ROMA 11
11
Allah baik atei te'adep umat Israel
1 #
Flp. 3:5
Mako uku betanye: Jano mukin Allah bi coa temimo umat-Ne? Coa samo sekilai! Kerno uku su'ang kulo tun Israel, kunei royot Abraham, kunei sukau Benyamin. 2Allah iso coa temimo umat-Ne de niliak-Ne. Atau udi coa namen, jano de nadeak Kiteb Sucai tetang Elia, waktau si ngadau Israel ngen Allah: 3#1Raj. 19:10 “Tuhan, nebai-nebai-Nu bi tobo'o munuak, mezbah-mezbah-Nu bi tobo'o majaune; cuma uku su'ang diraiba de masiak idup ngen tobo'o lok mok nyabaiku.” 4#1Raj. 19:18 Tapi, awei ipe firman Allah ngen si? Jemawab Allah, “Uku masiak teminggea tujuak ribau tun bagiak-Ku, de coa perneak sujud nyembeak Diwo Baal.” 5Awei o kulo pado waktau yo ade tinggea do sisa, temurut pilihan kasih karunio. 6Tapi amen hal o tejijai kerno kasih karunio, mako iso igai kerno plep, sebab amen coa awei o, mako kasih karunio o iso igai kasih karunio.
7Jijai awei ipe? Israel coa dapet jano de nesoane, tapi tun-tun de terpiliak bi dapetne. Ngen tun-tun de luyenne bi teguak ateine. 8#Ul. 29:4; Yes. 29:10 Awei ade tetulis, “Allah bi menea tobo'o tidua teklep, melei matai utuk coa ngeliak ngen ti'uk utuk coa temi'uk, sapei ngen bilai uyo yo.” 9#Mzm. 69:23-24 Ngen Daud madeak:
“Kunyauba pesta-pesta tobo'o jijai tanjoa
penyesatan ngen balasan utuk tobo'o.
10Ngen kunyauba matai tobo'o jijai kelem, sehinggo tobo'o coa ngeliak,
ngen neaba kedong tobo'o bogoa bukuk.”
11Mako uku betanye: Jano tobo'o tatuk ngen harus us? Coa samo sekilai! Tapi kerno pelanggaran tobo'o, keselamatan bi sapei ngen bangso-bangso luyen, supayo menea tobo'o nyebu'au. 12Sebab amen pelanggaran tobo'o temuan tai kekayaan bagiak dunio, ngen kekurangan tobo'o kekayaan bagiak bangso-bangso luyen, lebiak-lebiak igai kesempurnaan tobo'o.
Bangso de iso Yahudi selamat
13Uku madeak ngen udi, hoi bangso-bangso iso Yahudi. Justru kerno uku adeba rasul utuk bangso-bangso iso Yahudi, uku kembiak mego tugas ku. 14Uku ma'ep tun-tun do bangsoku bakea kidek atei sehinggo ngen awei yo pa'ok kunei tobo'o dapet selamat. 15Kerno Allah coa temimo tobo'o, mako hubungan dunio ngen Allah jijai baik igai, jano igai amen tobo'o tenimo Allah! Paset bae do'o serai awei tun matei idup igai!
16Amen ruti de pertamo adeba sucai, mako kute adonan kulo sucai, ngen amen balet pun adeba sucai, mako dan-danne kulo sucai. 17Kerno o amen kekedau dan bi natiak ngen udi sebagai sping bi cenakuk neak antarone ngen dapet bagian lem balet pun zaitun de penuak geteak, 18jibeakba udi bangga teadep dan-dan o! Amen udi bangga, tingetba, bahwo iso udi de melei mbuk balet o, tapi balet o de melei kembuk udi.
19Mukin udi bakea madeak: “Ade dan-dan de natiak, supayo uku bi cenakuk neak antarone sebagai sping.” 20Baikba! Tobo'o natiak kerno tobo'o coa pecayo, ngen udi idup kerno imen. Jibeakba udi ombong, tapi sabenba! 21Sebab amen Allah coa sayang ngen dan-dan asli, Si kulo coa bakea sayang ngen udi. 22Sebab o kemliakba kemurahan Allah ngen kulo kekerasan-Ne, adeba kekerasan teadep tun-tun de sudo us, tapi das udi kemurahan-Ne, adeba amen udi tep lem kemurahan-Ne; amen coa, udi kulo coa bakea tentok. 23Tapi tobo'o kulo bakea bi cenakuk igai, amen tobo'o coa tep coa pecayo, sebab Allah bekuaso utuk cemakuk tobo'o igai. 24Sebab amen udi bi tentok sebagai dan kunei pun zaitun liar, ngen belawen ngen keadaannu o udi bi cenakuk neak pun zaitun sejati, lebiak igai tobo'o yo, de temurut asal tobo'o bakea cenakuk neak pun zaitun tobo'o su'ang.
