KUTURA 8
8
Maduywa ga Amakere
1Maku Yahova yavolera Musa, “Zia ku Mwami na umuvolere ndi Yahova avoora, ‘Leka avandu vange vazie, kunangwa vaduuki kusigamira. 2Niiva ulasuula, inzi ndaha kivala chicho choosi amageri na kilakunika na makere. 3Mugera gwa Naili gulizula amakere ligali kali galatula mu gazie kwizura munyumba yooyo yu vwami mukeng'oze aha ogonaa, kukidali chicho muzinyumba zia vanene vovo na avandu vovo vosi, kali mumahiga googo nu kuviju via mudekera ku. 4Galatumatuma ku ivi, ku vandu vovo, kandi kuvatumikiri vovo vosi.’ ”
5Yahova yavolera Musa, “Volera Haruni anyiiri imbimbu yeeye agesone kumigera, muvisinukiru, nukumadavalia, akole amakere gasinuki igulu ma giizuri nukukunika kivala choosi cha Egebeti.” 6Kunangwa Haruni yanyira imbimbu ku amazi ga Egebeti, na makere gaturaa ichova nigakunika kivala choosi. 7Navuzwa vakumu vaakora vukumu kuli ndio kandi vatuliza amakere ku kivala.
8Mwami yalanga Musa na Haruni navoora, “Musaale ku Yahova atulizi ho amakere yaga Inzi ndaleka avandu vovo vazie, kunangwa vaduuki kuhaana visiuviliru ku Yahova.”
9Musa yativura, “Inzi ndava nuvuyanzi kukusaalira olombe ing'inga lwa inzi mba ningusaaliraa, na vatumikiri kandi avandu vovo vosi. Maku amakere galatula ku ivi, na vatumikiri vovo kandi vandu vovo, kandi sililatigala kali lilala ku kivala nigataveeye gaveeye mu mugera gwa Naili mweng'ine vuzwa.”
10Mwami yativura navoora, “Ulasalira mugamba.”
Musa yavoola, “Inzi ndakokolera kuli oteevi, na ulamanya ndi sihaveeyeho na nyasaye wundi oveeye kuli Yahova, Nyasaye wiitu mba. 11Ivi harara na vatumikiri vovo, kandi avandu vovo mulahona kutura ku makere, na sililatigala ho kali lilala nigataveeye mu mugera gwa Naili mba.” 12Maku Musa na Haruni valeka Mwami, na Musa yasaala ku Yahova atuliziho amakere gayaali naleti ku Mwami. 13Yahova yakola kuli Musa yamuteeva, na amakere goosi gaali muzinyumba, mumigizi kandi, muviguuti gaakuza. 14Avandu va Egebeti vagavungiza mu vitumi vinene, kuduuka kivala choosi nikifwunya uvugundu. 15Lwu Mwami yalora amakere gamali kukuza, yadinyia mwoyo gwigwe ligali, kandi kuli Yahova yaali niyavoola ndi Mwami siyalahulira Musa na Haruni mba.
Maduywa gi Zinda
16Yahova yavolera Musa, “Volera Haruni akuyi imbimbu yeeye kumalova, kandi kukivala choosi cha Egebeti nu uluguuki lulagirung'ana kugwa iziinda.” 17Haruni yakuya ku marova nimbimbu yeeye, nu uluguuki lwosi mu Egebeti lwayagirung'ana nilugwa zinda, niziizula ku avandu kandi ku mitugu. 18Avakumu vageriza kutumikira vukumu vwavo okoleta iziinda, navuzwa sivanyala mba. Iziinda ziali havundu hoosi, 19Avakumu yavo vavoolera Mwami, “Nyasaye umali kokora yaga!” Navuzwa Mwami yadinyia mwoyo gwigwe ligali kandi kuli Yahova yaali navooye, Mwami Munene siyaahulira Musa na Haruni mba.
Maduywa gi Ziinji
20Yahova yavolera Musa, “Mugambazuri muzie kwagana nu Mwami lwava nazizaa ku mugera, na mumuvolere ndi, ‘Aleke vandu vange vazie kunangwa vaduuki kusigamira. 21Ngwiganihizaa ndi niiva ulasuula, ndaleta amaduywa gi ziinji ku ivi, vatumikiri vovo vosi kandi ku avandu vovo. Zinyumba zia vandu va Egebeti ziliizula ziinji, kandi lirova liosi lilafwumwa ni ziinji. 22Navuzwa sindadiviza kivala cha Gosheni, aha avandu vange vamenyi mba, kunangwa iziinji sizilava yo mba. Ndakora ndio ku muduuki kumanya ndi inzi, Yahova mbeeye ku miyinzi mu kivala yiki. 23Ndalomba liavukana hagati ha avandu vange na avandu vovo. Kelolekizu yiki kilekoleka mugamba.’ ” 24Yahova yatuma kiduma kenene chi ziinji munyumba yu vwami kandi mu zinyumba zia vatumikiri veve. Kivala choosi cha Egebeti chononywa ni ziinji.
