TITO 3
3
1Wizulizi avandu vovo vegehizi ku miihi kandi ku avami, vatie kandi vetegeke kokora gaveeye amalahi munzira yoosi. 2Uvavoolere vatavoola makuva madamanu ku mundu kali mulala mba, vatava avalembani mba, navuzwa vamenye ni mirembe mu uvulina, kandi valolekizi ovohooma ku avandu vosi.
3Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira
4Navuzwa lwu uvulahi nuvuyanzi vwa Nyasaye Muhonyi wiitu vwalolekizwa, 5yakohonyia. Sigaveeye ni kumiyinzi milahi ja kwakora muvulungi, mba navuzwa vakohonyia kigira zimbavasi zizie kuvitira mu Libatiza liletaa liivulwa lihia kandi kuvitira mu Roho Mutakatifu uhaana livamwoyo lihia. 6Nyasaye yahaana kukunyi Roho Mutakatifu muvunyingi yahaana kuvitira mu Yeso Kristo, Muhonyi wiitu; 7Kunangwa ku zimbavasi zizie, kunyi kuduuki kokolwa avalungi na Nyasaye kandi kuduuki konyoora imiandu lisuuvirizwa lie livamwoyo litahera mba. 8Livoora yili liveeye lie ligali.
Inzi nyenya udinyirizi ligali ivindu yivi, kunangwa yavo avamali kusuuvira mu Nyasaye vaduuki kuva nilienya kutumikira ing'inga yavo kokora vikolwa vilahi ku vandu vosi. 9Navuzwa welehe ku mahing'ani guvusiru, ku lihing'ana guvusiru, ku amita manyingi ga vaguuga, mahangali, kandi ovolembani ku lilaga. Vindu yivio siviveeye nuvukara vwosi mba, kandi viveeye via vuzwa. 10Vandu valeta liavukana, uviganihizi lwu kutanga nulwakaviri, ma olekane navo ligali. 11Umanyi vulahi ndi, vandu vulungano yilu sivaveeye valungi mba, uvwoni vwavo vololekizaa ndi vaveeye vadamanu.
Miigizu gukumaliriza
12Lwa nduma Aritemi anoho Tukiko ku ivi kola izingulu kuuza kondola ha Nikapoli vwangu; kigira mali kotovola kumenya ho ing'inga yu vukindu. 13Kola izingulu okonye Zena, mwigizi wi lilaga na Apolo vatange logendo lwavo vwangu, kandi olole ndi vaveeye ni kindu choosi ichaveenya. 14Kuduuka avandu viitu vigi kutumikira zing'inga ziavo mu likora miyinzi milahi, kunangwa vakonye avandu vaveeye novogeheru. Vatava ni limenya liavuzwa mba.
15Avandu vosi avaveeye harara ninzi vahaani mirembe ku munyi. Haana mirembe kandi ku avalina viitu vakuyaanza mu lisuuvira.
Zimbavasi zia Nyasaye zive ni munyi mwosi.
Currently Selected:
TITO 3: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
TITO 3
3
1Wizulizi avandu vovo vegehizi ku miihi kandi ku avami, vatie kandi vetegeke kokora gaveeye amalahi munzira yoosi. 2Uvavoolere vatavoola makuva madamanu ku mundu kali mulala mba, vatava avalembani mba, navuzwa vamenye ni mirembe mu uvulina, kandi valolekizi ovohooma ku avandu vosi.
3Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira
4Navuzwa lwu uvulahi nuvuyanzi vwa Nyasaye Muhonyi wiitu vwalolekizwa, 5yakohonyia. Sigaveeye ni kumiyinzi milahi ja kwakora muvulungi, mba navuzwa vakohonyia kigira zimbavasi zizie kuvitira mu Libatiza liletaa liivulwa lihia kandi kuvitira mu Roho Mutakatifu uhaana livamwoyo lihia. 6Nyasaye yahaana kukunyi Roho Mutakatifu muvunyingi yahaana kuvitira mu Yeso Kristo, Muhonyi wiitu; 7Kunangwa ku zimbavasi zizie, kunyi kuduuki kokolwa avalungi na Nyasaye kandi kuduuki konyoora imiandu lisuuvirizwa lie livamwoyo litahera mba. 8Livoora yili liveeye lie ligali.
Inzi nyenya udinyirizi ligali ivindu yivi, kunangwa yavo avamali kusuuvira mu Nyasaye vaduuki kuva nilienya kutumikira ing'inga yavo kokora vikolwa vilahi ku vandu vosi. 9Navuzwa welehe ku mahing'ani guvusiru, ku lihing'ana guvusiru, ku amita manyingi ga vaguuga, mahangali, kandi ovolembani ku lilaga. Vindu yivio siviveeye nuvukara vwosi mba, kandi viveeye via vuzwa. 10Vandu valeta liavukana, uviganihizi lwu kutanga nulwakaviri, ma olekane navo ligali. 11Umanyi vulahi ndi, vandu vulungano yilu sivaveeye valungi mba, uvwoni vwavo vololekizaa ndi vaveeye vadamanu.
Miigizu gukumaliriza
12Lwa nduma Aritemi anoho Tukiko ku ivi kola izingulu kuuza kondola ha Nikapoli vwangu; kigira mali kotovola kumenya ho ing'inga yu vukindu. 13Kola izingulu okonye Zena, mwigizi wi lilaga na Apolo vatange logendo lwavo vwangu, kandi olole ndi vaveeye ni kindu choosi ichaveenya. 14Kuduuka avandu viitu vigi kutumikira zing'inga ziavo mu likora miyinzi milahi, kunangwa vakonye avandu vaveeye novogeheru. Vatava ni limenya liavuzwa mba.
15Avandu vosi avaveeye harara ninzi vahaani mirembe ku munyi. Haana mirembe kandi ku avalina viitu vakuyaanza mu lisuuvira.
Zimbavasi zia Nyasaye zive ni munyi mwosi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019