LEVI 24
24
Kulinnda Zitaya
(Kut. 27:20-21)
1Yahova yavolera Musa, 2“Laga avandu va Isiraeli vakoleetere maguta ga mizeituni malahi kigira itaya eveeye mu Lihema, kunangwa iduuki kwaaka vugira kusima. 3Vuli hamugorova, Haruni alazihambiza nukuzilomba ziake kuduuka vuchi imbiri Yahova ichova wi isuka yukukinga imbiri wi Lisandugu lie Lilagana, liveeye havundu ahatakatifu ligali. Lilaga yili lilalondwa muzing'inga ziosi izizaa ku visukululwi vienyu. 4Haruni alalinda vulahi zitaya ziveeye ku vinara viezahabu na kuduuka alole ndi ziakaa kazozo imbiri wa Yahova.
Mugadi Kuhaanwa ku Nyasaye
5“Vugula zikilo likomi na ziviri ziuvusie vunyuki na olombe migadi likomi na giviri; 6viika migadi zana mu zimbaso ziviri; sita mu vuli luvaso komesa yafuumwa ni ifeza indahi, eveeye imbiri wange. 7Viika kimuli kilahi ku vuli luvaso keve kuli kihanwa chichukulia kihaaniywi ku Inzi Yahova mu vogono migadi. 8Migadi yiji jilaletwa imbiri wange kazozo, kuvuli lisabato. Avandu va Isiraeli, valakola yaga mihiga ni mihiga. 9Migadi jiveeye ja Haruni ni visukululwi vivie, kandi valajilila havundu ahatakatifu, kigira yiki keveeye kedonye kitakatifu ligali chi chukulia chahaanwa ku Inzi Yahova kigira avasaalisi.”
Kuhaana Amageri ku Linyega Nyasaye
10Yaali ho mundu mulala, wa baba weve yaali umundu kutura Egebeti na mama weve yaali mundu kutura Isiraeli. Yazia mu lidaala lia Avandu va Isiraeli, ma natanga kolembana nu Mundu wa Isiraeli. 11Mundu oyo yanyega Nyasaye ni kilaamo; maku vamuhira ku Musa. Mama weve yalangwa Shelomizi mukaana wa Deburi kutura muhiiri ya Dani. 12Vamuvika mu vuhaambe, nivalindilira Yahova avavoolere cha vanyara kokora ku umundu oyo.
13Yahova yavolera Musa; 14“Hila umundu zana ichova wi lidaala. Umundu woosi wahulira umundu oyo naalama alaviika makono geege kumutwi gwu umundu oyo kololekiza ndi aveeye muhioli, na avandu vosi vi lidaala vamulasa na magina kuduuka akuzi. 15Maku ovoolere avandu va Isiraeli vosi ndi umundu woosi onyegaa Nyasaye weve kuduuka anyoore mageri, 16na yiitwi. Kandi umundu woosi wa Isiraeli anoho mugeni woosi omenya mu Isiraeli nanyega lieta lia Nyasaye, kuduuka Lidaala liosi vamulase na magina akuzi. Naava naveeye mugeni anoho wivulwa mu munyi, lwa anyegaa Yahova, kuduuka yiitwi akuzi.
17“Umundu woosi wita umundu, kuduuka yiitwi; 18na umundu woosi wita mutugu gwu umundu wundi kuduuka atungi mutugu gundi, kolondekana na malago.
19“Niiva umundu woosi asaliriza umundu wundi, choosi cha ava naakori kilakolwa kuye kandi. 20Niiva avunanyia kigumba, kilala ku vigumba vivie kilavunanywa; emoni ku emoni, liinu ku liinu. Lisaliriza lia yakolera wundi naye alakolerwa kuli ndio. 21Oyo witaa mutugu, alatungaa mutugu gundi, navuzwa oyo witaa umundu aliitwa. 22Lilago yili liveeye ku munyi mwosi, avandu va Isiraeli kandi ku avageni vamenya hagati hinyu, kigira inzi mbeeye Yahova Nyasaye winyu.” 23Lwa Musa yaali niyakavoola makuva yaga ku avandu va Isiraeli, vaahira mundu zana ichova wi lidaala, nivamulasa namagina kuduuka nakuza. Munzira yiyi, avandu va Isiraeli vaakora ga Yahova yaali nalagi Musa.
