Nüxíraxü̃xü̃ ga popera ga Coríntiuwa yexmagüxü̃ ga yaxõgüxü̃tanüwa namuxü̃ ga Pauru 7
7
Ucu̱xẽgü i ãma̱xchiga rü ãtechiga
1Rü ñu̱xma rü tá pexü̃ changãxü̃ ga yema ãma̱xchiga ga choxna naxca̱x pecaxü̃ ga perü poperawa. Rü narümemae chi nixĩ i noxtacüma tama naxãxma̱x ya yatü.
2Natürü ngẽma nax naxü̃nearü ngúchaü̃ naxügümarexü̃ i duü̃xü̃gü, rü narümemae nixĩ i wüxichigü ya yatü rü naxãmaxü̃, rü wüxichigü i nge rü naxãtexü̃.
3Rü yimá yatü ya ãmacü rü tama name nax naxma̱xna nügü yanuxũxü̃. Rü ngẽma nge i ãtecü rü tama name nax ngĩtena ngĩgü yanuxũxü̃.
4Erü ngẽma nge i ãtecü rü tama ngĩgüxü̃nearü yoratama iyixĩ, erü ngĩte nixĩ ya ngĩxĩnearü yora ixĩcü. Rü ngẽxgumarüxü̃ ta ya ngĩte rü tama nügüxü̃nearü yora nixĩ, erü naxma̱x iyixĩ i naxü̃nearü yora ixĩcü.
5Rü tama name i wüxi ya yatü rü naxma̱xna nügü ninuxũ, rü ẽ̱xna wüxi i ngecü rü ngĩtena ngĩgü iyanuxũ, ega tama nügümaxã namexẽẽãgu nax ñuxre i ngunexü̃ tama nügümaxã namaxẽxü̃ naxca̱x nax nayumüxẽgüxü̃. Rü ngẽmawena rü name nixĩ nax wenaxarü noxrirüxü̃ nügümaxã namaxẽxü̃ nax tama Chataná nüxna ĩnüxü̃ca̱x nax chixexü̃gu nayixẽẽãxü̃ca̱x.
6Rü guxü̃ma i ñaa ore i pemaxã nüxü̃ chixuxü̃ i ãma̱xchiga rü ãtechiga rü tama wüxi i mu nixĩ i ngẽma. Natürü pexü̃ chaxucu̱xẽmare nax ngẽmaãcü mea pemaxẽxü̃ca̱x.
7Rü chomatama nagu charüxĩnü rü chierüx name nixĩ ega choma chamaxü̃xü̃rüxü̃ namaxẽgu i guxü̃ma i duü̃xü̃gü. Natürü Tupana rü wüxichigü i duü̃xü̃na nanaxã i nacüma nax ñuxãcü namaxẽxü̃ca̱x rü ñuxãcü nagu naxĩnüxü̃ca̱x. Rü ngẽmaca̱x tama guxãma tawüxigu.
8Rü ngẽma ngema̱xgüxü̃ rü ngetegüxü̃ rü yutegüxü̃ rü namaxã nüxü̃ chixu rü narümemae nixĩ i chauxrüxü̃ tama naxãxma̱x rü tama naxãte.
9Natürü ngẽxguma wüxi i duü̃xü̃ taxucürüwa naxü̃nearü ngúchaü̃maxã naporagu, rü name nixĩ nax naxãmaxü̃ rü ẽ̱xna naxãtexü̃. Erü narümemae nixĩ i noxtacüma naxãxma̱x rü ẽ̱xna naxãte nax tama naxü̃nearü ngúchaü̃gagu düxwa chixexü̃gu nanguxü̃.
10Natürü yíxema marü ãmaxe rü ãtéxe, rü tümamaxã nüxü̃ chixu nax tama namexü̃ nax tümatexü̃ ítatáxü̃. Rü ngẽma mu rü tórü Coriarü mu nixĩ, rü tama choxrü nixĩ.
11Natürü ngẽxguma chi ngürüãchi wüxi i ngexü̃ natexü̃ íta̱xgu, rü name nixĩ i noxtacüma nangete rü ẽ̱xna wena nateca̱x nataegu. Rü ngẽxgumarüxü̃ ta ya yatü rü tama name i naxma̱xü̃ ínata̱x.
