KISAH RASUL-RASUL 3
3
Petrus kema'en tun pakuak
1Pado suaktau bilai Petrus ngen Yohanes lalau moi Bait Allah jam telau pelbeak, adeba waktau tun bedu'o. 2Neak di ade suang semanei de pakuak kunei laherne sehinggo si arus nusung. Tiep bilai tun o mpek pa'ok bang Bait Allah, genne “Gerbang Ba'es”, utuk minoi sedekeak ngen tun-tun de masuk moi lem Bait Allah. 3Waktau tun o kemliak bahwo Petrus ngen Yohanes lok masuk moi Bait Allah, si minoi sedekeak. 4Tobo'o kemliak si, ngen Petrus madeak, “Keliakba keme.” 5Lajau tun pakuak kemliak Petrus ngen Yohanes ngen harapan bakea dapet sesuaktau kunei tobo'o. 6Tapi Petrus madeak, “Mas ngen pirok coa ade ngen uku, tapi jano de uku temuan, uku nelei ngenko: Ngen kuaso Yesus Kristus tun Nazaret o, paneuba!” 7Lajau Petrus megong tangen kanen tun o ngen temulung si je. Waktau o kulo kuetba kekea ngen matai kekea tun o. 8Si melupat je lajau paneu moi ipe bae ngen temotoa tobo'o moi lem Bait Allah, samo paneu ngen melupat-lupat serto mujai Allah. 9Kute tun kemliak si paneu samo mujai Allah. 10Lajau tobo'o kemnal si awei tun de biasone temot minoi sedekeak neak “Gerbang Ba'es Bait Allah”, sehinggo tobo'o takjub ngen tebene tetang jano de sudo tejijai ngen si.
Khotbah Petrus neak lem Bait Allah
11Kerno tun o tep temotoa Petrus ngen Yohanes, mako kute tun dau de kebiak selle o teko gemlung tobo'o neak latet Bait Allah de senbut Salomo. 12Waktau Petrus kemliak hal o, si madeak ngen tun dau o, “Hoi tun Israel, getai udi selle tetang hal o ngen getai udi kemliak keme awei keme menea tun yo paneu kerno kuaso, atau kerno keme taat ngen Allah. 13#Kel. 3:15 Allah Abraham, Ishak ngen Yakub, Allah ninik puyang ite bi mulio Hamba-Ne, adeba Yesus de udi senreak ngen tulok neak adep Pilatus, kunyau Pilatus mutus utuk melpas Si. 14#Mat. 27:15-23; Mrk. 15:6-14; Luk. 23:13-23; Yoh. 19:12-15 Tapi udi bi temulok De Sucai ngen Benea, ngen lok tukang munuak utuk hadiah ngen udi. 15Udi bi munuak perintis kehidupan, tapi Allah bi midup igai Si kunei antaro tun matei, ngen tetang hal o keme adeba saksai. 16Kerno kepercayaan ngen Gen Yesus, mako Gen o kemuet tun de udi kemliak ngen kemnal yo; kepercayaan o bi melei tun yo ka'en neak adep udi kutene.
17Pasuak-pasuak! Uyo uku namen bahwo jano de ko ngen pemipin-pemipinnu menea te'adep Yesus, do'o udi menea kerno udi coa namen jano de udi gidong nea. 18Kerno'oba tejijai kulo jano de sudo Allah melei namen bel o liwet kute nebai-nebai-Ne, bahwo Rajo Penyelamat de jenanjai o arus mendrita. 19Kerno o pasuak-pasuak, tobatba kunei duso-dusonu ngen belekba ngen Allah, supayo si mapus duso-dusonu. 20Tuhan bakea teko ngen ko ngen udi bakea meding kesegaran rohani. Ngen Tuhan bakea meluak Yesus teko ngen ko, kerno si sudo tentau ngen Allah jijai Rajo Penyelamat utuknu. 21Si arus tinggea neak surgo sapei Allah jemijai kutene belau awei de nadeak Allah liwet nebai-nebai-Ne waktau zaman bel o. 22#Ul. 18:15, 18-19 Musa perneak madeak, ‘Tuhan Allah bakea mutus ngen ko suang nebai kunei bangsonu suang, awei Si mutus uku, Udi arus temi'uk kute de nadeak nebai o ngen ko. 23Tun de coa temi'uk jano de nadeak nebai o, tun o bakea senikir kunei umat Allah ngen benaso.’ 24Nebai-nebai de perneak semapei bito kunei Allah, muloi kunei Nebai Samuel ngen nebai-nebai luyenne de teko sesudo'o, kutene melei namen tetang zaman yo. 25#Kej. 22:18 Janjai-janjai kunei Allah de senapei nebai-nebai adeba utuk pasuak-pasuak. Lem janjai de Allah nea ngen ninik puyangnu, Allah madeak ngen Abraham awei yo kunei, ‘Royotnu Uku bakea memberkati kute bangso neak bumai.’ Janjai o adeba utuk udi kulo. 26Do'o sebabne Allah miliak Hambo-Ne, lajau meluak Si teko ngen udi lebiak dute, supayo Si berkat udi. Ca'one Si berkat adeba ngen menea pasuak-pasuak kute betobat kunei ca'o idupnu de kidek.”