25Maku Mwami yalanga Musa na Haruni navoora, “Muzie na muhaaniri Nyasaye winyu visiuviliru hano mu kivala kinu.”
26Musa yavoola, “Sivunyala kuva vulahi kokora yaga mba, kigira vandu va Egebeti valavihilirizwa, ni visiuviliru vietu vie zinyama ku Yahova Nyasaye wiitu. Niiva kulatumikira zinyama yizi kuhaana visiuviliru nukuvihiliriza vandu va Egebeti, valakulasa na magina kukuzi. 27Gakuduukiraa kuzia ologendo lwa madiku gavaga mwigendanyama kuhaana visiuviliru ku Yahova Nyasaye wiitu, kuli yakulaga.”
28Mwami yavoola, “Ndamuleka muzie kuhaana visiuviliru ku Yahova, Nyasaye winyu, mwigendanyama, niiva simulazia ihaale mba. Musaliri ku.”
29Musa yativura, “Nindula vwangu, ndasaara ku Yahova ndi mugamba iziinji zilatula ku ivi, ku vatumikiri vovo, nuku vandu vovo. Navuzwa utakugaada mba kandi utagaya avandu kuzia kuhaana visiuviliru ku Yahova mba.”
30Musa yaleka Mwami ma nasaara ku Yahova, 31kandi Yahova yakola kuli Musa yateeva. Iziinji ziatula ku Mwami, kuvatumikiri veve, kandi ku vandu veve; inji kali ndala siyaatigala mba. 32Navuzwa kali kuduuka ing'inga yiyi Mwami yaali umudinyu, kandi siyaali anyala kuvaleka vazie mba.
Currently Selected:
KUTURA 8: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
KUTURA 8
8
Maduywa ga Amakere
1Maku Yahova yavolera Musa, “Zia ku Mwami na umuvolere ndi Yahova avoora, ‘Leka avandu vange vazie, kunangwa vaduuki kusigamira. 2Niiva ulasuula, inzi ndaha kivala chicho choosi amageri na kilakunika na makere. 3Mugera gwa Naili gulizula amakere ligali kali galatula mu gazie kwizura munyumba yooyo yu vwami mukeng'oze aha ogonaa, kukidali chicho muzinyumba zia vanene vovo na avandu vovo vosi, kali mumahiga googo nu kuviju via mudekera ku. 4Galatumatuma ku ivi, ku vandu vovo, kandi kuvatumikiri vovo vosi.’ ”
5Yahova yavolera Musa, “Volera Haruni anyiiri imbimbu yeeye agesone kumigera, muvisinukiru, nukumadavalia, akole amakere gasinuki igulu ma giizuri nukukunika kivala choosi cha Egebeti.” 6Kunangwa Haruni yanyira imbimbu ku amazi ga Egebeti, na makere gaturaa ichova nigakunika kivala choosi. 7Navuzwa vakumu vaakora vukumu kuli ndio kandi vatuliza amakere ku kivala.
8Mwami yalanga Musa na Haruni navoora, “Musaale ku Yahova atulizi ho amakere yaga Inzi ndaleka avandu vovo vazie, kunangwa vaduuki kuhaana visiuviliru ku Yahova.”
9Musa yativura, “Inzi ndava nuvuyanzi kukusaalira olombe ing'inga lwa inzi mba ningusaaliraa, na vatumikiri kandi avandu vovo vosi. Maku amakere galatula ku ivi, na vatumikiri vovo kandi vandu vovo, kandi sililatigala kali lilala ku kivala nigataveeye gaveeye mu mugera gwa Naili mweng'ine vuzwa.”
10Mwami yativura navoora, “Ulasalira mugamba.”