12Rü ñu̱xma rü choxü̃́ nangẽxma i wüxi i ore i tümaca̱x ya yíxema ãmaxe ngĩmaxã i wüxi i nge i tama yaxõ̱xcü. Rü ngẽma ore rü choxrütama nixĩ rü tama tórü Coriarü nixĩ. Rü ngẽxguma wüxi ya yatü ya õcü ngĩmaxã ãma̱xgu i wüxi i nge i tama yaxõ̱xcü, rü tama name i ngĩxü̃ ínata̱x, ega ngĩma rü aixcüma namaxã naxãtechaü̃gu.
13Rü ngẽxguma wüxi i nge i yaxõ̱xcü ãtegu namaxã ya wüxi ya yatü ya tama yaxõcü, rü tama name i íinata̱x ya yimá ngĩte ega nüma ya yimá yatü rü aixcüma ngĩmaxã naxãxma̱xchaü̃gu.
14Rü yimá yatü ya tama yaxõcü, rü naxma̱x i yaxõ̱xcügagu Tupana nüxü̃ nacua̱x. Rü ngẽma ngecü i tama yaxõ̱xcü, rü ngĩte ya yaxõcügagu Tupana ngĩxü̃ nacua̱x. Erü ngẽxguma chi tama ngẽmaãcü yixĩxgu, rü chi ngẽma naxacügü rü Tupanape̱xewa rü duü̃xü̃gü i tama yaxõgüxü̃ãcügürüxü̃ tá nixĩgü. Natürü i ñu̱xma ya naxacügü rü marü Tupana tüxü̃ nacua̱x.
15Natürü ngẽxguma wüxi ya yatü ya tama yaxõcü rü naxma̱xü̃ ítáxchaü̃gu rü ¡noxtacüma ngĩxü̃ ínata̱x! Rü ngẽxgumarüxü̃ ta ega ngẽma ngecü i tama yaxõcü rü ngĩtexü̃ ítáxchaü̃gu, rü ¡noxtacüma ngĩtexü̃ ínata̱x! Rü ngẽxguma yimá yatü ya yaxõcü rü marü name ega wena naxãxma̱xgu. Rü ngẽxgumarüxü̃ ta i ngẽma ngecü i yaxõcü rü marü name ega wena naxãtegu. Erü pema nax peyaxõgüxü̃ rü Tupana pexü̃ nade nax pegü pengechaü̃güxü̃ca̱x.
16¿Rü cumax, Pa Ngecü i Tupanaaxü̃́ Yaxõ̱xcüx, tama ẽ̱xna nüxü̃ cucua̱x rü ngürüãchi cugagu Tupanaaxü̃́ yaxõõxü̃ ya yimá cute? ¿Rü cumax, Pa Yatü i Tupanaaxü̃́ Yaxõ̱xcüx, rü tama ẽ̱xna nüxü̃ cucua̱x rü ngürüãchi cugagu Tupanaaxü̃́ yaxõõxü̃ i ngẽma cuxma̱x?
17Rü ñu̱xma rü pemaxã nüxü̃ chixu rü nüma ga Tupana rü wüxichigü ga duü̃xẽna nanaxã ga tümaarü cua̱x nax tümaarü maxü̃maxã itacuáxü̃ca̱x rü mea tanaxüxü̃ca̱x i ngẽma puracü ga noxri tüxü̃́ yexmaxü̃ ga tauta Tupana tümaca̱x caxgux. Rü ngẽma ngu̱xẽẽtae nixĩ i namaxã chanangúexẽẽxü̃ i guxü̃ma i yaxõgüxü̃ i wüxichigü ya ngutaque̱xepataü̃wa ngẽxmagüxü̃.
18Rü ngẽxguma Tupana naxca̱x caxgux i wüxi i duü̃xü̃ i marü Yudíugürüxü̃ íwiecha̱xmüü̃pe̱xechiraü̃xü̃, rü nüetama nixĩ ega ngẽmaãcütama yixĩxgu. Rü ngẽxguma Tupana nayauxgu i wüxi i duü̃xü̃ i tama íwiecha̱xmüü̃pe̱xechiraü̃xü̃, rü nüetama nixĩ ega ngẽmaãcütama yixĩxgu.
