LIVALIZA 32
32
Zihiiri Ziadikila Ivugwi wa Jorodani
(Liz. 3:12-22)
1Zihiiri zia Rubeni ni zihiiri zia Gadi ziali ni mitugu minyingi ligali. Lwavaalora kuli kivala cha Jaza na Gileadi chayaanziza mitugu jaavo, 2vazia ku Musa, musaalisi Elieza na vimiliri vandi vu muganda gwa Isiraeli nivavoora, 3“Zisoma zia Atarozi, Diboni, Jaza, Nimura, Heshiboni, Eleale, Shebamu, Nebo na Beoni, 4ni vivala via Yahova yaguuta kigira vandu va Isiraeli; viveeye vivala vilahi ku mitugu jietu, kigira kunyi koveeye ni mitugu minyingi ligali. 5Vavoola, mwaza nuyanza okohe kivala yiki keve umwandu gwitu, kandi utakoleka kwambuki mugera gwa Jorodani kuzie kumenya yo mba.”
6Musa yavativulira navoora, “Munyi mwenya kumenya hano lwa vache vinyu vandu va Isiraeli vazia kulwaana? 7Mwenya kwita mioyo ja vandu va Isiraeli vavuli kwambuka mugera gwa Jorodani kuzia mukivala cha Yahova avaheye? 8Nindio avaguuga vinyu vaakora lwandavatuma kutura ha Kadeshi Barinea kuzia kuluuta kivala yicho. 9Vazia kuduuka mu livona lia Eshikoli nivalora kivala, navuzwa lwavirana, vita mioyo ja vandu va Isiraeli kuvula kwingira mu kivala cha Yahova yaali navaheeye. 10Lidiku yilio, Yahova yaali nu vutima ma nahaana lilaga: 11‘Nzisuha ndi kigira sivambulila mba, si halava ho na vasaza vi mihiga sirini anaho kuzizagilira avaatura Egebeti kwingira mukivala cha ndalaga Aburahamu, Isaka, na Yakobo mba.’ 12Yaga gaali ku vandu vosi, nitali Kalebu muyaayi wa Jefune mundu wa Kenizi, na Joshua muyaayi wa Nuni; avaloonda malago ga Yahova no mwoyo gwosi. 13Yahova yaali nu vutima na vandu, naavalomba kugendagenda mwigendanyama kulwimihiga arubaini kuduuka lwi likula liene yilio liavula kuyanziza Yahova liakuza. 14Kandi kalunu mumali kuvugura vwiyangu vwa vababa vinyu, likula lihia lia vandu voni aveetegeki kwilanyia vutima vululu vwa Yahova ku vandu va Isiraeli kandi. 15Niiva mwinye avana va Rubeni na vana va Gadi, musuraa kumulonda kalunu, alaleka vandu yava vosi mwigendinyama kandi na muladulwa kigira lidivizwa liavo.”
16Maku vazia ku Musa nivavoora, “Kutanga, leka kwumbakiri magondi giitu lugaga lwa magina hano no kolomba imbinga ku madaala giitu kigira vakali viitu na vana viitu. 17Maku kunyi kulava vetegeke na vache viitu, avandu va Isiraeli kuzia navo muvulwani ni kwimilira vulwani kuduuka lwakuvidikiliza mu kivala kiliva chavo. Mu ing'inga yiyi, vandu vi zinyumba zietu vilatanga komenya hano mu madaala gaveeye nimbinga, yu kwikinga kutura ku vandu vi kivala yiki. 18Kunyi sikulirana yengo mba, kuduuka lwa vandu va Isiraeli vandi vavugura kivala cha valagilwa. 19Sikulavugula miandu giveeye hagati haavo kolovega lundi lwu mugera gwa Jorodani mba, kigira kunyi kumali konyoora kedonye chiitu hano kolovega lwi Ivugwi wu mugera gwa Jorodani.”
