MIKA 6
6
Yahova Ayaara Isiraeli
1Hulirizi kiyaalo cha Yahova ku Isiraeli. Vuki, O, Yahova, na ovoole liyaala liilio; leka avandu vamenyi ku vigulu nu tugulu vahulire agauvoolaa.
2Munyi avandu vamenyi ku vigulu, kandi munyi avandu vamenyi ku lirova avahindira, hulirizi liyaala lia Yahova! Yahova aveeye nilihing'ana ku avandu veve. Azizaa kuyaala Isiraeli.
3Yahova avoora, “O, avandu vange, mukoleeye ki? Inzi mbeeye ndi uvuliduhu ku munyi? Mundivulire. 4Ndamutuliza mu kivala cha Egebeti; ndaamuhonyia kutura muvutugwa; ndaatuma Musa, Haruni na Miriamu kumwimilira. 5O, avandu vange, mwizurizi agu mwami Balaki wi kivala cha Moabu yaganagana kumukolera kandi kuli Balaamu muyaayi wa Beori yamutivulira. Mwizurizi ivindu viakoreka kulogendo kutura mu hokososa ha Akakia kuzia mu Giligali. Mwizurizi ivindu yivi na muduuki kumanya agandaamukolera kunangwa inzi nduuki kumuhonyia.”
Aga Yahova yenya
6Nyara koletera kindiki Yahova, Nyasaye wu mwigulu, lwa nziza imbiri weve kumusigamira? Nyara kumuletera vimoli vinetu nu kusaamba vive kuli vihaanwa kuye? 7Yahova alayanzizwa niiva ndamuhaanila zielefu zia amagondi, anoho migera ja amaguta ga muzeituni agatahera? Nyara kumuhaanira mwana wange wokutanga kwivulwa kutunga kigira uvwoni vwange? 8Awa, Yahova umali kokovoolera agaveeye amalahi. Aga yenya kutura ku kunyi ni yaga: Kokora uvulungi, kumanyia uvuyanzi vutaveeye nekeheri, nokomenya mu liegehiza harara na Nyasaye wiitu.
9Yahova avooreraa lidaala linene, vuveeye vulahi kutia lieta lia Yahova; “Huliri, O, ihiiri ni Livugana mu lidaala linene! 10Nyara kwivilira zikiba zio vudamanu munyumba ya avadamanu, na ekegero kekekeeke chu kuvihiirizwa? 11Nyara ndi kusamiiha vandu avatumikiraa zikilo na amagina guvugadi? 12Avatugi vinyu vanyaga vadaka, kandi munyi mwosi muveeye avagaadi. 13Kunangwa mali kokora munyi hazwa kandi kuvadiviza kigira uvwoni vwinyu. 14Mulalia, navuzwa si muliiguta mba, kalindio mulava nimukikiri ninzara. Mulatuliza ivindu ichova, navuzwa simulavihonyia mba, kandi kindu choosi cha muhonyi ndakidivizira mu vulwani. 15Mulataga vuswage, navuzwa simulakagese, mba mulamiina nukukamula amaguta kutura mu mizeituni, navuzwa simulanyora amaguta gu kwivaka mba. Mulamiina makuyu, navuzwa simulanwa iwaini mba. 16Yaga galakoleka kigira mumali kolonda likora liuvudamanu liu mwami Omuri nu mwana weve, mwami Ahabu. Mwazizagilira kolonda likora lilie na kulwayago ndamudiviza ligali, na vuli mundu alamulegeriza. Avandu havundu hoosi valamukolera kehenyahenye.”
Currently Selected:
MIKA 6: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
MIKA 6
6
Yahova Ayaara Isiraeli
1Hulirizi kiyaalo cha Yahova ku Isiraeli. Vuki, O, Yahova, na ovoole liyaala liilio; leka avandu vamenyi ku vigulu nu tugulu vahulire agauvoolaa.
2Munyi avandu vamenyi ku vigulu, kandi munyi avandu vamenyi ku lirova avahindira, hulirizi liyaala lia Yahova! Yahova aveeye nilihing'ana ku avandu veve. Azizaa kuyaala Isiraeli.
3Yahova avoora, “O, avandu vange, mukoleeye ki? Inzi mbeeye ndi uvuliduhu ku munyi? Mundivulire. 4Ndamutuliza mu kivala cha Egebeti; ndaamuhonyia kutura muvutugwa; ndaatuma Musa, Haruni na Miriamu kumwimilira. 5O, avandu vange, mwizurizi agu mwami Balaki wi kivala cha Moabu yaganagana kumukolera kandi kuli Balaamu muyaayi wa Beori yamutivulira. Mwizurizi ivindu viakoreka kulogendo kutura mu hokososa ha Akakia kuzia mu Giligali. Mwizurizi ivindu yivi na muduuki kumanya agandaamukolera kunangwa inzi nduuki kumuhonyia.”
Aga Yahova yenya
6Nyara koletera kindiki Yahova, Nyasaye wu mwigulu, lwa nziza imbiri weve kumusigamira? Nyara kumuletera vimoli vinetu nu kusaamba vive kuli vihaanwa kuye? 7Yahova alayanzizwa niiva ndamuhaanila zielefu zia amagondi, anoho migera ja amaguta ga muzeituni agatahera? Nyara kumuhaanira mwana wange wokutanga kwivulwa kutunga kigira uvwoni vwange? 8Awa, Yahova umali kokovoolera agaveeye amalahi. Aga yenya kutura ku kunyi ni yaga: Kokora uvulungi, kumanyia uvuyanzi vutaveeye nekeheri, nokomenya mu liegehiza harara na Nyasaye wiitu.
9Yahova avooreraa lidaala linene, vuveeye vulahi kutia lieta lia Yahova; “Huliri, O, ihiiri ni Livugana mu lidaala linene! 10Nyara kwivilira zikiba zio vudamanu munyumba ya avadamanu, na ekegero kekekeeke chu kuvihiirizwa? 11Nyara ndi kusamiiha vandu avatumikiraa zikilo na amagina guvugadi? 12Avatugi vinyu vanyaga vadaka, kandi munyi mwosi muveeye avagaadi. 13Kunangwa mali kokora munyi hazwa kandi kuvadiviza kigira uvwoni vwinyu. 14Mulalia, navuzwa si muliiguta mba, kalindio mulava nimukikiri ninzara. Mulatuliza ivindu ichova, navuzwa simulavihonyia mba, kandi kindu choosi cha muhonyi ndakidivizira mu vulwani. 15Mulataga vuswage, navuzwa simulakagese, mba mulamiina nukukamula amaguta kutura mu mizeituni, navuzwa simulanyora amaguta gu kwivaka mba. Mulamiina makuyu, navuzwa simulanwa iwaini mba. 16Yaga galakoleka kigira mumali kolonda likora liuvudamanu liu mwami Omuri nu mwana weve, mwami Ahabu. Mwazizagilira kolonda likora lilie na kulwayago ndamudiviza ligali, na vuli mundu alamulegeriza. Avandu havundu hoosi valamukolera kehenyahenye.”
©Bible Society of Kenya, 2019