19Erü Tupanape̱xewa rü nüetama nixĩ ega wüxi i duü̃xü̃ rü ínawíecha̱xmüü̃pe̱xechiraü̃gu rü ẽ̱xna tama. Erü ngẽma Tupana aixcüma naxwa̱xexü̃ nixĩ nax naga naxĩnüxü̃ i wüxichigü i duü̃xü̃.
20Rü wüxichigü i duü̃xü̃ rü name nixĩ i nawatama napuracü ga yema puracü ga nüxü̃́ yexmaxü̃ ga yexguma Tupana noxri naxca̱x ca̱xgu.
21Rü yexguma wüxi ga coriarü mugüruxü̃ quixĩyane Tupana cuxca̱x caxgu, rü tama name i ngẽmaca̱x cuxoegaãxẽ. Natürü ngẽxguma cuxü̃́ natauxchagu nax nüxna ícunguxuchixü̃ i ngẽma cori, rü marü name nax ícunguxuchixü̃.
22Rü cuma nax mugüruxü̃ quixĩxü̃ ga yexguma Tupana cuxca̱x caxgux nax nüxü̃́ cuyaxõxü̃ca̱x rü ñu̱xma rü marü cume nax tórü Cori ya Cristuaxü̃́ cupuracüxü̃. Rü cuma nax tama mugüruxü̃ quixĩxü̃ ga yexguma Tupana cuxca̱x caxgux, rü ñu̱xma rü Cristuarü mugüruxü̃ quixĩ.
23Tupana rü marü pexca̱x nataxe rü poraãcü nüxü̃́ petatanü. ¡Rü ngẽmaca̱x i ñu̱xma rü taxũtáma naga pexĩnüe i ngẽma duü̃xü̃gü i wenaxarü ñoma i naanearü ngúchaü̃wa pexü̃ gagüchaü̃xü̃!
24Pa Chauenexẽgüx, name nixĩ i wüxichigü i pema rü mea Tupanape̱xewa penaxüama ga yema puracü ga noxri pexü̃́ yexmaxü̃ ga yexguma Tupana pexca̱x caxgux.
25Rü ñu̱xma rü tá pemaxã nüxü̃ chixu nachiga i ngẽma ngema̱xgüxü̃ rü ngetegüxü̃. Rü tórü Cori ya Ngechuchu rü taxuxü̃ma i mu choxna naxã i ngẽmachiga. Natürü tá pemaxã nüxü̃ chixu i chorü ĩnü. Erü choma nixĩ i wüxi i duü̃xü̃ ga nüxü̃́ changechaü̃tümüü̃ãcüma choxü̃ nayaxuxü̃ ga tórü Cori.
26Rü ngẽma ñu̱xma nüxü̃ idauxü̃ i guxchaxü̃gügagu rü cha̱u̱xca̱x rü chi name i tama nixãma̱x i ngẽma yatügü i ngema̱xgüxü̃.
27Rü ngẽxguma marü cuxãma̱xgu rü tama name i ngĩxü̃ ícuta̱x. Natürü ngẽxguma cungema̱xgu rü name i tama cuxãma̱x.
28Natürü ngẽxguma cuxãma̱xgu rü tama pecadu nixĩ i ngẽma. Rü ngẽxguma wüxi i paxü̃ ãtegu rü tama pecadu nixĩ i ngẽma. Natürü ngẽma ixãma̱xgüxü̃ rü ixãtegüxü̃ rü tá nayexera i norü guxchaxü̃gü i ñoma i naanewa, rü ngẽma nixĩ i tama chanaxwa̱xexü̃ nax nangupetüxü̃.
29Pa Chauenexẽgüx, pemaxã nüxü̃ chixu rü tama muxü̃ i ngunexü̃ tüxü̃́ nangẽxma nax naxüxü̃ca̱x i Tupanaarü puracü. Rü ngẽmaca̱x ya yíxema ixãma̱xgüxe rü name nixĩ i mea tanaxügü i Tupanaarü puracü ñoma tangema̱xgüxü̃rüxü̃.
