KUTURA 21
21
Amalago ku Vatugwa
(Liz. 15:12-18)
1“Haana malago yaga ku vandu va Isiraeli: 2Niiva ugula mutugwa Muheburaina, alamutumikira kulwi mihiga sita. Mu muhiga gwa saba, kuduuka alakulwi kuva muvoholore vugira kutunga kindu choosi. 3Niiva yaali nakikiri umusumba lwagwa mutugwa winyu, sialavugula mukali lwava nazizaa mba; navuzwa niiva yaali niyaleeta mukali lwa yagwa mutugwa winyu, anyala kuzia harara nu mukali weve. 4Niiva munene weve yamuha mukali ma naamwivulira avana vayayi anoho avakaana, mukali harara na avana valava imiandu ju munene weve, nu musaza uyu alazia yeng'ine. 5Navuzwa niiva mutugwa uyu avoora havulavu ndi ayaanza munene weve, mukali weve, kandi avana veve na siyenya avohololwe, 6maku munene weve alamuhila havundu hukusigamira Nyasaye. Uwene yeyo alamusingiriza ku muliango anoho ku furemu yu muliango ma afuduli ugutu gwigwe nuluyali. Maku alava umutugwa weve mu livamwoyo lilie liosi.
7“Niiva mundu alaguliza mukaana weve kuli mutugwa, atavohololwa kuli avatugwa vikisaza mba. 8Niiva alagulizwa ku mundu wenyaa kumukola ave mukali weve, navuzwa avuli kuyaanzizwa naye, kuduuka yirane kugulizwa ku baba weve; munene weve sialamuguliza ku avageni mba, kigira umukoleeye agataduukana. 9Niiva mundu agula mutugwa wikikali ahe muyaayi weve, gamuduukira amulindi vulahi kuli mwana mukaana weve. 10Niiva mundu alaleeta mukali wa kaviri atagehiza viukulia, zinguvu anoho agadukanaa akolelwe mu lukali lwilwe mba. 11Niiva sialamukolera yaga goosi, gamudukira amuvoholore, na sialanyoola mutungu kutura kuye mba.
Amalago kigira vikolwa viukusalirizana
12“Mundu woosi uduyaa mundu wundi nukumwita, kuduuka yiitwi. 13Navuzwa niiva gaali amatava na siyaalalira kwiita mundu mba, anyala kwirukira havundu ha inzi mutovolera, na uwene yeyo alahona kutura mu vuhimwa. 14Navuzwa lwu mundu avihirirwa nukusaavira kwita wundi; gaduukanaa yiitwi, kali niiva wirukiyi kuvwaali vwange aduuki kwesoora.
15“Mundu woosi uduyaa baba weve anoho mama weve kuduuka yiitwi.
16“Mundu woosi uvugura mundu wundi kuzinguru kulwu kumuguliza anoho kumukola mutugwa weve, kuduuka yiitwi.
17“Mundu woosi ulaama baba weve anoho mama weve kuduuka yiitwi.
18“Niiva avandu vaviri valwaana na mundu mulala aduyi wundi niligina anoho nilikonde vugira kumwita, navuzwa amusalirizi nokomenya mu kitanda, 19maku mundu waduywa nasosa, na anyoore zinguru ziokogendela imbimbu, mundu uwamuduya alasaamifwa, nitali alatungaa kindu kolondekana ku ing'inga yoosi yu mundu oyo yalwala kandi nukumulinda kuduuka lwa alihona vulahi ligali.
20“Niiva mundu avuguraa imbimbu nukukuya mutugwa weve, ave musaza anoho mukali, ma mutugwa oyo akuzi, mundu oyo alahevwa amageri. 21Navuzwa niiva mutugwa oyo alava mwoyo ku lidiku lilala anoho gaviri, munene weve sialahevwa amageri mba. Ligotiza lie miandu jije liladuukana nilihevwa amageri.
22“Niiva avandu vasaza vakubana mavasalirizi mukali oveeye ninda ma mwana atuli navuzwa siasaliriziywi ku munzira yindi yoosi mba, mundu umusalirizi alatungizwa mitungu josi ju musaza wu mukali oyo ava niyenya, kolondekana nilitovola lia avakalagi. 23Navuzwa niiva mukali asaliriziywi, likalagirwa lilava livamwoyo ku livamwoyo, 24emoni komoni, liinu ku liinu, umukono ku mukono kandi kerenge kukerenge, 25kusamba ku lisamba, ingwagu ku ingwagu, ologoma kologoma.
