KISAH RASUL-RASUL 20
20
Paulus lalau moi Makedonia ngen Yunani
1Sesudo keadaan neak Efesus aman igai, Paulus kemopoa jemaat, melei semangat ngen tobo'o. Sesudo'o si mucep selamat tinggea lajau temrus pemaneune moi Makedonia. 2Si moi daerah-daerah Makedonia, melei dau nasihat ngen tun-tun de pecayo ngen Yesus neak di utuk melei semangat ngen tobo'o. Sesudo'o si lalau moi Yunani. 3Telau bulen anne si tinggea neak di. Lajau ketiko si dong siap-siap utuk belayea moi Siria, ade bito bahwo tun-tun Yahudi dong sepakat utuk munuakne. Kerno'o si melei keputusan utuk belek liwet Makedonia. 4Sopater anok Pirus de asalne kunei Berea lalau besamo-samo si; awei o kulo Aristarkhus ngen Sekundus tun Tesalonika, ngen Gayus tun Derbe. Kulo Timotius, Tikhikus ngen Trofimus, tun-tun kunei provinsi Asia. 5Tobo'o demute keme lajau mbot keme neak Troas. 6Sesudo Perayaan Ruti Coa Beagai, keme belayea teminggea Filifi. Lemo bilai sesudo'o keme bekopoa igai ngen tobo'o neak Troas. Neak di keme tinggea deminggau.
Kunjungan Paulus de terakhir neak Troas
7Malem minggau keme bekopoa utuk mukmei besamo secao keluargo. Paulus miling ngen tun-tun, kerno menne si niat berakat. Sapei tengeak malem Paulus miling terus. 8Lem bilik neak tiket das, penan keme bekopoa o, ade dau lapu. 9Suang anok bujang genne Eutikhus temot neak kemdan. Kerno Paulus coa bedan miling, bujang o jijai stekuk nien sapei si tidua neak ndea o, lajau us moi mimbeak kunei tiket telau. Waktau tobo'o maketne, si bi matei. 10Tapi Paulus tu'un moi mimbeak, lajau gulek neak das awok bujang o ngen megepne. Paulus madeak, “Jibeak kuatir, si masiak idup!” 11Sesudo'o Paulus kenek igai moi das, lajau magiak ruti ngen mbuk besamo-samo. Bi an miling ngen tun-tun sapei pueng, Paulus berakat. 12Tun-tun mbin belek bujang o lem keadaan idup moi umeakne. Tobo'o meding riang ngen kembiak terhibur.
Kunei Troas moi Miletus
13Keme lalau moi kepea lajau belayea lebiak dute moi Asos utuk mapet Paulus moi kepea neak di. Si sudo matur aweiyo kerno si bakea moi mindi liwet dalen da'et. 14Sesudo betemau neak Asos, Paulus segro kenek moi kepea lajau keme belayea moi Metilene. 15Kunei di keme belayea kulo, menne sapei neak penan de sekadep ngen Khios. Sebilaine keme sapei neak Samos, menne neak Miletus. 16Paulus bi temtep utuk coa singgeak neak Efesus, supayo jibeak muang waktau neak daerah Asia. Sedapet mukin si lok gacang sapei neak Yerusalem pado bilai rayo Pentakosta.
Paulus mucep selamat tinggea ngen paro pemipin jemaat Efesus
17Kunei Miletus Paulus kemirim bito moi Efesus utuk minoi ngen pemipin jemaat neak di utuk teko magea si. 18Ketiko tobo'o sapei, Paulus madeak ngen tobo'o, “Udi namen awei ipe uku idup selamo yo neak antaro udi sejok bilai pertamo uku sapei neak Asia. 19Rendeak atei ngen dau bioa matai, uku kerjo utuk Tuhan ngen dau meding saro kerno rancano kidek tun-tun Yahudi. 20Udi namen bahwo uku coa segan melei namen ngen udi jano de beguno utuknu. Uku majea udi neak muko umum ngen neak umeak-umeak. 21Baik ngen tun-tun Yahudi atau tun-tun bangso luyen uku bogoa melei peringatan supayo tobo'o tobat kunei duso-duso tobo'o, teko ngen Allah, serto pecayo ngen Tuhan Yesus. 22Uyo utuk taat ngen periteak Roh Sucai, uku lalau moi Yerusalem. Ngen uku coa namen jano de bakea tejijai ngen uku neak di. 23Uku cuma namen bahwo neak tiep-tiep kota, Roh Sucai bi tegas melei namen ngen uku, bahwo uku bakea masuk sel ngen bakea saro. 24#2Tim. 4:7 Tapi uku coa dulai ngen idupku yo, asal uku dapet semlesei tugas de Tuhan Yesus nelei ngen uku, asal uku setia sapei uku matei utuk melei namen Bito Baik o tetang anugrah Allah.
