KUTURA 28
28
Zinguvu zia Vasaalisi
(Kut. 39:1-7)
1“Ulage amwavo woovo Haruni harara na avana veve, Nadabu, Abihu, Elieza na Izamara. Uvavukanyie kutura ku avandu va Isiraeli kunangwa vaduuki kundumikira kuli avasaalisi. 2Lombera Haruni, amwavo woovo zinguvu ziu vusaalisi aduuki kololeka wuvukumi kandi mulahi. 3Laanga avasiza vosi ava mali kuhaana kuvo limanya novogeri kandi uvavoolere vanaviri Haruni zinguvu, kunangwa aduuki kusaalilwa kuli musaalisi mu vutumiki vwange. 4Uvavoolere valombe isalamba, kisibaho, chumusaalisi iganza, lisadi lianavirwa mu amangirinya, kelemba, kandi musibi. Gavadukiraa valombere amwavo woovo Haruni zinguvu ziuvusalisi harara na avayaayi veve, kunangwa vave avanyala kundumikira kuli avasaalisi. 5Avasiza zana valatumikira uvwoya vwi irangi ya Bulu, muzambarao, kandi inzakanyu; luvusi lwi zahabu kandi ikatani indahi.
6“Valombe kisibaho kutura ku zimbusi ziu vwoya vwirangi ya bulu, muzambarao kandi inzakanyu, luvusi lwi izahabu, ni ikatani indahi, inaviywi mu amangirinya malahi ligali. 7Kisibaho kilava ni migoye giviri ja kinyala kovohelwa ku mavega kandi kuhambanywa ku zinduru ziacho. 8Musibi gwanavwa vulahi kutura ku zimbusi zindala nzere kuduuka guhambanywe ku kisibaho, kunangwa golombe kedonye chikitambaya kilala. 9Uvuguli magina gaviri malahi ma ong'ode ku amita likomi na gaviri ga vana va Yakobo, 10kolondekana ni lilohiza lie livulwa liavo; amita sita ku ligina lilala, kandi sita ku ligina lindi. 11Wenye musiza wilimanya kuvaaza magina guvuguli kong'oda amita ga vayaayi va Yakobo ma ugaviiki mu vivohero viezahabu. 12Uviiki magina zana ku migoye jamavega ji kisibaho gave magina gukwizulizira ku zihiiri zia Yakobo. Munzira yiyi Haruni alagiinga amita gaavo ku mavega geege, kunangwa inzi, Yahova, ndizuliza avandu vange kazozo. 13Olombe vivohero viezahabu viviri 14kandi minyororo giviri jizahabu yavaswa kuli migoye na uhandizi minyororo zana ku vivohero.
Isalamba
(Kut. 39:8-21)
15“Olombere musaalisi munene isalamba atumikiri mu limanyiriza uvulariri vwange. Kuduuka elombwe ku vindu vilala viere kuli kisibaho, yirangi ya bulu, muzambarao inzakanyu kandi yikatani indahi. 16Gaduukanaa eve eneng'ani ku zimbega ziayo zine kandi yukulingwa mu haali kaviri; vutambi vwi zisendimita 22 nu uvugika zisendimita 22. 17Uviiki zimbaso zine zia magina guvuguli kuyo; mu luvaso lwukutanga, uviiki mu ligina liakanyu lie rubi, topazi, ni garineti. 18Mu luvaso lwa kaviri uviiki mu emeralidi, safira kandi alumasi; 19mu luvaso lwa kavaga, uviiki mu tarikwoisi, agetilisalaga, kandi amezisuto; 20na muluvaso lwakane, uviiki mu iberulo, ijaaza na ijasipi, gahandizwi muvigumiliru vie izahabu. 21Amita ga avayaayi va Yakobo likomi na gaviri galang'odwa ku magina likomi na gaviri kuva mu vogono vwi zihiiri likomi na ziviri zia Isiraeli. 22Kigira isalamba, olombe minyororo ji izahabu enzere, nivasiywi kuli migoye. 23Olombe zimingiri ziviri zie zahabu na uhandizi ku zikona zie igulu ziviri zie isalamba; 24kandi ovohe migoye ji zahabu ku zimingiri ziviri zana. 25Ovohe zisonga zie minyororo ja vaswa ku vivohero viviri na munzira yiyi ulajihandiza imbiri ku migoye jukumavega ji kisibaho. 26Maku, olombe zimingiri ziviri zie zahabu ma uhandizi ku zikona zie isalamba kundulu kwu mugati ahimbi ku kisibaho. 27Olombe zimingiri zindi ziviri zie zahabu kandi uzihandizi kolovega lwa hasi imbiri wi migoye jukumavega ji kisibaho ahimbi ku lukigiti kandi igulu wu musibi gwanavwa vulahi ligali. 28Ovohe zimingiri zie isalamba ku zimingiri zie kisibaho numugoye gwa bulu igulu wu musibi gwavaswa kunangwa guvuli kovoholoka.