30Rü yíxema yutanügüxe rü tanaxwa̱xe nax ñoma ítapetaexü̃ãcü tamaxẽxü̃. Rü yixema peta ügüxe rü tanaxwa̱xe nax ñoma tayutanüxü̃ãcü tamaxẽxü̃. Rü yíxema itaxegüxe rü tanaxwa̱xe nax ñoma taxuxü̃ma tüxü̃́ ngẽmaxü̃ãcü tamaxẽxü̃.
31Rü yíxema tüxü̃́ nangẽxmaxẽ i tümaarü ngẽmaxü̃gü i ñoma i naanewa, rü tanaxwa̱xe nax ñoma taxuxü̃ma tüxü̃́ ngẽmaxü̃ãcü tamaxẽxü̃. Erü ñoma i naane i ñu̱xma nüxü̃ idauxü̃ rü paxa tá nagu̱x.
32Rü chanaxwa̱xe nax perü oegaãẽgüwa pexü̃ íchanguxü̃xẽẽxü̃. Rü ngẽxguma wüxi i yatü ngema̱xgu, rü Tupanaarü puracügu narüxĩnü rü nagu narüxĩnü nax Tupanaarü ngúchaü̃ naxüxü̃.
33Natürü ngẽxguma naxãxma̱xgu ya wüxi ya yatü, rü ñoma i naanearü ngẽmaxü̃gü narüxĩnü rü nagu narüxĩnü nax ñuxãcü naxma̱xü̃ nataãẽxẽẽxü̃.
34Rü ngẽxgumarüxü̃ ta nixĩ i ngexü̃gü. Rü ngẽma ngexü̃ i ngetexü̃ rü Tupanaarü puracügu narüxĩnü, erü marü Tupanana nügü naxã rü guxü̃ i ngĩxü̃nemaxã rü ngĩãxẽmaxã naxca̱x imaxü̃. Natürü ngẽma ngexü̃ i ãtéxü̃ rü ñoma i naanearü ngẽmaxü̃gügu narüxĩnü, rü nagu narüxĩnü nax ñuxãcü natexü̃ nataãẽxẽẽxü̃.
35Rü perü mexü̃ca̱x nixĩ i pemaxã nüxü̃ chixuxü̃ i ngẽma, rü tama pexna nax chayanuxuxü̃ca̱x nixĩ. Rü ngẽma ñacharügü nax mea pemaxẽxü̃ca̱x i pemax, rü tauxchaãcü penaxüxü̃ca̱x i tórü Coriarü puracü.
36Rü ngẽxguma texé nagu rüxĩnügu nax tümaxacü rü marü nax napaxü̃, rü tümaca̱x namexgu nax naxãtexü̃, rü marü name i ngĩxü̃ taxüte ega aixcüma tümaca̱x namexgu. Rü ngẽma nax naxãtexü̃ i tümaxacü rü tama pecadu nixĩ.
37Natürü ngẽxguma wüxi i yatü nüxü̃́ nangẽxmagu i norü pacü rü tama nanaxwa̱xegu nax ngĩxü̃ naxütexü̃, rü ngẽma rü ta marü name. Erü naxme̱xwa ingẽxma rü taxuca̱xma texé tanachixewe nax ngĩxü̃ naxütexü̃ca̱x.
38Rü ngẽmawa nüxü̃ tadau rü ngẽma yatü i naxacü ngĩxü̃ ütexü̃ rü mexü̃ naxü. Rü ngẽma yatü i tama naxacü ngĩxü̃ ütexü̃ rü yexeraxü̃ i mexü̃ naxü.
39Rü wüxi i nge i ãtecü rü ngĩteme̱xẽwa ingẽxma i ngẽxguma namaxü̃xgu ya ngĩte. Natürü ngẽxguma nayu̱xgu ya ngĩte, rü marü name ega to i yatü i ngĩma ngĩxü̃́ ngúchaü̃xü̃maxã naxãtegu. Natürü inaxwa̱xe nax wüxi ya yatü ya yaxõcümaxã naxãtexü̃.
40Natürü cha̱u̱xca̱x rü yexeraãcü chi itaãxẽ i ngẽxguma chi taxũchima wena naxãtegu. Rü ngẽma ĩnü rü choxrütama nixĩ, natürü nagu charüxĩnü rü Tupanaãxẽ i Üünexü̃arü ĩnü ta nixĩ.