20Musa yativura navoora, “Niiva mulakola yaga, imbiri wa yahova, mwetegeke ma muzie muvulwani. 21Vasaza vinyu vu vulwani vaduukana vambuki mugera gwa Jorodani, kandi mulilaga lia Yahova, venyeka vingiliri avasigu viitu kuduuka lwa Yahova avaguuta 22no kuvugura miandu ji kivala. Inyima wa yaga, munyala kwirana, kigira namuve nimumali kutwekiza ga mwalagana na Yahova harara na vache vinyu, avandu va Isiraeli. Maku Yahova alavugilira kivala Ivugwi wu mugera gwa Jorodani kilava chiinyu. 23Navuzwa ni mutakola kuli mwalaga, mwiganihizaa ndi, mulava ni mukoraa vwoni ku Yahova. Mutakola vudamanu kigira yaga mba; mutahevwa mageri kigira vwoni vwinyu mba. 24Kunangwa yumbaki madaala ginyu ni zingaga ziamagondi ginyu, navuzwa mukore cha mumali kulaga!”
25Avandu vihiiri zia Gadi na Rubeni vavoola, “Mwami, kunyi vatumikiri vovo kulakola kuli ukulagi. 26Vakali vitu, vana viitu, zing'ombe zietu na magondi giitu vilatigala hano mu madaala ga Gileadi. 27Navuzwa kunyi vosi kwetegeki kuzia muvulwani kolondekana na malago ga Yahova. Kulambuka mugera gwa Jorodani nokulwaana kuli umali kuvoola.” 28Kunangwa Musa yahaana malago yaga ku musaalisi Elieza, Joshua, na vimiliri vandi va Isiraeli. 29“Niiva zihiiri zia Gadi na va Rubeni zilambuka mugera gwa Jorodani ni zietegeki kulwaana kuli Yahova alagi, kandi niiva mulanyola vokonyi vwavo ma muguuti kivala yicho, muvahe kivala cha Gileadi kuli mwandu gwaavo. 30Navuzwa niiva si valambuka mugera gwa Jorodani nu kuzia kulwaana harara na munyi, vanyoore kedonye chu mwandu gwaavo mukivala cha Kanaani kuli munyi.”
31Avasaza va Gadi na Rubeni vativura nivavoora, “Mwami, kulakola kuli Yahova amali kulaga. 32Mu vwimiliri vwa Yahova, kulambuka nukuzia mu kivala cha Kanaani kandi kuzie mu vulwani, kunangwa kutigale ni miandu jitu mu kolovega lwi Ivugwi wa Jorodani lunu.”
33Maku Musa yahaana ku zihiiri zia Gadi na Rubeni ni inusu yi zihiiri zia Manase muyaayi wa Josefu kivala choosi chu vwamihi vwa Sihoni, umwami wa vandu va Amori kandi kivala chu vwamihi vwa Ogi, mwami wa Bashani harara na madaala gavakumberiza. 34Ihiiri ya Gadi yumbaka vuhia zimbinga zia madaala ga Diboni, Atarozi, Aro, 35Atirozi Shofani, Jaza, Jogibeha, 36Bezi Nimura na Bezi Harani kuli madaala manene gi zimbinga kandi zingaga zia magondi. 37Rubeni yumbaka vuhia Heshiboni, Eliele Kiriazaimu, 38Nebo, Baali Meoni; amita yaga gagilunganywa na Sibima ma nivahaana amita mahia ku madaala gavumbaka vuhia.
39Avandu vi kiliango cha Makiri muyaayi wa Manase vingilira kivala cha Gileadi nivamenyamu, kandi vakunga vandu va Amori avaari ni vamenyi mucho. 40Kunangwa Musa yahaana ku zihiiri zia Makiri muyaayi wa manase kivala cha Gileadi ni vamenye mu. 41Jairi, wihiiri ya Manase yingilira navugura madaala malala nagalanga “Madaala ga Jairi.” 42Noba yingilira Kenazi navugura madaala gacho, nagalanga Noba kuli lieta lilie.