29“Lwa Haruni yingira Havundu Hatakatifu, aliviika isalamba yiyi iyavazirwa mu amita gi zihiiri zia Isiraeli; kunangwa inzi, Yahova, ndizuliza kazozo avandu vange. 30Uviiki Urimu na Zumimu#28:30 Urimu na Zumimu: Yaga na mang'ana go Luheburaina; agaveeye kovora, “Amagina gu musaalisi atumikiraa kumanyia lienya anoho vulaliri vwa Nyasaye.” mu Isalamba, kunangwa Haruni azigingi lwa yaza imbiri wange. Ku zing'inga kuli yizi kuduuka yiviiki kazozo isalamba, kunangwa aduuki kumanyiriza vulaliri vwange ku avandu va Isiraeli.
Zinguvu zindi ziuvusalisi
(Kut. 39:22-31)
31“Iganza eveeye musi mwi kisibaho, kuduuka elombwe ku vwoya vwi irangi ya bulu. 32Kuduuka eve numuluhu gwukwingilizira mu mutwi, nu muluhu yigu kuduuka gove nulukigiti ulwavaswa kovodong'ana muluhu kunangwa luvuli kutanduka. 33Ku lukigiti lwayo lwa hasi uviiki ku vifwananyi via makuyu ga bulu girangi yu muzambarao kandi amakanyu; kukumberiza lukigiti; kandi vikuli vie zahabu hagati hago zimbega ziosi. 34Egengere yi zahabu kandi kifananyi chi likuyu lie zahabu, vilakumberiza ligemo lie gaanza. 35Kuduuka Haruni yiviiki iganza yiyi lwava natumikaa kuli musaalisi. Lwa yaza imbiri wange Havundu Hatakatifu, anoho lwa atulaa ho, zigengere zilakuba na sialiitwa mba.
36“Olombe kibale chi isahani kutura ku izahabu indahi kandi uvake kuyo eve, kuli muhuri, ‘Iviikiywi halovega kulwu vutumiki vwa Yahova.’ 37Ovohe imbiri we kelemba numugoye gwi irangi ya bulu. 38Kuduuka Haruni yiviiki ku vweni vwivwe, kunangwa Inzi, Yahova, nduuki kuvugilira vihaanwa viosi via avandu va Isiraeli vahaana ku inzi, kali niiva avandu valakola mahiolo mu lihaana liavo.
39“Unave lisadi lia Haruni kutura ku ikatani indahi, kandi olombe kelemba chiche ku ikatani indahi kandi musibi gunaviywi ku mangirinya.
40“Olombere avana va Haruni masadi, misibi kandi zikofia vaduuki konyoora vukumi kandi valoreke vulahi. 41Uviiki zinguvu yizi ziosi ku Haruni amwavo woovo na vayaayi veve. Maku uviiki makono kuvo kandi uvaviiki halovega ku livavaka maguta ga muzeituni; kunangwa vaduuki kundumikira kuli avasaalisi. 42Uvalombere zisuruhali kutura ku ikatani, ziuvutambi kutura mu kisindi kuduuka ku malu, kunangwa chahonyo chavo kivuli kololeka. 43Haruni na vayaayi veve kuduuka viviiki zisuruhali yizi kazozo lwa vazizaa mu Lihema liu kuvuganira mu, anoho lwa visunda ahimbi ku vwali kutumika kuli avasaalisi Havundu Hatakatifu, kunangwa vavuli kwitwa kigira kuva ni chahonyo. Yili liveeye lilago liukuhindira ku Haruni kandi visukululwi vivie.
