EFESUS 3
3
Kerjo Paulus utuk tun iso Yahudi
1Do'oba sebabne uku, Paulus, nasuk sel kerno Kristus Yesus utuk kepetingan tun-tun iso Yahudi. 2Memang udi bi temi'uk bahwo Allah, kerno atei-Ne baik, bi melei ngen uku tugas yo utuk kepetingannu. 3Allah melei namen resio rencano-Ne ngen uku, awei de uku temulis neak das ngen siket. 4#Kol. 1:26-27 Amen udi mbacone, udi dapet namen resio tetang Kristus awei de uku mahamne. 5De pado zaman tun-tun bel'o coa nelei namen ngen anok-anok manusio, tapi uyo Roh Allah bi melei namenne ngen rasul-rasul ngen nebai-nebai-Ne. 6Resio o adeba: Liwet Bito Baik o, tun iso Yahudi milau jijai ahli-ahli waris ngen anggota-anggota awok ngen milau temimo jano de jenanjai Allah liwet Kristus Yesus. 7Kunei Bito Baik o uku bi jijai pelayanne temurut pelei anugerah Allah, de nelei ngen uku liwet kuaso Allah de kerjo neak lem diraiku. 8Neak antaro kute umat Allah, ukuba de kebiak hino. Tapi Allah melei karunio o ngen uku, utuk melei namen ngen tun-tun iso Yahudi Bito Baik tetang kekayaan Kristus de coa pakei abis, 9ngen utuk menea kute tun namen awei ipe Allah, pencipta alam semesta yo, kemerjo rencano-Ne de sejok bel'o nunyin-Ne ngen dunio. 10Maksud Allah adeba supayo uyo, liwet jemaat, kute de megong kuaso neak surgo namen kebijaksanaan Allah lem kute mecem bentukne. 11Allah menea o sesuoi ngen rencano-Ne ngen perantara Kristus Yesus Tuhante. 12Pecayo ngen Kristus ngen jijai do ngen-Si, ite nelei kebebasan utuk ma'ok Allah ngen penuak kepercayaan. 13Sebab o, uku minoi ngen udi, jibeakba khawatir tetang kesaroku kerno udi, sebab kutene o utuk kebaikannu.
Kasiak Kristus
14Do'oba sebabne uku sujud neak adep Bapa. 15Kunei Siba tiep keluargo neak surgo ngen neak bumai temimo gen-Ne. 16Uku bedu'o semoga Allah de maho mulio kemuet batinnu ngen Roh-Ne. 17Sehinggo kerno udi pecayo ngen Kristus, Kristus tinggea neak lem ateinu das dasar ngen kenuaso neak lem kasiak. 18Uku bedu'o, supayo udi besamo-samo ngen kute umat Allah dapet paham, padeak libeane ngen panjangne serto lekatne ngen lemne kasih Kristus, 19de ngen akea manusio coa dapet naham nien. Semoga udi namen kasiak Kristus o, sehinggo udi penuak ngen kepribadian Allah de sempurno. 20Allah dapet nea lebiak dau kunei pado de ite demu'o atau ite neker, awei kuaso Allah de giat bekerjo neak lem diraite. 21Lokba Allah dimuliakan tu'un temu'un neak lem jemaat, liwet Kristus Yesus. Tepujaiba Allah utuk selamo-lamone. Amin.
Currently Selected:
EFESUS 3: REJ
Highlight
Copy
Compare
Share
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
EFESUS 3
3
Kerjo Paulus utuk tun iso Yahudi
1Do'oba sebabne uku, Paulus, nasuk sel kerno Kristus Yesus utuk kepetingan tun-tun iso Yahudi. 2Memang udi bi temi'uk bahwo Allah, kerno atei-Ne baik, bi melei ngen uku tugas yo utuk kepetingannu. 3Allah melei namen resio rencano-Ne ngen uku, awei de uku temulis neak das ngen siket. 4#Kol. 1:26-27 Amen udi mbacone, udi dapet namen resio tetang Kristus awei de uku mahamne. 5De pado zaman tun-tun bel'o coa nelei namen ngen anok-anok manusio, tapi uyo Roh Allah bi melei namenne ngen rasul-rasul ngen nebai-nebai-Ne. 6Resio o adeba: Liwet Bito Baik o, tun iso Yahudi milau jijai ahli-ahli waris ngen anggota-anggota awok ngen milau temimo jano de jenanjai Allah liwet Kristus Yesus. 7Kunei Bito Baik o uku bi jijai pelayanne temurut pelei anugerah Allah, de nelei ngen uku liwet kuaso Allah de kerjo neak lem diraiku. 8Neak antaro kute umat Allah, ukuba de kebiak hino. Tapi Allah melei karunio o ngen uku, utuk melei namen ngen tun-tun iso Yahudi Bito Baik tetang kekayaan Kristus de coa pakei abis, 9ngen utuk menea kute tun namen awei ipe Allah, pencipta alam semesta yo, kemerjo rencano-Ne de sejok bel'o nunyin-Ne ngen dunio. 10Maksud Allah adeba supayo uyo, liwet jemaat, kute de megong kuaso neak surgo namen kebijaksanaan Allah lem kute mecem bentukne. 11Allah menea o sesuoi ngen rencano-Ne ngen perantara Kristus Yesus Tuhante. 12Pecayo ngen Kristus ngen jijai do ngen-Si, ite nelei kebebasan utuk ma'ok Allah ngen penuak kepercayaan. 13Sebab o, uku minoi ngen udi, jibeakba khawatir tetang kesaroku kerno udi, sebab kutene o utuk kebaikannu.
Kasiak Kristus
14Do'oba sebabne uku sujud neak adep Bapa. 15Kunei Siba tiep keluargo neak surgo ngen neak bumai temimo gen-Ne. 16Uku bedu'o semoga Allah de maho mulio kemuet batinnu ngen Roh-Ne. 17Sehinggo kerno udi pecayo ngen Kristus, Kristus tinggea neak lem ateinu das dasar ngen kenuaso neak lem kasiak. 18Uku bedu'o, supayo udi besamo-samo ngen kute umat Allah dapet paham, padeak libeane ngen panjangne serto lekatne ngen lemne kasih Kristus, 19de ngen akea manusio coa dapet naham nien. Semoga udi namen kasiak Kristus o, sehinggo udi penuak ngen kepribadian Allah de sempurno. 20Allah dapet nea lebiak dau kunei pado de ite demu'o atau ite neker, awei kuaso Allah de giat bekerjo neak lem diraite. 21Lokba Allah dimuliakan tu'un temu'un neak lem jemaat, liwet Kristus Yesus. Tepujaiba Allah utuk selamo-lamone. Amin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)