ROMA 8
8
Idup ngen Roh
1Awei'oba uyo coa ade hukuman utuk tobo'o de ade neak lem Kristus Yesus. 2Roh, de melei idup bi mbebas udi lem Kristus kunei hukum duso ngen hukum maut. 3Sebab jano de coa mukin nea hukum agamo Yahudi kerno ite manusio lemah, bi nea Allah. Ngen mbo Anok-Ne su'ang lem tabi'at manusio, de serai ngen manusio de beduso, utuk mapus duso. 4Allah menea o supayo hukum agamo Yahudi ade neak lem dirai ite, de coa idup temurut tabi'at manusio, tapi temurut Roh Allah. 5Sebab tobo'o de idup temurut tabi'at manusio, bogoa meker hal-hal kunei tabi'at manusio, tapi tobo'o de idup temurut Roh Allah, meker hal-hal kunei Roh Allah. 6Kerno kelok tabi'at manusio adeba maut, tapi kelok Roh Allah adeba idup ngen damoi sejahtera. 7Sebab kelok temurut tabi'at manusio adeba musuak teadep Allah, kerno si coa takhluk ngen hukum Allah, hal yo memang coa mukin bagiakne. 8Tobo'o de idup lem tabi'at manusio, coa mukin semnang Allah.
9Tapi udi coa idup lem tabi'at manusio, tapi lem Roh, amen nien Roh Allah diem neak lem udi. Tapi amen tun coa temuan Roh Kristus, si iso de Kristus temuan. 10Tapi amen Kristus ade neak lem udi, mako awok memang matei kerno duso, tapi Roh adeba kehidupan kerno kebenaran. 11#1Kor. 3:16 Ngen amen Roh Allah, de sudo midup igai Yesus kunei antaro tun matei, tinggea neak lem udi, mako Si, de sudo midup igai Kristus Yesus kunei antaro tun matei, bakea midup kulo awoknu de fana o ngen Roh-Ne, de ade neak lem udi.
12Jijai, saudaro-saudaro, ite adeba tun de temuan tanggung jawab, tapi iso ngen tabi'at manusio, supayo idup temurut tabi'at manusio. 13Sebab, amen udi idup temurut tabi'at manusio, udi bakea matei; tapi amen ngen Roh udi munuak plep-plep awoknu, udi bakea idup. 14Kute tun, de nipin Roh Allah, adeba anok-anok Allah. 15#Mrk. 14:36 #Gal. 4:5-7 Sebab udi coa temimo roh budok de menea udi jijai saben igai, tapi udi bi temimo Roh de jemijai udi anok-anok Allah. Ngen Roh o ite menggang, “ya Abba, ya Bapa!” 16Roh o saksai besamo-samo ngen roh ite, bahwo ite adeba anok-anok Allah. 17Ngen amen ite adeba anok, mako ite kulo adeba ahli waris, maksudne tun-tun de temuan hok temimo janjai-janjai Allah, de bakea temimone besamo-samo ngen Kristus, adeba amen ite saro besamo-samo ngen Si, supayo ite kulo jijai mulio besamo-samo ngen Si.
Kemuliaan de kekal
18Sebab uku yakin, bahwo saro zaman uyo yo coa dapet nebanding ngen kemuliaan de bakea nelei ngen ite.
19Sebab ngen kembiak indau kute makhluk mbot waktaune anok-anok Allah kenten. 20#Kej. 3:17-19 Kerno kute makhluk bi aleak ngen sesio, iso ngen kelokne su'ang, tapi kelok Allah, de sudo maleakne. 21Kunyau awei o masiak ade harapan, kerno makhluk o su'ang kulo bakea bebas kunei kuaso maut ngen dimuliakan besamo anok-anok Allah.
22Seba ite namen, bahwo sapei uyo kute makhluk samo-samo gerunyam ngen samo-samo meding gis waktau melaher. 23#2Kor. 5:2-4 Ngen iso cuma tobo'o bae, tapi ite de sudo temimo karunio pertamo Roh Allah, ite kulo gerunyam lem atei ite samo mbot pengangkatan sebagai anok, adeba pembebasan awok ite. 24Sebab ite senlamat lem pengharapan. Tapi pengharapan de kenliak, iso pengharapan igai; sebab awei ipe tun masiak ma'ep jano de kenliakne? 25Tapi amen ite ma'ep jano de coa ite kemliak, ite mbotne ngen sabar.
26Awei o kulo Roh temulung ite lem kelemahan ite, sebab ite coa namen, awei ipe sebeneane harus bedu'o, tapi Roh su'ang bedu'o utuk ite ngen Allah, ngen keluhan-keluhan de coa tekadeak. 27Ngen Allah de semlidik atei nurani, namen maksud Roh o, adeba bahwo si, sesuai ngen kelok Allah, bedu'o utuk tun-tun sucai.
