Ngechuchuarü ngúexü̃gü ga yamugüxü̃arü puracüchiga 11
11
Pedru rü Yerucharéü̃wa yexmagüxü̃ ga yaxõgüxü̃maxã nüxü̃ nixu ga yema ngupetüxü̃ ga Checharéawa
1Yema ngúexü̃gü ga Ngechuchu imugüxü̃ rü yema yaxõgüxü̃ ga Yudéagugüxü̃, rü nüxü̃ nacuáchigagü nax yema tama Yudíugü ixĩgüxü̃ rü ta nayauxgüãxü̃ ga Tupanaarü ore.
2Natürü yexguma Yerucharéü̃wa nanguxgu ga Pedru, rü ñuxre ga Yudíugü ga yaxõgüxü̃ rü Pedruchiga nidexagü.
3Rü ñanagürügü: —¿Rü tü̱xcüü̃ natanüwa cuxũ i ngẽma tama Yudíugü ixĩgüxü̃, rü namaxã cuchibü? —ñanagürügü.
4Rü Pedru meama namaxã nüxü̃ nixu ga guxü̃ma ga yema ngupetüxü̃, rü ñanagürü nüxü̃:
5—Choma rü Yópearü ĩanewa chayexma, rü yexguma íchayumüxẽyane, rü chango̱xetü. Rü nüxü̃ chadau ga wüxi ga naxchápenüxü̃rüxü̃ ixĩxü̃ ga norü ãgümücüpe̱xewa ãtüxüxü̃ ga írüchüxüxüexü̃ ñu̱xmata chauxü̃tawa nangu.
6Rü meama nüxü̃ chadawenü nax nüxü̃ chadauxü̃ca̱x nax ta̱xacü yexmaxü̃ ga aixepewa. Rü nüxü̃ chadau ga naeü̃gü ga ixãgümücüparaxü̃ rü naeü̃gü ga idüraexü̃, rü ãxtapegü rü werigü.
7Rü nüxü̃ chaxĩnü ga wüxi ga naga ga choxü̃ ñaxü̃: “¡Inachi! Pa Pedrux. ¡Rü ta ima̱x, rü nangõ̱x!” ñaxü̃.
8Natürü choma chanangãxü̃, rü ñacharügü: “Taxucürüwa nixĩ, Pa Corix, erü taguma chanangõ̱x i ta̱xacü i toxca̱x ãũãchixü̃”, ñacharügü.
9Rü yexguma wenaxarü ñanagürü choxü̃ ga yema naga ga daxũwa inaxũxü̃: “Ngẽma Tupana mexẽxẽxü̃, rü tama name i ãũãchi nüxü̃ cuwogü”, ñanagürü.
10Rü tomaepü̱xcüna yemaacü nangupetü, rü yexguma wenaxarü daxũ nachü̱xüxnagü ga yema naxchápenüxü̃ namaxã ga guxü̃ma ga nawa yexmagüxü̃.
11Rü yexgumatama gumá ĩ ga nawa chayexmanewa nangugü ga tomaepü̱x ga yatügü ga Checharéawa ne mugüxü̃ ga cha̱u̱xca̱x daugüxü̃.
12Rü Tupanaãxẽ ya Üünecü choxü̃ namu nax nawe charüxũxü̃ca̱x woo tama Yudíugü nax yixĩgüxü̃ ga yema duü̃xü̃gü. Rü chomaxã ta yéma naxĩ ga ñaa 6 ga yaxõgüxü̃. Rü napatawa tangugü ga gumá yatü ga Cornériu, rü yexma tachocu.
13Rü tomaxã nüxü̃ nixu nax napatawa nüxü̃ nadauxü̃ ga Tupanaarü orearü ngeruxü̃ ga daxũcüã̱x ga yexma chíxü̃ ga ñaxü̃ nüxü̃: “¡Yópewa namugü i yatügü nax naxca̱x yacagüxü̃ca̱x i Chimóü̃ i Pedrugu ãégaxü̃!
14Rü nüma tá cumaxã nüxü̃ nixu nax ñuxãcü tá cuma rü guxü̃ i cupatacüã̱xmaxã penayaxuxü̃ i maxü̃ i taguma gúxü̃”, ñanagürü ga yema daxũcüã̱x.