© 2022, Wycliffe Bible Translators, Inc. All rights reserved.
Nüxíraxü̃xü̃ ga popera ga Coríntiuwa yexmagüxü̃ ga yaxõgüxü̃tanüwa namuxü̃ ga Pauru 7
7
Ucu̱xẽgü i ãma̱xchiga rü ãtechiga
1Rü ñu̱xma rü tá pexü̃ changãxü̃ ga yema ãma̱xchiga ga choxna naxca̱x pecaxü̃ ga perü poperawa. Rü narümemae chi nixĩ i noxtacüma tama naxãxma̱x ya yatü.
2Natürü ngẽma nax naxü̃nearü ngúchaü̃ naxügümarexü̃ i duü̃xü̃gü, rü narümemae nixĩ i wüxichigü ya yatü rü naxãmaxü̃, rü wüxichigü i nge rü naxãtexü̃.
3Rü yimá yatü ya ãmacü rü tama name nax naxma̱xna nügü yanuxũxü̃. Rü ngẽma nge i ãtecü rü tama name nax ngĩtena ngĩgü yanuxũxü̃.
4Erü ngẽma nge i ãtecü rü tama ngĩgüxü̃nearü yoratama iyixĩ, erü ngĩte nixĩ ya ngĩxĩnearü yora ixĩcü. Rü ngẽxgumarüxü̃ ta ya ngĩte rü tama nügüxü̃nearü yora nixĩ, erü naxma̱x iyixĩ i naxü̃nearü yora ixĩcü.
5Rü tama name i wüxi ya yatü rü naxma̱xna nügü ninuxũ, rü ẽ̱xna wüxi i ngecü rü ngĩtena ngĩgü iyanuxũ, ega tama nügümaxã namexẽẽãgu nax ñuxre i ngunexü̃ tama nügümaxã namaxẽxü̃ naxca̱x nax nayumüxẽgüxü̃. Rü ngẽmawena rü name nixĩ nax wenaxarü noxrirüxü̃ nügümaxã namaxẽxü̃ nax tama Chataná nüxna ĩnüxü̃ca̱x nax chixexü̃gu nayixẽẽãxü̃ca̱x.
6Rü guxü̃ma i ñaa ore i pemaxã nüxü̃ chixuxü̃ i ãma̱xchiga rü ãtechiga rü tama wüxi i mu nixĩ i ngẽma. Natürü pexü̃ chaxucu̱xẽmare nax ngẽmaãcü mea pemaxẽxü̃ca̱x.
7Rü chomatama nagu charüxĩnü rü chierüx name nixĩ ega choma chamaxü̃xü̃rüxü̃ namaxẽgu i guxü̃ma i duü̃xü̃gü. Natürü Tupana rü wüxichigü i duü̃xü̃na nanaxã i nacüma nax ñuxãcü namaxẽxü̃ca̱x rü ñuxãcü nagu naxĩnüxü̃ca̱x. Rü ngẽmaca̱x tama guxãma tawüxigu.
8Rü ngẽma ngema̱xgüxü̃ rü ngetegüxü̃ rü yutegüxü̃ rü namaxã nüxü̃ chixu rü narümemae nixĩ i chauxrüxü̃ tama naxãxma̱x rü tama naxãte.
9Natürü ngẽxguma wüxi i duü̃xü̃ taxucürüwa naxü̃nearü ngúchaü̃maxã naporagu, rü name nixĩ nax naxãmaxü̃ rü ẽ̱xna naxãtexü̃. Erü narümemae nixĩ i noxtacüma naxãxma̱x rü ẽ̱xna naxãte nax tama naxü̃nearü ngúchaü̃gagu düxwa chixexü̃gu nanguxü̃.
10Natürü yíxema marü ãmaxe rü ãtéxe, rü tümamaxã nüxü̃ chixu nax tama namexü̃ nax tümatexü̃ ítatáxü̃. Rü ngẽma mu rü tórü Coriarü mu nixĩ, rü tama choxrü nixĩ.
11Natürü ngẽxguma chi ngürüãchi wüxi i ngexü̃ natexü̃ íta̱xgu, rü name nixĩ i noxtacüma nangete rü ẽ̱xna wena nateca̱x nataegu. Rü ngẽxgumarüxü̃ ta ya yatü rü tama name i naxma̱xü̃ ínata̱x.
