NAHUMU 2
2
Liigwa lia Nineve
1Munyi avandu va Nineve,
mu veeye mu vuhimwa vwu kwingilirwa!
Avasigu valimudiviza vamali kuduuka ku munyi.
Mwelohizi kuli munyala kwikinga!
Mulindi zinzira!
Mwetegeke ku vulwani!
2Yahova aveeye ahimbi kwilanyia vukumi
vwa Isiraeli, kuli vaali kale avasigu vaavo
ni vakikiri kuvadiviza.
3Avasikari va vasigu vaginga
zinguva zinzakanyu kandi vivikaa zinguvu zinzakanyu.
Velohizaa kuzia kwingilira!
Amagare ga mahi gaavo gahemahemaa kuli muliru!
Zibarasi ziavo zitumatuma!
4Amagare ga mahi ganyagulaa zimbiru mu zinzira,
ganyagulaa zimbiru yiyi ni yiyi mu lidaala linene.
Gakaa kuli zitochi,
kandi ganyagulaa zimbiru kuli oloheni.
5Alaangaa miganda ja vasikari veve,
navuzwa vagenda ni visigatira kunzira.
Vanyagura kuzia ku lidigi lie lidaala;
vetegeki ni zinguva ziavo ziu vulwani.
6Virivwa viveeye ahimbi nu mugera viguliki,
inyumba yu vwami imali kugwa.
7Mwami wi kikali ahiliywi mu vuhambe;
Avatumikiri veve vasioma kuli amakuulu
kandi vaduya vilitu viavo muvovereri.
8Avandu virukaa kutura mu lidaala lia Nineve,
kuli amazi gaturaa mu lidavalia limali kufuduka.
Lihanzuka lihulirikaa, “Singiri! Singiri!”
navuzwa avulaho mundu kali mulala wirana.
9Mulanye ifeza!
Mulanye izahabu!
Livikiru lie lidaala lizuuyi vindu viu vuguli!
10Lidaala lia Nineve limali kudivizwa, limali kolekwa kandi litigaye hazwa!
Avandu vizuyi uvuti,
amalu gaavo gadegeraa,
kandi zinguru ziavo zifeye.
Mumoni mwavo kusamuka.
11Kalunu lidaala linene lialange kuli luhangaywa lwi zisimba ziamenya mu liveeye haliki?
Havundu hi zisimba zisoleri zialiraa,
havundu hi zisaza ni zingali ziali zinyala kuzia
kandi havundu ha vana vazio vaali vanyara kuva mu mirembe?
12Isimba isaza yitaa inyama yayo,
ma itandulanya mu vidonye,
ma igavulira zisimba zingali harara na vana vayo.
Yizuliza luhangaywa lwayo ni vidonye vie zinyama.
13Yahova Wuvunyali avoora, “Inzi mbeeye musigu winyu! Ndakasambe magare ginyu gu vulwani. Avasikari vinyu valakitirwi mu vulwani, kandi ndakavuguli vuli kindu choosi cha mwavugula kutura ku vasigu vinyu. Lienya lia vatumwa vinyu sililakahuliriki kandi mba.”
Currently Selected:
NAHUMU 2: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
NAHUMU 2
2
Liigwa lia Nineve
1Munyi avandu va Nineve,
mu veeye mu vuhimwa vwu kwingilirwa!
Avasigu valimudiviza vamali kuduuka ku munyi.
Mwelohizi kuli munyala kwikinga!
Mulindi zinzira!
Mwetegeke ku vulwani!
2Yahova aveeye ahimbi kwilanyia vukumi
vwa Isiraeli, kuli vaali kale avasigu vaavo
ni vakikiri kuvadiviza.
3Avasikari va vasigu vaginga
zinguva zinzakanyu kandi vivikaa zinguvu zinzakanyu.
Velohizaa kuzia kwingilira!
Amagare ga mahi gaavo gahemahemaa kuli muliru!
Zibarasi ziavo zitumatuma!
4Amagare ga mahi ganyagulaa zimbiru mu zinzira,
ganyagulaa zimbiru yiyi ni yiyi mu lidaala linene.
Gakaa kuli zitochi,
kandi ganyagulaa zimbiru kuli oloheni.
5Alaangaa miganda ja vasikari veve,
navuzwa vagenda ni visigatira kunzira.
Vanyagura kuzia ku lidigi lie lidaala;
vetegeki ni zinguva ziavo ziu vulwani.
6Virivwa viveeye ahimbi nu mugera viguliki,
inyumba yu vwami imali kugwa.
7Mwami wi kikali ahiliywi mu vuhambe;
Avatumikiri veve vasioma kuli amakuulu
kandi vaduya vilitu viavo muvovereri.
8Avandu virukaa kutura mu lidaala lia Nineve,
kuli amazi gaturaa mu lidavalia limali kufuduka.
Lihanzuka lihulirikaa, “Singiri! Singiri!”
navuzwa avulaho mundu kali mulala wirana.
9Mulanye ifeza!
Mulanye izahabu!
Livikiru lie lidaala lizuuyi vindu viu vuguli!
10Lidaala lia Nineve limali kudivizwa, limali kolekwa kandi litigaye hazwa!
Avandu vizuyi uvuti,
amalu gaavo gadegeraa,
kandi zinguru ziavo zifeye.
Mumoni mwavo kusamuka.
11Kalunu lidaala linene lialange kuli luhangaywa lwi zisimba ziamenya mu liveeye haliki?
Havundu hi zisimba zisoleri zialiraa,
havundu hi zisaza ni zingali ziali zinyala kuzia
kandi havundu ha vana vazio vaali vanyara kuva mu mirembe?
12Isimba isaza yitaa inyama yayo,
ma itandulanya mu vidonye,
ma igavulira zisimba zingali harara na vana vayo.
Yizuliza luhangaywa lwayo ni vidonye vie zinyama.
13Yahova Wuvunyali avoora, “Inzi mbeeye musigu winyu! Ndakasambe magare ginyu gu vulwani. Avasikari vinyu valakitirwi mu vulwani, kandi ndakavuguli vuli kindu choosi cha mwavugula kutura ku vasigu vinyu. Lienya lia vatumwa vinyu sililakahuliriki kandi mba.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019