Belas kasiak Allah te'adep kute umat manusia
25Sebab, saudaro-saudaro, supayo udi jibeak manggap dirainu pacok, uku lok udi namen resio yo: Pa'o kunei Israel bi jijai telok atei sapei jumleak de penuak kunei bangso-bangso luyen bi masuk. 26#Yes. 59:20 Ngen awei o kute Israel bakea senlamat, awei ade tetulis,
“Kunei Sion bakea teko Rajo Semlamat;
Si bakea semikir kute kejahatan kunei anok-anok Yakub.
27 #
Yer. 31:33-34
Ngen dioba janjai-Ku ngen tobo'o,
amen Uku mapus duso tobo'o.”
28Kerno tun Yahudi coa lok temimo Bito Baik kunei Allah, mako tobo'o jijai musuak Allah; justru do'o jijai utung utuk Saudaro-saudaro de iso Yahudi. Tapi kerno piliak Allah, mako tun-tun Yahudi o tep Allah kasihi utuk ninik puyang tobo'o. 29Sebab amen Allah miliak tun ngen memberkati tun o, Allah coa perneak mbuye jano de sudo nea ne. 30Sebab serai awei udi bel'o coa taat ngen Allah, tapi uyo dapet kemurahan kerno tun Yahudi coa taat. 31Awei o kulo tobo'o uyo coa taat, supayo kerno kemurahan de sudo udi dapet, tobo'o kulo bakea dapet kemurahan. 32Sebab Allah bi kem'ung kute tun lem ketidaktaatan, supayo Si dapet kemten kemurahan-Ne das tobo'o kute.
Pujian ngen Allah
33 #
Yes. 55:8
Padeak hebatne kekayaan, hikmat ngen pengetahuan Allah! Sungguak coa dapet senlidik keputusan-Ne ngen sungguak coa dapet ngertai dalen-dalen-Ne!
34 #
Yes. 40:13
Sebab, api de namen pekeran Tuhan?
Atau api de perneak jijai penasehat-Ne?
35Atau api de perneak melei sesuaktau ngen-Si,
sehinggo Si harus gemiteine?
36 #
1Kor. 8:6
Allah de menea kute sesuaktau. Kutene kunei Allah. Kutene utuk Allah. Tepujaiba Allah utuk selamo-lamone! Amin.
Currently Selected:
ROMA 11: REJ
Highlight
Copy
Compare
Share
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
ROMA 11
11
Allah baik atei te'adep umat Israel
1 #
Flp. 3:5
Mako uku betanye: Jano mukin Allah bi coa temimo umat-Ne? Coa samo sekilai! Kerno uku su'ang kulo tun Israel, kunei royot Abraham, kunei sukau Benyamin. 2Allah iso coa temimo umat-Ne de niliak-Ne. Atau udi coa namen, jano de nadeak Kiteb Sucai tetang Elia, waktau si ngadau Israel ngen Allah: 3#1Raj. 19:10 “Tuhan, nebai-nebai-Nu bi tobo'o munuak, mezbah-mezbah-Nu bi tobo'o majaune; cuma uku su'ang diraiba de masiak idup ngen tobo'o lok mok nyabaiku.” 4#1Raj. 19:18 Tapi, awei ipe firman Allah ngen si? Jemawab Allah, “Uku masiak teminggea tujuak ribau tun bagiak-Ku, de coa perneak sujud nyembeak Diwo Baal.” 5Awei o kulo pado waktau yo ade tinggea do sisa, temurut pilihan kasih karunio. 6Tapi amen hal o tejijai kerno kasih karunio, mako iso igai kerno plep, sebab amen coa awei o, mako kasih karunio o iso igai kasih karunio.
7Jijai awei ipe? Israel coa dapet jano de nesoane, tapi tun-tun de terpiliak bi dapetne. Ngen tun-tun de luyenne bi teguak ateine. 8#Ul. 29:4; Yes. 29:10 Awei ade tetulis, “Allah bi menea tobo'o tidua teklep, melei matai utuk coa ngeliak ngen ti'uk utuk coa temi'uk, sapei ngen bilai uyo yo.” 9#Mzm. 69:23-24 Ngen Daud madeak:
“Kunyauba pesta-pesta tobo'o jijai tanjoa
penyesatan ngen balasan utuk tobo'o.
10Ngen kunyauba matai tobo'o jijai kelem, sehinggo tobo'o coa ngeliak,
ngen neaba kedong tobo'o bogoa bukuk.”
11Mako uku betanye: Jano tobo'o tatuk ngen harus us? Coa samo sekilai! Tapi kerno pelanggaran tobo'o, keselamatan bi sapei ngen bangso-bangso luyen, supayo menea tobo'o nyebu'au. 12Sebab amen pelanggaran tobo'o temuan tai kekayaan bagiak dunio, ngen kekurangan tobo'o kekayaan bagiak bangso-bangso luyen, lebiak-lebiak igai kesempurnaan tobo'o.
