JOSHUA 3
3
Avandu va Isiraeli vaambuka mugera gwa Jorodani
1Lidiku lialonda ku, Joshua harara na vandu vosi va Isiraeli vavuuka mugambazuri, nivatura hokososa ha Akakia, ni vazia kolomba hokososa ha mugera gwa Jorodani nivakilinda kwambuka mugera. 2Inyima wa madiku gavaga, aviimiliri vavitira hokososa 3nivavolera avandu, “Lwa muloraa avasaalisi vandu vi ihiiri ya Levi nivagingi lisandugu lie Lilagana lia Yahova Nyasaye winyu, muturi hokososa muvalonde. 4Kigira mukikiri kuduuka ku hano, valamumanyia inzira ya mulonda ku. Navuzwa mutisuundi ahimbi ni Lisandugu lia malago mba, muve ahimbi ikilomita ndala inyima walio kazozo.”
5Joshua yavolera avandu, “Mwitakase aveene, kigira mugamba Yahova alakola vilolekizu hagati hinyu.”
6Maku yavolera avasaalisi, “Mugiingi lisandugu lia malago mutange kwambuka imbiri wa vandu.” Vaavugura Lisandugu lia malago ni vakora ndio.
7Yahova yavolera Joshua, “Aga ngola kalunu galakola avandu vosi va Isiraeli vatange kuhaana luyali ku ivi kuli musaza munene, kandi valamanya ndi Inzi mbeeye harara niivi kuli ndaali harara na Musa. 8Volera avasaalisi vaginga Lisandugu lia malago ndi lwa vaduuka ku lujinga lwa mazi ga Jorodani, vazie kusingira mu mugera.”
9Maku Joshua yavolera avandu va Isiraeli, “Hambi muhuliri amakuva ga Yahova Nyasaye winyu yenya kovora. 10Lwa muva nimuzia imbiri kuvatulira, alakunga vandu va Kanaani, vandu va Hiti, vandu va Hivi, vandu va Perezi, vandu va Girigashi, vandu va Amori na vandu va Jebusi. Munyi mulamanya ligali ndi Nyasaye oveeye mwoyo aveeye hagati hinyu, 11lwi Lisandugu lia malago ga Yahova wi lirova liosi liambuka mugera gwa Jorodani imbiri winyu 12mutovole avasaza likomi na vaviri mulala kutura mu vuli ihiiri ya Isiraeli. 13Lwa Avasaalisi vaginga Lisandugu lia malago lia Yahova wi lirova liosi vaseena virenge viavo mu mazi, mugera gwa Jorodani gulasingira kogenda; na amazi gaturaa iluhia galavuunga kitumi lovega lulala.”
14Kunangwa lwa avandu vosi vasambula hokososa ukwambuka mugera gwa Jorodani, avasaalisi avagingaa Lisandugu lia malago vimiliri kuzia imbiri wavo. 15Kalunu mugera gwa Jorodani gwizuraa ligali zing'inga ziosi zie ligesa. Nonoho lwa vasaalisi vaginga Lisandugu lia malago vaduuka ku mugera gwa Jorodani ni virenge viavo nividiira mu mazi, 16amazi gasulungutaa kutura iluhia gasingira kogenda. Gavuunga kitumi lovega lulala, ihale ligali, hi lidaala lia langwa Adamu, iliveeye ahimbi na Zarezani. Amazi gasulungutaa kuzia munyanza yu Munyu gasingira. Kunangwa avandu zana yavo vaambuka ni vazia kolovega lundi, ku lujinga lwa Jeriko. 17Avasaalisi vagingaa Lisandugu lia malago gia Yahova vasingira vudinyu ku marova amuumu hagati hu mugera gwa Jorodani avandu va Isiraeli vavitira ho ku marova amuumu, kuduuka lwi ihiiri yoosi yambuka.
Currently Selected:
JOSHUA 3: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
JOSHUA 3
3
Avandu va Isiraeli vaambuka mugera gwa Jorodani
1Lidiku lialonda ku, Joshua harara na vandu vosi va Isiraeli vavuuka mugambazuri, nivatura hokososa ha Akakia, ni vazia kolomba hokososa ha mugera gwa Jorodani nivakilinda kwambuka mugera. 2Inyima wa madiku gavaga, aviimiliri vavitira hokososa 3nivavolera avandu, “Lwa muloraa avasaalisi vandu vi ihiiri ya Levi nivagingi lisandugu lie Lilagana lia Yahova Nyasaye winyu, muturi hokososa muvalonde. 4Kigira mukikiri kuduuka ku hano, valamumanyia inzira ya mulonda ku. Navuzwa mutisuundi ahimbi ni Lisandugu lia malago mba, muve ahimbi ikilomita ndala inyima walio kazozo.”
5Joshua yavolera avandu, “Mwitakase aveene, kigira mugamba Yahova alakola vilolekizu hagati hinyu.”
6Maku yavolera avasaalisi, “Mugiingi lisandugu lia malago mutange kwambuka imbiri wa vandu.” Vaavugura Lisandugu lia malago ni vakora ndio.
7Yahova yavolera Joshua, “Aga ngola kalunu galakola avandu vosi va Isiraeli vatange kuhaana luyali ku ivi kuli musaza munene, kandi valamanya ndi Inzi mbeeye harara niivi kuli ndaali harara na Musa. 8Volera avasaalisi vaginga Lisandugu lia malago ndi lwa vaduuka ku lujinga lwa mazi ga Jorodani, vazie kusingira mu mugera.”
9Maku Joshua yavolera avandu va Isiraeli, “Hambi muhuliri amakuva ga Yahova Nyasaye winyu yenya kovora. 10Lwa muva nimuzia imbiri kuvatulira, alakunga vandu va Kanaani, vandu va Hiti, vandu va Hivi, vandu va Perezi, vandu va Girigashi, vandu va Amori na vandu va Jebusi. Munyi mulamanya ligali ndi Nyasaye oveeye mwoyo aveeye hagati hinyu, 11lwi Lisandugu lia malago ga Yahova wi lirova liosi liambuka mugera gwa Jorodani imbiri winyu 12mutovole avasaza likomi na vaviri mulala kutura mu vuli ihiiri ya Isiraeli. 13Lwa Avasaalisi vaginga Lisandugu lia malago lia Yahova wi lirova liosi vaseena virenge viavo mu mazi, mugera gwa Jorodani gulasingira kogenda; na amazi gaturaa iluhia galavuunga kitumi lovega lulala.”
14Kunangwa lwa avandu vosi vasambula hokososa ukwambuka mugera gwa Jorodani, avasaalisi avagingaa Lisandugu lia malago vimiliri kuzia imbiri wavo. 15Kalunu mugera gwa Jorodani gwizuraa ligali zing'inga ziosi zie ligesa. Nonoho lwa vasaalisi vaginga Lisandugu lia malago vaduuka ku mugera gwa Jorodani ni virenge viavo nividiira mu mazi, 16amazi gasulungutaa kutura iluhia gasingira kogenda. Gavuunga kitumi lovega lulala, ihale ligali, hi lidaala lia langwa Adamu, iliveeye ahimbi na Zarezani. Amazi gasulungutaa kuzia munyanza yu Munyu gasingira. Kunangwa avandu zana yavo vaambuka ni vazia kolovega lundi, ku lujinga lwa Jeriko. 17Avasaalisi vagingaa Lisandugu lia malago gia Yahova vasingira vudinyu ku marova amuumu hagati hu mugera gwa Jorodani avandu va Isiraeli vavitira ho ku marova amuumu, kuduuka lwi ihiiri yoosi yambuka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019