LIKUNULA 5
5
1Ndaalora kitabu mu mukono umulungi gwa uyu wikala kondeve yu uvwami. Chang'odwa izimbega ziombi, na chavofwa mihuri saba. 2Kandi ndaalora engelosi wi zinguru na nahanzukaa nu mwoyo munene nateeva, “Ivwaha uduukani kovoholora imihuri ji kitabu yiki nu kukikunula?” 3Navuzwa sihaali ho nu umundu woosi mwigulu, anoho mu lirova, anoho isi wi lirova uwaali anyala kukunula ikitabu yicho nokohenza mugati mwacho mba. 4Ndaalira nu uvuzunu ovonene ligali kigira siyaali ho nu umundu kali mulala waali anyala kukunula mu kitabu yicho, anoho kohenza mucho mba. 5Maku mulala ku vakulundu yavo yambolera, “Utalira mba! Henza! Isimba mu ihiiri ya Yuda, chisukululwi cha Daudi, uguuti uvulwani, naveeye nu uvunyali kovoholora imihuri jacho saba nu kukikunula.”
6Maku ndaalora Mwana wi Ligondi nasingiyi hagati hendeve yu vwami, nakumbiriziywi ni ivilombe vine iviveeye mwoyo, harara na vakulundu sirini na ine. Mwana wi Ligondi zana yaloleka kuli uwitiywi. Yaali ni zinziga saba, zimoni saba, iziveeye Roho saba va Nyasaye, vaali nivamali kutumwa vazie mu lirova liosi. 7Yaza navugura kitabu zana kutura mu mukono umulungi gwa uyu wikala kondeve yu vwami. 8Lwa yaali niyakavugula kitabu zana, ivilombe vine viveeye mwoyo, harara na vakulundu sirini na ine, vaagwa imbiri wu Mwana wi Ligondi. Sa mulala yaali nu vukana, ni vituva vie izahabu, ni vizuyi kimuli, viosi niviveeye lisaala lia vandu va Nyasaye. 9Vimba ulwimbu luhia, ni vavoola:
“Ivi uduukani kuvugura kitabu no kovoholora imihuri jacho.
Kigira ivi witwa, kandi kigira likuza liilio,
ivi waagulira Nyasaye avandu kutura mu vuli ihiiri,
vandu vi zinimi lugano lugano,
kandi ku zihiiri ziosi mu kivala choosi.
10Ivi umali kuvakola vave vami kandi avasaalisi kutumikira Nyasaye wiitu,
kandi valamiha ku lirova.”
11Ndahenza, kandi ndaahulira umwoyo gwi zingelosi avanyingi avatanyala kuvalizwa nivakumbirizi endeve yu vwami, harara ni ivilombe vine viveeye mwoyo navakulundu. 12Vavoola nu mwoyo umunene:
“Mwana wi Ligondi uwiitwa uduukani,
konyoora uvunyali, uvutugi, ovogeri kandi izingulu,
uluyali uvukumi ni lizominya!”
13Ndaahulira kandi ivilombe viosi iviveeye mwigulu, iviveeye ku lirova, iviveeye isi wi lirova, iviveeye munyanza, kandi ivilombe viosi iviveeye mwoyo mu lirova ni vivoora:
“Oyo uwikala kondeve yu vwami kandi ku Mwana wi Ligondi,
luyali loveeye kuye, lizominywa, uvukumi ni zinguru,
kuduuka mihiga ni mihiga!”
14Ivilombe vine iviveeye mwoyo yivio viavoola, “Amini!” Kandi avakulundu vaagwa hasi mamumama nivasigamira Nyasaye.
Mwana wi Ligondi yaavoholora imihuri
Currently Selected:
LIKUNULA 5: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
LIKUNULA 5
5
1Ndaalora kitabu mu mukono umulungi gwa uyu wikala kondeve yu uvwami. Chang'odwa izimbega ziombi, na chavofwa mihuri saba. 2Kandi ndaalora engelosi wi zinguru na nahanzukaa nu mwoyo munene nateeva, “Ivwaha uduukani kovoholora imihuri ji kitabu yiki nu kukikunula?” 3Navuzwa sihaali ho nu umundu woosi mwigulu, anoho mu lirova, anoho isi wi lirova uwaali anyala kukunula ikitabu yicho nokohenza mugati mwacho mba. 4Ndaalira nu uvuzunu ovonene ligali kigira siyaali ho nu umundu kali mulala waali anyala kukunula mu kitabu yicho, anoho kohenza mucho mba. 5Maku mulala ku vakulundu yavo yambolera, “Utalira mba! Henza! Isimba mu ihiiri ya Yuda, chisukululwi cha Daudi, uguuti uvulwani, naveeye nu uvunyali kovoholora imihuri jacho saba nu kukikunula.”
6Maku ndaalora Mwana wi Ligondi nasingiyi hagati hendeve yu vwami, nakumbiriziywi ni ivilombe vine iviveeye mwoyo, harara na vakulundu sirini na ine. Mwana wi Ligondi zana yaloleka kuli uwitiywi. Yaali ni zinziga saba, zimoni saba, iziveeye Roho saba va Nyasaye, vaali nivamali kutumwa vazie mu lirova liosi. 7Yaza navugura kitabu zana kutura mu mukono umulungi gwa uyu wikala kondeve yu vwami. 8Lwa yaali niyakavugula kitabu zana, ivilombe vine viveeye mwoyo, harara na vakulundu sirini na ine, vaagwa imbiri wu Mwana wi Ligondi. Sa mulala yaali nu vukana, ni vituva vie izahabu, ni vizuyi kimuli, viosi niviveeye lisaala lia vandu va Nyasaye. 9Vimba ulwimbu luhia, ni vavoola:
“Ivi uduukani kuvugura kitabu no kovoholora imihuri jacho.
Kigira ivi witwa, kandi kigira likuza liilio,
ivi waagulira Nyasaye avandu kutura mu vuli ihiiri,
vandu vi zinimi lugano lugano,
kandi ku zihiiri ziosi mu kivala choosi.
10Ivi umali kuvakola vave vami kandi avasaalisi kutumikira Nyasaye wiitu,
kandi valamiha ku lirova.”
11Ndahenza, kandi ndaahulira umwoyo gwi zingelosi avanyingi avatanyala kuvalizwa nivakumbirizi endeve yu vwami, harara ni ivilombe vine viveeye mwoyo navakulundu. 12Vavoola nu mwoyo umunene:
“Mwana wi Ligondi uwiitwa uduukani,
konyoora uvunyali, uvutugi, ovogeri kandi izingulu,
uluyali uvukumi ni lizominya!”
13Ndaahulira kandi ivilombe viosi iviveeye mwigulu, iviveeye ku lirova, iviveeye isi wi lirova, iviveeye munyanza, kandi ivilombe viosi iviveeye mwoyo mu lirova ni vivoora:
“Oyo uwikala kondeve yu vwami kandi ku Mwana wi Ligondi,
luyali loveeye kuye, lizominywa, uvukumi ni zinguru,
kuduuka mihiga ni mihiga!”
14Ivilombe vine iviveeye mwoyo yivio viavoola, “Amini!” Kandi avakulundu vaagwa hasi mamumama nivasigamira Nyasaye.
Mwana wi Ligondi yaavoholora imihuri
©Bible Society of Kenya, 2019