Currently Selected:
KUTURA 28: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
KUTURA 28
28
Zinguvu zia Vasaalisi
(Kut. 39:1-7)
1“Ulage amwavo woovo Haruni harara na avana veve, Nadabu, Abihu, Elieza na Izamara. Uvavukanyie kutura ku avandu va Isiraeli kunangwa vaduuki kundumikira kuli avasaalisi. 2Lombera Haruni, amwavo woovo zinguvu ziu vusaalisi aduuki kololeka wuvukumi kandi mulahi. 3Laanga avasiza vosi ava mali kuhaana kuvo limanya novogeri kandi uvavoolere vanaviri Haruni zinguvu, kunangwa aduuki kusaalilwa kuli musaalisi mu vutumiki vwange. 4Uvavoolere valombe isalamba, kisibaho, chumusaalisi iganza, lisadi lianavirwa mu amangirinya, kelemba, kandi musibi. Gavadukiraa valombere amwavo woovo Haruni zinguvu ziuvusalisi harara na avayaayi veve, kunangwa vave avanyala kundumikira kuli avasaalisi. 5Avasiza zana valatumikira uvwoya vwi irangi ya Bulu, muzambarao, kandi inzakanyu; luvusi lwi zahabu kandi ikatani indahi.
6“Valombe kisibaho kutura ku zimbusi ziu vwoya vwirangi ya bulu, muzambarao kandi inzakanyu, luvusi lwi izahabu, ni ikatani indahi, inaviywi mu amangirinya malahi ligali. 7Kisibaho kilava ni migoye giviri ja kinyala kovohelwa ku mavega kandi kuhambanywa ku zinduru ziacho. 8Musibi gwanavwa vulahi kutura ku zimbusi zindala nzere kuduuka guhambanywe ku kisibaho, kunangwa golombe kedonye chikitambaya kilala. 9Uvuguli magina gaviri malahi ma ong'ode ku amita likomi na gaviri ga vana va Yakobo, 10kolondekana ni lilohiza lie livulwa liavo; amita sita ku ligina lilala, kandi sita ku ligina lindi. 11Wenye musiza wilimanya kuvaaza magina guvuguli kong'oda amita ga vayaayi va Yakobo ma ugaviiki mu vivohero viezahabu. 12Uviiki magina zana ku migoye jamavega ji kisibaho gave magina gukwizulizira ku zihiiri zia Yakobo. Munzira yiyi Haruni alagiinga amita gaavo ku mavega geege, kunangwa inzi, Yahova, ndizuliza avandu vange kazozo. 13Olombe vivohero viezahabu viviri 14kandi minyororo giviri jizahabu yavaswa kuli migoye na uhandizi minyororo zana ku vivohero.
Isalamba
(Kut. 39:8-21)
15“Olombere musaalisi munene isalamba atumikiri mu limanyiriza uvulariri vwange. Kuduuka elombwe ku vindu vilala viere kuli kisibaho, yirangi ya bulu, muzambarao inzakanyu kandi yikatani indahi. 16Gaduukanaa eve eneng'ani ku zimbega ziayo zine kandi yukulingwa mu haali kaviri; vutambi vwi zisendimita 22 nu uvugika zisendimita 22. 17Uviiki zimbaso zine zia magina guvuguli kuyo; mu luvaso lwukutanga, uviiki mu ligina liakanyu lie rubi, topazi, ni garineti. 18Mu luvaso lwa kaviri uviiki mu emeralidi, safira kandi alumasi; 19mu luvaso lwa kavaga, uviiki mu tarikwoisi, agetilisalaga, kandi amezisuto; 20na muluvaso lwakane, uviiki mu iberulo, ijaaza na ijasipi, gahandizwi muvigumiliru vie izahabu. 21Amita ga avayaayi va Yakobo likomi na gaviri galang'odwa ku magina likomi na gaviri kuva mu vogono vwi zihiiri likomi na ziviri zia Isiraeli. 22Kigira isalamba, olombe minyororo ji izahabu enzere, nivasiywi kuli migoye. 23Olombe zimingiri ziviri zie zahabu na uhandizi ku zikona zie igulu ziviri zie isalamba; 24kandi ovohe migoye ji zahabu ku zimingiri ziviri zana. 25Ovohe zisonga zie minyororo ja vaswa ku vivohero viviri na munzira yiyi ulajihandiza imbiri ku migoye jukumavega ji kisibaho. 26Maku, olombe zimingiri ziviri zie zahabu ma uhandizi ku zikona zie isalamba kundulu kwu mugati ahimbi ku kisibaho. 27Olombe zimingiri zindi ziviri zie zahabu kandi uzihandizi kolovega lwa hasi imbiri wi migoye jukumavega ji kisibaho ahimbi ku lukigiti kandi igulu wu musibi gwanavwa vulahi ligali. 28Ovohe zimingiri zie isalamba ku zimingiri zie kisibaho numugoye gwa bulu igulu wu musibi gwavaswa kunangwa guvuli kovoholoka.
