MIKA 4
4
Liamiiha lia Yahova lio murembe niligasizwa
(Isa. 2:2-4)
1Mu madiku gaaza mukigulu chi Litembeli liumbakwa,
kilakave kiguru kitambi ligali kuvita vigulu vindi viosi.
Zihiiri zinyingi zilangunyana kuzia mu kiguru yiki,
2na avandu vaavo valavoora,
“Gendi kuzie igulu ku kiguru cha Yahova,
mu Litembeli lia Nyasaye wa avandu va Isiraeli.
Kigira Nyasaye alakwigiza agayenya kunyi kokole;
kulageenda mu zinzira ziayakotovolera.
Kigira amigizu ga Yahova gaturaa
mu Lidaala linene lia Jerusalemi;
amolomaa ku avandu veve kutura ziyoni.”
3Yahova alakalaga hagati hi zihiiri zinyingi, kandi alaleeta mirembe hagati hi zihiiri zie zinguru zinene ahimbi ni ihale. Valatura vivavi viavo kolomba zimbago na amatimu gaavo kolomba mihizu ju kuhalulira. Zihiiri sizilazia muvulwani kandi, sivaletegeka ku vulwani kali hakuzu kandi mba.
4Navutswa vandu vosi valamenya mu mirembe hagati he milimi je mizabibu jije ni misaala ji mikuyu, na sihalavaho nu mundu kali mulala unyala kuvatihiza mba. Yahova Wuvunyali umali kulaga yaga.
5Vuli ihiiri ilasigamira nukutia vasigamira mu liitia umunyasaye waavo, navuzwa kunyi kurasigamira nu kutia Yahova Nyasaye wiitu mihiga ni mihiga.
Avandu va Isiraeli valilana kutura mu Vuhambe
6Yahova avoora, “Lidiku liza lwandivungiza harara avalema, nukuvungiza yavo avakungwa kandi, yavo avamali kuha amaduywa; 7Vakolwa avalema kandi vaveeye ihale kutura mu zingo ziavo, navuzwa ndalomba limenya lihia harara niyavo avamala kohononoka, na valagwa ihiiri yizingulu. Inze Yahova ndavamiiha ku kiguru zia Ziyoni kutura ing'inga yeyo kuduuka mihiga ni mihiga.”
8Na Jerusalemi lidaala linene, ha Nyasaye aveeye kuli mwayi kulinda avandu veve, halava kandi lidaala linene lio vwami vwali uvwinyu. 9Kigira ki mwaniraa vudinyu ligali? Kigira ki mukubaa kivi kuli mukali oveeye mulilumwa liumwana? Gaveeye kigira simuveeye nu mwami, na aviideri vinyu vaakuza? 10Uzizagiliri kokenya nukukuba zikwiri, avandu va Jerusalemi, kuli mukali wiivula, kulwakalunu mulatula mu lidaala linene nokomenya ichova mukivala chere. Mulazia mu kivala cha Babiloni, navuzwa Yahova alamukinga ku avasigu vinyu. 11Zihiiri zinyingi zievungikizi ku mwingiliraa. Zivoolaa, “Lidaala linene lia Jerusalemi kuduuka liduuki kudivizwa! Kulalola lidaala linene yili ni ligwiyi amang'anye!” 12Navuzwa zihiiri yizi sizimanyi agaveeye mu zing'anagani zia Yahova mba. Si zimanyirizi ndi zivungiziywi harara kohevwa amageri kuli vuswage voletwa koloze ma vuhuulwa.
13Yahova avoora, “Avandu vi lidaala linene lia Jerusalemi, muzie ma muhaane amageri ku vasigu vinyu! Ndamukora muve ni zinguru kuli igiriki eveeye ni zinziga zie kivia ne zimbagayu zie migasa. Mulashonoranyia zihiiri zinyingi, na mulaleetera inzi Yahova wi lirova liosi uvutugi vwa vanyoola mulitumikira zinguru.”
