KUTURA 10
10
Amaduywa gi Zisigi
1Maku Yahova yavolera Musa, “Zia olole Mwami kigira mali kumukola oyo harara na vatumikiri veve kudinyia mioyo jaavo, nduuki kokora vilolekizu hagati haavo, 2kandi munyi muladuuki kovoolera avana vinyu kandi visukululwi vienyu kuli ndakora vandu va Egebeti kololeka avasiru ulwandaakola vilolekizu hagati haavo. Na munyi mwosi mulamanya inzi mbeeye Yahova.”
3Kunangwa Musa na Haruni vazia ku Mwami nivavoora, “Yahova, Nyasaye wa Avaheburaina, avoora, ‘Ulasuula kwegehiza ku inzi kuduuka ng'inga ki? Leka avandu vange vazie kunangwa, vaduuki kusigamira. 4Niiva uzizagilira kusuura, ndaleta izisigi mu kivala chicho mugamba. 5Zilava zinyingi ligali kali zilakunika lirova liosi. Zilalia vuli kindu choosi chimbula yamagina yavula kwononyia, kandi zilalia misaala josi ijaamera mu milimi. 6Ziliizula munyumba yu vwami yooyo kandi mu zinyumba ziavatumikiri vovo vosi kandi ku avandu vovo vosi. Zilava zindamanu ligali kuvita kindu choosi cha avaguuga vinyu vavura kololaku.’ ” Maku Musa yatura hu Mwami yaali.
7Avatumikiri vu Mwami vamuvolera, “Mundu uyu alakukubiza kivi kuduuka ng'inga ki? Leka avandu va Isiraeli vazie, vaduuki kusigamira Yahova, Nyasaye wavo. Ukikiri kumanya ndi Egebeti imali kudiva?”
8Kunangwa Musa na Haruni vilanywa kandi ku Mwami, navavoolera, “Munyala kuzia na musigamiri Yahova, Nyasaye winyu. Navuzwa nivwaha avazizaa?”
9Musa yativura, “Kunyi kwosi kulazia, harara na avana viitu avayaayi na vakana, zimburi na magondi, ni zing'ombe kali na vasakulu viitu, kigira gakuduukiraa kolombere Yahova lisavo.”
10Mwami yavoola, “Inzi nzisuha ligali ku Yahova ndi sindaleka munyi muvuguli avakali na avana vinyu vazie mba! Galoleka havulavu ndi munyi muganaganaa kokora ikivihiri. 11Awa! Avandu vasaza veng'ine vanyara kuzia kusigamira Yahova niiva nigo agamwenyaa.” Harara nagene yago, Musa na Haruni vakuungwa kutura imbiri wu Mwami.
12Maku Yahova yavolera Musa, “Ginga mukono gugwo ku kivala cha Egebeti koleta zisigi. Zilaza na zilie vuli kindu choosi kemeraa mu mulimi, kali kindu choosi chatigara lwimbula yamagina yakuba.” 13Kunangwa Musa yaginga imbimbu yeeye igulu ku kivala cha Egebeti, na Yahova yaleeta imbuza yu kudiviza kutura Ivugwi nihuza ku kivala umbasu gwosi nu vudiku vwosi. Nivuchezaa mu mavwevwe imbuza yeyo yaleeta zisigi. 14Zisigi ziaza muvunyingi nizigwa kukivala choosi cha Egebeti. Ziali zisigi zinyingi ligali zikikiri kololeka ku, kandi izilivula kololeka ku kivala mba. 15Ziakunika ikivala choosi nikigwa ikisundi; zialia ikindu choosi cha magina gimbula gaaleka, harara ni misaala ja makuyu josi kali matu sigatigala ku mu kivala cha Egebeti mba.
16Maku, Mwami yalanga Musa na Haruni vwangu navoora, “Ndaamara kwona ku Yahova Nyasaye winyu kandi ku munyi. 17Kunangwa kalunu mwaza musamiihi uvwoni vwange ing'inga ndala vuzwa kandi musaale ku Yahova Nyasaye winyu atulizi mageri gi likuza yili ku inzi.” 18Musa yaleka Mwami nasaara ku Yahova. 19Yahova yaagirung'anyia imbuza enene yivugwi niitula imadioli nihuza zisigi ziosi nukuzihira mu inyanza Inzakanyu. Isigi kali indala siyatigala mu kivala choosi cha Egebeti mba. 20Navuzwa Yahova yadinyia umwoyo gwu Mwami, kandi siyaleka vandu va Isiraeli vazie mba.
