JOSHUA 16
16
Kivala chahaanwa ku Ihiiri ya Efuraimu yi madioli
1Lwako lwi isavaalu lwa kivala chagavulirwa visukululwi via Josefu lwatangira kutura Jorodani ahimbi Jeriko havundu haveeye ivugwi wi visinukiru via mazi ga Jeriko, kuduuka muchangalangwe. Lwanigira kutura Jeriko kuduuka mu kivala chi vigulu kali kuduuka Bezeli. 2Lwazizagilira kutura Bezeli niluduuka Luzi, kuduuka Ashitarozi Adari, aha vandu va Ariki vamenya. 3Maku lwazizagilira imadioli kuduuka mu kivala cha vandu va Jafuleti, kuduuka mu kivala keveeye indangu wa Bezi-horoni. Lwazizagilira kandi kutura aheene yaho kuduuka Gezeri kandi niluduuka kunyanza ya Meditareniani.
4Kunangwa visukululwi via Josefu, zihiiri zia Efuraimu ni inusu yi ihiiri ya Manase yi imadioli vanyoola kivala yiki kuva miandu jaavo.
Efuraimu
5Lwako lwavo lwatangira ku lidaala lia Ashitarozi Adari kuzia Ivugwi kuduuka Bezi-horoni, 6kutura aheene yaho kuduuka kunyanza ya Meditareniani. Lidaala lia Mikimezazi, liali kolovega lwavo lwa Ivaale. Ivugwi wa aheene yaho, lwako lwagoda kohenza Taanazi Shilo kandi niluzia kuvitira ho kolovega lwa Ivugwi kuduuka Janoa. 7Maku lwasulunguta kutura Janoa kuduuka Ashitarozi, kandi Naara, niluduukanga Jeriko, niluduuka ku Mugera gwa Jorodani. 8Lwako lwazia imadioli kutura Tapua kuduuka ku mugera gwa Kana niguduuka kunyanza ya Meditareniani. Yiki nicho kivala chahaanwa ku ihiiri ya Efuraimu kuva miandu jaavo, 9harara na madaala manene malala nutudaala tulala utwaali mugati mwi zinzako zia Manase, navuzwa agahaanwa ku avandu vi ihiiri ya Efuraimu. 10Navuzwa avandu vi ihiiri ya Efuraimu sivakuunga avandu va Kanaani avamenyaa mu lidaala linene lia Gezeri mba. Kunangwa avandu va Kanaani vakemenyi hagati ha vandu va Efuraimu, kuduuka lero, nitali vamala kunigwa vayinziri kuli avatugwa,
©Bible Society of Kenya, 2019