LIVALIZA 27
27
Avakaana va Zelofehadi Vanyoola Mulimi
1Zelofehadi yaali muyaayi wa Heferi, na Heferi yaali muyaayi wa Gileadi, na Gileadi yaali muyaayi wa Makiri, na Makiri yaali muyaayi wa Manase, na Manase yaali muyaayi wa Josefu. Zelofehadi yaali na vakana vatano: Mahila, Noa, Hogula, Milika na Tiriza. 2Avakaana yava vazia nivasingila imbiri wa Musa, musaalisi Elieza, aviimiliri harara na vandu vosi mu vwingiliru vwi Lihema lia Yahova nivavoora, 3“Baba wiitu yakuzira mwigendanyama, na siyalekaku avana vayaayi mba. Siyaali mulala ku valondi va Kora avahing'anaa na Yahova mba. Yakuza kigira uvwoni vwivwe. 4Lieta lia baba wiitu lilagota kutura mu ihiiri ya vandu va Isiraeli, kigira si yaaliku na vana vayaayi mba? Mukohe miandu jiitu jiveeye mu vwiko vwa baba wiitu.”
5Musa yateeva Yahova chokokola, 6na Yahova yamuvolera, 7“Cha vakana va Zelofehadi vateevi keveeye vulungi. Uhaane kuvo miandu jiveeye hagati ha viko vababa wavo. Oleke vanyoore miandu ja baba wavo. 8Volera vandu va Isiraeli ndi, lwu mundu musaza akuzaa vugira koleka mwana muyaayi, mwana weve mukaana alanyoola miandu ja baba weve. 9Nataveeye nu mwana mukaana, avamwavo veve valavugula miandu jije. 10Nataveeye na vamwavo, avana va amwavo baba weve valavugula miandu jije. 11Nataveeye na vamwavo, noho avakoza, mwiko weve wa himbi alavugula miandu jije. Avandu va Isiraeli valalinda malago yaga kuli inzi Yahova mali kovora.”
Joshua Yatovolwa Kuva Mwimiliri wa Vandu va Isiraeli
(Liz. 31:1-8)
12Yahova yavolera Musa, “Zia kondongozi yi kiguru cha Abarimu ma ohenze mu kivala chanzizaa kuhaana ku vandu va Isiraeli. 13Ni vakamala kolola kivala yiki, ulakuza kuli amwavo woovo Haruni yakuza 14kigira munyi vombi mwahing'ana na malago gange mwigendanyama lia Zini. Lwa vandu vosi vililira ku inzi ha Meriba, mwasuura kuvugilira zinguru ziange zindakatifu imbiri wavo.” Meriba ni kisinukiru cha mazi ha Kadeshi mwigendanyama lia Zini. 15Musa yasaala navoora, 16“Yahova Nyasaye, ivi oveeye vutangiliru vwe livamwoyo liosi, ngusaala otovole mundu unyala kwimilira vandu 17no kuvaha malago mu vulwani, kunangwa avandu vovo vosi vavuli kololeka kuli magondi gataveeye nu mwayi.”
18Yahova yavolera Musa, “Vugula Joshua mwana wa Nuni, umundu winyaliza ma uviiki ku mutwi gwigwe makono googo. 19Umulete asingili imbiri wu musaalisi Elieza harara na vandu vosi, hene yaho umulandizi kuva kuli mwimiliri mu vogono vuvwo. 20Uhaane kuye kidieli chu vunyali vuvwo, kunangwa vandu vosi va Isiraeli vamuhuliri. 21Alasingira imbiri wu musaalisi Elieza, uwaza atumikiri Urimu na Zurimu#27:21 Urimu na Zurimu: Yaga na mita go Luheburaina agaveeye kovora; “Amagina gatumika nu musaalisi kumanya lienya lia Nyasaye” (Kutura 28:3). kuhaana likalaga liange. Kulilaga lilie, oyo harara na vandu vosi va Isiraeli valatura kuzia kandi kwirana.” 22Musa yakola kuli Yahova yaali naamulagi. Yaleeta Joshua naamusingiriza imbiri wu musaalisi Elieza harara na vandu vosi va Isiraeli. 23Musa yavika makono geege ku mutwi gwa Joshua namulandiza kuvugura ovogono vwivwe kuli mwimiliri wa vandu va Isiraeli, kuli Yahova yaali naamulagi.