15Rü choma ga Pedru rü yexguma ichanaxügügu nax chidexaxü̃, rü nüxna nangu ga Tupanaãxẽ ya Üünecü, yexgumarüxü̃ ga noxri tüxna nanguxgurüxü̃.
16Rü yexguma ga choma rü nüxna chacua̱xãchi ga Cori ya Ngechuchuarü ore ga yexguma ñaxgu: “Aixcüma nixĩ ga Cuáü̃ ga dexáwamare ínabaiü̃xẽẽãxü̃, natürü i pema rü Tupanaãxẽ ya Üünecü tá pexna nangu”, ñaxgu.
17Rü pema nüxü̃ pecua̱x nax ñuxãcü Tupana tüxna nanguxẽẽxü̃ ga Naãxẽ ya Üünecü i yixema nax Cori ya Ngechuchu ya Cristuaxü̃́ yaxõgüxü̃. Rü ñu̱xma nax taxrüxü̃ Tupana yema duü̃xü̃güna nanguxẽẽxü̃ ga Naãxẽ ya Üünecü, ¿rü ñuxũcürüwa i choma i nüxü̃ chaxoxü̃ nax naga chaxĩnüxü̃ ya Tupana? —ñanagürü ga Pedru.
18Rü yexguma yema orexü̃ naxĩnüegu ga yema yaxõgüxü̃ ga Yerucharéü̃cüã̱x, rü nachianegümare. Rü Tupanaxü̃ nicua̱xüü̃gü. Rü ñanagürügü: —Rü ngẽmawa nüxü̃ tacua̱x nax Tupana tüxü̃ dexü̃ ya yíxema woo tama Yudíugü ixĩgüxe. Rü ngẽxguma nüxü̃ tarüxoegu i tümaarü chixexü̃ rü Tupanaca̱x tadaugügu, rü nüma tüxna nanaxã i maxü̃ i taguma gúxü̃ —ñanagürügü.
Yaxõgüxü̃ ga Antioquíawa yexmagüxü̃chiga
19Rü yexguma Estébaü̃ yuxguwena, rü inanaxügüe nax yema yaxõgüxü̃we yangexü̃tanüxü̃. Rü yemaca̱x nügü nawoone. Rü Feníchiawa, rü Chíperewa rü Antioquíawa nabuxmü. Rü yéma nüxü̃ nixugüe ga ore ga mexü̃ ga Ngechuchuchiga. Natürü Yudíugümaxãxicatama nüxü̃ nixugüe ga yema ore rü tama ga togümaxã.
20Natürü yéma Antioquíawa nangugü ta ga ñuxre ga togü ga yaxõgüxü̃ ga Chíperecüã̱x, rü Chirénecüã̱x. Rü nümagü rü yema tama Yudíugü ixĩgüxü̃maxã rü ta nüxü̃ nixugüe ga ore i mexü̃ ga Cori ya Ngechuchuchiga.
21Rü Tupana nüxü̃ narüngü̃xẽxẽ, rü nanaporaexẽxẽ. Rü yemaca̱x muxü̃ma ga yema duü̃xü̃gü rü nüxü̃ narüxoe ga nũxcümaü̃xü̃ ga nacümagü, rü Cori ya Ngechuchuaxü̃́ nayaxõgü.
22Rü yexguma yemaxü̃ nacuáchigagügu ga yema yaxõgüxü̃ ga Yerucharéü̃wa yexmagüxü̃, rü Antioquíawa nanamugü ga Bernabé.
23Rü yexguma yéma nanguxgu ga Bernabé, rü nüxü̃ nadau nax ñuxãcü Tupana nüxü̃ rüngü̃xẽẽxü̃ ga yema yaxõgüxü̃ ga Antioquíacüã̱x, rü poraãcü namaxã nataãxẽ. Rü nayaxucu̱xẽgü ga guxü̃ma nax meama Cori ya Ngechuchuwe naxĩãmaxü̃ca̱x, rü taguma nüxü̃ naxoexü̃ca̱x.
24Yerü nüma ga Bernabé rü wüxi ga yatü ga mecü nixĩ. Rü aixcüma Tupanaãxẽ ya Üünecü rü nawa nayexma. Rü nüma rü napora ga norü õwa. Rü muxũchixü̃ma ga duü̃xü̃gü rü Cori ya Ngechuchuca̱x naxĩ rü nüxü̃́ nayaxõgü.
25Rü yemawena ga Bernabé rü Társuwa naxũ nax Chauruca̱x yadauxü̃ca̱x.