29“Lwa Haruni yingira Havundu Hatakatifu, aliviika isalamba yiyi iyavazirwa mu amita gi zihiiri zia Isiraeli; kunangwa inzi, Yahova, ndizuliza kazozo avandu vange. 30Uviiki Urimu na Zumimu#28:30 Urimu na Zumimu: Yaga na mang'ana go Luheburaina; agaveeye kovora, “Amagina gu musaalisi atumikiraa kumanyia lienya anoho vulaliri vwa Nyasaye.” mu Isalamba, kunangwa Haruni azigingi lwa yaza imbiri wange. Ku zing'inga kuli yizi kuduuka yiviiki kazozo isalamba, kunangwa aduuki kumanyiriza vulaliri vwange ku avandu va Isiraeli.
Zinguvu zindi ziuvusalisi
(Kut. 39:22-31)
31“Iganza eveeye musi mwi kisibaho, kuduuka elombwe ku vwoya vwi irangi ya bulu. 32Kuduuka eve numuluhu gwukwingilizira mu mutwi, nu muluhu yigu kuduuka gove nulukigiti ulwavaswa kovodong'ana muluhu kunangwa luvuli kutanduka. 33Ku lukigiti lwayo lwa hasi uviiki ku vifwananyi via makuyu ga bulu girangi yu muzambarao kandi amakanyu; kukumberiza lukigiti; kandi vikuli vie zahabu hagati hago zimbega ziosi. 34Egengere yi zahabu kandi kifananyi chi likuyu lie zahabu, vilakumberiza ligemo lie gaanza. 35Kuduuka Haruni yiviiki iganza yiyi lwava natumikaa kuli musaalisi. Lwa yaza imbiri wange Havundu Hatakatifu, anoho lwa atulaa ho, zigengere zilakuba na sialiitwa mba.
36“Olombe kibale chi isahani kutura ku izahabu indahi kandi uvake kuyo eve, kuli muhuri, ‘Iviikiywi halovega kulwu vutumiki vwa Yahova.’ 37Ovohe imbiri we kelemba numugoye gwi irangi ya bulu. 38Kuduuka Haruni yiviiki ku vweni vwivwe, kunangwa Inzi, Yahova, nduuki kuvugilira vihaanwa viosi via avandu va Isiraeli vahaana ku inzi, kali niiva avandu valakola mahiolo mu lihaana liavo.
39“Unave lisadi lia Haruni kutura ku ikatani indahi, kandi olombe kelemba chiche ku ikatani indahi kandi musibi gunaviywi ku mangirinya.
40“Olombere avana va Haruni masadi, misibi kandi zikofia vaduuki konyoora vukumi kandi valoreke vulahi. 41Uviiki zinguvu yizi ziosi ku Haruni amwavo woovo na vayaayi veve. Maku uviiki makono kuvo kandi uvaviiki halovega ku livavaka maguta ga muzeituni; kunangwa vaduuki kundumikira kuli avasaalisi. 42Uvalombere zisuruhali kutura ku ikatani, ziuvutambi kutura mu kisindi kuduuka ku malu, kunangwa chahonyo chavo kivuli kololeka. 43Haruni na vayaayi veve kuduuka viviiki zisuruhali yizi kazozo lwa vazizaa mu Lihema liu kuvuganira mu, anoho lwa visunda ahimbi ku vwali kutumika kuli avasaalisi Havundu Hatakatifu, kunangwa vavuli kwitwa kigira kuva ni chahonyo. Yili liveeye lilago liukuhindira ku Haruni kandi visukululwi vivie.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019