Ngechuchuarü ngúexü̃gü ga yamugüxü̃arü puracüchiga 14
14
Pauru rü Bernabé rü ĩane ga Icóniowa nayexmagü
1Rü Icóniowa rü wüxigu Yudíugüarü ngutaque̱xepataü̃gu nachocu ga Pauru rü Bernabé. Rü meama nüxü̃ nixuchiga ga Tupanaarü ore rü yemaacü nayaxõgü ga muxü̃ma ga duü̃xü̃gü ga Yudíugü rü yema tama Yudíugü ixĩgüxü̃.
2Natürü yema Yudíugü ga tama Ngechuchuaxü̃́ yaxõgüxü̃, rü chixexü̃maxã nayaxucu̱xẽgü ga yema tama Yudíugü ixĩgüxü̃ nax yema yaxõgüxü̃chi naxaiexü̃ca̱x.
3Natürü muxü̃ma ga ngunexü̃ yexma narüchooma ga Pauru rü Bernabé. Rü Corina nayoü̃ãcüma rü tama namuü̃eãcüma duü̃xü̃gümaxã nüxü̃ nixugüeama ga Cori ya Tupanaarü ore ga norü ngechaxü̃chiga. Rü nüma ga Cori rü namaxã nataãẽxü̃ ga yema ore ga Pauru rü Bernabé nüxü̃ ixugüexü̃, rü yemaca̱x nüxna nanaxã ga pora nax naxügüã̱xü̃ca̱x ga cua̱xruü̃gü rü mexü̃gü ga Tupanaarü poramaxã naxügüxü̃.
4Natürü ga gumá ĩanecüã̱x ga duü̃xü̃gü rü nitoye. Rü nümaxü̃ rü yema Yudíugüwaama naxügü rü togü rü Pauru rü Bernabéwaama naxügü.
5Rü yexguma ga yema Yudíugü rü yema tama Yudíugü ixĩgüxü̃, rü guma ĩanearü ãẽ̱xgacügümaxã wüxigu nagu narüxĩnüe nax Pauruxü̃ rü Bernabéxü̃ yayauxgüxü̃ nax nutamaxã ínamuxũchigüãxü̃ca̱x.
6-7Natürü yexguma nüxü̃ nacuáchigagügu ga Pauru rü Bernabé, rü nibuxmü. Rü Licóniaanewa yexmane ga ĩanegü ga Lístrawa rü Dérbewa naxĩ. Rü gumá ĩanegüwa rü ñu̱xũchi gumá ĩanexacügü ga norü ngaicamana yexmagünewa nüxü̃ nixugüetanü ga ore ga mexü̃.
Lístrawa rü nutagümaxã Pauruxü̃ ínamuxũchigü
8-9Rü yéma Lístrawa nayexma ga wüxi ga yatü ga norü bucüma ínapogücutücü. Rü yéma narüto rü inarüxĩnü ga yema Pauru nüxü̃ ixuxü̃ ga ore. Rü Pauru rü meama nüxü̃ nadawenü, rü nüxü̃ nadau nax yaxõõxü̃ nax naxca̱x yataanexü̃ca̱x.
10Rü yexguma ga Pauru rü tagaãcü ñanagürü nüxü̃: —¡Inachi, rü meama ínangacutü! —ñanagürü. Rü yexguma inayuxnagü ga gumá yatü, rü inanaxügü nax iyaxũxü̃.
11Rü yexguma yema muxü̃ma ga duü̃xü̃gü nüxü̃ daugügu ga yema nax naxüxü̃ ga Pauru, rü tagaãcü yema Licóniagawa nidexagü, rü ñanagürügü: —Tupanagü i naduü̃xü̃güraxü̃xü̃ ínarüxĩgü, rü tatanüwa nangugü —ñanagürügü.
12Rü Bernabé rü tupana ga Chéumaxã nanaxüégagü. Rü Pauru rü tupana ga Érmexmaxã nanaxüégagü yerü nüma nixĩ ga yadexaxü̃.
13Rü guma ĩane íxücuxü̃wa nayexma ga tupana ga Chéuarü tupauca. Rü gumá tupaucaarü chacherdóte rü yéma nanagagü ga wocagü ga iyatüxü̃ ga putüramaxã nga̱xãẽgüxü̃. Rü nüma ga chacherdóte rü duü̃xü̃gü rü nanadaixchaü̃ ga yema wocagü naxca̱x ga Pauru rü Bernabé nax yemamaxã nüxü̃ yacua̱xüü̃güxü̃ca̱x.