28Ite namen uyo, bahwo Allah kulo kerjo lem kute sesuaktau utuk mbin kebaikan utuk tobo'o de mengasihi Si, adeba utuk tobo'o de nok-Ne sesuai ngen rencano Allah. 29Sebab kute tun de niliak-Ne kunei semulo, tobo'o kulo tentau-Ne kunei semulo utuk jijai serai ngen gambaran Anok-Ne, kunyau Si, Anok-Ne o, jijai de pertamo neak antaro dau saudaro. 30Ngen tobo'o de tentau-Ne kunei semulo, tobo'o kulo nok-Ne. Ngen tobo'o de nok-Ne, tobo'o kulo benea-Ne. Ngen tobo'o de benea-Ne, tobo'o kulo mulia-Ne.
Kasiak Allah liwet Yesus Kristus
31Sebab o jano de bakea ite nadeak tetang kutene o? Amen Allah neak pihak ite, api de bakea melawen ite? 32Si, de coa sayang ngen Anok-Ne su'ang, tapi de semreak-Ne utuk ite kute, awei ipe mukin Si coa melei karunio kute sesuaktau ngen ite besamo-samo ngen Si? 33Api de bakea gemugat tun-tun piliak Allah? Allah, de benea tobo'o? Api de bakea mukum tobo'o? 34Kristus Yesus, de sudo matei? Bahkan lebiak igai, de sudo idup igai, de kulo temot neak peak kanen Allah, de malah jijai Pembela ite? 35Api de bakea cem'ei ite kunei kasih Kristus? Penindasan, saro, sikso, nyemen, beleseng, bahayo, atau pedang? 36#Mzm. 44:23 Awei ade tetulis:
“Kerno Ko, keme ade lem bahayo maut selamone.
Keme bi nanggap sebagai kurban-kurban sembeliak.”
37Tapi lem kutene o ite lebiak kunei tun-tun de menang, kerno Si de sudo mengasihi ite. 38Sebab uku yakin, bahwo baik maut, atau idup, baik malaikat-malaikat, atau pemeriteak-pemeriteak, baik de ade uyo, atau de bakea teko, 39atau kuaso-kuaso, baik de neak das, atau neak beak, atau sesuaktau makhluk luyen, coa bakea dapet cem'ei ite kunei kasih Allah, de ade lem Kristus Yesus, Tuhan ite.
Currently Selected:
ROMA 8: REJ
Highlight
Copy
Compare
Share
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
ROMA 8
8
Idup ngen Roh
1Awei'oba uyo coa ade hukuman utuk tobo'o de ade neak lem Kristus Yesus. 2Roh, de melei idup bi mbebas udi lem Kristus kunei hukum duso ngen hukum maut. 3Sebab jano de coa mukin nea hukum agamo Yahudi kerno ite manusio lemah, bi nea Allah. Ngen mbo Anok-Ne su'ang lem tabi'at manusio, de serai ngen manusio de beduso, utuk mapus duso. 4Allah menea o supayo hukum agamo Yahudi ade neak lem dirai ite, de coa idup temurut tabi'at manusio, tapi temurut Roh Allah. 5Sebab tobo'o de idup temurut tabi'at manusio, bogoa meker hal-hal kunei tabi'at manusio, tapi tobo'o de idup temurut Roh Allah, meker hal-hal kunei Roh Allah. 6Kerno kelok tabi'at manusio adeba maut, tapi kelok Roh Allah adeba idup ngen damoi sejahtera. 7Sebab kelok temurut tabi'at manusio adeba musuak teadep Allah, kerno si coa takhluk ngen hukum Allah, hal yo memang coa mukin bagiakne. 8Tobo'o de idup lem tabi'at manusio, coa mukin semnang Allah.
9Tapi udi coa idup lem tabi'at manusio, tapi lem Roh, amen nien Roh Allah diem neak lem udi. Tapi amen tun coa temuan Roh Kristus, si iso de Kristus temuan. 10Tapi amen Kristus ade neak lem udi, mako awok memang matei kerno duso, tapi Roh adeba kehidupan kerno kebenaran. 11#1Kor. 3:16 Ngen amen Roh Allah, de sudo midup igai Yesus kunei antaro tun matei, tinggea neak lem udi, mako Si, de sudo midup igai Kristus Yesus kunei antaro tun matei, bakea midup kulo awoknu de fana o ngen Roh-Ne, de ade neak lem udi.