Currently Selected:
MIKA 4: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
MIKA 4
4
Liamiiha lia Yahova lio murembe niligasizwa
(Isa. 2:2-4)
1Mu madiku gaaza mukigulu chi Litembeli liumbakwa,
kilakave kiguru kitambi ligali kuvita vigulu vindi viosi.
Zihiiri zinyingi zilangunyana kuzia mu kiguru yiki,
2na avandu vaavo valavoora,
“Gendi kuzie igulu ku kiguru cha Yahova,
mu Litembeli lia Nyasaye wa avandu va Isiraeli.
Kigira Nyasaye alakwigiza agayenya kunyi kokole;
kulageenda mu zinzira ziayakotovolera.
Kigira amigizu ga Yahova gaturaa
mu Lidaala linene lia Jerusalemi;
amolomaa ku avandu veve kutura ziyoni.”
3Yahova alakalaga hagati hi zihiiri zinyingi, kandi alaleeta mirembe hagati hi zihiiri zie zinguru zinene ahimbi ni ihale. Valatura vivavi viavo kolomba zimbago na amatimu gaavo kolomba mihizu ju kuhalulira. Zihiiri sizilazia muvulwani kandi, sivaletegeka ku vulwani kali hakuzu kandi mba.
4Navutswa vandu vosi valamenya mu mirembe hagati he milimi je mizabibu jije ni misaala ji mikuyu, na sihalavaho nu mundu kali mulala unyala kuvatihiza mba. Yahova Wuvunyali umali kulaga yaga.
5Vuli ihiiri ilasigamira nukutia vasigamira mu liitia umunyasaye waavo, navuzwa kunyi kurasigamira nu kutia Yahova Nyasaye wiitu mihiga ni mihiga.
Avandu va Isiraeli valilana kutura mu Vuhambe
6Yahova avoora, “Lidiku liza lwandivungiza harara avalema, nukuvungiza yavo avakungwa kandi, yavo avamali kuha amaduywa; 7Vakolwa avalema kandi vaveeye ihale kutura mu zingo ziavo, navuzwa ndalomba limenya lihia harara niyavo avamala kohononoka, na valagwa ihiiri yizingulu. Inze Yahova ndavamiiha ku kiguru zia Ziyoni kutura ing'inga yeyo kuduuka mihiga ni mihiga.”
8Na Jerusalemi lidaala linene, ha Nyasaye aveeye kuli mwayi kulinda avandu veve, halava kandi lidaala linene lio vwami vwali uvwinyu. 9Kigira ki mwaniraa vudinyu ligali? Kigira ki mukubaa kivi kuli mukali oveeye mulilumwa liumwana? Gaveeye kigira simuveeye nu mwami, na aviideri vinyu vaakuza? 10Uzizagiliri kokenya nukukuba zikwiri, avandu va Jerusalemi, kuli mukali wiivula, kulwakalunu mulatula mu lidaala linene nokomenya ichova mukivala chere. Mulazia mu kivala cha Babiloni, navuzwa Yahova alamukinga ku avasigu vinyu. 11Zihiiri zinyingi zievungikizi ku mwingiliraa. Zivoolaa, “Lidaala linene lia Jerusalemi kuduuka liduuki kudivizwa! Kulalola lidaala linene yili ni ligwiyi amang'anye!” 12Navuzwa zihiiri yizi sizimanyi agaveeye mu zing'anagani zia Yahova mba. Si zimanyirizi ndi zivungiziywi harara kohevwa amageri kuli vuswage voletwa koloze ma vuhuulwa.
13Yahova avoora, “Avandu vi lidaala linene lia Jerusalemi, muzie ma muhaane amageri ku vasigu vinyu! Ndamukora muve ni zinguru kuli igiriki eveeye ni zinziga zie kivia ne zimbagayu zie migasa. Mulashonoranyia zihiiri zinyingi, na mulaleetera inzi Yahova wi lirova liosi uvutugi vwa vanyoola mulitumikira zinguru.”
©Bible Society of Kenya, 2019