Currently Selected:
LIVALIZA 27: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
LIVALIZA 27
27
Avakaana va Zelofehadi Vanyoola Mulimi
1Zelofehadi yaali muyaayi wa Heferi, na Heferi yaali muyaayi wa Gileadi, na Gileadi yaali muyaayi wa Makiri, na Makiri yaali muyaayi wa Manase, na Manase yaali muyaayi wa Josefu. Zelofehadi yaali na vakana vatano: Mahila, Noa, Hogula, Milika na Tiriza. 2Avakaana yava vazia nivasingila imbiri wa Musa, musaalisi Elieza, aviimiliri harara na vandu vosi mu vwingiliru vwi Lihema lia Yahova nivavoora, 3“Baba wiitu yakuzira mwigendanyama, na siyalekaku avana vayaayi mba. Siyaali mulala ku valondi va Kora avahing'anaa na Yahova mba. Yakuza kigira uvwoni vwivwe. 4Lieta lia baba wiitu lilagota kutura mu ihiiri ya vandu va Isiraeli, kigira si yaaliku na vana vayaayi mba? Mukohe miandu jiitu jiveeye mu vwiko vwa baba wiitu.”
5Musa yateeva Yahova chokokola, 6na Yahova yamuvolera, 7“Cha vakana va Zelofehadi vateevi keveeye vulungi. Uhaane kuvo miandu jiveeye hagati ha viko vababa wavo. Oleke vanyoore miandu ja baba wavo. 8Volera vandu va Isiraeli ndi, lwu mundu musaza akuzaa vugira koleka mwana muyaayi, mwana weve mukaana alanyoola miandu ja baba weve. 9Nataveeye nu mwana mukaana, avamwavo veve valavugula miandu jije. 10Nataveeye na vamwavo, avana va amwavo baba weve valavugula miandu jije. 11Nataveeye na vamwavo, noho avakoza, mwiko weve wa himbi alavugula miandu jije. Avandu va Isiraeli valalinda malago yaga kuli inzi Yahova mali kovora.”
Joshua Yatovolwa Kuva Mwimiliri wa Vandu va Isiraeli
(Liz. 31:1-8)
12Yahova yavolera Musa, “Zia kondongozi yi kiguru cha Abarimu ma ohenze mu kivala chanzizaa kuhaana ku vandu va Isiraeli. 13Ni vakamala kolola kivala yiki, ulakuza kuli amwavo woovo Haruni yakuza 14kigira munyi vombi mwahing'ana na malago gange mwigendanyama lia Zini. Lwa vandu vosi vililira ku inzi ha Meriba, mwasuura kuvugilira zinguru ziange zindakatifu imbiri wavo.” Meriba ni kisinukiru cha mazi ha Kadeshi mwigendanyama lia Zini. 15Musa yasaala navoora, 16“Yahova Nyasaye, ivi oveeye vutangiliru vwe livamwoyo liosi, ngusaala otovole mundu unyala kwimilira vandu 17no kuvaha malago mu vulwani, kunangwa avandu vovo vosi vavuli kololeka kuli magondi gataveeye nu mwayi.”
18Yahova yavolera Musa, “Vugula Joshua mwana wa Nuni, umundu winyaliza ma uviiki ku mutwi gwigwe makono googo. 19Umulete asingili imbiri wu musaalisi Elieza harara na vandu vosi, hene yaho umulandizi kuva kuli mwimiliri mu vogono vuvwo. 20Uhaane kuye kidieli chu vunyali vuvwo, kunangwa vandu vosi va Isiraeli vamuhuliri. 21Alasingira imbiri wu musaalisi Elieza, uwaza atumikiri Urimu na Zurimu#27:21 Urimu na Zurimu: Yaga na mita go Luheburaina agaveeye kovora; “Amagina gatumika nu musaalisi kumanya lienya lia Nyasaye” (Kutura 28:3). kuhaana likalaga liange. Kulilaga lilie, oyo harara na vandu vosi va Isiraeli valatura kuzia kandi kwirana.” 22Musa yakola kuli Yahova yaali naamulagi. Yaleeta Joshua naamusingiriza imbiri wu musaalisi Elieza harara na vandu vosi va Isiraeli. 23Musa yavika makono geege ku mutwi gwa Joshua namulandiza kuvugura ovogono vwivwe kuli mwimiliri wa vandu va Isiraeli, kuli Yahova yaali naamulagi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019