26Rü yexguma nüxü̃ iyangauxgu, rü Antioquíawa nanaga. Rü wüxi ga taunecü wüxiwa yéma nayexmagü namaxã ga yema yaxõgüxü̃. Rü nanangúexẽxẽ ga muxũchixü̃ma ga duü̃xü̃gü. Rü Antioquíawa nixĩ ga inaxügüxü̃ nax Cristutanüxü̃maxã nax naxugüãxü̃ ga yema yaxõgüxü̃.
27Rü yexgumaü̃cüxü Yerucharéü̃wa ne naxĩ ga ñuxre ga Tupanaarü orearü uruü̃gü, rü Antioquíawa naxĩ.
28Rü natanüwa nayexma ga wüxi ga orearü uruxü̃ ga Agábu ga naéga. Rü wüxi ga ngutaque̱xewa rü inachi ga Agábu rü Tupanaãxẽ ya Üünecü nanamu nax yadexaxü̃, rü nüxü̃ nixu nax wüxi i taiya i taxü̃ tá ínguxü̃ i guxü̃ i nachixü̃anegüwa. Rü aixcüma ínangu ga yema taiya ga yexguma Cláudiu rü Rómaarü ãẽ̱xgacü ixĩxgu.
29Rü yexguma ga yema yaxõgüxü̃ ga Antioquíawa yexmagüxü̃, rü marü wüxigu nagu narüxĩnüe nax yéma ngĩxü̃ namugüxü̃ca̱x ga diẽru nax nüxü̃ nangü̃xẽẽgüxü̃ca̱x ga yema yaxõgüxü̃ ga Yudéaanegu ãchiü̃güxü̃. Rü wüxichigü ngĩxü̃ inaxã ga diẽru yexgumarüxü̃ ga ñuxre ga nüxü̃́ yexmacü.
30Rü yemaacü nanaxügü. Rü Bernabé rü Chaurumaxã yéma ngĩxü̃ namugü ga yema diẽru naxca̱x ga yema yaxõgüxü̃arü ãẽ̱xgacügü ga Yudéaanewa yexmagüxü̃.
Currently Selected:
Ngechuchuarü ngúexü̃gü ga yamugüxü̃arü puracüchiga 11: tcaP
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Ngechuchuarü ngúexü̃gü ga yamugüxü̃arü puracüchiga 11
11
Pedru rü Yerucharéü̃wa yexmagüxü̃ ga yaxõgüxü̃maxã nüxü̃ nixu ga yema ngupetüxü̃ ga Checharéawa
1Yema ngúexü̃gü ga Ngechuchu imugüxü̃ rü yema yaxõgüxü̃ ga Yudéagugüxü̃, rü nüxü̃ nacuáchigagü nax yema tama Yudíugü ixĩgüxü̃ rü ta nayauxgüãxü̃ ga Tupanaarü ore.
2Natürü yexguma Yerucharéü̃wa nanguxgu ga Pedru, rü ñuxre ga Yudíugü ga yaxõgüxü̃ rü Pedruchiga nidexagü.
3Rü ñanagürügü: —¿Rü tü̱xcüü̃ natanüwa cuxũ i ngẽma tama Yudíugü ixĩgüxü̃, rü namaxã cuchibü? —ñanagürügü.
4Rü Pedru meama namaxã nüxü̃ nixu ga guxü̃ma ga yema ngupetüxü̃, rü ñanagürü nüxü̃:
5—Choma rü Yópearü ĩanewa chayexma, rü yexguma íchayumüxẽyane, rü chango̱xetü. Rü nüxü̃ chadau ga wüxi ga naxchápenüxü̃rüxü̃ ixĩxü̃ ga norü ãgümücüpe̱xewa ãtüxüxü̃ ga írüchüxüxüexü̃ ñu̱xmata chauxü̃tawa nangu.
6Rü meama nüxü̃ chadawenü nax nüxü̃ chadauxü̃ca̱x nax ta̱xacü yexmaxü̃ ga aixepewa. Rü nüxü̃ chadau ga naeü̃gü ga ixãgümücüparaxü̃ rü naeü̃gü ga idüraexü̃, rü ãxtapegü rü werigü.
7Rü nüxü̃ chaxĩnü ga wüxi ga naga ga choxü̃ ñaxü̃: “¡Inachi! Pa Pedrux. ¡Rü ta ima̱x, rü nangõ̱x!” ñaxü̃.