26“Niiva mundu aladuya mutugwa weve musaza anoho mukali mumoni ma agotizi emoni yeeye, alamulakuula ave umuvoholore gave kuli mutungu gwemoni. 27Niiva alamutuliza iliinu, alamulakuula ave muvoholore liinu live kuli mitungu.
Amalago ku umwene mitugu
28“Niiva igiriki iladuya mundu musaza nulwiga maakuzi, anoho mukali maakuzi igiriki yeyo ilalaswa na magina, kandi inyama yayo silaliivwa mba; navuzwa mwene yo sialahevwa amageri mba. 29Navuzwa niiva igiriki yiyi yanala kuduuya avandu na mweneyo wavoolelwa, navuzwa siyaagevoha mba, ma iduyi mundu nukumwita, ilalaswa na magina, kandi mwene yo aliitwa. 30Kali ndio niiva mwene yo alavugilirwa kutunga mitungu kosola livamwoyo lilie, kuduuka atungi viosi via vamuteeva. 31Niiva igiriki iliita mutugwa muyaayi anoho mukaana, lilaga lilala yili lilakolwa. 32Niiva igiriki iliita mutugwa musaza anoho mukali, mweneyo alatungaa mwene mutugwa oyo vidonye vie ifeza salasini, na igiriki ilalaswa na magina kuduuka ikuzi.
33“Niiva mundu alatuliza kikuniku kuliliina anoho nayava liliina mavuli kulikunika, ma igiriki anoho ibunda igwi mu, 34alatungira mweneyo mutugu. Alatungira mwene yo mabese naye atigale nigiriki ikuzi yeyo. 35Niiva igiriki yu mundu mulala iliita igiriki yu wundi, avandu vaviri yava valaguliza igiriki itigaaye yiyi ma vagavulane amabese; kandi valagavulana zinyama zie igiriki ikuzi. 36Navuzwa niiva galamanyikana ndi igiriki yiyi yava muliiva liukuduya avandu na mwene yo siyagevohaa mba, kuduuka alatungaa mwene igiriki yeyo igiriki yindi eveeye mwoyo, navuzwa oyo alavugula igiriki imali kukuza.
Currently Selected:
KUTURA 21: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
KUTURA 21
21
Amalago ku Vatugwa
(Liz. 15:12-18)
1“Haana malago yaga ku vandu va Isiraeli: 2Niiva ugula mutugwa Muheburaina, alamutumikira kulwi mihiga sita. Mu muhiga gwa saba, kuduuka alakulwi kuva muvoholore vugira kutunga kindu choosi. 3Niiva yaali nakikiri umusumba lwagwa mutugwa winyu, sialavugula mukali lwava nazizaa mba; navuzwa niiva yaali niyaleeta mukali lwa yagwa mutugwa winyu, anyala kuzia harara nu mukali weve. 4Niiva munene weve yamuha mukali ma naamwivulira avana vayayi anoho avakaana, mukali harara na avana valava imiandu ju munene weve, nu musaza uyu alazia yeng'ine. 5Navuzwa niiva mutugwa uyu avoora havulavu ndi ayaanza munene weve, mukali weve, kandi avana veve na siyenya avohololwe, 6maku munene weve alamuhila havundu hukusigamira Nyasaye. Uwene yeyo alamusingiriza ku muliango anoho ku furemu yu muliango ma afuduli ugutu gwigwe nuluyali. Maku alava umutugwa weve mu livamwoyo lilie liosi.
7“Niiva mundu alaguliza mukaana weve kuli mutugwa, atavohololwa kuli avatugwa vikisaza mba. 8Niiva alagulizwa ku mundu wenyaa kumukola ave mukali weve, navuzwa avuli kuyaanzizwa naye, kuduuka yirane kugulizwa ku baba weve; munene weve sialamuguliza ku avageni mba, kigira umukoleeye agataduukana. 9Niiva mundu agula mutugwa wikikali ahe muyaayi weve, gamuduukira amulindi vulahi kuli mwana mukaana weve. 10Niiva mundu alaleeta mukali wa kaviri atagehiza viukulia, zinguvu anoho agadukanaa akolelwe mu lukali lwilwe mba. 11Niiva sialamukolera yaga goosi, gamudukira amuvoholore, na sialanyoola mutungu kutura kuye mba.
