KUTURA 40
40
Lisingiliza nukusaalisa Lihema liukuvuganira na Yahova
1Yahova yavolera Musa, 2“Lidiku liu kutanga liu mweli gwu kutanga iliumbaka Lihema liukuvuganira mu na Yahova.” 3Viika mu Lisandugu lia malago iliveeye mu na malago likomi, kandi uviiki mu isuuka yu kukinga imbiri walio. 4Oleeta mu emesa kandi uviiki ku viju zana. Yingiriza mu kandi kinaara chitaaya, kandi uhambizi zitaya ziacho. 5Uviiki uvwali vwizahabu vwukusambira ku ikimuli imbiri wi Lisandugu lia malago ma usuungi ku isuuka mu vwingiliru vwi Lihema. 6Uviiki uvwali vwi vihaanwa viukusambwa imbiri wi Lihema liu kuvuganira mu na Yahova. 7Uviikaa ebenzeni yukwisaavira ku hagati hi Lihema Liukuvuganiramu nu vwali na viiki ku amazi. 8Umbake lugaga kukumbirizaa mugizi zimbega ziosi, ma usuungi isuuka mu vwingiliru vwalwo.
9Maku usaalisi Lihema harara niviju vialio viosi mu livivaka maguta matakatifu na vilava vitakatifu. 10Kelondaku, usaalisi uvwali ni iviju viavwo viosi mu livuvaka maguta na vulava uvutakatifu ligali. 11Uvake kandi usaalisi ebenzeni yu kwisaavila ku harara nu uvwikaliru vwayo munzira ndala nzere.
12“Oleete Haruni na vayaayi veve ha vwingiliru vwi Lihema liukuvuganira mu na Yahova, na uvavoolere visiingi kolondekana numuluka 13uviiki Haruni zinguvu ziuvusalisi na umuvake amaguta, na munzira yiyi umutakase aduuki kundumikira kuli musaalisi. 14Oleete vayaayi veve, uvaviiki amasadi. 15Maku uvavake amaguta kuli wavaka baba wavo, kunangwa vaduuki kundumikira kuli avasaalisi. Livaka maguta yili lilavakola vave avasaalisi mihiga ni mihiga, muvisukululwi viavo viosi.”
16Musa yakola vindu viosi kuli Yahova yaali naamulagi. 17Kunangwa mu muhiga gwa kaviri, ku lidiku liu kutanga liu mweli gwukutanga, nivamali kutura Egebeti lihema liu kuvuganiramu na Yahova liumbakwa. 18Musa yavika vwikaliru vwalio naasingiriza zifuremu zialio, naakubira ku zimbaho zialio, kandi naasingiriza zitiru zialio. 19Yaala isuuka yukufuuma ku Lihema igulu kandi naviika isuuka kufuma ichova walio, kuli Yahova yaali naamulagi. 20Maku yavugula vibaho viviri via magina, naaviviika mu Lisandugu lia malago. Yavika zitiru mu zimingiri zie lisandugu kandi naviika ku kikuniku. 21Maku yavika lisandugu Liamalago zana mu Lihema, nasuunga ku isuuka munzira yiyi yakinga Lisandugu lie Liamalago, kuli Yahova yaali naamulagi.