8Natürü choma chanangãxü̃, rü ñacharügü: “Taxucürüwa nixĩ, Pa Corix, erü taguma chanangõ̱x i ta̱xacü i toxca̱x ãũãchixü̃”, ñacharügü.
9Rü yexguma wenaxarü ñanagürü choxü̃ ga yema naga ga daxũwa inaxũxü̃: “Ngẽma Tupana mexẽxẽxü̃, rü tama name i ãũãchi nüxü̃ cuwogü”, ñanagürü.
10Rü tomaepü̱xcüna yemaacü nangupetü, rü yexguma wenaxarü daxũ nachü̱xüxnagü ga yema naxchápenüxü̃ namaxã ga guxü̃ma ga nawa yexmagüxü̃.
11Rü yexgumatama gumá ĩ ga nawa chayexmanewa nangugü ga tomaepü̱x ga yatügü ga Checharéawa ne mugüxü̃ ga cha̱u̱xca̱x daugüxü̃.
12Rü Tupanaãxẽ ya Üünecü choxü̃ namu nax nawe charüxũxü̃ca̱x woo tama Yudíugü nax yixĩgüxü̃ ga yema duü̃xü̃gü. Rü chomaxã ta yéma naxĩ ga ñaa 6 ga yaxõgüxü̃. Rü napatawa tangugü ga gumá yatü ga Cornériu, rü yexma tachocu.
13Rü tomaxã nüxü̃ nixu nax napatawa nüxü̃ nadauxü̃ ga Tupanaarü orearü ngeruxü̃ ga daxũcüã̱x ga yexma chíxü̃ ga ñaxü̃ nüxü̃: “¡Yópewa namugü i yatügü nax naxca̱x yacagüxü̃ca̱x i Chimóü̃ i Pedrugu ãégaxü̃!
14Rü nüma tá cumaxã nüxü̃ nixu nax ñuxãcü tá cuma rü guxü̃ i cupatacüã̱xmaxã penayaxuxü̃ i maxü̃ i taguma gúxü̃”, ñanagürü ga yema daxũcüã̱x.
15Rü choma ga Pedru rü yexguma ichanaxügügu nax chidexaxü̃, rü nüxna nangu ga Tupanaãxẽ ya Üünecü, yexgumarüxü̃ ga noxri tüxna nanguxgurüxü̃.
16Rü yexguma ga choma rü nüxna chacua̱xãchi ga Cori ya Ngechuchuarü ore ga yexguma ñaxgu: “Aixcüma nixĩ ga Cuáü̃ ga dexáwamare ínabaiü̃xẽẽãxü̃, natürü i pema rü Tupanaãxẽ ya Üünecü tá pexna nangu”, ñaxgu.
17Rü pema nüxü̃ pecua̱x nax ñuxãcü Tupana tüxna nanguxẽẽxü̃ ga Naãxẽ ya Üünecü i yixema nax Cori ya Ngechuchu ya Cristuaxü̃́ yaxõgüxü̃. Rü ñu̱xma nax taxrüxü̃ Tupana yema duü̃xü̃güna nanguxẽẽxü̃ ga Naãxẽ ya Üünecü, ¿rü ñuxũcürüwa i choma i nüxü̃ chaxoxü̃ nax naga chaxĩnüxü̃ ya Tupana? —ñanagürü ga Pedru.
18Rü yexguma yema orexü̃ naxĩnüegu ga yema yaxõgüxü̃ ga Yerucharéü̃cüã̱x, rü nachianegümare. Rü Tupanaxü̃ nicua̱xüü̃gü. Rü ñanagürügü: —Rü ngẽmawa nüxü̃ tacua̱x nax Tupana tüxü̃ dexü̃ ya yíxema woo tama Yudíugü ixĩgüxe. Rü ngẽxguma nüxü̃ tarüxoegu i tümaarü chixexü̃ rü Tupanaca̱x tadaugügu, rü nüma tüxna nanaxã i maxü̃ i taguma gúxü̃ —ñanagürügü.
Yaxõgüxü̃ ga Antioquíawa yexmagüxü̃chiga
19Rü yexguma Estébaü̃ yuxguwena, rü inanaxügüe nax yema yaxõgüxü̃we yangexü̃tanüxü̃. Rü yemaca̱x nügü nawoone. Rü Feníchiawa, rü Chíperewa rü Antioquíawa nabuxmü. Rü yéma nüxü̃ nixugüe ga ore ga mexü̃ ga Ngechuchuchiga. Natürü Yudíugümaxãxicatama nüxü̃ nixugüe ga yema ore rü tama ga togümaxã.