25Uku bi magea udi kutene ngen bi melei namen kulo tetang awei ipe Allah meriteak sebagoi Rajo. Uyo uku meding coa bakea temau igai ngen udi. 26Kerno o ngen tegas uku madeak ngen ko pado bilai yo bahwo amen ade neak antaro udi de matei be, do'o iso saleak ku. 27Coa perneak uku lalai ngen tugasku utuk jemlas ngen udi kute rencano Allah. 28Lokba udi jago dirai, jagoba kulo kute jemaat de sudo senreak Roh Sucai ngen ko utuk jenago; sebab udi coa naket jijai pengawas jemaat o. Lokba udi jemago jemaat Allah do'o awei gembala jemago dombane, kerno Allah bi jemijai jemaat o temuan-Ne suang liwet mateine Anok-Ne suang. 29Sesudo uku lalau, pasti bakea teko serigala-serigala de buas moi tengeak-tengeak udi. Tun-tun de udi jago o bakea jijai mangsa serigala-serigala o. 30Bahkan kunei antaro udi suang bakea ade tun-tun de bakea melei namen bito de coa benea. Tobo'o nea awei o kunyau tun-tun de sudo pecayo ngen Yesus jijai seset ngen temotoa tobo'o. 31Kerno o bejago-jagoba! Inget bahwo telau taun anne ngen dau bioa matai, pueng kelmen uku coa perneak bedan majea tiep tun kunei udi.
32Uyo uku semreak udi ngen Allah kunyau Si de miaro udi, kunyau udi bepegong pado bito anugrah Allah. Allah temuan kuaso utuk kemuet udi, melei ngen ko berkat-berkat de sudo sendio-Ne utuk kute umat-Ne. 33Ati perneak uku lok caci atau keracok kunei suang kulo. 34Udi suang namen, bahwo ngen tenago uku suang uku kerjo utuk keperluanku ngen kekuatku de milau ngen uku. 35Lem kute pekaro uku bi melei contoh ngen ko bahwo ngen kerjo awei yo ite harus temulung tun-tun de lemah. Kerno ite harus inget ngen jano de Tuhan Yesus suang bi nadeak, ‘Lebiak riang melei kunei pado mimo.’ ”
36Sesudo Paulus selesei miling, si sujud ngen tobo'o kute lajau bedu'o. 37Tobo'o kutene ngindoi samo megeb Paulus ngen mucep selamat jalan. 38Tobo'o kebiak ibo, terutamo kerno Paulus madeak bahwo tobo'o coa bakea kemliak si igai. Lajau tobo'o mbesne sapei moi kepea.
Currently Selected:
KISAH RASUL-RASUL 20: REJ
Highlight
Copy
Compare
Share
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
KISAH RASUL-RASUL 20
20
Paulus lalau moi Makedonia ngen Yunani
1Sesudo keadaan neak Efesus aman igai, Paulus kemopoa jemaat, melei semangat ngen tobo'o. Sesudo'o si mucep selamat tinggea lajau temrus pemaneune moi Makedonia. 2Si moi daerah-daerah Makedonia, melei dau nasihat ngen tun-tun de pecayo ngen Yesus neak di utuk melei semangat ngen tobo'o. Sesudo'o si lalau moi Yunani. 3Telau bulen anne si tinggea neak di. Lajau ketiko si dong siap-siap utuk belayea moi Siria, ade bito bahwo tun-tun Yahudi dong sepakat utuk munuakne. Kerno'o si melei keputusan utuk belek liwet Makedonia. 4Sopater anok Pirus de asalne kunei Berea lalau besamo-samo si; awei o kulo Aristarkhus ngen Sekundus tun Tesalonika, ngen Gayus tun Derbe. Kulo Timotius, Tikhikus ngen Trofimus, tun-tun kunei provinsi Asia. 5Tobo'o demute keme lajau mbot keme neak Troas. 6Sesudo Perayaan Ruti Coa Beagai, keme belayea teminggea Filifi. Lemo bilai sesudo'o keme bekopoa igai ngen tobo'o neak Troas. Neak di keme tinggea deminggau.
Kunjungan Paulus de terakhir neak Troas
7Malem minggau keme bekopoa utuk mukmei besamo secao keluargo. Paulus miling ngen tun-tun, kerno menne si niat berakat. Sapei tengeak malem Paulus miling terus. 8Lem bilik neak tiket das, penan keme bekopoa o, ade dau lapu. 9Suang anok bujang genne Eutikhus temot neak kemdan. Kerno Paulus coa bedan miling, bujang o jijai stekuk nien sapei si tidua neak ndea o, lajau us moi mimbeak kunei tiket telau. Waktau tobo'o maketne, si bi matei. 10Tapi Paulus tu'un moi mimbeak, lajau gulek neak das awok bujang o ngen megepne. Paulus madeak, “Jibeak kuatir, si masiak idup!” 11Sesudo'o Paulus kenek igai moi das, lajau magiak ruti ngen mbuk besamo-samo. Bi an miling ngen tun-tun sapei pueng, Paulus berakat. 12Tun-tun mbin belek bujang o lem keadaan idup moi umeakne. Tobo'o meding riang ngen kembiak terhibur.