12Rü ñu̱xma rü choxü̃́ nangẽxma i wüxi i ore i tümaca̱x ya yíxema ãmaxe ngĩmaxã i wüxi i nge i tama yaxõ̱xcü. Rü ngẽma ore rü choxrütama nixĩ rü tama tórü Coriarü nixĩ. Rü ngẽxguma wüxi ya yatü ya õcü ngĩmaxã ãma̱xgu i wüxi i nge i tama yaxõ̱xcü, rü tama name i ngĩxü̃ ínata̱x, ega ngĩma rü aixcüma namaxã naxãtechaü̃gu.
13Rü ngẽxguma wüxi i nge i yaxõ̱xcü ãtegu namaxã ya wüxi ya yatü ya tama yaxõcü, rü tama name i íinata̱x ya yimá ngĩte ega nüma ya yimá yatü rü aixcüma ngĩmaxã naxãxma̱xchaü̃gu.
14Rü yimá yatü ya tama yaxõcü, rü naxma̱x i yaxõ̱xcügagu Tupana nüxü̃ nacua̱x. Rü ngẽma ngecü i tama yaxõ̱xcü, rü ngĩte ya yaxõcügagu Tupana ngĩxü̃ nacua̱x. Erü ngẽxguma chi tama ngẽmaãcü yixĩxgu, rü chi ngẽma naxacügü rü Tupanape̱xewa rü duü̃xü̃gü i tama yaxõgüxü̃ãcügürüxü̃ tá nixĩgü. Natürü i ñu̱xma ya naxacügü rü marü Tupana tüxü̃ nacua̱x.
15Natürü ngẽxguma wüxi ya yatü ya tama yaxõcü rü naxma̱xü̃ ítáxchaü̃gu rü ¡noxtacüma ngĩxü̃ ínata̱x! Rü ngẽxgumarüxü̃ ta ega ngẽma ngecü i tama yaxõcü rü ngĩtexü̃ ítáxchaü̃gu, rü ¡noxtacüma ngĩtexü̃ ínata̱x! Rü ngẽxguma yimá yatü ya yaxõcü rü marü name ega wena naxãxma̱xgu. Rü ngẽxgumarüxü̃ ta i ngẽma ngecü i yaxõcü rü marü name ega wena naxãtegu. Erü pema nax peyaxõgüxü̃ rü Tupana pexü̃ nade nax pegü pengechaü̃güxü̃ca̱x.
16¿Rü cumax, Pa Ngecü i Tupanaaxü̃́ Yaxõ̱xcüx, tama ẽ̱xna nüxü̃ cucua̱x rü ngürüãchi cugagu Tupanaaxü̃́ yaxõõxü̃ ya yimá cute? ¿Rü cumax, Pa Yatü i Tupanaaxü̃́ Yaxõ̱xcüx, rü tama ẽ̱xna nüxü̃ cucua̱x rü ngürüãchi cugagu Tupanaaxü̃́ yaxõõxü̃ i ngẽma cuxma̱x?
17Rü ñu̱xma rü pemaxã nüxü̃ chixu rü nüma ga Tupana rü wüxichigü ga duü̃xẽna nanaxã ga tümaarü cua̱x nax tümaarü maxü̃maxã itacuáxü̃ca̱x rü mea tanaxüxü̃ca̱x i ngẽma puracü ga noxri tüxü̃́ yexmaxü̃ ga tauta Tupana tümaca̱x caxgux. Rü ngẽma ngu̱xẽẽtae nixĩ i namaxã chanangúexẽẽxü̃ i guxü̃ma i yaxõgüxü̃ i wüxichigü ya ngutaque̱xepataü̃wa ngẽxmagüxü̃.
18Rü ngẽxguma Tupana naxca̱x caxgux i wüxi i duü̃xü̃ i marü Yudíugürüxü̃ íwiecha̱xmüü̃pe̱xechiraü̃xü̃, rü nüetama nixĩ ega ngẽmaãcütama yixĩxgu. Rü ngẽxguma Tupana nayauxgu i wüxi i duü̃xü̃ i tama íwiecha̱xmüü̃pe̱xechiraü̃xü̃, rü nüetama nixĩ ega ngẽmaãcütama yixĩxgu.