20Natürü yéma Antioquíawa nangugü ta ga ñuxre ga togü ga yaxõgüxü̃ ga Chíperecüã̱x, rü Chirénecüã̱x. Rü nümagü rü yema tama Yudíugü ixĩgüxü̃maxã rü ta nüxü̃ nixugüe ga ore i mexü̃ ga Cori ya Ngechuchuchiga.
21Rü Tupana nüxü̃ narüngü̃xẽxẽ, rü nanaporaexẽxẽ. Rü yemaca̱x muxü̃ma ga yema duü̃xü̃gü rü nüxü̃ narüxoe ga nũxcümaü̃xü̃ ga nacümagü, rü Cori ya Ngechuchuaxü̃́ nayaxõgü.
22Rü yexguma yemaxü̃ nacuáchigagügu ga yema yaxõgüxü̃ ga Yerucharéü̃wa yexmagüxü̃, rü Antioquíawa nanamugü ga Bernabé.
23Rü yexguma yéma nanguxgu ga Bernabé, rü nüxü̃ nadau nax ñuxãcü Tupana nüxü̃ rüngü̃xẽẽxü̃ ga yema yaxõgüxü̃ ga Antioquíacüã̱x, rü poraãcü namaxã nataãxẽ. Rü nayaxucu̱xẽgü ga guxü̃ma nax meama Cori ya Ngechuchuwe naxĩãmaxü̃ca̱x, rü taguma nüxü̃ naxoexü̃ca̱x.
24Yerü nüma ga Bernabé rü wüxi ga yatü ga mecü nixĩ. Rü aixcüma Tupanaãxẽ ya Üünecü rü nawa nayexma. Rü nüma rü napora ga norü õwa. Rü muxũchixü̃ma ga duü̃xü̃gü rü Cori ya Ngechuchuca̱x naxĩ rü nüxü̃́ nayaxõgü.
25Rü yemawena ga Bernabé rü Társuwa naxũ nax Chauruca̱x yadauxü̃ca̱x.
26Rü yexguma nüxü̃ iyangauxgu, rü Antioquíawa nanaga. Rü wüxi ga taunecü wüxiwa yéma nayexmagü namaxã ga yema yaxõgüxü̃. Rü nanangúexẽxẽ ga muxũchixü̃ma ga duü̃xü̃gü. Rü Antioquíawa nixĩ ga inaxügüxü̃ nax Cristutanüxü̃maxã nax naxugüãxü̃ ga yema yaxõgüxü̃.
27Rü yexgumaü̃cüxü Yerucharéü̃wa ne naxĩ ga ñuxre ga Tupanaarü orearü uruü̃gü, rü Antioquíawa naxĩ.
28Rü natanüwa nayexma ga wüxi ga orearü uruxü̃ ga Agábu ga naéga. Rü wüxi ga ngutaque̱xewa rü inachi ga Agábu rü Tupanaãxẽ ya Üünecü nanamu nax yadexaxü̃, rü nüxü̃ nixu nax wüxi i taiya i taxü̃ tá ínguxü̃ i guxü̃ i nachixü̃anegüwa. Rü aixcüma ínangu ga yema taiya ga yexguma Cláudiu rü Rómaarü ãẽ̱xgacü ixĩxgu.
29Rü yexguma ga yema yaxõgüxü̃ ga Antioquíawa yexmagüxü̃, rü marü wüxigu nagu narüxĩnüe nax yéma ngĩxü̃ namugüxü̃ca̱x ga diẽru nax nüxü̃ nangü̃xẽẽgüxü̃ca̱x ga yema yaxõgüxü̃ ga Yudéaanegu ãchiü̃güxü̃. Rü wüxichigü ngĩxü̃ inaxã ga diẽru yexgumarüxü̃ ga ñuxre ga nüxü̃́ yexmacü.
30Rü yemaacü nanaxügü. Rü Bernabé rü Chaurumaxã yéma ngĩxü̃ namugü ga yema diẽru naxca̱x ga yema yaxõgüxü̃arü ãẽ̱xgacügü ga Yudéaanewa yexmagüxü̃.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.