14Natürü yexguma nüxü̃ yacua̱xãchitanügu ga Bernabé rü Pauru, rü naxchirugu nagáugüe rü yema muxü̃ma ga duü̃xü̃gütanügu nayaxücu, rü ñaxü̃maxã aita naxüe:
15—Pa Yatügüx, ¿tü̱xcüü̃ toxca̱x penaxü i ngẽma? Toma rü pexrüxü̃ duü̃xü̃gümare tixĩgü. Rü nua taxĩ nax pemaxã nüxü̃ tayarüxuxü̃ca̱x nax nüxü̃ perüxoexü̃ca̱x i ngẽma pecüma i taxuwama mexü̃ rü nüxü̃́ peyaxõgüxü̃ca̱x ya Tupana ya Maxü̃cü ga naxücü i daxũguxü̃ i naane, rü ñoma i naane, rü ngẽma már rü guxü̃ma i nawa ngẽxmaxü̃.
16Rü nũxcüma nixĩ ga Tupana ga yáxna namaxã naxĩnüxü̃ ga duü̃xü̃gü ga woo nümagü nanaxwa̱xegüxü̃ naxügügu.
17Natürü nüma ga Tupana rü taguma nüxü̃ narüchau nax duü̃xü̃güxü̃ nangü̃xẽẽxü̃. Rü yemaacü nügü tüxü̃ nacua̱xẽxẽ nax aixcüma Tupana yixĩxü̃ i nümax. Rü nümatama nixĩ i núma namuaxü̃ ya pucü rü mea pexü̃́ nayaexẽẽãxü̃ i penetügü. Rü nüma nixĩ i pexna naxããxü̃ i pewemü nax ngẽmaãcü petaãẽgüxü̃ca̱x —ñanagürügü ga Pauru rü Bernabé.
18Natürü woo yema orexü̃ namaxã nax yaxugüxü̃ rü poraãcü nüxü̃́ naguxcha ga Pauru rü Bernabé nax nüxna nachu̱xgüaxü̃ ga duü̃xü̃gü nax tama naxca̱x nadaiaxü̃ca̱x ga yema wocagü nax yemamaxã nüxü̃ yacua̱xüü̃güxü̃ca̱x.
19Natürü yexgumayane rü ínangugü ga ñuxre ga Yudíugü ga Antioquíawa rü Icóniowa ne ĩxü̃. Rü chixexü̃maxã nayaxucu̱xẽgü ga yema muxü̃ma ga duü̃xü̃gü nax tama Pauruga rü Bernabéga naxĩnüexü̃ca̱x, rü namaxã nanuexü̃ca̱x. Rü yemaca̱x ga yema duü̃xü̃gü rü nutamaxã Pauruxü̃ ínamuxũchigü, rü ĩanearü ĩxpemawa nanatúchigügü, yerü nüma nüxü̃ nacua̱xgügu rü marü nayu.
20Natürü yexguma yema yaxõgüxü̃ naxü̃tawa ngutaque̱xegu, rü inachi ga Pauru, rü wenaxarü nagu naxücu ga guma ĩane. Rü moxü̃ãcü inaxũãchi ga yéma, rü Bernabémaxã Dérbewa naxũ.
21Rü guma ĩanewa nüxü̃ nixugüe ga ore i mexü̃, rü muxü̃ma ga duü̃xü̃gü nayaxõgü. Rü yemawena rü wenaxarü naxca̱x nawoegu ga Lístra, rü Icónio, rü Antioquía.
22Rü gumá ĩanegüwa rü yema yaxõgüxü̃xü̃ nixucu̱xẽgü, rü nüxü̃́ nanangúchaü̃xẽẽgü nax guxü̃guma mea yaxõgüãxü̃ca̱x. Rü namaxã nüxü̃ nixugüe, rü ñanagürügü: —Ngẽma Tupana ãẽ̱xgacü ixĩxü̃wa nax ixücuxü̃ca̱x, rü tanaxwa̱xe i muxü̃ma i guxchaxü̃gümaxã yáxna taxĩnüexü̃ i ñoma i naanewa —ñanagürügü.
