KUTURA 25
25
Isadaka yi Lihema Litakatifu
(Kut. 35:4-9)
1Yahova yavolera Musa, 2“Volera avandu va Isiraeli vanombere kihanwa. Muvuguli vihaanwa viosi viu mundu ayaanza kuhaana. 3Vihaanwa yivi vilava: izahabu, ifeza, mugasa, 4ikatani indahi yi irangi ya bulu, muzambarao, vwoya vwakanyu, zinguvu zia lombwa ku vwoya vwi zimburi, 5visero viamagondi makore viavakwa irangi inzakanyu, visero vialombwa nizinyasi vulahi ni misaala ji kikuma, 6maguta gizitaya, maguta gukwivaka gafunyaa mwayu, ni kimuli kifunyanga umwayu, 7iberulo na magina gandi guvuguli agukuvikwa mu kisibao chu Musaalisi munene kandi ni isalamba. 8Kuduuka avandu vanombere lihema hatakatifu, kunduuki komenya hagati haavo. 9Olombe lihema yili harara ni viju vialio viosi kolondekana ni lilohiza lia ndikumanyia.
Lisandugu lie Lilagana
(Kut. 37:1-9)
10“Mulombe lisandugu kutura ku lubaho lwi kikuma, uvutambi vwa hasi vove zisendimita 110, nu vuvambalaru vove zisendimita 66, nu vutambi vwukuzia igulu vove zisendimita 66. 11Ulalikunika ni izahabu ligali kwigulu kandi mugati mwalio kandi ovodong'anyie kuzindulu ziosi ni izahabu. 12Olilombere zimingiri ziukungiraku zine zie izahabu ma uziviiki kuvirenge vialio vine, na mumbalu mwalio zimingiri ziviri kolovega lulala kandi ziviri kolovega Lundi. 13Olombe vigutu viukugingiraku kutura ku lubaho lwi kikuma ma uvivake izahabu. 14Kandi uvingilizi mu zimingiri ziveeye mumbalu mwilisandugu. 15Zitiru yizi zilalekwa zive muzimingiri zie lisandugu na zitatulizwa mu mba. 16Maku ulavika amagina gaviri ga malago gandikuha mulisandugu.
17“Olombe kikuniku chi zahabu indahi uvutambi vwacho vove zisendimita 110 nuvuvambalaru vove zisendimita 66. 18Olombe kandi vakerubi vaviri vi zahabu yaduywa. 19Vuli kilala keve kundulu kwi kikuniku. Uvilombe vihambane kunangwa vive kikuniku kilala. 20Okole vakerubi yava vahenzane ku kikuniku yiki ni zimbaha ziazio zilafuuma kikuniku yiki. 21Ulavika vidonye viviri viamagina gamalago musi mwilisandugu ma ulikuniki. 22Ndaamunyoora wene yeyo, na kutura igulu wikikuniku hagati ha Vakerubi viviri, ndamuha amalago gange goosi kigira vana va Isiraeli.
Emesa yu mugadi guhaanwa ku Nyasaye
(Kut. 37:10-16)
23“Olombe emesa kutura ku zimbaho zie kikuma, yu vutambi vwi zisendimita 88, nuvuvambalaru vwi zisendimita 44, nu uvutambi vwukuzia igulu vove zisendimita 66. 24Kuniki emesa yiyi nizahabu indahi ma uviiki kundulu kwayo izahabu. 25Olombe ulukigiti izahabu lugikumbilizi zimbega ziosi nalwo love zimilimita 75. 26Uzilombere kandi zimingiri zine zie zahabu nukuziviika mu zikona zine hivirenge viayo viveeye. 27Zimingiri zana zive ahimbi nulukigiti zigumiri misaala jigingaa emesa. 28Olombe misaala ji kikuma ukuniki ku nizahabu. 29Olombe zisahani, vikombe, zijagi, ni vituva viduuki kutumikilwa ku vihaanwa vie iwaini. Yivi viosi vilombwe nizahabu indahi ligali. 30Uviiki mugadi mutakatifu komesa na ugiviki imbiri wilisandugu lie lilagana, na komesa yiku koveku kazozo nu mugadi mutakatifu guhaaniywi ku inzi.
Kinaara chi Taya
(Kut. 37:17-24)
31“Olombe kandi kinaara chitaaya chizahabu indahi ligali. Olombe uvwikaliru vwacho nikigutu chacho vive muyinzi gwu muturi, vikombe viacho, matu gacho vimuli viacho, viosi vive kedonye kilala. 32Na kilava ni zisia sita zilalaanda kutura muzimbega ziacho, zivaga kutura kuvuli lovega lwacho. 33Vuli lulala ku zisia sita yizio lulava nivimuli vivaga via mauwa galombeywi kuli vimuli viu muzuliu mu zisia zindi, vivaziywi kuli kinaara chi itaya. 34Kigutu chi kinaara chi itaya gaduukanaa keve ni vimuli vine via mauwa vialombwa kuli vimuli viu musaala gwu muzuliu. 35Na kulavaku ni kisivu kilala isi wi zisia zivaga ku zisia ziosi zie kinaara. 36Na ivivula, ni zisia kandi kinaara vilava vuzwa kedonye kilala chizahabu iduyiywi. 37Uhambizi zitaya saba ku kinaara na uziviiki higulu ziduuki kong'ereng'ana imbiri wacho. 38Ivisiminyiru viacho, ni zisahani ziazio uvilombe ni zahabu indahi ligali. 39Utumikiri zikiloguramu 35 zie izahabu indahi ligali okokora kinaara chitaaya nivindu yivi viosi. 40Na ohenze vulahi kuvilomba kolondekana nilifana liavio lia ndaakumanyia mu kiguru.