19Erü Tupanape̱xewa rü nüetama nixĩ ega wüxi i duü̃xü̃ rü ínawíecha̱xmüü̃pe̱xechiraü̃gu rü ẽ̱xna tama. Erü ngẽma Tupana aixcüma naxwa̱xexü̃ nixĩ nax naga naxĩnüxü̃ i wüxichigü i duü̃xü̃.
20Rü wüxichigü i duü̃xü̃ rü name nixĩ i nawatama napuracü ga yema puracü ga nüxü̃́ yexmaxü̃ ga yexguma Tupana noxri naxca̱x ca̱xgu.
21Rü yexguma wüxi ga coriarü mugüruxü̃ quixĩyane Tupana cuxca̱x caxgu, rü tama name i ngẽmaca̱x cuxoegaãxẽ. Natürü ngẽxguma cuxü̃́ natauxchagu nax nüxna ícunguxuchixü̃ i ngẽma cori, rü marü name nax ícunguxuchixü̃.
22Rü cuma nax mugüruxü̃ quixĩxü̃ ga yexguma Tupana cuxca̱x caxgux nax nüxü̃́ cuyaxõxü̃ca̱x rü ñu̱xma rü marü cume nax tórü Cori ya Cristuaxü̃́ cupuracüxü̃. Rü cuma nax tama mugüruxü̃ quixĩxü̃ ga yexguma Tupana cuxca̱x caxgux, rü ñu̱xma rü Cristuarü mugüruxü̃ quixĩ.
23Tupana rü marü pexca̱x nataxe rü poraãcü nüxü̃́ petatanü. ¡Rü ngẽmaca̱x i ñu̱xma rü taxũtáma naga pexĩnüe i ngẽma duü̃xü̃gü i wenaxarü ñoma i naanearü ngúchaü̃wa pexü̃ gagüchaü̃xü̃!
24Pa Chauenexẽgüx, name nixĩ i wüxichigü i pema rü mea Tupanape̱xewa penaxüama ga yema puracü ga noxri pexü̃́ yexmaxü̃ ga yexguma Tupana pexca̱x caxgux.
25Rü ñu̱xma rü tá pemaxã nüxü̃ chixu nachiga i ngẽma ngema̱xgüxü̃ rü ngetegüxü̃. Rü tórü Cori ya Ngechuchu rü taxuxü̃ma i mu choxna naxã i ngẽmachiga. Natürü tá pemaxã nüxü̃ chixu i chorü ĩnü. Erü choma nixĩ i wüxi i duü̃xü̃ ga nüxü̃́ changechaü̃tümüü̃ãcüma choxü̃ nayaxuxü̃ ga tórü Cori.
26Rü ngẽma ñu̱xma nüxü̃ idauxü̃ i guxchaxü̃gügagu rü cha̱u̱xca̱x rü chi name i tama nixãma̱x i ngẽma yatügü i ngema̱xgüxü̃.
27Rü ngẽxguma marü cuxãma̱xgu rü tama name i ngĩxü̃ ícuta̱x. Natürü ngẽxguma cungema̱xgu rü name i tama cuxãma̱x.
28Natürü ngẽxguma cuxãma̱xgu rü tama pecadu nixĩ i ngẽma. Rü ngẽxguma wüxi i paxü̃ ãtegu rü tama pecadu nixĩ i ngẽma. Natürü ngẽma ixãma̱xgüxü̃ rü ixãtegüxü̃ rü tá nayexera i norü guxchaxü̃gü i ñoma i naanewa, rü ngẽma nixĩ i tama chanaxwa̱xexü̃ nax nangupetüxü̃.
29Pa Chauenexẽgüx, pemaxã nüxü̃ chixu rü tama muxü̃ i ngunexü̃ tüxü̃́ nangẽxma nax naxüxü̃ca̱x i Tupanaarü puracü. Rü ngẽmaca̱x ya yíxema ixãma̱xgüxe rü name nixĩ i mea tanaxügü i Tupanaarü puracü ñoma tangema̱xgüxü̃rüxü̃.