Amalago kigira vikolwa viukusalirizana
12“Mundu woosi uduyaa mundu wundi nukumwita, kuduuka yiitwi. 13Navuzwa niiva gaali amatava na siyaalalira kwiita mundu mba, anyala kwirukira havundu ha inzi mutovolera, na uwene yeyo alahona kutura mu vuhimwa. 14Navuzwa lwu mundu avihirirwa nukusaavira kwita wundi; gaduukanaa yiitwi, kali niiva wirukiyi kuvwaali vwange aduuki kwesoora.
15“Mundu woosi uduyaa baba weve anoho mama weve kuduuka yiitwi.
16“Mundu woosi uvugura mundu wundi kuzinguru kulwu kumuguliza anoho kumukola mutugwa weve, kuduuka yiitwi.
17“Mundu woosi ulaama baba weve anoho mama weve kuduuka yiitwi.
18“Niiva avandu vaviri valwaana na mundu mulala aduyi wundi niligina anoho nilikonde vugira kumwita, navuzwa amusalirizi nokomenya mu kitanda, 19maku mundu waduywa nasosa, na anyoore zinguru ziokogendela imbimbu, mundu uwamuduya alasaamifwa, nitali alatungaa kindu kolondekana ku ing'inga yoosi yu mundu oyo yalwala kandi nukumulinda kuduuka lwa alihona vulahi ligali.
20“Niiva mundu avuguraa imbimbu nukukuya mutugwa weve, ave musaza anoho mukali, ma mutugwa oyo akuzi, mundu oyo alahevwa amageri. 21Navuzwa niiva mutugwa oyo alava mwoyo ku lidiku lilala anoho gaviri, munene weve sialahevwa amageri mba. Ligotiza lie miandu jije liladuukana nilihevwa amageri.
22“Niiva avandu vasaza vakubana mavasalirizi mukali oveeye ninda ma mwana atuli navuzwa siasaliriziywi ku munzira yindi yoosi mba, mundu umusalirizi alatungizwa mitungu josi ju musaza wu mukali oyo ava niyenya, kolondekana nilitovola lia avakalagi. 23Navuzwa niiva mukali asaliriziywi, likalagirwa lilava livamwoyo ku livamwoyo, 24emoni komoni, liinu ku liinu, umukono ku mukono kandi kerenge kukerenge, 25kusamba ku lisamba, ingwagu ku ingwagu, ologoma kologoma.
26“Niiva mundu aladuya mutugwa weve musaza anoho mukali mumoni ma agotizi emoni yeeye, alamulakuula ave umuvoholore gave kuli mutungu gwemoni. 27Niiva alamutuliza iliinu, alamulakuula ave muvoholore liinu live kuli mitungu.
Amalago ku umwene mitugu
28“Niiva igiriki iladuya mundu musaza nulwiga maakuzi, anoho mukali maakuzi igiriki yeyo ilalaswa na magina, kandi inyama yayo silaliivwa mba; navuzwa mwene yo sialahevwa amageri mba. 29Navuzwa niiva igiriki yiyi yanala kuduuya avandu na mweneyo wavoolelwa, navuzwa siyaagevoha mba, ma iduyi mundu nukumwita, ilalaswa na magina, kandi mwene yo aliitwa. 30Kali ndio niiva mwene yo alavugilirwa kutunga mitungu kosola livamwoyo lilie, kuduuka atungi viosi via vamuteeva. 31Niiva igiriki iliita mutugwa muyaayi anoho mukaana, lilaga lilala yili lilakolwa. 32Niiva igiriki iliita mutugwa musaza anoho mukali, mweneyo alatungaa mwene mutugwa oyo vidonye vie ifeza salasini, na igiriki ilalaswa na magina kuduuka ikuzi.
33“Niiva mundu alatuliza kikuniku kuliliina anoho nayava liliina mavuli kulikunika, ma igiriki anoho ibunda igwi mu, 34alatungira mweneyo mutugu. Alatungira mwene yo mabese naye atigale nigiriki ikuzi yeyo. 35Niiva igiriki yu mundu mulala iliita igiriki yu wundi, avandu vaviri yava valaguliza igiriki itigaaye yiyi ma vagavulane amabese; kandi valagavulana zinyama zie igiriki ikuzi. 36Navuzwa niiva galamanyikana ndi igiriki yiyi yava muliiva liukuduya avandu na mwene yo siyagevohaa mba, kuduuka alatungaa mwene igiriki yeyo igiriki yindi eveeye mwoyo, navuzwa oyo alavugula igiriki imali kukuza.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019