Currently Selected:
LEVI 24: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
LEVI 24
24
Kulinnda Zitaya
(Kut. 27:20-21)
1Yahova yavolera Musa, 2“Laga avandu va Isiraeli vakoleetere maguta ga mizeituni malahi kigira itaya eveeye mu Lihema, kunangwa iduuki kwaaka vugira kusima. 3Vuli hamugorova, Haruni alazihambiza nukuzilomba ziake kuduuka vuchi imbiri Yahova ichova wi isuka yukukinga imbiri wi Lisandugu lie Lilagana, liveeye havundu ahatakatifu ligali. Lilaga yili lilalondwa muzing'inga ziosi izizaa ku visukululwi vienyu. 4Haruni alalinda vulahi zitaya ziveeye ku vinara viezahabu na kuduuka alole ndi ziakaa kazozo imbiri wa Yahova.
Mugadi Kuhaanwa ku Nyasaye
5“Vugula zikilo likomi na ziviri ziuvusie vunyuki na olombe migadi likomi na giviri; 6viika migadi zana mu zimbaso ziviri; sita mu vuli luvaso komesa yafuumwa ni ifeza indahi, eveeye imbiri wange. 7Viika kimuli kilahi ku vuli luvaso keve kuli kihanwa chichukulia kihaaniywi ku Inzi Yahova mu vogono migadi. 8Migadi yiji jilaletwa imbiri wange kazozo, kuvuli lisabato. Avandu va Isiraeli, valakola yaga mihiga ni mihiga. 9Migadi jiveeye ja Haruni ni visukululwi vivie, kandi valajilila havundu ahatakatifu, kigira yiki keveeye kedonye kitakatifu ligali chi chukulia chahaanwa ku Inzi Yahova kigira avasaalisi.”
Kuhaana Amageri ku Linyega Nyasaye
10Yaali ho mundu mulala, wa baba weve yaali umundu kutura Egebeti na mama weve yaali mundu kutura Isiraeli. Yazia mu lidaala lia Avandu va Isiraeli, ma natanga kolembana nu Mundu wa Isiraeli. 11Mundu oyo yanyega Nyasaye ni kilaamo; maku vamuhira ku Musa. Mama weve yalangwa Shelomizi mukaana wa Deburi kutura muhiiri ya Dani. 12Vamuvika mu vuhaambe, nivalindilira Yahova avavoolere cha vanyara kokora ku umundu oyo.
13Yahova yavolera Musa; 14“Hila umundu zana ichova wi lidaala. Umundu woosi wahulira umundu oyo naalama alaviika makono geege kumutwi gwu umundu oyo kololekiza ndi aveeye muhioli, na avandu vosi vi lidaala vamulasa na magina kuduuka akuzi. 15Maku ovoolere avandu va Isiraeli vosi ndi umundu woosi onyegaa Nyasaye weve kuduuka anyoore mageri, 16na yiitwi. Kandi umundu woosi wa Isiraeli anoho mugeni woosi omenya mu Isiraeli nanyega lieta lia Nyasaye, kuduuka Lidaala liosi vamulase na magina akuzi. Naava naveeye mugeni anoho wivulwa mu munyi, lwa anyegaa Yahova, kuduuka yiitwi akuzi.
17“Umundu woosi wita umundu, kuduuka yiitwi; 18na umundu woosi wita mutugu gwu umundu wundi kuduuka atungi mutugu gundi, kolondekana na malago.
19“Niiva umundu woosi asaliriza umundu wundi, choosi cha ava naakori kilakolwa kuye kandi. 20Niiva avunanyia kigumba, kilala ku vigumba vivie kilavunanywa; emoni ku emoni, liinu ku liinu. Lisaliriza lia yakolera wundi naye alakolerwa kuli ndio. 21Oyo witaa mutugu, alatungaa mutugu gundi, navuzwa oyo witaa umundu aliitwa. 22Lilago yili liveeye ku munyi mwosi, avandu va Isiraeli kandi ku avageni vamenya hagati hinyu, kigira inzi mbeeye Yahova Nyasaye winyu.” 23Lwa Musa yaali niyakavoola makuva yaga ku avandu va Isiraeli, vaahira mundu zana ichova wi lidaala, nivamulasa namagina kuduuka nakuza. Munzira yiyi, avandu va Isiraeli vaakora ga Yahova yaali nalagi Musa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019