̃ãxü̃ca̱x rü naixmena̱xãmaxã yacua̱i̱xgüãxü̃ca̱x.
23Rü yexguma marü poraãcü yacua̱i̱xgüãguwena, rü poxcupataü̃gu nanawocu. Rü nüxna naxãga ga yema poxcupataü̃arü dauruxü̃ nax meama nüxna nadauxü̃ca̱x.
24Rü yexguma yemaxü̃ naxĩnügu ga yema dauruxü̃, rü poxcupataü̃arü aixepeguxüchixü̃ ga ucapugu nanawocu, rü meama nayachotaparagü.
25Natürü ngãxü̃cüügu rü nayumüxẽgü ga Pauru rü Chíra, rü nawiyaegü rü Tupanaxü̃ nicua̱xüü̃gü. Rü yema togü ga poxcuexü̃ rü nüxü̃ naxĩnüe.
26Rü ngürüãchi poraãcü naxĩã̱xãchiane, rü naxĩã̱xãchitanü ga norü poxeguxü̃gü ga gumá poxcupataü̃. Rü yexgumatama niwãxnagü ga guxü̃ma ga norü ĩã̱xgü. Rü guxü̃ma ga yema poxcuexü̃arü cadénaparagü rü niwẽgü.
27Rü pewa naba̱i̱xãchi ga yema poxcupataü̃arü dauruxü̃. Rü yexguma nüxü̃ nada̱u̱xgu ga nax yawãxnagüxü̃ ga ĩã̱xgü ga gumá poxcupataü̃ rü nanayaxu ga norü tara nax nügü yamáxü̃ca̱x, yerü nüma nüxü̃ nacua̱xgu rü marü nibuxmü ga yema poxcuexü̃.
28Natürü tagaãcü aixta naxü ga Pauru, rü ñanagürü nüxü̃: —¡Taxṹ i cugü quimáxü̃! Rü guxãma i toma rü tanuxmagü —ñanagürü.
29Rü yexguma ga yema poxcupataü̃arü dauruxü̃ rü naxca̱x ínaca ga wüxi ga omü, rü inañaãchiãcüma yema duü̃xü̃gü ípoxcuexü̃gu nayangaxi, rü yadu̱xruxãcüma Paurupe̱xegu rü Chírape̱xegu nayacaxã́pü̱xü.
30Rü yexguma ĩã̱xtüwa Pauruxü̃ rü Chíraxü̃ nagagü, rü ñanagürü nüxü̃: —Pa Corigüx, ¿Ta̱xacü tá chaxüxü̃ i choma nax choxü̃́ nangẽxmaxü̃ca̱x i maxü̃ i taguma gúxü̃? —ñanagürü.
31Rü nümagü rü nanangãxü̃gü rü ñanagürügü nüxü̃: —¡Nüxü̃́ yaxõ ya Cori ya Ngechuchu, rü tá cuxü̃́ nangẽxma i maxü̃ i taguma gúxü̃ i cuma rü guxü̃ i cupatacüã̱x! —ñanagürügü.
32Rü ñu̱xũchi namaxã rü guxü̃ma ga yema napatacüã̱xgümaxã rü ta nüxü̃ nixugüe ga Cori ya Tupanaarü ore.
33Rü yematama oragu ga chütacü, rü nüma ga yema poxcupataü̃arü dauruxü̃ nayayauxgü ga norü o̱xrigü ga Pauru rü Chíra. Rü yemawena rü ñu̱xũchi ínabaie wüxigu naxma̱xmaxã rü naxacügümaxã.
34Rü ñu̱xũchi ga nüma ga poxcupataü̃arü dauruxü̃ rü napatawa Pauruxü̃ rü Chíraxü̃ nagagü. Rü õna nüxna naxã rü nataãxẽ ga nüma rü guxü̃ma ga napatacüã̱xgü ta, yerü Tupanaaxü̃́ nayaxõgü.
35Rü moxü̃ãcü pa̱xmama rü yema ĩanearü ãẽ̱xgacügü rü yema poxcupataü̃arü dauruü̃xü̃tawa nanamugü ga purichíagü nax namaxã nüxü̃ yanaxugüxü̃ca̱x nax Pauruxü̃ rü Chíraxü̃ ínamuxü̃xü̃ca̱x.
36Rü yexguma ga yema poxcupataü̃arü dauruxü̃ rü ñanagürü Pauruxü̃: —Ngẽma ãẽ̱xgacügü rü nua nanamugü i ore nax pexü̃ íchamuxü̃xü̃ca̱x. ¡Rü ẽcü ípechoxü̃, rü mea ípixĩ! —ñanagürü.
37Natürü ga Pauru rü ñanagürü nüxü̃ ga yema purichíagü: —Toma nax Rómacüã̱xgü tixĩgüxü̃, rü ngẽma ãẽ̱xgacügü rü tama toxna nacaxíraãcüma toxü̃ nicua̱i̱xgü nape̱xewa i guxü̃ma i duü̃xü̃gü, rü ñu̱xũchi poxcupataü̃gu toxü̃ nawocu. Rü ñu̱xma rü cúãcü toxü̃ ínamuxü̃chaü̃. Rü taxũtáma ngẽmaãcü nixĩ. ¡Rü ẽcü nümatama i ãẽ̱xgacügü núma naxĩ nax nümatama toxü̃ íyamuxü̃xü̃ca̱x! —ñanagürü ga Pauru.
38Rü yexguma ga yema purichíagü rü ãẽ̱xgacügümaxã nüxü̃ nayarüxugüe ga yema ore. Rü poraãcü naba̱i̱xãchie ga yema ãẽ̱xgacügü ga yexguma nüxü̃ naxĩnüegu nax Rómacüã̱xü̃chi yixĩgüxü̃ ga Pauru rü Chíra.
39Rü yéma naxĩ, rü Pauruna rü Chírana nayacagü nax nüxü̃́ nüxü̃ iyanangümaexü̃ca̱x ga yema namaxã naxügüxü̃. Rü ínanamuxü̃, rü nüxü̃ naca̱a̱xü̃gü nax nawa ínachoxü̃xü̃ca̱x ga guma ĩane.
40Rü yexguma poxcupataü̃wa ínachoxü̃gu ga Pauru rü Chíra, rü Lídiapatawa naxĩ. Rü yema yaxõgüxü̃maxã nangutaque̱xegü, rü nayaxucu̱xẽgü, rü Tupanaarü oremaxã nanataãẽxẽẽgü. Rü ñu̱xũchi yemawena rü inaxĩãchi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.