22Yavika emesa mu Lihema liukuvuganira mu na Yahova, ku lovega lwi Ivaale ichova wi isuuka, 23naviika ku mugadi guhaanwa ku Yahova, kuli Yahova yaali naamulagi. 24Yavika kinaara chitaaya mu Lihema liukuvuganira mu na Yahova, kolovega lwi isavaalu, kohenzana nemesa zana. 25Yahambiza zitaya aheene yaho imbiri wa Yahova, kuli Yahova yaali naamulagi. 26Yavika uvwali vwizahabu mu Lihema liukuvuganira mu na Yahova, imbiri wi isuuka, 27kandi nasamba kimuli kifunyaa mwayu mulahi kuvwo, kuli Yahova yaali naamulagi. 28Kandi yasuunga isuuka mu vwingiliru vwi Lihema Liukwaganira mu Yahova. 29Uwene yeyo, imbiri wi isuuka, yavika yo uvwali vwu kusambira ku vihaanwa, yitira ku kisiuviriru chukusambwa kandi nahaanira ku kihanwa chu vuswage, kuli Yahova yaali naamulagi. 30Yavika ebenzeni yukwisaavira ku hagati hi Lihema liukuvuganira mu na Yahova nuvwaali manaviika ku mazi vaduuki kwisaava. 31Musa, Haruni na vayaayi veve, visavaa makono gaavo ni virenge viavo hene yaho. 32Lwa viingira mu Lihema liu kuvuganira mu na Yahova, na lwa visunda ha vwali visavaa kuli Yahova yaali nalagi Musa. 33Musa yumbaka lugaga lwumugizi kukumbiriza Lihema nu vwali zimbega ziosi, kandi yasuunga isuuka yu kukinga mu vwingiliru vwu mugizi. Kunangwa Musa yamala miyinzi josi.
Vukumi vwa Yahova ku Lihema
(Liv. 9:15-23)
34Maku lilesi liakunika Lihema liukuvuganira mu na Yahova, kandi vukumi vwa Yahova vwizula Lihema du. 35Kigira yaga Musa siyaali unyala kwingira mu Lihema liukuvuganira mu na Yahova mba. 36Avandu va Isiraeli visunda kutura ahokososa haavo kuzia havundu handi lwi lilesi liesuunda kutura ku Lihema. 37Kolohoono lwi lilesi liamenya aheene yaho vugira kwisunda, sivasambulaa, anaho sivasuundaa ahokososa haavo mba. 38Avandu va Isiraeli vosi valora lilesi lia Yahova igulu wi Lihema ing'inga yu mbasu kandi muliru ni gwadukaa igulu walio ing'inga yu vudiku lwa vaali muligendagenda liavo liosi.
Currently Selected:
KUTURA 40: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
KUTURA 40
40
Lisingiliza nukusaalisa Lihema liukuvuganira na Yahova
1Yahova yavolera Musa, 2“Lidiku liu kutanga liu mweli gwu kutanga iliumbaka Lihema liukuvuganira mu na Yahova.” 3Viika mu Lisandugu lia malago iliveeye mu na malago likomi, kandi uviiki mu isuuka yu kukinga imbiri walio. 4Oleeta mu emesa kandi uviiki ku viju zana. Yingiriza mu kandi kinaara chitaaya, kandi uhambizi zitaya ziacho. 5Uviiki uvwali vwizahabu vwukusambira ku ikimuli imbiri wi Lisandugu lia malago ma usuungi ku isuuka mu vwingiliru vwi Lihema. 6Uviiki uvwali vwi vihaanwa viukusambwa imbiri wi Lihema liu kuvuganira mu na Yahova. 7Uviikaa ebenzeni yukwisaavira ku hagati hi Lihema Liukuvuganiramu nu vwali na viiki ku amazi. 8Umbake lugaga kukumbirizaa mugizi zimbega ziosi, ma usuungi isuuka mu vwingiliru vwalwo.
9Maku usaalisi Lihema harara niviju vialio viosi mu livivaka maguta matakatifu na vilava vitakatifu. 10Kelondaku, usaalisi uvwali ni iviju viavwo viosi mu livuvaka maguta na vulava uvutakatifu ligali. 11Uvake kandi usaalisi ebenzeni yu kwisaavila ku harara nu uvwikaliru vwayo munzira ndala nzere.
12“Oleete Haruni na vayaayi veve ha vwingiliru vwi Lihema liukuvuganira mu na Yahova, na uvavoolere visiingi kolondekana numuluka 13uviiki Haruni zinguvu ziuvusalisi na umuvake amaguta, na munzira yiyi umutakase aduuki kundumikira kuli musaalisi. 14Oleete vayaayi veve, uvaviiki amasadi. 15Maku uvavake amaguta kuli wavaka baba wavo, kunangwa vaduuki kundumikira kuli avasaalisi. Livaka maguta yili lilavakola vave avasaalisi mihiga ni mihiga, muvisukululwi viavo viosi.”
