LIKUNULA 9
9
1Engelosi wa katano yakuba kisiriva. Ndaalora eng'ereng'ani yaali niyaguluki ku lirova kutura mwigulu. Eng'ereng'ani yeyo yahevwa lufungu Iwo mu gehena. 2Eng'ereng'ani zana yakunura gehena yicho nu umwoki gwatula mu kuli gutulaa mu kisambiru kenene. Liuva nu uvwerefu viosi viamwama kigira umwoki gwatura mu. 3Kandi izisigi ziatula mu umwoki ni ziza ku lirova. Na ziahevwa zinguru kuli zie zing'e zie lirova. 4Ziavolerwa na Nyasaye ndi zitononyia uvulimu vwi lirova, anoho kindu choosi ekeveeye kivisi, anoho umusaala kali mulala; navuzwa ziononyie avandu vataveeye nu umuhuri gwa Nyasaye ku uvweni vwavo. 5Izisigi zana ziahevwe munwa zidambizi vandu ku lwi mieli gitano, navuzwa zitavita mba. Uvuzunu vwu uvusaliri vwazio vwali kuli vwe eng'e ilasaa umundu, 6mu ing'inga yi mieli jitano yijo avandu valeegomba likuza, navuzwa sivalalinyoola mba. Valeegomba vakuzi navuzwa likuza liliruka kutura kuvo.
7Izisigi zana ziali kuli zibarasi zitegekeywi kuzia mu uvulwani. Ku mitwi jazio, zieviika ivindu viali kuli zitaji zie izahabu; mu moni mwazio mwaali kuli mwa avandu. 8Iliisu liazio liali kuli lia avakali na amiinu gazio gaali kuli agi zisimba. 9Kandi ziali ni zisalamba ziu mu kiritu kuli zisalamba zie kivia; ulwanga lwi zimbaha ziazio lwali kuli ulwa magare gasugumangwa ni zibarasi zinyingi zinyagula zimbiru kuzia mu uvulwani. 10Izisigi yizio ziali ni mikira kuli ji izing'e ni imivano ju vusungu kuli ji zing'e yizio. Jaali ni zinguru ziu kusaliriza avandu ku mieli jitano. 11Ziali nu mwami wazio, engelosi wegehena. Lieta lilie mu lulimi lwa Vaheburaina liveeye Abadoni. Mu Luguriki liveeye Apolioni; liveeye kovora “Umudivizi.” 12Uvudamanu vwu kutanga vuviti, henza uvundi vuviri vuzaa kandi.
13Engelosi wa sita yakuba kisiriva na ndaahulira mwoyo nigutura mu zinziga ziu vwali vwi izahabu ovoveeye imbiri wa Nyasaye. 14Mwoyo yigwo gwavoolera engelosi wa sita uwaali ni kisiriva, “Voholora zingelosi vane avavofwa ha mugera munene gwa Efurate.” 15Zingelosi vane yavo vavoholorwa avaari nivategekiziywi kwita kidieli kilala ku vivaga via avandu kigira isa yeyo, ni lidiku yilio, nu mweli yigwo numuhiga yigwo. 16Livaliza lia avasikari vanina ku zibarasi liali zimilioni zimia ziviri.
17Ndaalora kandi mu amalola gange zibarasi harara na vahiri vazio viviika zisalamba ziavo ziu mu viritu zie ivivia, nazio ziali zinzakanyu kuli muliru, ziali bulu kuli kibiriti nizigwa zia yelo kuli uvurudi. Imitwi ji zibarasi jaali kuli imitwi ji zisimba; muliru, umwoki kandi uvurudi viatula mu minwa jazio. 18Ikidieli kilala ku vivaga via avandu viitwa na amaduywa gavaga yaga; nago gaveeye muliru, numwooki nu uvurudi, agaatula mu minwa jazio. 19Izingulu zie zibarasi ziali mu minwa kandi mu mikira ziazio. Kigira mikira jazio jaali kuli zinzoka, kandi jiveeye ni mitwi ja saliriziraa avandu.
20Avandu vaatigara, avavura kwitwa na amaduywa yaga, siviganira ku miyinzi jamakono gaavo gakoraa mba. Kandi sivaleka kusigamira amademoni, anoho vifananyi vie zahabu, ji ifeza, umugasa, je ligina, ni jimisaala jitanyala kuyinzira, anoho kuhulira, anoho kogenda. 21Kandi siviganira ku vwiti vwavo kuvukumu vwavo, kovoheyi vwavo, anoho ku uvwivi vwavo mba.
