YAKOBUS 3
3
Dileak manusio
1Saudaro-saudaro! Jibeakba dau tun kunei udi de lok jijai guau. Udi namen ite de jijai guau bakea hukum temurut ukuran de lebiak benek kunei tun luyen. 2Ite kute cet menea saleak. Tapi tun de coa perneak menea saleak ngen kecek-kecekne, si tun de sempurno, de dapet kemuaso kute diraine. 3Amen ite mpek tilai moi bibia kudo supayo si temurut kelok ite, mako si dapet kemuaso kute awok kudo o. 4Mokba kulo kepea sebagai contoh. Kunyau kepea adeba sesuaktau de kembiak lai ngen nembin angin de lai, tapi si kenuaso kemudi de kembiak titik, temurut kelok tun de mbin kepea. 5Awei o kulo ngen dileak ite; kunyau dileak ite o titik, tapi si dapet ombong tetang hal-hal de lai.
Pekerba padeak laine imbo dapet nembem nge opoi de kemliak titik! 6Dileak serai ngen opoi. Neak awok ite, si adeba sumber kejahatan de sembea kejahatan neak kute dirai ite. Ngen opoi de kunei nerako, si mbem kute idup ite. 7Kute mecem benatang buas, burung, benatang makok ngen kan dapet jinok, ngen sudo kulo jeninok manusio. 8Tapi dileak manusio coa dapet jeninok suang tun kulo. Dileak o kidek ngen coa dapet kenuaso; penuak ngen acun de nea matei. 9#Kej. 1:26 Ite makeine utuk madeak mokasiak ngen Tuhan, Bapa ite, tapi kulo utuk semupeak sesamo manusio de sudo cenipto temurut rupo Allah. 10Kunei bibia de serai kelua kecek-kecek mokasiak ngen kulo kecek-kecek supeak. Seharusne coa awei o! 11Jano ade matai bioa de ngeluea bioa tawea ngen bioa pet kunei matai bioa de serai? 12Saudaro-saudaroku, pun ara coa dapet masea bueak zaitun, pun aggur coa dapet maseak bueak ara. Matai bioa de mesin coa dapet kulo ngeluea bioa tawea.
Kebijaksanaan de teko kunei das
13Amen neak antaro udi ade tun de bijaksana ngen baik, lokba si kemtenne ngen idup baik, menea hal-hal de baik, de senerto rendeak atei ngen bijaksana. 14Tapi amen udi nyebuau, gis atei ngen meker dirai su'ang, jibeakba ombong ngen kebijaksanaan o, kerno ngen o udi ngike melawen kebenaran kunei Allah. 15Kebijaksanaan de awei o asalne iso kunei surgo. Si asalne kunei dunio, kunei nafsu manusio ngen kunei Iblis! 16Neak ipe ade nyebuau ngen sipet meker dirai su'ang, neak di kulo ade kekacauan ngen kute mecem perbuatan de kidek. 17Tapi tun de temuan kebijaksanaan de kunei das adeba pertamo-tamo sucai, sesudo'o galok damoi, rama ngen penurut. Si penuak ngen asai ibo ngen masea perbuatan-perbuatan de baik. Si coa berpihok ngen coa munafik. 18Memang kebaikan adeba asea kunei biniak damoi de tembea tun de cito damoi!
Currently Selected:
YAKOBUS 3: REJ
Highlight
Copy
Compare
Share
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
YAKOBUS 3
3
Dileak manusio
1Saudaro-saudaro! Jibeakba dau tun kunei udi de lok jijai guau. Udi namen ite de jijai guau bakea hukum temurut ukuran de lebiak benek kunei tun luyen. 2Ite kute cet menea saleak. Tapi tun de coa perneak menea saleak ngen kecek-kecekne, si tun de sempurno, de dapet kemuaso kute diraine. 3Amen ite mpek tilai moi bibia kudo supayo si temurut kelok ite, mako si dapet kemuaso kute awok kudo o. 4Mokba kulo kepea sebagai contoh. Kunyau kepea adeba sesuaktau de kembiak lai ngen nembin angin de lai, tapi si kenuaso kemudi de kembiak titik, temurut kelok tun de mbin kepea. 5Awei o kulo ngen dileak ite; kunyau dileak ite o titik, tapi si dapet ombong tetang hal-hal de lai.
Pekerba padeak laine imbo dapet nembem nge opoi de kemliak titik! 6Dileak serai ngen opoi. Neak awok ite, si adeba sumber kejahatan de sembea kejahatan neak kute dirai ite. Ngen opoi de kunei nerako, si mbem kute idup ite. 7Kute mecem benatang buas, burung, benatang makok ngen kan dapet jinok, ngen sudo kulo jeninok manusio. 8Tapi dileak manusio coa dapet jeninok suang tun kulo. Dileak o kidek ngen coa dapet kenuaso; penuak ngen acun de nea matei. 9#Kej. 1:26 Ite makeine utuk madeak mokasiak ngen Tuhan, Bapa ite, tapi kulo utuk semupeak sesamo manusio de sudo cenipto temurut rupo Allah. 10Kunei bibia de serai kelua kecek-kecek mokasiak ngen kulo kecek-kecek supeak. Seharusne coa awei o! 11Jano ade matai bioa de ngeluea bioa tawea ngen bioa pet kunei matai bioa de serai? 12Saudaro-saudaroku, pun ara coa dapet masea bueak zaitun, pun aggur coa dapet maseak bueak ara. Matai bioa de mesin coa dapet kulo ngeluea bioa tawea.
Kebijaksanaan de teko kunei das
13Amen neak antaro udi ade tun de bijaksana ngen baik, lokba si kemtenne ngen idup baik, menea hal-hal de baik, de senerto rendeak atei ngen bijaksana. 14Tapi amen udi nyebuau, gis atei ngen meker dirai su'ang, jibeakba ombong ngen kebijaksanaan o, kerno ngen o udi ngike melawen kebenaran kunei Allah. 15Kebijaksanaan de awei o asalne iso kunei surgo. Si asalne kunei dunio, kunei nafsu manusio ngen kunei Iblis! 16Neak ipe ade nyebuau ngen sipet meker dirai su'ang, neak di kulo ade kekacauan ngen kute mecem perbuatan de kidek. 17Tapi tun de temuan kebijaksanaan de kunei das adeba pertamo-tamo sucai, sesudo'o galok damoi, rama ngen penurut. Si penuak ngen asai ibo ngen masea perbuatan-perbuatan de baik. Si coa berpihok ngen coa munafik. 18Memang kebaikan adeba asea kunei biniak damoi de tembea tun de cito damoi!
@ LAI 2011 Indonesian Bible Society (Lembaga Alkitab Indonesia)