MATAYO 4
4
Ligerizwa lia Yeso
(Mar. 1:12-13; Luk. 4:1-13)
1Kunangwa Roho yimilira Yeso kuzia mwigendanyama aduuki kogerizwa na Setani. 2Naye yaahonga lilia amadiku arubaini mbasu nu vudiku. Lwinyima, yaali ninzara. 3Maku, Setani yaza kuye, namuvolera, “Ivi nuuva noveeye Umwana wa Nyasaye, laga amagina yaga gagwi uvuchima.”
4Navuzwa Yeso yativura, “Gang'odwa mu Mang'oda Matakatifu, ‘Mundu sianyala kuva mwoyo kigira uvuchima vwenyine, navuzwa na makuva goosi agatulaa mu munwa gwa Nyasaye.’ ”
5Maku Setani yamuhira mu lidaala litakatifu lia Jerusalemi, naamusingiriza ku kesegese chi Litembeli, 6namuvolera, “Ivi nuuva noveeye Umwana wa Nyasaye, tuma hasi, kigira gang'odwa ndi,
‘Nyasaye alalaga zingelosi veve ku ivi,
valakuginga mu makono gaavo,
gase ulikigitala kelenge chicho ku ligina.’ ”
7Yeso yamuvolera, “Kandi gang'odwa, ‘Utageriza Mwami, Nyasaye woovo mba.’ ”
8Setani yamuhira ku kiguru kitambi ligali naamumanyia uvwami vwosi vwi lirova harara nu vukumi vwali. 9Na yamuvolera, “Vindu yivi viosi ndakuha, niiva ulagwa hasi ma usigamiri.”
10Ku Yeso yamuvolera, “Tula ku inzi, Setani! Kigira gang'odwa, ‘Ulasigamira Mwami Nyasaye woovo kandi ulamutumikira oyo yenyine!’ ”
11Ma Setani yamuleka, kandi henza, zingelosi vaza nivamutumikira.
Yeso yaatanga miyinzi jije mu Galilaya
(Mar. 1:14-15; Luk. 4:14-15)
12Lwa Yeso yahulira Yohana umali kugumirwa nukuviikwa mu vuhambe, yirana Galilaya. 13Lwa yatura Nazareti, yazia komenya Kaperinaumi, lidaala liali ku lujinga lwinyanza ya Galilaya, mu zinzako zie vivala via Zabuloni na Nafutali. 14Na ndio gaduuki kuduukizwa agu muporofeti Isaya yavoola,
15“Kivala cha Zabuloni ni kivala cha Nafutali,
kunzira yukuduuka kunyanza, engereka wa Jorodani,
Galilaya, kivala cha avandu vi zihiiri!
16Avandu vaali nivamenya mu kisundi valoli uvulavu vonene.
Kandi yavo avaamenyaa mu kivala chi chiriri chi likuza,
uvulavu vong'ereng'ani kuvo!”
17Kutura ing'inga yeyo, Yeso yaatanga kwilwaza navoora, “Mwiganiri, kigira Uvwami vwu mwigulu voveeye ahimbi!”
Yeso alaangaa avaluvi vane
(Mar. 1:16-20; Luk. 5:1-11)
18Lwa Yeso yaali nagenda ku lujinga lwinyanza ya Galilaya, yalora avaluvi vaviri avamwavo, Simoni ulangwa Petero na Andereya amwavo weve, nivaluvaa ni miluvu munyanza. 19Yavavolera, “Hambi munonde, ninzi nda mukora avaluvi va vandu.” 20Nonoho valeka imiluvu jaavo nivamulonda.
21Lwa yisunda hambiri hakekeke, yalora avamwavo vandi vaviri; Yakobo na Yohana, avana va Zebedayo. Vaali ni vaveeye mu liato harara na Zebedayo, baba wavo, ni vanava miluvu jaavo. Yeso yavalanga. 22Nonoho valekera baba wavo iliato ni valonda Yeso.
Yeso yigiza, yilwaza kandi nahonyia avalwaye
(Luk. 6:17-19)
23Yeso yavodong'ana hoosi mu Galilaya, ni yigizaa mu masinagogi gaavo, kandi yilwaza Ivangeri yu Vwami vwa Nyasaye. Yahonyia zing'ano ziosi zie zinguzu no vulwaye kandi ovodekeranu vwosi vwa avandu. 24Kunangwa, ulusuma lwa Yeso lwalanda mu Siria mwosi. Avalwaye vosi avaari ni zinguzu zie zing'ano ziosi nu vusaliri lugano, avaari na mademoni nindulumi kandi avaalema vaahirwa kuye, naye yavahonyia vosi. 25Viduma vinene via avandu vaatura Galilaya, Dekapolisi, Jerusalemi, Ivuyuda, kandi engereka wa Jorodani vamulonda.