Amaduywa gi Kisundi
21Kunangwa Yahova yavolera Musa, “Ginga mukono gugwo mwigulu, ni kisundi kenene chu kutihiza kiduuki kukunika kivala choosi cha Egebeti.” 22Musa yaginga mukono gwigwe mwigulu, na chaali ho kisundi kenene mu Egebeti mwosi ku lwa madiku gavaga. 23Avandu va Egebeti sivali vanyara kolola avache mba, mundu kali mulala siyatula munyumba yeeye ing'inga yeyo mba. Navuzwa vandu va Isiraeli vaali nuvulavu aha vamenya.
24Mwami yalanga Musa navoora, “Munyala kuzia kusigamira Yahova; kali avakali vinyu kandi na avana vanyara kuzia nimunyi. Navuzwa zing'ombe, magondi ni zimburi zienyu vilatigala hano.”
25Musa yativura, “Maku gakuduukiraa okohe mitugu jukuhaanira Yahova Nyasaye wiitu kuli vihaanwa ni zisadaka ziu kusambwa. 26Awa, kulavugula mitugu jietu harara nikunyi; kali mulala sigulatigala inyima mba. Kunyi aveene kulatovola jakunyala kutumikira ku lisigamira Yahova, Nyasaye wiitu. Lwa kuduuka yo, sikunyala kumanya ni mitugu ki jakulimuhaanira mba.”
27Yahova yadinyia mwoyo gwu Mwami, na siyaavaleka vazie mba. 28Yavolera Musa, “Tula imbiri wange! Utangola ndore ivi kandi mba! Lidiku liandikolola, ulakakuzi!”
29Musa yamutivulira navoora, “Ivi oveeye vulahi, siulandola kandi mba.”
Currently Selected:
KUTURA 10: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
KUTURA 10
10
Amaduywa gi Zisigi
1Maku Yahova yavolera Musa, “Zia olole Mwami kigira mali kumukola oyo harara na vatumikiri veve kudinyia mioyo jaavo, nduuki kokora vilolekizu hagati haavo, 2kandi munyi muladuuki kovoolera avana vinyu kandi visukululwi vienyu kuli ndakora vandu va Egebeti kololeka avasiru ulwandaakola vilolekizu hagati haavo. Na munyi mwosi mulamanya inzi mbeeye Yahova.”
3Kunangwa Musa na Haruni vazia ku Mwami nivavoora, “Yahova, Nyasaye wa Avaheburaina, avoora, ‘Ulasuula kwegehiza ku inzi kuduuka ng'inga ki? Leka avandu vange vazie kunangwa, vaduuki kusigamira. 4Niiva uzizagilira kusuura, ndaleta izisigi mu kivala chicho mugamba. 5Zilava zinyingi ligali kali zilakunika lirova liosi. Zilalia vuli kindu choosi chimbula yamagina yavula kwononyia, kandi zilalia misaala josi ijaamera mu milimi. 6Ziliizula munyumba yu vwami yooyo kandi mu zinyumba ziavatumikiri vovo vosi kandi ku avandu vovo vosi. Zilava zindamanu ligali kuvita kindu choosi cha avaguuga vinyu vavura kololaku.’ ” Maku Musa yatura hu Mwami yaali.
7Avatumikiri vu Mwami vamuvolera, “Mundu uyu alakukubiza kivi kuduuka ng'inga ki? Leka avandu va Isiraeli vazie, vaduuki kusigamira Yahova, Nyasaye wavo. Ukikiri kumanya ndi Egebeti imali kudiva?”
8Kunangwa Musa na Haruni vilanywa kandi ku Mwami, navavoolera, “Munyala kuzia na musigamiri Yahova, Nyasaye winyu. Navuzwa nivwaha avazizaa?”