16Musa yakola vindu viosi kuli Yahova yaali naamulagi. 17Kunangwa mu muhiga gwa kaviri, ku lidiku liu kutanga liu mweli gwukutanga, nivamali kutura Egebeti lihema liu kuvuganiramu na Yahova liumbakwa. 18Musa yavika vwikaliru vwalio naasingiriza zifuremu zialio, naakubira ku zimbaho zialio, kandi naasingiriza zitiru zialio. 19Yaala isuuka yukufuuma ku Lihema igulu kandi naviika isuuka kufuma ichova walio, kuli Yahova yaali naamulagi. 20Maku yavugula vibaho viviri via magina, naaviviika mu Lisandugu lia malago. Yavika zitiru mu zimingiri zie lisandugu kandi naviika ku kikuniku. 21Maku yavika lisandugu Liamalago zana mu Lihema, nasuunga ku isuuka munzira yiyi yakinga Lisandugu lie Liamalago, kuli Yahova yaali naamulagi.
22Yavika emesa mu Lihema liukuvuganira mu na Yahova, ku lovega lwi Ivaale ichova wi isuuka, 23naviika ku mugadi guhaanwa ku Yahova, kuli Yahova yaali naamulagi. 24Yavika kinaara chitaaya mu Lihema liukuvuganira mu na Yahova, kolovega lwi isavaalu, kohenzana nemesa zana. 25Yahambiza zitaya aheene yaho imbiri wa Yahova, kuli Yahova yaali naamulagi. 26Yavika uvwali vwizahabu mu Lihema liukuvuganira mu na Yahova, imbiri wi isuuka, 27kandi nasamba kimuli kifunyaa mwayu mulahi kuvwo, kuli Yahova yaali naamulagi. 28Kandi yasuunga isuuka mu vwingiliru vwi Lihema Liukwaganira mu Yahova. 29Uwene yeyo, imbiri wi isuuka, yavika yo uvwali vwu kusambira ku vihaanwa, yitira ku kisiuviriru chukusambwa kandi nahaanira ku kihanwa chu vuswage, kuli Yahova yaali naamulagi. 30Yavika ebenzeni yukwisaavira ku hagati hi Lihema liukuvuganira mu na Yahova nuvwaali manaviika ku mazi vaduuki kwisaava. 31Musa, Haruni na vayaayi veve, visavaa makono gaavo ni virenge viavo hene yaho. 32Lwa viingira mu Lihema liu kuvuganira mu na Yahova, na lwa visunda ha vwali visavaa kuli Yahova yaali nalagi Musa. 33Musa yumbaka lugaga lwumugizi kukumbiriza Lihema nu vwali zimbega ziosi, kandi yasuunga isuuka yu kukinga mu vwingiliru vwu mugizi. Kunangwa Musa yamala miyinzi josi.
Vukumi vwa Yahova ku Lihema
(Liv. 9:15-23)
34Maku lilesi liakunika Lihema liukuvuganira mu na Yahova, kandi vukumi vwa Yahova vwizula Lihema du. 35Kigira yaga Musa siyaali unyala kwingira mu Lihema liukuvuganira mu na Yahova mba. 36Avandu va Isiraeli visunda kutura ahokososa haavo kuzia havundu handi lwi lilesi liesuunda kutura ku Lihema. 37Kolohoono lwi lilesi liamenya aheene yaho vugira kwisunda, sivasambulaa, anaho sivasuundaa ahokososa haavo mba. 38Avandu va Isiraeli vosi valora lilesi lia Yahova igulu wi Lihema ing'inga yu mbasu kandi muliru ni gwadukaa igulu walio ing'inga yu vudiku lwa vaali muligendagenda liavo liosi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019