30Rü yíxema yutanügüxe rü tanaxwa̱xe nax ñoma ítapetaexü̃ãcü tamaxẽxü̃. Rü yixema peta ügüxe rü tanaxwa̱xe nax ñoma tayutanüxü̃ãcü tamaxẽxü̃. Rü yíxema itaxegüxe rü tanaxwa̱xe nax ñoma taxuxü̃ma tüxü̃́ ngẽmaxü̃ãcü tamaxẽxü̃.
31Rü yíxema tüxü̃́ nangẽxmaxẽ i tümaarü ngẽmaxü̃gü i ñoma i naanewa, rü tanaxwa̱xe nax ñoma taxuxü̃ma tüxü̃́ ngẽmaxü̃ãcü tamaxẽxü̃. Erü ñoma i naane i ñu̱xma nüxü̃ idauxü̃ rü paxa tá nagu̱x.
32Rü chanaxwa̱xe nax perü oegaãẽgüwa pexü̃ íchanguxü̃xẽẽxü̃. Rü ngẽxguma wüxi i yatü ngema̱xgu, rü Tupanaarü puracügu narüxĩnü rü nagu narüxĩnü nax Tupanaarü ngúchaü̃ naxüxü̃.
33Natürü ngẽxguma naxãxma̱xgu ya wüxi ya yatü, rü ñoma i naanearü ngẽmaxü̃gü narüxĩnü rü nagu narüxĩnü nax ñuxãcü naxma̱xü̃ nataãẽxẽẽxü̃.
34Rü ngẽxgumarüxü̃ ta nixĩ i ngexü̃gü. Rü ngẽma ngexü̃ i ngetexü̃ rü Tupanaarü puracügu narüxĩnü, erü marü Tupanana nügü naxã rü guxü̃ i ngĩxü̃nemaxã rü ngĩãxẽmaxã naxca̱x imaxü̃. Natürü ngẽma ngexü̃ i ãtéxü̃ rü ñoma i naanearü ngẽmaxü̃gügu narüxĩnü, rü nagu narüxĩnü nax ñuxãcü natexü̃ nataãẽxẽẽxü̃.
35Rü perü mexü̃ca̱x nixĩ i pemaxã nüxü̃ chixuxü̃ i ngẽma, rü tama pexna nax chayanuxuxü̃ca̱x nixĩ. Rü ngẽma ñacharügü nax mea pemaxẽxü̃ca̱x i pemax, rü tauxchaãcü penaxüxü̃ca̱x i tórü Coriarü puracü.
36Rü ngẽxguma texé nagu rüxĩnügu nax tümaxacü rü marü nax napaxü̃, rü tümaca̱x namexgu nax naxãtexü̃, rü marü name i ngĩxü̃ taxüte ega aixcüma tümaca̱x namexgu. Rü ngẽma nax naxãtexü̃ i tümaxacü rü tama pecadu nixĩ.
37Natürü ngẽxguma wüxi i yatü nüxü̃́ nangẽxmagu i norü pacü rü tama nanaxwa̱xegu nax ngĩxü̃ naxütexü̃, rü ngẽma rü ta marü name. Erü naxme̱xwa ingẽxma rü taxuca̱xma texé tanachixewe nax ngĩxü̃ naxütexü̃ca̱x.
38Rü ngẽmawa nüxü̃ tadau rü ngẽma yatü i naxacü ngĩxü̃ ütexü̃ rü mexü̃ naxü. Rü ngẽma yatü i tama naxacü ngĩxü̃ ütexü̃ rü yexeraxü̃ i mexü̃ naxü.
39Rü wüxi i nge i ãtecü rü ngĩteme̱xẽwa ingẽxma i ngẽxguma namaxü̃xgu ya ngĩte. Natürü ngẽxguma nayu̱xgu ya ngĩte, rü marü name ega to i yatü i ngĩma ngĩxü̃́ ngúchaü̃xü̃maxã naxãtegu. Natürü inaxwa̱xe nax wüxi ya yatü ya yaxõcümaxã naxãtexü̃.
40Natürü cha̱u̱xca̱x rü yexeraãcü chi itaãxẽ i ngẽxguma chi taxũchima wena naxãtegu. Rü ngẽma ĩnü rü choxrütama nixĩ, natürü nagu charüxĩnü rü Tupanaãxẽ i Üünexü̃arü ĩnü ta nixĩ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.