Musa yavoola, “Inzi ndakokolera kuli oteevi, na ulamanya ndi sihaveeyeho na nyasaye wundi oveeye kuli Yahova, Nyasaye wiitu mba. 11Ivi harara na vatumikiri vovo, kandi avandu vovo mulahona kutura ku makere, na sililatigala ho kali lilala nigataveeye mu mugera gwa Naili mba.” 12Maku Musa na Haruni valeka Mwami, na Musa yasaala ku Yahova atuliziho amakere gayaali naleti ku Mwami. 13Yahova yakola kuli Musa yamuteeva, na amakere goosi gaali muzinyumba, mumigizi kandi, muviguuti gaakuza. 14Avandu va Egebeti vagavungiza mu vitumi vinene, kuduuka kivala choosi nikifwunya uvugundu. 15Lwu Mwami yalora amakere gamali kukuza, yadinyia mwoyo gwigwe ligali, kandi kuli Yahova yaali niyavoola ndi Mwami siyalahulira Musa na Haruni mba.
Maduywa gi Zinda
16Yahova yavolera Musa, “Volera Haruni akuyi imbimbu yeeye kumalova, kandi kukivala choosi cha Egebeti nu uluguuki lulagirung'ana kugwa iziinda.” 17Haruni yakuya ku marova nimbimbu yeeye, nu uluguuki lwosi mu Egebeti lwayagirung'ana nilugwa zinda, niziizula ku avandu kandi ku mitugu. 18Avakumu vageriza kutumikira vukumu vwavo okoleta iziinda, navuzwa sivanyala mba. Iziinda ziali havundu hoosi, 19Avakumu yavo vavoolera Mwami, “Nyasaye umali kokora yaga!” Navuzwa Mwami yadinyia mwoyo gwigwe ligali kandi kuli Yahova yaali navooye, Mwami Munene siyaahulira Musa na Haruni mba.
Maduywa gi Ziinji
20Yahova yavolera Musa, “Mugambazuri muzie kwagana nu Mwami lwava nazizaa ku mugera, na mumuvolere ndi, ‘Aleke vandu vange vazie kunangwa vaduuki kusigamira. 21Ngwiganihizaa ndi niiva ulasuula, ndaleta amaduywa gi ziinji ku ivi, vatumikiri vovo vosi kandi ku avandu vovo. Zinyumba zia vandu va Egebeti ziliizula ziinji, kandi lirova liosi lilafwumwa ni ziinji. 22Navuzwa sindadiviza kivala cha Gosheni, aha avandu vange vamenyi mba, kunangwa iziinji sizilava yo mba. Ndakora ndio ku muduuki kumanya ndi inzi, Yahova mbeeye ku miyinzi mu kivala yiki. 23Ndalomba liavukana hagati ha avandu vange na avandu vovo. Kelolekizu yiki kilekoleka mugamba.’ ” 24Yahova yatuma kiduma kenene chi ziinji munyumba yu vwami kandi mu zinyumba zia vatumikiri veve. Kivala choosi cha Egebeti chononywa ni ziinji.
25Maku Mwami yalanga Musa na Haruni navoora, “Muzie na muhaaniri Nyasaye winyu visiuviliru hano mu kivala kinu.”
26Musa yavoola, “Sivunyala kuva vulahi kokora yaga mba, kigira vandu va Egebeti valavihilirizwa, ni visiuviliru vietu vie zinyama ku Yahova Nyasaye wiitu. Niiva kulatumikira zinyama yizi kuhaana visiuviliru nukuvihiliriza vandu va Egebeti, valakulasa na magina kukuzi. 27Gakuduukiraa kuzia ologendo lwa madiku gavaga mwigendanyama kuhaana visiuviliru ku Yahova Nyasaye wiitu, kuli yakulaga.”
28Mwami yavoola, “Ndamuleka muzie kuhaana visiuviliru ku Yahova, Nyasaye winyu, mwigendanyama, niiva simulazia ihaale mba. Musaliri ku.”
29Musa yativura, “Nindula vwangu, ndasaara ku Yahova ndi mugamba iziinji zilatula ku ivi, ku vatumikiri vovo, nuku vandu vovo. Navuzwa utakugaada mba kandi utagaya avandu kuzia kuhaana visiuviliru ku Yahova mba.”
30Musa yaleka Mwami ma nasaara ku Yahova, 31kandi Yahova yakola kuli Musa yateeva. Iziinji ziatula ku Mwami, kuvatumikiri veve, kandi ku vandu veve; inji kali ndala siyaatigala mba. 32Navuzwa kali kuduuka ing'inga yiyi Mwami yaali umudinyu, kandi siyaali anyala kuvaleka vazie mba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019