Currently Selected:
KUTURA 25: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
KUTURA 25
25
Isadaka yi Lihema Litakatifu
(Kut. 35:4-9)
1Yahova yavolera Musa, 2“Volera avandu va Isiraeli vanombere kihanwa. Muvuguli vihaanwa viosi viu mundu ayaanza kuhaana. 3Vihaanwa yivi vilava: izahabu, ifeza, mugasa, 4ikatani indahi yi irangi ya bulu, muzambarao, vwoya vwakanyu, zinguvu zia lombwa ku vwoya vwi zimburi, 5visero viamagondi makore viavakwa irangi inzakanyu, visero vialombwa nizinyasi vulahi ni misaala ji kikuma, 6maguta gizitaya, maguta gukwivaka gafunyaa mwayu, ni kimuli kifunyanga umwayu, 7iberulo na magina gandi guvuguli agukuvikwa mu kisibao chu Musaalisi munene kandi ni isalamba. 8Kuduuka avandu vanombere lihema hatakatifu, kunduuki komenya hagati haavo. 9Olombe lihema yili harara ni viju vialio viosi kolondekana ni lilohiza lia ndikumanyia.
Lisandugu lie Lilagana
(Kut. 37:1-9)
10“Mulombe lisandugu kutura ku lubaho lwi kikuma, uvutambi vwa hasi vove zisendimita 110, nu vuvambalaru vove zisendimita 66, nu vutambi vwukuzia igulu vove zisendimita 66. 11Ulalikunika ni izahabu ligali kwigulu kandi mugati mwalio kandi ovodong'anyie kuzindulu ziosi ni izahabu. 12Olilombere zimingiri ziukungiraku zine zie izahabu ma uziviiki kuvirenge vialio vine, na mumbalu mwalio zimingiri ziviri kolovega lulala kandi ziviri kolovega Lundi. 13Olombe vigutu viukugingiraku kutura ku lubaho lwi kikuma ma uvivake izahabu. 14Kandi uvingilizi mu zimingiri ziveeye mumbalu mwilisandugu. 15Zitiru yizi zilalekwa zive muzimingiri zie lisandugu na zitatulizwa mu mba. 16Maku ulavika amagina gaviri ga malago gandikuha mulisandugu.
17“Olombe kikuniku chi zahabu indahi uvutambi vwacho vove zisendimita 110 nuvuvambalaru vove zisendimita 66. 18Olombe kandi vakerubi vaviri vi zahabu yaduywa. 19Vuli kilala keve kundulu kwi kikuniku. Uvilombe vihambane kunangwa vive kikuniku kilala. 20Okole vakerubi yava vahenzane ku kikuniku yiki ni zimbaha ziazio zilafuuma kikuniku yiki. 21Ulavika vidonye viviri viamagina gamalago musi mwilisandugu ma ulikuniki. 22Ndaamunyoora wene yeyo, na kutura igulu wikikuniku hagati ha Vakerubi viviri, ndamuha amalago gange goosi kigira vana va Isiraeli.
Emesa yu mugadi guhaanwa ku Nyasaye
(Kut. 37:10-16)
23“Olombe emesa kutura ku zimbaho zie kikuma, yu vutambi vwi zisendimita 88, nuvuvambalaru vwi zisendimita 44, nu uvutambi vwukuzia igulu vove zisendimita 66. 24Kuniki emesa yiyi nizahabu indahi ma uviiki kundulu kwayo izahabu. 25Olombe ulukigiti izahabu lugikumbilizi zimbega ziosi nalwo love zimilimita 75. 26Uzilombere kandi zimingiri zine zie zahabu nukuziviika mu zikona zine hivirenge viayo viveeye. 27Zimingiri zana zive ahimbi nulukigiti zigumiri misaala jigingaa emesa. 28Olombe misaala ji kikuma ukuniki ku nizahabu. 29Olombe zisahani, vikombe, zijagi, ni vituva viduuki kutumikilwa ku vihaanwa vie iwaini. Yivi viosi vilombwe nizahabu indahi ligali. 30Uviiki mugadi mutakatifu komesa na ugiviki imbiri wilisandugu lie lilagana, na komesa yiku koveku kazozo nu mugadi mutakatifu guhaaniywi ku inzi.
Kinaara chi Taya
(Kut. 37:17-24)
31“Olombe kandi kinaara chitaaya chizahabu indahi ligali. Olombe uvwikaliru vwacho nikigutu chacho vive muyinzi gwu muturi, vikombe viacho, matu gacho vimuli viacho, viosi vive kedonye kilala. 32Na kilava ni zisia sita zilalaanda kutura muzimbega ziacho, zivaga kutura kuvuli lovega lwacho. 33Vuli lulala ku zisia sita yizio lulava nivimuli vivaga via mauwa galombeywi kuli vimuli viu muzuliu mu zisia zindi, vivaziywi kuli kinaara chi itaya. 34Kigutu chi kinaara chi itaya gaduukanaa keve ni vimuli vine via mauwa vialombwa kuli vimuli viu musaala gwu muzuliu. 35Na kulavaku ni kisivu kilala isi wi zisia zivaga ku zisia ziosi zie kinaara. 36Na ivivula, ni zisia kandi kinaara vilava vuzwa kedonye kilala chizahabu iduyiywi. 37Uhambizi zitaya saba ku kinaara na uziviiki higulu ziduuki kong'ereng'ana imbiri wacho. 38Ivisiminyiru viacho, ni zisahani ziazio uvilombe ni zahabu indahi ligali. 39Utumikiri zikiloguramu 35 zie izahabu indahi ligali okokora kinaara chitaaya nivindu yivi viosi. 40Na ohenze vulahi kuvilomba kolondekana nilifana liavio lia ndaakumanyia mu kiguru.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019