Amilwazo ku Kiguru
Currently Selected:
MATAYO 4: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
MATAYO 4
4
Ligerizwa lia Yeso
(Mar. 1:12-13; Luk. 4:1-13)
1Kunangwa Roho yimilira Yeso kuzia mwigendanyama aduuki kogerizwa na Setani. 2Naye yaahonga lilia amadiku arubaini mbasu nu vudiku. Lwinyima, yaali ninzara. 3Maku, Setani yaza kuye, namuvolera, “Ivi nuuva noveeye Umwana wa Nyasaye, laga amagina yaga gagwi uvuchima.”
4Navuzwa Yeso yativura, “Gang'odwa mu Mang'oda Matakatifu, ‘Mundu sianyala kuva mwoyo kigira uvuchima vwenyine, navuzwa na makuva goosi agatulaa mu munwa gwa Nyasaye.’ ”
5Maku Setani yamuhira mu lidaala litakatifu lia Jerusalemi, naamusingiriza ku kesegese chi Litembeli, 6namuvolera, “Ivi nuuva noveeye Umwana wa Nyasaye, tuma hasi, kigira gang'odwa ndi,
‘Nyasaye alalaga zingelosi veve ku ivi,
valakuginga mu makono gaavo,
gase ulikigitala kelenge chicho ku ligina.’ ”
7Yeso yamuvolera, “Kandi gang'odwa, ‘Utageriza Mwami, Nyasaye woovo mba.’ ”
8Setani yamuhira ku kiguru kitambi ligali naamumanyia uvwami vwosi vwi lirova harara nu vukumi vwali. 9Na yamuvolera, “Vindu yivi viosi ndakuha, niiva ulagwa hasi ma usigamiri.”
10Ku Yeso yamuvolera, “Tula ku inzi, Setani! Kigira gang'odwa, ‘Ulasigamira Mwami Nyasaye woovo kandi ulamutumikira oyo yenyine!’ ”
11Ma Setani yamuleka, kandi henza, zingelosi vaza nivamutumikira.
Yeso yaatanga miyinzi jije mu Galilaya
(Mar. 1:14-15; Luk. 4:14-15)
12Lwa Yeso yahulira Yohana umali kugumirwa nukuviikwa mu vuhambe, yirana Galilaya. 13Lwa yatura Nazareti, yazia komenya Kaperinaumi, lidaala liali ku lujinga lwinyanza ya Galilaya, mu zinzako zie vivala via Zabuloni na Nafutali. 14Na ndio gaduuki kuduukizwa agu muporofeti Isaya yavoola,
15“Kivala cha Zabuloni ni kivala cha Nafutali,
kunzira yukuduuka kunyanza, engereka wa Jorodani,
Galilaya, kivala cha avandu vi zihiiri!
16Avandu vaali nivamenya mu kisundi valoli uvulavu vonene.
Kandi yavo avaamenyaa mu kivala chi chiriri chi likuza,
uvulavu vong'ereng'ani kuvo!”
17Kutura ing'inga yeyo, Yeso yaatanga kwilwaza navoora, “Mwiganiri, kigira Uvwami vwu mwigulu voveeye ahimbi!”
Yeso alaangaa avaluvi vane
(Mar. 1:16-20; Luk. 5:1-11)
18Lwa Yeso yaali nagenda ku lujinga lwinyanza ya Galilaya, yalora avaluvi vaviri avamwavo, Simoni ulangwa Petero na Andereya amwavo weve, nivaluvaa ni miluvu munyanza. 19Yavavolera, “Hambi munonde, ninzi nda mukora avaluvi va vandu.” 20Nonoho valeka imiluvu jaavo nivamulonda.
21Lwa yisunda hambiri hakekeke, yalora avamwavo vandi vaviri; Yakobo na Yohana, avana va Zebedayo. Vaali ni vaveeye mu liato harara na Zebedayo, baba wavo, ni vanava miluvu jaavo. Yeso yavalanga. 22Nonoho valekera baba wavo iliato ni valonda Yeso.
Yeso yigiza, yilwaza kandi nahonyia avalwaye
(Luk. 6:17-19)
23Yeso yavodong'ana hoosi mu Galilaya, ni yigizaa mu masinagogi gaavo, kandi yilwaza Ivangeri yu Vwami vwa Nyasaye. Yahonyia zing'ano ziosi zie zinguzu no vulwaye kandi ovodekeranu vwosi vwa avandu. 24Kunangwa, ulusuma lwa Yeso lwalanda mu Siria mwosi. Avalwaye vosi avaari ni zinguzu zie zing'ano ziosi nu vusaliri lugano, avaari na mademoni nindulumi kandi avaalema vaahirwa kuye, naye yavahonyia vosi. 25Viduma vinene via avandu vaatura Galilaya, Dekapolisi, Jerusalemi, Ivuyuda, kandi engereka wa Jorodani vamulonda.
Amilwazo ku Kiguru
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019