23Rü Pauru rü Bernabé rü wüxichigü ga yema yaxõgüxü̃tücumüwa nüxü̃ nixunetatanü ga ñuxre ga yatügü nax yema yaxõgüxü̃arü ãẽ̱xgacügü yixĩgüxü̃ca̱x. Rü tama nachibüeãcüma naxca̱x nayumüxẽgü. Rü yimá Cori ya Tupana ga nüxü̃́ yaxõgüãcüna nanaxuaxü̃gü ga yema yaxõgüxü̃arü ãẽ̱xgacügü.
Pauru rü Bernabé rü naxca̱x nawoegu ga ĩane ga Antioquía ga Chíriaanewa yexmane
24Rü Pichídiaanewa nichopetü, rü Panfíriaanewa nangugü.
25Rü ĩane ga Pérguewa nüxü̃ nixugüe ga Tupanaarü ore, rü ñu̱xũchi ĩane ga Ataríawa naxĩ.
26Rü yéma rü wüxi ga wapurugu nichoü̃ nax gumá Chíriaanewa yexmane ga ĩane ga Antioquíaca̱x nawoeguxü̃ca̱x. Rü guma ĩane ga Antioquíawa nixĩ ga duü̃xü̃gü Tupanaarü ngechaxü̃na namugüxü̃ ga Pauru rü Bernabé nax naxügüã̱xü̃ca̱x ga yema puracü i marü yanguxẽẽgüxü̃.
27Rü yexguma ínangugügu ga Pauru rü Bernabé, rü nanangutaque̱xexẽxẽ ga guxü̃ma ga yema duü̃xü̃gü ga yaxõgüxü̃. Rü namaxã nüxü̃ nixugügü ga guxü̃ma ga ñuxãcü Tupana poraãcü nüxü̃ nax rüngü̃xẽẽxü̃. Rü yexgumarüxü̃ ta namaxã nüxü̃ nixugügü nax yaxõgüãxü̃ ga yema duü̃xü̃gü ga tama Yudíugü ixĩgüxü̃, yerü Tupana nüxü̃́ nanatauxchaxẽxẽ nax yaxõgüãxü̃ca̱x.
28Rü muxü̃ma ga ngunexü̃ yema yaxõgüxü̃tanüwa nayexmagü ga Pauru rü Bernabé.
Currently Selected:
Ngechuchuarü ngúexü̃gü ga yamugüxü̃arü puracüchiga 14: tcaP
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Ngechuchuarü ngúexü̃gü ga yamugüxü̃arü puracüchiga 14
14
Pauru rü Bernabé rü ĩane ga Icóniowa nayexmagü
1Rü Icóniowa rü wüxigu Yudíugüarü ngutaque̱xepataü̃gu nachocu ga Pauru rü Bernabé. Rü meama nüxü̃ nixuchiga ga Tupanaarü ore rü yemaacü nayaxõgü ga muxü̃ma ga duü̃xü̃gü ga Yudíugü rü yema tama Yudíugü ixĩgüxü̃.
2Natürü yema Yudíugü ga tama Ngechuchuaxü̃́ yaxõgüxü̃, rü chixexü̃maxã nayaxucu̱xẽgü ga yema tama Yudíugü ixĩgüxü̃ nax yema yaxõgüxü̃chi naxaiexü̃ca̱x.
3Natürü muxü̃ma ga ngunexü̃ yexma narüchooma ga Pauru rü Bernabé. Rü Corina nayoü̃ãcüma rü tama namuü̃eãcüma duü̃xü̃gümaxã nüxü̃ nixugüeama ga Cori ya Tupanaarü ore ga norü ngechaxü̃chiga. Rü nüma ga Cori rü namaxã nataãẽxü̃ ga yema ore ga Pauru rü Bernabé nüxü̃ ixugüexü̃, rü yemaca̱x nüxna nanaxã ga pora nax naxügüã̱xü̃ca̱x ga cua̱xruü̃gü rü mexü̃gü ga Tupanaarü poramaxã naxügüxü̃.
4Natürü ga gumá ĩanecüã̱x ga duü̃xü̃gü rü nitoye. Rü nümaxü̃ rü yema Yudíugüwaama naxügü rü togü rü Pauru rü Bernabéwaama naxügü.
5Rü yexguma ga yema Yudíugü rü yema tama Yudíugü ixĩgüxü̃, rü guma ĩanearü ãẽ̱xgacügümaxã wüxigu nagu narüxĩnüe nax Pauruxü̃ rü Bernabéxü̃ yayauxgüxü̃ nax nutamaxã ínamuxũchigüãxü̃ca̱x.