12Jijai, saudaro-saudaro, ite adeba tun de temuan tanggung jawab, tapi iso ngen tabi'at manusio, supayo idup temurut tabi'at manusio. 13Sebab, amen udi idup temurut tabi'at manusio, udi bakea matei; tapi amen ngen Roh udi munuak plep-plep awoknu, udi bakea idup. 14Kute tun, de nipin Roh Allah, adeba anok-anok Allah. 15#Mrk. 14:36 #Gal. 4:5-7 Sebab udi coa temimo roh budok de menea udi jijai saben igai, tapi udi bi temimo Roh de jemijai udi anok-anok Allah. Ngen Roh o ite menggang, “ya Abba, ya Bapa!” 16Roh o saksai besamo-samo ngen roh ite, bahwo ite adeba anok-anok Allah. 17Ngen amen ite adeba anok, mako ite kulo adeba ahli waris, maksudne tun-tun de temuan hok temimo janjai-janjai Allah, de bakea temimone besamo-samo ngen Kristus, adeba amen ite saro besamo-samo ngen Si, supayo ite kulo jijai mulio besamo-samo ngen Si.
Kemuliaan de kekal
18Sebab uku yakin, bahwo saro zaman uyo yo coa dapet nebanding ngen kemuliaan de bakea nelei ngen ite.
19Sebab ngen kembiak indau kute makhluk mbot waktaune anok-anok Allah kenten. 20#Kej. 3:17-19 Kerno kute makhluk bi aleak ngen sesio, iso ngen kelokne su'ang, tapi kelok Allah, de sudo maleakne. 21Kunyau awei o masiak ade harapan, kerno makhluk o su'ang kulo bakea bebas kunei kuaso maut ngen dimuliakan besamo anok-anok Allah.
22Seba ite namen, bahwo sapei uyo kute makhluk samo-samo gerunyam ngen samo-samo meding gis waktau melaher. 23#2Kor. 5:2-4 Ngen iso cuma tobo'o bae, tapi ite de sudo temimo karunio pertamo Roh Allah, ite kulo gerunyam lem atei ite samo mbot pengangkatan sebagai anok, adeba pembebasan awok ite. 24Sebab ite senlamat lem pengharapan. Tapi pengharapan de kenliak, iso pengharapan igai; sebab awei ipe tun masiak ma'ep jano de kenliakne? 25Tapi amen ite ma'ep jano de coa ite kemliak, ite mbotne ngen sabar.
26Awei o kulo Roh temulung ite lem kelemahan ite, sebab ite coa namen, awei ipe sebeneane harus bedu'o, tapi Roh su'ang bedu'o utuk ite ngen Allah, ngen keluhan-keluhan de coa tekadeak. 27Ngen Allah de semlidik atei nurani, namen maksud Roh o, adeba bahwo si, sesuai ngen kelok Allah, bedu'o utuk tun-tun sucai.
28Ite namen uyo, bahwo Allah kulo kerjo lem kute sesuaktau utuk mbin kebaikan utuk tobo'o de mengasihi Si, adeba utuk tobo'o de nok-Ne sesuai ngen rencano Allah. 29Sebab kute tun de niliak-Ne kunei semulo, tobo'o kulo tentau-Ne kunei semulo utuk jijai serai ngen gambaran Anok-Ne, kunyau Si, Anok-Ne o, jijai de pertamo neak antaro dau saudaro. 30Ngen tobo'o de tentau-Ne kunei semulo, tobo'o kulo nok-Ne. Ngen tobo'o de nok-Ne, tobo'o kulo benea-Ne. Ngen tobo'o de benea-Ne, tobo'o kulo mulia-Ne.
Kasiak Allah liwet Yesus Kristus
31Sebab o jano de bakea ite nadeak tetang kutene o? Amen Allah neak pihak ite, api de bakea melawen ite? 32Si, de coa sayang ngen Anok-Ne su'ang, tapi de semreak-Ne utuk ite kute, awei ipe mukin Si coa melei karunio kute sesuaktau ngen ite besamo-samo ngen Si? 33Api de bakea gemugat tun-tun piliak Allah? Allah, de benea tobo'o? Api de bakea mukum tobo'o? 34Kristus Yesus, de sudo matei? Bahkan lebiak igai, de sudo idup igai, de kulo temot neak peak kanen Allah, de malah jijai Pembela ite? 35Api de bakea cem'ei ite kunei kasih Kristus? Penindasan, saro, sikso, nyemen, beleseng, bahayo, atau pedang? 36#Mzm. 44:23 Awei ade tetulis:
“Kerno Ko, keme ade lem bahayo maut selamone.
Keme bi nanggap sebagai kurban-kurban sembeliak.”
37Tapi lem kutene o ite lebiak kunei tun-tun de menang, kerno Si de sudo mengasihi ite. 38Sebab uku yakin, bahwo baik maut, atau idup, baik malaikat-malaikat, atau pemeriteak-pemeriteak, baik de ade uyo, atau de bakea teko, 39atau kuaso-kuaso, baik de neak das, atau neak beak, atau sesuaktau makhluk luyen, coa bakea dapet cem'ei ite kunei kasih Allah, de ade lem Kristus Yesus, Tuhan ite.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)