Currently Selected:
LIVALIZA 32: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
LIVALIZA 32
32
Zihiiri Ziadikila Ivugwi wa Jorodani
(Liz. 3:12-22)
1Zihiiri zia Rubeni ni zihiiri zia Gadi ziali ni mitugu minyingi ligali. Lwavaalora kuli kivala cha Jaza na Gileadi chayaanziza mitugu jaavo, 2vazia ku Musa, musaalisi Elieza na vimiliri vandi vu muganda gwa Isiraeli nivavoora, 3“Zisoma zia Atarozi, Diboni, Jaza, Nimura, Heshiboni, Eleale, Shebamu, Nebo na Beoni, 4ni vivala via Yahova yaguuta kigira vandu va Isiraeli; viveeye vivala vilahi ku mitugu jietu, kigira kunyi koveeye ni mitugu minyingi ligali. 5Vavoola, mwaza nuyanza okohe kivala yiki keve umwandu gwitu, kandi utakoleka kwambuki mugera gwa Jorodani kuzie kumenya yo mba.”
6Musa yavativulira navoora, “Munyi mwenya kumenya hano lwa vache vinyu vandu va Isiraeli vazia kulwaana? 7Mwenya kwita mioyo ja vandu va Isiraeli vavuli kwambuka mugera gwa Jorodani kuzia mukivala cha Yahova avaheye? 8Nindio avaguuga vinyu vaakora lwandavatuma kutura ha Kadeshi Barinea kuzia kuluuta kivala yicho. 9Vazia kuduuka mu livona lia Eshikoli nivalora kivala, navuzwa lwavirana, vita mioyo ja vandu va Isiraeli kuvula kwingira mu kivala cha Yahova yaali navaheeye. 10Lidiku yilio, Yahova yaali nu vutima ma nahaana lilaga: 11‘Nzisuha ndi kigira sivambulila mba, si halava ho na vasaza vi mihiga sirini anaho kuzizagilira avaatura Egebeti kwingira mukivala cha ndalaga Aburahamu, Isaka, na Yakobo mba.’ 12Yaga gaali ku vandu vosi, nitali Kalebu muyaayi wa Jefune mundu wa Kenizi, na Joshua muyaayi wa Nuni; avaloonda malago ga Yahova no mwoyo gwosi. 13Yahova yaali nu vutima na vandu, naavalomba kugendagenda mwigendanyama kulwimihiga arubaini kuduuka lwi likula liene yilio liavula kuyanziza Yahova liakuza. 14Kandi kalunu mumali kuvugura vwiyangu vwa vababa vinyu, likula lihia lia vandu voni aveetegeki kwilanyia vutima vululu vwa Yahova ku vandu va Isiraeli kandi. 15Niiva mwinye avana va Rubeni na vana va Gadi, musuraa kumulonda kalunu, alaleka vandu yava vosi mwigendinyama kandi na muladulwa kigira lidivizwa liavo.”
16Maku vazia ku Musa nivavoora, “Kutanga, leka kwumbakiri magondi giitu lugaga lwa magina hano no kolomba imbinga ku madaala giitu kigira vakali viitu na vana viitu. 17Maku kunyi kulava vetegeke na vache viitu, avandu va Isiraeli kuzia navo muvulwani ni kwimilira vulwani kuduuka lwakuvidikiliza mu kivala kiliva chavo. Mu ing'inga yiyi, vandu vi zinyumba zietu vilatanga komenya hano mu madaala gaveeye nimbinga, yu kwikinga kutura ku vandu vi kivala yiki. 18Kunyi sikulirana yengo mba, kuduuka lwa vandu va Isiraeli vandi vavugura kivala cha valagilwa. 19Sikulavugula miandu giveeye hagati haavo kolovega lundi lwu mugera gwa Jorodani mba, kigira kunyi kumali konyoora kedonye chiitu hano kolovega lwi Ivugwi wu mugera gwa Jorodani.”