Bangso de iso Yahudi selamat
13Uku madeak ngen udi, hoi bangso-bangso iso Yahudi. Justru kerno uku adeba rasul utuk bangso-bangso iso Yahudi, uku kembiak mego tugas ku. 14Uku ma'ep tun-tun do bangsoku bakea kidek atei sehinggo ngen awei yo pa'ok kunei tobo'o dapet selamat. 15Kerno Allah coa temimo tobo'o, mako hubungan dunio ngen Allah jijai baik igai, jano igai amen tobo'o tenimo Allah! Paset bae do'o serai awei tun matei idup igai!
16Amen ruti de pertamo adeba sucai, mako kute adonan kulo sucai, ngen amen balet pun adeba sucai, mako dan-danne kulo sucai. 17Kerno o amen kekedau dan bi natiak ngen udi sebagai sping bi cenakuk neak antarone ngen dapet bagian lem balet pun zaitun de penuak geteak, 18jibeakba udi bangga teadep dan-dan o! Amen udi bangga, tingetba, bahwo iso udi de melei mbuk balet o, tapi balet o de melei kembuk udi.
19Mukin udi bakea madeak: “Ade dan-dan de natiak, supayo uku bi cenakuk neak antarone sebagai sping.” 20Baikba! Tobo'o natiak kerno tobo'o coa pecayo, ngen udi idup kerno imen. Jibeakba udi ombong, tapi sabenba! 21Sebab amen Allah coa sayang ngen dan-dan asli, Si kulo coa bakea sayang ngen udi. 22Sebab o kemliakba kemurahan Allah ngen kulo kekerasan-Ne, adeba kekerasan teadep tun-tun de sudo us, tapi das udi kemurahan-Ne, adeba amen udi tep lem kemurahan-Ne; amen coa, udi kulo coa bakea tentok. 23Tapi tobo'o kulo bakea bi cenakuk igai, amen tobo'o coa tep coa pecayo, sebab Allah bekuaso utuk cemakuk tobo'o igai. 24Sebab amen udi bi tentok sebagai dan kunei pun zaitun liar, ngen belawen ngen keadaannu o udi bi cenakuk neak pun zaitun sejati, lebiak igai tobo'o yo, de temurut asal tobo'o bakea cenakuk neak pun zaitun tobo'o su'ang.
Belas kasiak Allah te'adep kute umat manusia
25Sebab, saudaro-saudaro, supayo udi jibeak manggap dirainu pacok, uku lok udi namen resio yo: Pa'o kunei Israel bi jijai telok atei sapei jumleak de penuak kunei bangso-bangso luyen bi masuk. 26#Yes. 59:20 Ngen awei o kute Israel bakea senlamat, awei ade tetulis,
“Kunei Sion bakea teko Rajo Semlamat;
Si bakea semikir kute kejahatan kunei anok-anok Yakub.
27 #
Yer. 31:33-34
Ngen dioba janjai-Ku ngen tobo'o,
amen Uku mapus duso tobo'o.”
28Kerno tun Yahudi coa lok temimo Bito Baik kunei Allah, mako tobo'o jijai musuak Allah; justru do'o jijai utung utuk Saudaro-saudaro de iso Yahudi. Tapi kerno piliak Allah, mako tun-tun Yahudi o tep Allah kasihi utuk ninik puyang tobo'o. 29Sebab amen Allah miliak tun ngen memberkati tun o, Allah coa perneak mbuye jano de sudo nea ne. 30Sebab serai awei udi bel'o coa taat ngen Allah, tapi uyo dapet kemurahan kerno tun Yahudi coa taat. 31Awei o kulo tobo'o uyo coa taat, supayo kerno kemurahan de sudo udi dapet, tobo'o kulo bakea dapet kemurahan. 32Sebab Allah bi kem'ung kute tun lem ketidaktaatan, supayo Si dapet kemten kemurahan-Ne das tobo'o kute.
Pujian ngen Allah
33 #
Yes. 55:8
Padeak hebatne kekayaan, hikmat ngen pengetahuan Allah! Sungguak coa dapet senlidik keputusan-Ne ngen sungguak coa dapet ngertai dalen-dalen-Ne!
34 #
Yes. 40:13
Sebab, api de namen pekeran Tuhan?
Atau api de perneak jijai penasehat-Ne?
35Atau api de perneak melei sesuaktau ngen-Si,
sehinggo Si harus gemiteine?
36 #
1Kor. 8:6
Allah de menea kute sesuaktau. Kutene kunei Allah. Kutene utuk Allah. Tepujaiba Allah utuk selamo-lamone! Amin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)