6-7Natürü yexguma nüxü̃ nacuáchigagügu ga Pauru rü Bernabé, rü nibuxmü. Rü Licóniaanewa yexmane ga ĩanegü ga Lístrawa rü Dérbewa naxĩ. Rü gumá ĩanegüwa rü ñu̱xũchi gumá ĩanexacügü ga norü ngaicamana yexmagünewa nüxü̃ nixugüetanü ga ore ga mexü̃.
Lístrawa rü nutagümaxã Pauruxü̃ ínamuxũchigü
8-9Rü yéma Lístrawa nayexma ga wüxi ga yatü ga norü bucüma ínapogücutücü. Rü yéma narüto rü inarüxĩnü ga yema Pauru nüxü̃ ixuxü̃ ga ore. Rü Pauru rü meama nüxü̃ nadawenü, rü nüxü̃ nadau nax yaxõõxü̃ nax naxca̱x yataanexü̃ca̱x.
10Rü yexguma ga Pauru rü tagaãcü ñanagürü nüxü̃: —¡Inachi, rü meama ínangacutü! —ñanagürü. Rü yexguma inayuxnagü ga gumá yatü, rü inanaxügü nax iyaxũxü̃.
11Rü yexguma yema muxü̃ma ga duü̃xü̃gü nüxü̃ daugügu ga yema nax naxüxü̃ ga Pauru, rü tagaãcü yema Licóniagawa nidexagü, rü ñanagürügü: —Tupanagü i naduü̃xü̃güraxü̃xü̃ ínarüxĩgü, rü tatanüwa nangugü —ñanagürügü.
12Rü Bernabé rü tupana ga Chéumaxã nanaxüégagü. Rü Pauru rü tupana ga Érmexmaxã nanaxüégagü yerü nüma nixĩ ga yadexaxü̃.
13Rü guma ĩane íxücuxü̃wa nayexma ga tupana ga Chéuarü tupauca. Rü gumá tupaucaarü chacherdóte rü yéma nanagagü ga wocagü ga iyatüxü̃ ga putüramaxã nga̱xãẽgüxü̃. Rü nüma ga chacherdóte rü duü̃xü̃gü rü nanadaixchaü̃ ga yema wocagü naxca̱x ga Pauru rü Bernabé nax yemamaxã nüxü̃ yacua̱xüü̃güxü̃ca̱x.
14Natürü yexguma nüxü̃ yacua̱xãchitanügu ga Bernabé rü Pauru, rü naxchirugu nagáugüe rü yema muxü̃ma ga duü̃xü̃gütanügu nayaxücu, rü ñaxü̃maxã aita naxüe:
15—Pa Yatügüx, ¿tü̱xcüü̃ toxca̱x penaxü i ngẽma? Toma rü pexrüxü̃ duü̃xü̃gümare tixĩgü. Rü nua taxĩ nax pemaxã nüxü̃ tayarüxuxü̃ca̱x nax nüxü̃ perüxoexü̃ca̱x i ngẽma pecüma i taxuwama mexü̃ rü nüxü̃́ peyaxõgüxü̃ca̱x ya Tupana ya Maxü̃cü ga naxücü i daxũguxü̃ i naane, rü ñoma i naane, rü ngẽma már rü guxü̃ma i nawa ngẽxmaxü̃.
16Rü nũxcüma nixĩ ga Tupana ga yáxna namaxã naxĩnüxü̃ ga duü̃xü̃gü ga woo nümagü nanaxwa̱xegüxü̃ naxügügu.
17Natürü nüma ga Tupana rü taguma nüxü̃ narüchau nax duü̃xü̃güxü̃ nangü̃xẽẽxü̃. Rü yemaacü nügü tüxü̃ nacua̱xẽxẽ nax aixcüma Tupana yixĩxü̃ i nümax. Rü nümatama nixĩ i núma namuaxü̃ ya pucü rü mea pexü̃́ nayaexẽẽãxü̃ i penetügü. Rü nüma nixĩ i pexna naxããxü̃ i pewemü nax ngẽmaãcü petaãẽgüxü̃ca̱x —ñanagürügü ga Pauru rü Bernabé.
18Natürü woo yema orexü̃ namaxã nax yaxugüxü̃ rü poraãcü nüxü̃́ naguxcha ga Pauru rü Bernabé nax nüxna nachu̱xgüaxü̃ ga duü̃xü̃gü nax tama naxca̱x nadaiaxü̃ca̱x ga yema wocagü nax yemamaxã nüxü̃ yacua̱xüü̃güxü̃ca̱x.