20Musa yativura navoora, “Niiva mulakola yaga, imbiri wa yahova, mwetegeke ma muzie muvulwani. 21Vasaza vinyu vu vulwani vaduukana vambuki mugera gwa Jorodani, kandi mulilaga lia Yahova, venyeka vingiliri avasigu viitu kuduuka lwa Yahova avaguuta 22no kuvugura miandu ji kivala. Inyima wa yaga, munyala kwirana, kigira namuve nimumali kutwekiza ga mwalagana na Yahova harara na vache vinyu, avandu va Isiraeli. Maku Yahova alavugilira kivala Ivugwi wu mugera gwa Jorodani kilava chiinyu. 23Navuzwa ni mutakola kuli mwalaga, mwiganihizaa ndi, mulava ni mukoraa vwoni ku Yahova. Mutakola vudamanu kigira yaga mba; mutahevwa mageri kigira vwoni vwinyu mba. 24Kunangwa yumbaki madaala ginyu ni zingaga ziamagondi ginyu, navuzwa mukore cha mumali kulaga!”
25Avandu vihiiri zia Gadi na Rubeni vavoola, “Mwami, kunyi vatumikiri vovo kulakola kuli ukulagi. 26Vakali vitu, vana viitu, zing'ombe zietu na magondi giitu vilatigala hano mu madaala ga Gileadi. 27Navuzwa kunyi vosi kwetegeki kuzia muvulwani kolondekana na malago ga Yahova. Kulambuka mugera gwa Jorodani nokulwaana kuli umali kuvoola.” 28Kunangwa Musa yahaana malago yaga ku musaalisi Elieza, Joshua, na vimiliri vandi va Isiraeli. 29“Niiva zihiiri zia Gadi na va Rubeni zilambuka mugera gwa Jorodani ni zietegeki kulwaana kuli Yahova alagi, kandi niiva mulanyola vokonyi vwavo ma muguuti kivala yicho, muvahe kivala cha Gileadi kuli mwandu gwaavo. 30Navuzwa niiva si valambuka mugera gwa Jorodani nu kuzia kulwaana harara na munyi, vanyoore kedonye chu mwandu gwaavo mukivala cha Kanaani kuli munyi.”
31Avasaza va Gadi na Rubeni vativura nivavoora, “Mwami, kulakola kuli Yahova amali kulaga. 32Mu vwimiliri vwa Yahova, kulambuka nukuzia mu kivala cha Kanaani kandi kuzie mu vulwani, kunangwa kutigale ni miandu jitu mu kolovega lwi Ivugwi wa Jorodani lunu.”
33Maku Musa yahaana ku zihiiri zia Gadi na Rubeni ni inusu yi zihiiri zia Manase muyaayi wa Josefu kivala choosi chu vwamihi vwa Sihoni, umwami wa vandu va Amori kandi kivala chu vwamihi vwa Ogi, mwami wa Bashani harara na madaala gavakumberiza. 34Ihiiri ya Gadi yumbaka vuhia zimbinga zia madaala ga Diboni, Atarozi, Aro, 35Atirozi Shofani, Jaza, Jogibeha, 36Bezi Nimura na Bezi Harani kuli madaala manene gi zimbinga kandi zingaga zia magondi. 37Rubeni yumbaka vuhia Heshiboni, Eliele Kiriazaimu, 38Nebo, Baali Meoni; amita yaga gagilunganywa na Sibima ma nivahaana amita mahia ku madaala gavumbaka vuhia.
39Avandu vi kiliango cha Makiri muyaayi wa Manase vingilira kivala cha Gileadi nivamenyamu, kandi vakunga vandu va Amori avaari ni vamenyi mucho. 40Kunangwa Musa yahaana ku zihiiri zia Makiri muyaayi wa manase kivala cha Gileadi ni vamenye mu. 41Jairi, wihiiri ya Manase yingilira navugura madaala malala nagalanga “Madaala ga Jairi.” 42Noba yingilira Kenazi navugura madaala gacho, nagalanga Noba kuli lieta lilie.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019