9Musa yativura, “Kunyi kwosi kulazia, harara na avana viitu avayaayi na vakana, zimburi na magondi, ni zing'ombe kali na vasakulu viitu, kigira gakuduukiraa kolombere Yahova lisavo.”
10Mwami yavoola, “Inzi nzisuha ligali ku Yahova ndi sindaleka munyi muvuguli avakali na avana vinyu vazie mba! Galoleka havulavu ndi munyi muganaganaa kokora ikivihiri. 11Awa! Avandu vasaza veng'ine vanyara kuzia kusigamira Yahova niiva nigo agamwenyaa.” Harara nagene yago, Musa na Haruni vakuungwa kutura imbiri wu Mwami.
12Maku Yahova yavolera Musa, “Ginga mukono gugwo ku kivala cha Egebeti koleta zisigi. Zilaza na zilie vuli kindu choosi kemeraa mu mulimi, kali kindu choosi chatigara lwimbula yamagina yakuba.” 13Kunangwa Musa yaginga imbimbu yeeye igulu ku kivala cha Egebeti, na Yahova yaleeta imbuza yu kudiviza kutura Ivugwi nihuza ku kivala umbasu gwosi nu vudiku vwosi. Nivuchezaa mu mavwevwe imbuza yeyo yaleeta zisigi. 14Zisigi ziaza muvunyingi nizigwa kukivala choosi cha Egebeti. Ziali zisigi zinyingi ligali zikikiri kololeka ku, kandi izilivula kololeka ku kivala mba. 15Ziakunika ikivala choosi nikigwa ikisundi; zialia ikindu choosi cha magina gimbula gaaleka, harara ni misaala ja makuyu josi kali matu sigatigala ku mu kivala cha Egebeti mba.
16Maku, Mwami yalanga Musa na Haruni vwangu navoora, “Ndaamara kwona ku Yahova Nyasaye winyu kandi ku munyi. 17Kunangwa kalunu mwaza musamiihi uvwoni vwange ing'inga ndala vuzwa kandi musaale ku Yahova Nyasaye winyu atulizi mageri gi likuza yili ku inzi.” 18Musa yaleka Mwami nasaara ku Yahova. 19Yahova yaagirung'anyia imbuza enene yivugwi niitula imadioli nihuza zisigi ziosi nukuzihira mu inyanza Inzakanyu. Isigi kali indala siyatigala mu kivala choosi cha Egebeti mba. 20Navuzwa Yahova yadinyia umwoyo gwu Mwami, kandi siyaleka vandu va Isiraeli vazie mba.
Amaduywa gi Kisundi
21Kunangwa Yahova yavolera Musa, “Ginga mukono gugwo mwigulu, ni kisundi kenene chu kutihiza kiduuki kukunika kivala choosi cha Egebeti.” 22Musa yaginga mukono gwigwe mwigulu, na chaali ho kisundi kenene mu Egebeti mwosi ku lwa madiku gavaga. 23Avandu va Egebeti sivali vanyara kolola avache mba, mundu kali mulala siyatula munyumba yeeye ing'inga yeyo mba. Navuzwa vandu va Isiraeli vaali nuvulavu aha vamenya.
24Mwami yalanga Musa navoora, “Munyala kuzia kusigamira Yahova; kali avakali vinyu kandi na avana vanyara kuzia nimunyi. Navuzwa zing'ombe, magondi ni zimburi zienyu vilatigala hano.”
25Musa yativura, “Maku gakuduukiraa okohe mitugu jukuhaanira Yahova Nyasaye wiitu kuli vihaanwa ni zisadaka ziu kusambwa. 26Awa, kulavugula mitugu jietu harara nikunyi; kali mulala sigulatigala inyima mba. Kunyi aveene kulatovola jakunyala kutumikira ku lisigamira Yahova, Nyasaye wiitu. Lwa kuduuka yo, sikunyala kumanya ni mitugu ki jakulimuhaanira mba.”
27Yahova yadinyia mwoyo gwu Mwami, na siyaavaleka vazie mba. 28Yavolera Musa, “Tula imbiri wange! Utangola ndore ivi kandi mba! Lidiku liandikolola, ulakakuzi!”
29Musa yamutivulira navoora, “Ivi oveeye vulahi, siulandola kandi mba.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019