19Natürü yexgumayane rü ínangugü ga ñuxre ga Yudíugü ga Antioquíawa rü Icóniowa ne ĩxü̃. Rü chixexü̃maxã nayaxucu̱xẽgü ga yema muxü̃ma ga duü̃xü̃gü nax tama Pauruga rü Bernabéga naxĩnüexü̃ca̱x, rü namaxã nanuexü̃ca̱x. Rü yemaca̱x ga yema duü̃xü̃gü rü nutamaxã Pauruxü̃ ínamuxũchigü, rü ĩanearü ĩxpemawa nanatúchigügü, yerü nüma nüxü̃ nacua̱xgügu rü marü nayu.
20Natürü yexguma yema yaxõgüxü̃ naxü̃tawa ngutaque̱xegu, rü inachi ga Pauru, rü wenaxarü nagu naxücu ga guma ĩane. Rü moxü̃ãcü inaxũãchi ga yéma, rü Bernabémaxã Dérbewa naxũ.
21Rü guma ĩanewa nüxü̃ nixugüe ga ore i mexü̃, rü muxü̃ma ga duü̃xü̃gü nayaxõgü. Rü yemawena rü wenaxarü naxca̱x nawoegu ga Lístra, rü Icónio, rü Antioquía.
22Rü gumá ĩanegüwa rü yema yaxõgüxü̃xü̃ nixucu̱xẽgü, rü nüxü̃́ nanangúchaü̃xẽẽgü nax guxü̃guma mea yaxõgüãxü̃ca̱x. Rü namaxã nüxü̃ nixugüe, rü ñanagürügü: —Ngẽma Tupana ãẽ̱xgacü ixĩxü̃wa nax ixücuxü̃ca̱x, rü tanaxwa̱xe i muxü̃ma i guxchaxü̃gümaxã yáxna taxĩnüexü̃ i ñoma i naanewa —ñanagürügü.
23Rü Pauru rü Bernabé rü wüxichigü ga yema yaxõgüxü̃tücumüwa nüxü̃ nixunetatanü ga ñuxre ga yatügü nax yema yaxõgüxü̃arü ãẽ̱xgacügü yixĩgüxü̃ca̱x. Rü tama nachibüeãcüma naxca̱x nayumüxẽgü. Rü yimá Cori ya Tupana ga nüxü̃́ yaxõgüãcüna nanaxuaxü̃gü ga yema yaxõgüxü̃arü ãẽ̱xgacügü.
Pauru rü Bernabé rü naxca̱x nawoegu ga ĩane ga Antioquía ga Chíriaanewa yexmane
24Rü Pichídiaanewa nichopetü, rü Panfíriaanewa nangugü.
25Rü ĩane ga Pérguewa nüxü̃ nixugüe ga Tupanaarü ore, rü ñu̱xũchi ĩane ga Ataríawa naxĩ.
26Rü yéma rü wüxi ga wapurugu nichoü̃ nax gumá Chíriaanewa yexmane ga ĩane ga Antioquíaca̱x nawoeguxü̃ca̱x. Rü guma ĩane ga Antioquíawa nixĩ ga duü̃xü̃gü Tupanaarü ngechaxü̃na namugüxü̃ ga Pauru rü Bernabé nax naxügüã̱xü̃ca̱x ga yema puracü i marü yanguxẽẽgüxü̃.
27Rü yexguma ínangugügu ga Pauru rü Bernabé, rü nanangutaque̱xexẽxẽ ga guxü̃ma ga yema duü̃xü̃gü ga yaxõgüxü̃. Rü namaxã nüxü̃ nixugügü ga guxü̃ma ga ñuxãcü Tupana poraãcü nüxü̃ nax rüngü̃xẽẽxü̃. Rü yexgumarüxü̃ ta namaxã nüxü̃ nixugügü nax yaxõgüãxü̃ ga yema duü̃xü̃gü ga tama Yudíugü ixĩgüxü̃, yerü Tupana nüxü̃́ nanatauxchaxẽxẽ nax yaxõgüãxü̃ca̱x.
28Rü muxü̃ma ga ngunexü̃ yema yaxõgüxü̃tanüwa nayexmagü ga Pauru rü Bernabé.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.