Kunei Troas moi Miletus
13Keme lalau moi kepea lajau belayea lebiak dute moi Asos utuk mapet Paulus moi kepea neak di. Si sudo matur aweiyo kerno si bakea moi mindi liwet dalen da'et. 14Sesudo betemau neak Asos, Paulus segro kenek moi kepea lajau keme belayea moi Metilene. 15Kunei di keme belayea kulo, menne sapei neak penan de sekadep ngen Khios. Sebilaine keme sapei neak Samos, menne neak Miletus. 16Paulus bi temtep utuk coa singgeak neak Efesus, supayo jibeak muang waktau neak daerah Asia. Sedapet mukin si lok gacang sapei neak Yerusalem pado bilai rayo Pentakosta.
Paulus mucep selamat tinggea ngen paro pemipin jemaat Efesus
17Kunei Miletus Paulus kemirim bito moi Efesus utuk minoi ngen pemipin jemaat neak di utuk teko magea si. 18Ketiko tobo'o sapei, Paulus madeak ngen tobo'o, “Udi namen awei ipe uku idup selamo yo neak antaro udi sejok bilai pertamo uku sapei neak Asia. 19Rendeak atei ngen dau bioa matai, uku kerjo utuk Tuhan ngen dau meding saro kerno rancano kidek tun-tun Yahudi. 20Udi namen bahwo uku coa segan melei namen ngen udi jano de beguno utuknu. Uku majea udi neak muko umum ngen neak umeak-umeak. 21Baik ngen tun-tun Yahudi atau tun-tun bangso luyen uku bogoa melei peringatan supayo tobo'o tobat kunei duso-duso tobo'o, teko ngen Allah, serto pecayo ngen Tuhan Yesus. 22Uyo utuk taat ngen periteak Roh Sucai, uku lalau moi Yerusalem. Ngen uku coa namen jano de bakea tejijai ngen uku neak di. 23Uku cuma namen bahwo neak tiep-tiep kota, Roh Sucai bi tegas melei namen ngen uku, bahwo uku bakea masuk sel ngen bakea saro. 24#2Tim. 4:7 Tapi uku coa dulai ngen idupku yo, asal uku dapet semlesei tugas de Tuhan Yesus nelei ngen uku, asal uku setia sapei uku matei utuk melei namen Bito Baik o tetang anugrah Allah.
25Uku bi magea udi kutene ngen bi melei namen kulo tetang awei ipe Allah meriteak sebagoi Rajo. Uyo uku meding coa bakea temau igai ngen udi. 26Kerno o ngen tegas uku madeak ngen ko pado bilai yo bahwo amen ade neak antaro udi de matei be, do'o iso saleak ku. 27Coa perneak uku lalai ngen tugasku utuk jemlas ngen udi kute rencano Allah. 28Lokba udi jago dirai, jagoba kulo kute jemaat de sudo senreak Roh Sucai ngen ko utuk jenago; sebab udi coa naket jijai pengawas jemaat o. Lokba udi jemago jemaat Allah do'o awei gembala jemago dombane, kerno Allah bi jemijai jemaat o temuan-Ne suang liwet mateine Anok-Ne suang. 29Sesudo uku lalau, pasti bakea teko serigala-serigala de buas moi tengeak-tengeak udi. Tun-tun de udi jago o bakea jijai mangsa serigala-serigala o. 30Bahkan kunei antaro udi suang bakea ade tun-tun de bakea melei namen bito de coa benea. Tobo'o nea awei o kunyau tun-tun de sudo pecayo ngen Yesus jijai seset ngen temotoa tobo'o. 31Kerno o bejago-jagoba! Inget bahwo telau taun anne ngen dau bioa matai, pueng kelmen uku coa perneak bedan majea tiep tun kunei udi.
32Uyo uku semreak udi ngen Allah kunyau Si de miaro udi, kunyau udi bepegong pado bito anugrah Allah. Allah temuan kuaso utuk kemuet udi, melei ngen ko berkat-berkat de sudo sendio-Ne utuk kute umat-Ne. 33Ati perneak uku lok caci atau keracok kunei suang kulo. 34Udi suang namen, bahwo ngen tenago uku suang uku kerjo utuk keperluanku ngen kekuatku de milau ngen uku. 35Lem kute pekaro uku bi melei contoh ngen ko bahwo ngen kerjo awei yo ite harus temulung tun-tun de lemah. Kerno ite harus inget ngen jano de Tuhan Yesus suang bi nadeak, ‘Lebiak riang melei kunei pado mimo.’ ”
36Sesudo Paulus selesei miling, si sujud ngen tobo'o kute lajau bedu'o. 37Tobo'o kutene ngindoi samo megeb Paulus ngen mucep selamat jalan. 38Tobo'o kebiak ibo, terutamo kerno Paulus madeak bahwo tobo'o coa bakea kemliak si igai. Lajau tobo'o mbesne sapei moi kepea.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)