Currently Selected:
KISAH RASUL-RASUL 3: REJ
Highlight
Copy
Compare
Share
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
KISAH RASUL-RASUL 3
3
Petrus kema'en tun pakuak
1Pado suaktau bilai Petrus ngen Yohanes lalau moi Bait Allah jam telau pelbeak, adeba waktau tun bedu'o. 2Neak di ade suang semanei de pakuak kunei laherne sehinggo si arus nusung. Tiep bilai tun o mpek pa'ok bang Bait Allah, genne “Gerbang Ba'es”, utuk minoi sedekeak ngen tun-tun de masuk moi lem Bait Allah. 3Waktau tun o kemliak bahwo Petrus ngen Yohanes lok masuk moi Bait Allah, si minoi sedekeak. 4Tobo'o kemliak si, ngen Petrus madeak, “Keliakba keme.” 5Lajau tun pakuak kemliak Petrus ngen Yohanes ngen harapan bakea dapet sesuaktau kunei tobo'o. 6Tapi Petrus madeak, “Mas ngen pirok coa ade ngen uku, tapi jano de uku temuan, uku nelei ngenko: Ngen kuaso Yesus Kristus tun Nazaret o, paneuba!” 7Lajau Petrus megong tangen kanen tun o ngen temulung si je. Waktau o kulo kuetba kekea ngen matai kekea tun o. 8Si melupat je lajau paneu moi ipe bae ngen temotoa tobo'o moi lem Bait Allah, samo paneu ngen melupat-lupat serto mujai Allah. 9Kute tun kemliak si paneu samo mujai Allah. 10Lajau tobo'o kemnal si awei tun de biasone temot minoi sedekeak neak “Gerbang Ba'es Bait Allah”, sehinggo tobo'o takjub ngen tebene tetang jano de sudo tejijai ngen si.
Khotbah Petrus neak lem Bait Allah
11Kerno tun o tep temotoa Petrus ngen Yohanes, mako kute tun dau de kebiak selle o teko gemlung tobo'o neak latet Bait Allah de senbut Salomo. 12Waktau Petrus kemliak hal o, si madeak ngen tun dau o, “Hoi tun Israel, getai udi selle tetang hal o ngen getai udi kemliak keme awei keme menea tun yo paneu kerno kuaso, atau kerno keme taat ngen Allah. 13#Kel. 3:15 Allah Abraham, Ishak ngen Yakub, Allah ninik puyang ite bi mulio Hamba-Ne, adeba Yesus de udi senreak ngen tulok neak adep Pilatus, kunyau Pilatus mutus utuk melpas Si. 14#Mat. 27:15-23; Mrk. 15:6-14; Luk. 23:13-23; Yoh. 19:12-15 Tapi udi bi temulok De Sucai ngen Benea, ngen lok tukang munuak utuk hadiah ngen udi. 15Udi bi munuak perintis kehidupan, tapi Allah bi midup igai Si kunei antaro tun matei, ngen tetang hal o keme adeba saksai. 16Kerno kepercayaan ngen Gen Yesus, mako Gen o kemuet tun de udi kemliak ngen kemnal yo; kepercayaan o bi melei tun yo ka'en neak adep udi kutene.
17Pasuak-pasuak! Uyo uku namen bahwo jano de ko ngen pemipin-pemipinnu menea te'adep Yesus, do'o udi menea kerno udi coa namen jano de udi gidong nea. 18Kerno'oba tejijai kulo jano de sudo Allah melei namen bel o liwet kute nebai-nebai-Ne, bahwo Rajo Penyelamat de jenanjai o arus mendrita. 19Kerno o pasuak-pasuak, tobatba kunei duso-dusonu ngen belekba ngen Allah, supayo si mapus duso-dusonu. 20Tuhan bakea teko ngen ko ngen udi bakea meding kesegaran rohani. Ngen Tuhan bakea meluak Yesus teko ngen ko, kerno si sudo tentau ngen Allah jijai Rajo Penyelamat utuknu. 21Si arus tinggea neak surgo sapei Allah jemijai kutene belau awei de nadeak Allah liwet nebai-nebai-Ne waktau zaman bel o. 22#Ul. 18:15, 18-19 Musa perneak madeak, ‘Tuhan Allah bakea mutus ngen ko suang nebai kunei bangsonu suang, awei Si mutus uku, Udi arus temi'uk kute de nadeak nebai o ngen ko. 23Tun de coa temi'uk jano de nadeak nebai o, tun o bakea senikir kunei umat Allah ngen benaso.’ 24Nebai-nebai de perneak semapei bito kunei Allah, muloi kunei Nebai Samuel ngen nebai-nebai luyenne de teko sesudo'o, kutene melei namen tetang zaman yo. 25#Kej. 22:18 Janjai-janjai kunei Allah de senapei nebai-nebai adeba utuk pasuak-pasuak. Lem janjai de Allah nea ngen ninik puyangnu, Allah madeak ngen Abraham awei yo kunei, ‘Royotnu Uku bakea memberkati kute bangso neak bumai.’ Janjai o adeba utuk udi kulo. 26Do'o sebabne Allah miliak Hambo-Ne, lajau meluak Si teko ngen udi lebiak dute, supayo Si berkat udi. Ca'one Si berkat adeba ngen menea pasuak-pasuak kute betobat kunei ca'o idupnu de kidek.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)