Engelosi na katabu kekekeeke
Currently Selected:
LIKUNULA 9: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
LIKUNULA 9
9
1Engelosi wa katano yakuba kisiriva. Ndaalora eng'ereng'ani yaali niyaguluki ku lirova kutura mwigulu. Eng'ereng'ani yeyo yahevwa lufungu Iwo mu gehena. 2Eng'ereng'ani zana yakunura gehena yicho nu umwoki gwatula mu kuli gutulaa mu kisambiru kenene. Liuva nu uvwerefu viosi viamwama kigira umwoki gwatura mu. 3Kandi izisigi ziatula mu umwoki ni ziza ku lirova. Na ziahevwa zinguru kuli zie zing'e zie lirova. 4Ziavolerwa na Nyasaye ndi zitononyia uvulimu vwi lirova, anoho kindu choosi ekeveeye kivisi, anoho umusaala kali mulala; navuzwa ziononyie avandu vataveeye nu umuhuri gwa Nyasaye ku uvweni vwavo. 5Izisigi zana ziahevwe munwa zidambizi vandu ku lwi mieli gitano, navuzwa zitavita mba. Uvuzunu vwu uvusaliri vwazio vwali kuli vwe eng'e ilasaa umundu, 6mu ing'inga yi mieli jitano yijo avandu valeegomba likuza, navuzwa sivalalinyoola mba. Valeegomba vakuzi navuzwa likuza liliruka kutura kuvo.
7Izisigi zana ziali kuli zibarasi zitegekeywi kuzia mu uvulwani. Ku mitwi jazio, zieviika ivindu viali kuli zitaji zie izahabu; mu moni mwazio mwaali kuli mwa avandu. 8Iliisu liazio liali kuli lia avakali na amiinu gazio gaali kuli agi zisimba. 9Kandi ziali ni zisalamba ziu mu kiritu kuli zisalamba zie kivia; ulwanga lwi zimbaha ziazio lwali kuli ulwa magare gasugumangwa ni zibarasi zinyingi zinyagula zimbiru kuzia mu uvulwani. 10Izisigi yizio ziali ni mikira kuli ji izing'e ni imivano ju vusungu kuli ji zing'e yizio. Jaali ni zinguru ziu kusaliriza avandu ku mieli jitano. 11Ziali nu mwami wazio, engelosi wegehena. Lieta lilie mu lulimi lwa Vaheburaina liveeye Abadoni. Mu Luguriki liveeye Apolioni; liveeye kovora “Umudivizi.” 12Uvudamanu vwu kutanga vuviti, henza uvundi vuviri vuzaa kandi.
13Engelosi wa sita yakuba kisiriva na ndaahulira mwoyo nigutura mu zinziga ziu vwali vwi izahabu ovoveeye imbiri wa Nyasaye. 14Mwoyo yigwo gwavoolera engelosi wa sita uwaali ni kisiriva, “Voholora zingelosi vane avavofwa ha mugera munene gwa Efurate.” 15Zingelosi vane yavo vavoholorwa avaari nivategekiziywi kwita kidieli kilala ku vivaga via avandu kigira isa yeyo, ni lidiku yilio, nu mweli yigwo numuhiga yigwo. 16Livaliza lia avasikari vanina ku zibarasi liali zimilioni zimia ziviri.
17Ndaalora kandi mu amalola gange zibarasi harara na vahiri vazio viviika zisalamba ziavo ziu mu viritu zie ivivia, nazio ziali zinzakanyu kuli muliru, ziali bulu kuli kibiriti nizigwa zia yelo kuli uvurudi. Imitwi ji zibarasi jaali kuli imitwi ji zisimba; muliru, umwoki kandi uvurudi viatula mu minwa jazio. 18Ikidieli kilala ku vivaga via avandu viitwa na amaduywa gavaga yaga; nago gaveeye muliru, numwooki nu uvurudi, agaatula mu minwa jazio. 19Izingulu zie zibarasi ziali mu minwa kandi mu mikira ziazio. Kigira mikira jazio jaali kuli zinzoka, kandi jiveeye ni mitwi ja saliriziraa avandu.
20Avandu vaatigara, avavura kwitwa na amaduywa yaga, siviganira ku miyinzi jamakono gaavo gakoraa mba. Kandi sivaleka kusigamira amademoni, anoho vifananyi vie zahabu, ji ifeza, umugasa, je ligina, ni jimisaala jitanyala kuyinzira, anoho kuhulira, anoho kogenda. 21Kandi siviganira ku vwiti vwavo kuvukumu vwavo, kovoheyi vwavo, anoho ku uvwivi vwavo mba.
Engelosi na katabu kekekeeke
©Bible Society of Kenya, 2019